OPPA韓國燒肉店 (已結業)

今日黎左呢間食韓燒,可能今日出面比較亂既關係,所以冇咩人.咁就岩曬我啦,Lunch都唔食就係為左黎食你呀!!呢間係清潔方面都做我非常之好,每樣野都令令的,好乾淨!!店員提醒我地先唔洗點野食,等陣會先黎一盤俾我地先既~簡單黎講有幾款肉同蔬菜,款式唔算多,但因為多肉既關係,所以一定飽~我最鐘意佢地既豬頸肉,肥瘦均勻,自己燒仲可以張兩邊都燒到金黃色,令到個外皮好脆好香,入面舊肉又包住D汁!!仲有個美國牛小排,薄薄一片,容易入口~唔好燒太耐 咁就岩岩好嫩口!!記得仲要點下佢地既燒汁醬,特別夾嫁~食左咁多肉,當然要食返多D蔬菜類啦!!蔬菜款式都算多既,有牛油粟米,蕃茄,洋蔥,南瓜,翠肉瓜,雞脾菇等等,清下食太多肉既油膩感.原來每兩位就可以有一份熟食,我地就選擇左呢個"牛肋骨湯"嘩....估唔好咁好味呀!!有小小辣味,但奶味好重,仲有牛肋骨既肉好嫩,好彩既仲有到骨邊邊既膠,好正呀!!!材料十足......又補又好味~一定要叫呢個呀!!!

幾經辛苦終於黎到大埔呢間OPPA韓國燒肉店！今日咁岩呢邊有D麻煩，我幾個星期前已經訂定呢間好想食，咁岩就係今日，世界咁亂都無阻我黎食你！一間同事，朋友都大讚既韓式燒烤，最重要夠平，今次終於到我食啦！嘩。。估唔到個地方又幾大啵～最好就係門口仲可以泊車！呢到地方真係幾偏僻，但就岩曬呢D本身已經好出名既舖，佢呢到有幾款套餐，我選擇左個平既$188套餐，最初睇落好似好小野食，覺得有D唔抵，但食落就知味道～首先店員會過黎講解下，每人有一杯無酒精飲品，跟住鐡板上會有個長長既位置，店員放左小小既泡菜，在加蛋漿。原來呢個位係咁樣用既，哈哈～千其唔好燒太耐，蛋係會老嫁！我就鐘意水水地，所以等左幾分鐘我就食先啦～等左一陣店員就送上我最愛既無骨牛肋肉，嘩！！真係正到暈呀！肉質彈牙嫩口，肉味勁濃，呢碟野我真係叫左幾轉呀！最後俾我發現左一個驚天大美食，就係芝士加牛油粟米啦！！店員送黎既時候，我都好奇問佢點解係鐡碟既？係咪直接放上去燒？店員話唔係，直接倒落去，我非常之啞然，最後我發現，原來燒肉個個鐡兜既左邊有個兜兜仔，左右兩個好細既，原來就係俾我放呢D野落去燒！好細心呀～我先放牛油粟米，等牛油溶左之後就加小小芝士

約一班朋友聚會，一班男士去任食燒肉就啱哂 9:30之後同朋友去飲番杯食燒肉有$188任食！依家啲肉咁貴，一定食到回本啊每人有一罐飲品，如果想飲啤酒就另外加錢可以揀嘅飲品種類都幾多頭盤任食，最鍾意佢生菜可以任加除咗肉食之外，可以任燒牛油粟米，燒芝士，同埋泡菜蛋都最重要嘅肉食啦，講真，啲肉食質素好高，啲牛肉同埋豬肉都好夠味道，而且好香特別推薦豬頸肉同埋牛筋肉另外每兩個人可以有一個熱食，我哋揀咗真露煮蜆，質素相當高，除咗有顯肉之外，有幾舊魚豆腐，同埋白蘿蔔，仲有粉絲添而且最鍾意佢嗰個胡椒湯嘅味道，好暖胃，飲完好想繼續飲

