OPPA韓國燒肉店 (已結業)

黎到oppa韓國燒肉，掙扎左一陣，三重和牛set ，定係任食燒肉好呢？知道自己任食一定失控，都係叫個高質淨和牛set 啦~枱面放左韓式前菜、調味料、包菜。成個場個格局都好韓國，有抽煙管，播住韓國mv，好期待！呢set 和牛set係黎自三個國家: 美國、澳洲同日本。每款兩片。我鍾意燒香之後剪開，一半沾醬就咁食，另一半加上配菜、鹽、蒜，用菜包住食，好滿足！和牛油脂分佈平均，入口軟淋，肉味香濃 👍🏻👍🏻食到咁上下個泡菜蛋都熟了，食韓式點可以冇佢呢~除左燒肉，仲有好多野選！另外叫左韓式炸雞，炸粉厚左少少，不過肉都幾嫩。點埋個韓式辣醬幾香口~呢排好想食炸醬麵。朋友仔話幾好味，不過我就覺得一般，個黑豆醬同平時食開既唔太似，食得唔慣😂燒完聞下件衫，冇油煙味，正~~btw如果下次想食多啲燒肉，點佢既任食燒肉套餐真係好抵！