Oasis Corner (已結業)

呢日黎到呢間係觀塘呢間有輕食既鋪頭度買外賣番屋企食, 因為呢幾日都食得太多野, 所以想清清地,食D 唔係咁heavy 既野~ 一睇之下就發現呢間鋪頭既野食都唔錯, 所以就黎左買~ 雖然係輕食, 但係佢一D 都唔HEA, 賣相都好精緻, 令人充滿食慾! 我地叫左一個Set A 一個Set B, Set A 係韓式三文治, 佢係有D飯團包住好多料既咁食既~ 我要雞胸、炒蛋、蕃茄同生菜~ 食落真係好fresh 同埋好冇負擔,佢既雞胸係慢煮雞胸,食落完全唔鞋仲好嫩口~ 正! Set B 就係美式既選擇, 我叫左堅果包配黑毛豬~ 佢入面有勁多料, 又有菇,又有蛋同埋車厘茄個D, 食完真係覺得又飽又健康~ 平時想食一D健康既午餐或者晚餐都有D 難度, 又或者係好貴咁, 但呢間鋪頭價錢唔貴之餘又好味~ 每個星期既clean day都可以黎呢度食佢!

下午茶時間想係觀塘工廈區簡單叫啲輕食搵到依間oasis corner餐牌上嘅食物都係以健康食材為主仲係一間有營食肆 菜式都係以多蔬菜 少油份為主其實依加係街上都唔易搵到健康嘅餐廳雖然各種各樣嘅美食好吸引不過有啲都要比腸胃抖下 食健康清淡啲嫁我叫咗一份高營十足三文治有慢煮雞胸同黑毛豬各一件配菜係蕃茄、生菜同雞蛋雖然話想食輕食 但上到黎發現份量一啲都唔少嫁淨係睇烘底多士同炒蛋已經好厚實我自己一個食咗一份都飽飽地慢煮雞胸同黑毛豬都係無油選擇特別一讚雞胸咬落肉汁鮮香其實新鮮嘅食材簡單整個三明治已經可以好好食飲品方面我叫咗炭燒杏仁鮮奶咖啡第一啖入口係有種甘香味 杏仁味適宜唔算好濃厚 整體黎講易入口 亦都岩唔愛太多甜味嘅朋友最後 想講下小店嘅環境好鐘意牆上鮮豔嘅牆畫店內座位唔多 大約容納到十幾個人但整齊企理 係到渡過咗寧靜舒適嘅下午茶

今日早餐食得好豐富，到到食晏嗰陣都仲係覺得好飽，所以去咗公司附近一間食輕食嘅舖頭食午餐，餐廳其實都好多嘢揀，我揀咗個三文治配咖啡，餐廳主要食all day breakfast 、三文治、健康沙律、韓式飯團、咖啡….我食的高營十足三文治$68🥪，餐廳用咗慢煮雞胸🐓、黑毛豬🐖、炒蛋🥚、蕃茄🍅、西生菜🥬,如果以輕食來計其實都幾豐富，三文治嘅麵包焗得好香脆，餡料亦都好新鮮🫰🏻🫰🏻😋😋另外加錢叫左凍榛子咖啡，只要加$8，飲得出個咖啡沖得不錯🫰🏻

終於有得堂食 表示非常開心🥳今個weekend 同男朋友搵好嘢食 發現到呢間oasis corner 😎見到一門口有個corner 好吸引我眼球！🤩滿佈住twice chaeyoung既相同埋豬豬公仔 🐽蛋糕甜品櫃上面🍮仲有好多lulu 豬比我影相 📸️ 🐽非常可愛🥰 我跟男友點了1. 韓式三文冶- 高營十足三文治 🥪材料包括： 慢煮雞胸、黑毛豬 、炒蛋🍳 、蕃茄🍅、西生菜🥬）呢個三文治材料十分豐富！ 啲料好足😎簡直是爆餡💣個包係烘底 所以食落去都脆脆的！ 跟男友一人一半岩岩好🤗2. 黑松露蝦炒意粉🦐呢個意粉有4隻大蝦 都大大隻！同時仲有啲黃椒同紅椒一齊炒 😏風味十足！3. 炭燒杏仁鮮奶咖啡☕️男友表示有驚喜！ 特別推介呢杯咖啡😚佢話杯coffee 好順滑 👍有淡淡的杏仁香味 跟coffee 好夾！😝奶味好重🥰 佢仲話真係一試難忘😉4. 日本抹茶鮮奶咖啡🍵抹茶味好濃！唔係太甜 都幾好飲😘餐廳店員都好有禮貌同友善😉 下次更要試試佢啲甜品呀！