Oppa 燒肉放題😍超大間鋪！唔洗驚有排等位👌🏻見有早鳥優惠😗@《早割/夜割 燒肉放題$188》有錢菜都肉類同埋蔬果都係任叫😌😌韓燒其中一樣我最鍾意食嘅就係泡菜蛋！小辣泡菜，半熟蛋！滑蛋質地係我最鍾意嘅！牛油粟米🌽！放喺側邊細細格燒！超級香甜🤤🤤🔥肉肉肉😍🥳美國牛小排、無骨牛肋肉、五花腩、豬頸肉 🔥上菜包你嘩嘩聲嘅擺盤😍😍美國牛小排！牛味好🤤🤤！肥瘦均勻五花腩超大條😋😋😋豬頸肉非常有咬口😽🔥蔬菜包括有南瓜、翠玉瓜、洋蔥圈、蕃茄同埋雞髀菇🥳🥳可以問店員拎牛油燒到兩面黃金🤤🤤🤤🤤食下啲蔬菜平衡下啲熱氣🤣另外兩款：牛肋骨湯同真露煮蜆唔會因為係放題，佢哋上菜就會慢啲等你食少啲！可以話係一點就有送上台！飽飽嘅一餐！

今日細妹生日，佢話想食韓燒，所以就揀左呢間想試好耐既OPPA！一入餐廳燒肉味道好濃，抽煙就一般般啦，不過食得韓燒都預左大味。星期五夜晚黎講都唔算好多人，但座位吾算好多，都係訂位比較好。我地六個人都吾係好大食嘅人，所以都係單點算啦。叫左一個和牛拼盤（$458），估計係3-4人份量，款式多，每款份量亦唔少，牛肉新鮮牛肉味濃，點少少鹽已經好香，油脂唔會話好多好油膩。食完個大拼盤唔夠喉，再叫左一個三國和牛拼盤($268)，有澳洲、日本同美國三個地方嘅和牛，店員話每款有80克。美國嘅比較韌，日本嘅肉質比較嫩油脂最多，澳洲牛肉肉味最濃，無咁油，我地覺得澳洲嘅最正！另外仲叫左五花腩，豬大腸，魷魚，海鮮豆腐年糕湯，泡菜煎餅（$68）同海鮮煎餅（$88）。推介海鮮煎餅，足足六大塊，又厚又足料，都幾飽肚。下圖嘅泡菜煎餅好薄，無泡菜碎，得少少泡菜味，普通。值得一讚嘅係生菜非常鮮甜👍🏻，店員好樂意幫你換燒烤板，我地無燒到任何食物焦黑，款款都多汁好味！整體黎講，食物質素都唔錯，六個人（兩個細食嘅）都係一千六左右，價錢又唔貴。如果大食嘅叫放題應該更抵，絕對可以回頭再試！

秋冬天氣，最適合打邊爐或者韓燒呢間韓燒店備受好評，決定同屋企人一齊嚟試吓！仲要試呢個$188放題餐，7:30pm前埋單就有呢個優惠！好抵任食呢兩款牛真是好抵！有美國牛小排同無骨牛肋肉！肥瘦比例剛剛好牛肉色均匀燒落時的牛肉香氣撲鼻啲牛油一路燒一路溢出我們最喜歡美國牛小排豬頸肉好爽脆！食極唔厭！五花楠的肥瘦合宜夾住生菜食好夾一定要讚呢個牛肋骨湯！足料唔再講！個湯好香甜細滑有濃濃的奶味又唔會蓋過牛的味道讚！

大埔人想食燒肉去邊度食好？🤨唔想下下走到出旺角銅鑼灣其實係區內都有個好好嘅選擇就係呢間oppa燒肉放題😮已經唔係第一次嚟呢間餐廳食飯就係因為質素高所以今次再翻兜👍🏻👍🏻今次去到佢哋仲做緊個優惠有個早割燒肉放題包四款肉類同埋前菜任食所以就試試佢啦肉類方面有牛肋肉同埋牛小排呢兩款肉各有各好先講講個牛小排牛嘅脂肪分布幾靚輕輕咁燒咗半分鐘就食得一咬入口成浸牛油爆出嚟好好食而牛肋肉脂肪冇咁多肉味較重都係好好食豬個方面呢有豬頸肉同埋食韓燒不能缺少嘅五花腩豬頸肉偏瘦嘅但都有咬口輕輕咁燒到佢脆身食五花腩就更加唔使講啦一半脂肪一半豬肉唔怕肥嘅真係要不斷encore🤤🤤🤤另外一定要叫佢個芝士燒配埋燒肉一齊食真係不得了！