行完山超肚餓同bellofood母喺觀塘搵食⛰上網search到呢間位於工廈嘅爆餡三文治🤩有follow開都知bellofood最愛呢味🤣二話不說就決定去呢間🤪 -🥪高營十足三文治 $68烘脆嘅麵包夾著雞胸、黑毛豬、炒蛋、蕃茄同生菜真係超足料超厚超大份🤩 睇到都好治癒🥰慢煮過後嘅雞胸非常嫩滑👍🏻餐廳專登唔落牛油健康啲 食完都唔會有罪疚感🤪-🌞American Style $96呢度嘅All day breakfast好豐盛😆我地可以揀一款主食同包類 然後再有多款食物!包括蛋、煙肉、菇、腸、薯角、車厘茄、藍莓、沙律主食我地嗌咗慢煮牛柳(+$12) 佢非常嫩滑且軟腍 味道重牛味 值得加配!而包類我地揀咗黑麥包 佢入面有啲穀物同果仁所以頗有咬口 幾好味喎🍞😛-呢度嗌野食可以優惠價升級飲品!!🤩炭燒杏仁鮮奶咖啡(+6)係用鮮奶沖調🥛炭燒過後嘅咖啡好香!! Bellofood母好鍾意☕️而Americano + Lime (+$8)就非常清新!行完山飲真係爽啊🍋🤪

距離地鐵站好方便，行大概10分鐘之後就到👍🏼😚上到去已經有指示牌，帶你去！今晚係打算買外賣去海滂個邊食，無晚市😭入到去係小店嚟，仲要播好多正正廣東歌😚❤️開心！！見到餐廳價錢唔算貴咼^_^見啲人介紹飯團，今晚就叫咗個爆之蛋慢煮雞胸飯團 $68正咼！好特別！！佢係將啲餸放喺出面，用紫菜包住！！慢煮雞胸超嫩好juicy!!!一啲都唔似雞胸，好健康！而且佢啲米係糙米嚟！！！性價比高！！跟餐叫咗個碟豆花梳打🤣(+$10) emm!!無我想像中好味，後尾啲冰融左，有啲淡！！巴馬火腿蜆肉卡邦尼意粉 $78wahhhh好好食！眼睇好似好細，其實超大！食得好飽，仲要有蜆肉洋蔥火腿煙肉，好豐富！！飲咗桂花抹茶鮮奶👍🏼👍🏼有好少桂花味但係，抹茶高級，飲完唔會起痰，而且舒服😌

慢煮雞胸高營三文治🥪($58) 7.5/10三文治有慢煮雞胸、炒蛋、蕃茄🍅同西生菜，食落去好fresh 好新鮮🥬，而且炒蛋好厚亦都好嫩，食落唔會覺得好heavy👍🏻 麵包烘得脆身，牛油味都好香🧈，而雞胸肉有黑椒調味，食落咸咸地同好嫩滑🍗，如果肉嘅份量多少少會更滿足🙈帕馬火腿蜆肉卡邦尼意大利粉🍝($88) 7.5/10火腿、蜆肉同意粉份量都唔少，火腿亦都夠滑有鹹香味🥓意粉食落都有彈性同埋都重卡邦尼味，整體同所想差唔多🤣柚杯梳打/炎炎夏日🍹(+$10) 8/10反而梳打有驚喜，兩杯都酸酸甜甜，係柚子同檸檬嘅味道，兩杯都冇藥水feel，而且仲會飲到柚子果肉，幾清新☘️Extra comment🖍•店入面啲裝修都幾特別，好多喵喵🐱同豬仔🐽嘅元素

Oasis意思是綠洲或樂土，Oasis Corner 應該是鬧市中的樂土的意思吧。讓繁忙的香港人有個安逸的角落，並提供美味的食物，幫疲憊的身心充滿了電，又有一番作為。👍座落在工廈裡的餐廳，畫滿了日式前衛漫畫，讓人看到未來的影像，充滿對遠景的幻想。民以食為天，還是吃最重要。選擇兩個重量級大餐，一個美式餐和一個秘製牛柳芝蛋三文治，加兩杯拿鐵。咖啡☕先來，裝在精美圖案的杯子裡，內在味和外在美都兼備，比得上大酒店的咖啡。👍兩個餐緊隨送到，美式餐內容豐富，食材新鮮，排位講究，顏色美艷，一個餐裡有十多種食材，均衡了營養，滿足了口腹。😍秘製牛柳三文治，嫩滑的牛柳加上雞蛋芝士，滿滿的鑲在烤香的麵包🍞中，吃得非常滿足。😋