呢日收工去左觀塘搵朋友食晚飯，多得佢介紹，佢帶我黎左間隱世樓上西餐廳入面既環境好寧靜，好適合收工過黎放鬆下餐牌我地叫左兩個set＃蔬菜湯首先黎個餐湯，酸酸地好開胃＃TOASTED BREAD＆STICKS好有誠意既前菜，我同朋友都好鍾意個醬～好好味＃檸檬香草焗海鱸魚正式開餐喇！我就叫左呢個海鱸魚賣相非常吸引～外脆內嫩，一路食一路散發住香草同檸檬既清香正呀！＃炭燒牛肩胛脊肉朋友就叫左個牛肉，一黎到就聞到好香既炭燒味牛肩算係牛比較軟既部位，好易入口！加埋Ｄ沙律菜真係好滿足＃初夏、玻曉我地叫左兩個特飲～初夏：Peach & Litchi玻曉：Coffee & Hazelnut & Baileys＃甜品：白朱古力忌廉泡芙呢個甜品好令人驚喜，好似食緊雪糕咁就算好飽都想食多粒～！

今日同男朋友都有得早收工，六點就返到大埔，好開心～見到oppa燒肉有19:30前離座$188燒肉放題，即刻趕去食啦！佢有四款任食烤肉—美國牛小排、無骨牛肋肉、五花腩同豬頸肉。另外仲有一客牛肋骨湯同真露煮蜆送，加每人一杯無酒精飲品，都真係幾抵！一黎就有3碟小菜，我最鐘意佢既芽菜，好鮮嫩好香，第一round唔使自己落單，佢全部肉都會送一次黎先，裝豬肉既盤係一隻豬，裝牛肉既盤係一隻牛，都幾有心思。同埋有我最鐘意既爐邊蛋！燒肉旁邊既烤雞蛋係最好味的～不過佢本身想落泡菜喺D蛋度（我食唔到辣），即刻叫停佢，因為就咁食爐邊蛋已經好好味。另外，佢個盤原來仲有一邊係烤粟米，一邊係烤芝士！個職員提醒我地D芝士唔可以烤太耐，烤左一陣就可以用黎沾肉食，好吸引！同埋佢個爐盤既設計係少少斜，將D油「琼」落下面，同我喺濟洲食既一樣，好細心。喺烤芝士既時間，烤左最愛的五花腩先，D肥肥超級香。沾埋芝士、醬汁、包埋生蒜同生菜，呢個生菜包真係無得彈。食完豬之後，就食下D熱食先（因為一開始D石鍋真係好熱），個蜆肉可以入味d，但個牛肋骨湯真係好惹味好香，發現將D蜆拆完肉之後就擺落個牛肋骨湯度食，更好味。跟住就食牛喇，未燒既時候

今日同朋友山長水遠去咗大埔試吓oppa燒肉，對於住喺講到嘅人來講真係幾遠㗎要喺太和仲要行多10分鐘先到。不過餐廳嘅設計都唔錯幾有韓國嘅風格，都係有啲抽煙同秋走同埋牆壁上面都有唔少漫畫，唔知仲以為去咗韓國燒肉餐廳。我哋就叫咗個和牛拼盤，有成六七款牛，當中除推介嘅就係黑毛和牛三角腩，相對上來講係比較肥少少嘅部位，食得出油香，仲都幾重牛味。如果嫌太肥膩仲有無限添嘅生菜泡菜可以包埋一齊食。朋友唔太鍾意食太油膩嘅佢就推介雪花腩片，相對上肉嘅比例會比肥膏嘅比例多啲，所以冇咁油膩。另外其實個拼盤仲有其他部位可以揀好似牛舌等等不過我都係鍾意食重油香多啲嘅。另外我都叫咗散叫唔同國家嘅和牛，有澳洲美國同埋日本我就最鍾意食日本嗰隻啦。

💁🏻‍♀️ OPPA韓國燒肉店 (大埔) 🍴-朋友系附近返工，所以特地搵佢食晚飯，揀左呢間韓燒店，意想不到地高質，食到超滿足🥰 本身有放題$188/位，都幾抵，但貪心嘅港女想試多啲野，所以就散叫啦。和牛3重滋味Set必叫！🐮包括來自三個國家嘅牛，份量都唔少，勁大血！A4日本國產和牛入口即溶、M6澳洲和牛肉質實淨、SPF美國和牛就夠牛味👍🏻👍🏻再加埋啲雜菜，好抵食鮮鮑魚（$178）原粒帶子（$138）價位較高，但係物超所值，鮑魚同帶子大粒又彈牙，加埋厚厚一層蒜茸燒，超惹味，店員又好細心咁幫我地加埋牛油，香到不得了韓式海鮮🦞湯（$88）+人蔘雞湯（$108）好好飲！！！石鍋上，夠曬熱，海鮮湯又有超濃芝士同海鮮味，加埋韓式年糕，好飲到停唔到口救命人蔘雞湯就超濃郁，啲雞煮到勁腍，飲完覺得好養生，唔錯！估唔到大埔啲餐廳都幾高質，下次會再來！/📍 OPPA韓國燒肉店 (大埔)

今晚收工經過大埔。想諗住食打邊爐。但見到間韓燒。太耐無食韓燒。朋友話想食韓燒多過打邊爐。三重滋味。日本國產和牛肉質嫩滑。燒上鐵板上更肉質湧出。入口溶化。肉味濃厚。口感溫和。M6澳洲和牛。肉質相比日本和牛脂肪不是太平均。但平時食開的m5已經合不了口。m6比扒的厚度適合。更入口亦是溶化美味可口。特別之處更嫩滑。SPF美國和牛。美國和牛尤如美國壯牛的豪邁。和牛肉質雖厚。但牛脂肪溶化出來。入口更特別豐富肉味更濃。比日本和牛更重牛味。豚肉泡菜石鍋飯。豚肉加上重醬汁味的味醬。更顯得成個石鍋飯的獨突香味。入口嫩滑。肉質彈牙。爽口醬鮮。石鍋飯將芽菜泡菜攪渾再配上豚肉醬汁。辣味濃郁。配上拌飯更相當益漳

之前响旺角分店食過，知道大埔都有一直都想黎試，大埔仲有早場任食，咁岩收早就黎試下，平日唔駛訂位都入到任食包4款肉，仲有野菜同小食都係任食的，幾好幾好，不過飲品只有一罐就.....一入座已經set好哂位，可以開始食餐前小菜，等肉黎之前又好快上左兩款熟食，有煮蜆同牛肋骨湯，兩樣味道都唔錯，但都係食住小小先就算終於等到肉類上場啦！一盤牛一盤豬，兩盤都大大盤我地先燒豬腩肉等出多D油，跟住就開始燒牛肉，牛肉都好厚身下，一燒就勁香牛味燒完肉就叫左一輪菜，食完菜先又再食肉仲有叫左份芝士燒，用黎點肉食勁夾，超好味上菜好快，個幾鐘頭完全夠輕輕鬆鬆食到飽！

因為呢排放假返左大埔，所以早幾日帶阿爸去食韓燒任食，去左oppa到試下。選擇左個4款肉任食，包括五花腩、豬頸肉、美國牛小扒同無骨牛肋肉。一坐下來就每樣都叫啲試下，另外佢前菜都係任食，啲泡菜唔太辣剛剛好，芽菜又咁清爽，兩樣都好正。首先到既係豬腩肉同豬頸肉，豬頸肉好爽，又入味，包生菜再加韓式醬，爽上加爽。豬腩肉就要燒耐啲，本來見到咁肥有啲怕，但估唔到燒完剪開一舊舊，脆卜卜，由於燒晒啲油出來，所以一啲都唔油膩，係驚喜大發現，仲好食過中式燒肉。再來的是牛肉，送到已經覺得肥瘦適中好唔錯，燒熟夾埋生菜同泡菜更野味。另外我們亦叫左個牛肋骨湯同真露煮蜆，個牛肋骨湯好濃郁，啲牛肉好淋，啲蘿蔔仲吸晒啲湯汁，好解渴。而蜆湯就好鮮甜，完全無沙，仲有幾塊魚膏，夠爽口。由於每人只包1罐飲品，我們選擇左cream溝鮮奶同柚子茶，食韓燒配韓式飲品，一流。

天氣開始轉冷，特別想吃熱騰騰的食物 ，今日來到大埔的烤肉店！早割優惠和任食和牛的套餐都非常吸引，但因為我們想試試海鮮和其他主食，我們最後決定散點。每一桌都會附上三款韓式小食、生菜和一客洋蔥蛋。先上一碟牛肉，有和牛、澳牛和美國牛肉，三款烤肉各有特色，和牛口感最軟腍，澳牛最有口感，而美國牛肉則牛味最濃。另外還點了什錦豬肉（$328），我最愛有豬腩肉和豬頸肉，用生菜包豬腩肉可去除油膩感，非常好吃。海鮮點了鮮鮑魚（$178）和原粒帶子（$138），兩者都很新鮮，尤其鮑魚！店員很熱心，主動幫我們在鮑魚上塗牛油，令鮑魚更加惹味。小食點了韓國炸雞（$38）、韓式海鮮湯（$88）、人蓼雞湯（$108）和4色什錦菜籃（$58），全部都很令人滿意呢