作為三文治控既小編，點會放過韓式三文治呀😍😍小編今次係openrice落單，用左openrice外賣自取優惠價，叫左份韓式三文治-黑毛豬三文治🥪，單點價40蚊，加2蚊仲有杯tall size ☕️熱飲tim, 唔係熱檸茶熱檸水咁簡單，而係café 有既飲品，例如americano, cappuccino 等等，咁小編就叫左杯latte, 好飲既，奶味偏重，鍾意鮮奶🥛既朋友會鍾意。份黑毛豬三文治即叫即整，所以要啲時間。材料有黑毛豬🐷，車打芝士🧀，新鮮生菜🥬同蕃茄🍅，麵包仲要有熱烘過既格仔紋，食落脆卜卜，而且黑毛豬有幾層，份量唔少，又夠飽肚，係lunch既輕食之選。小店地方唔大，堂食大概有10個位左右。但佢地好有心機喎，自己設計埋logo，而且連紙杯都印埋自家製logo😂 係幾charm既，係打卡able既。@oasiscornercafe_0416🚲🚲🚲🚲🚲🚲🚲🚲🚲🚲🚲🚲🚲🚲🚲🚲🚲🚲🚲🚲Ranking (5分為滿)卡路里爆標程度: 😈😈Cheat Meal 推薦程度: 😍😍😍😍

《外賣系列》🍽Oasis Corner 大家都知觀塘嘅工廈係美食天堂，不過依家夜晚好多餐廳都冇開，今日想嚟買啲嘢食返屋企食，見到呢間以輕食為主嘅Oasis Corner仲有營業，就揀咗佢喇🤩🤍爆芝蛋慢煮雞胸飯團（$68）雖然只係外賣，但係賣相一樣精美，仲有少少擺盤～飯團一份有兩件，女仔當晚餐都已經夠飽。特別欣賞佢地嘅飯團雖然已經有好多餡料，好似蛋、蕃茄、雞胸， 本身已經落足料，但係飯都加咗啲飯素入去，令到佢嘅味道更加豐富！雞胸方面，雖然佢嘅份量唔算多，但係就一啲都唔會嚡熠熠，仲幾好食添～🤍日本桂花抹茶鮮奶（+$2）只需要加兩蚊就可以跟餐配埋細杯嘅熱飲，選擇都唔少！我揀咗呢杯桂花抹茶鮮奶，桂花味唔算突出，但係就有好香濃嘅抹茶味，加埋鮮奶感覺好細滑，亦都唔算太甜☺️📍觀塘成業街19-21號成業工業大廈4樓16室@oasiscornercafe_0416

餐廳裝修比較有特色樓上店舖嘅，我行錯咗去隔離嗰度🥲所以大家睇地圖要小心啲！韓式三文治、全日早餐、韓式飯團、健康沙律、意大利麵等等嘅選擇令我朋友有啲驚喜嘅👍🏻黑松露蝦炒意粉因為真係好濃郁嘅黑松露味道彈牙新鮮嘅鮮蝦👍🏻全日早餐配帕馬火腿及牛角包 👍🏻黑松露蝦炒意粉～佢哋嘅全日早餐真係超級豐富車厘茄、大啡菇、炒蛋、煙肉、自製薯角、肉腸、藍莓、沙律菜慢大啡菇烤得啱啱好夠Juicy沙律菜夠晒健康又好味😋香芋鮮奶同埋士多啤梨鮮奶淡淡士多啤梨同埋香芋嘅味道

今日嚟到觀塘做嘢，順便可以發掘下呢一區嘅隱世美食！🔖慢煮雞胸高營三文治💰58呢款三文治嘅餡料有慢煮雞胸、黑毛豬、蕃茄、生菜同炒蛋☺️一個三文治有齊肉同菜，感覺都幾健康😌由於雞胸係慢煮嘅關係，所以食落去一啲都唔會嚡，而黑毛豬帶有少少鹹味，整體配搭唔錯😋炒蛋夠香嫩，而且仲好厚身添🤩三文治烘到香脆，而且仲可以見到一啲金黃色嘅坑紋，望落去都覺得吸引啲🤪💫推薦指數: 8/10🔖日本桂花抹茶鮮奶💰+2 (套餐加配價)抹茶鮮奶就飲得多啦，桂花抹茶鮮奶你又有冇飲過呢？😙抹茶味道香濃又夠突出，但同時冇掩蓋咗桂花嘅清香味，兩者平衡得好好😆甜度方面亦都處理得恰到好處！重點係！只需要加$2就可以有一杯咁高質嘅嘢飲，一定要試😍💫推薦指數: 9/10

今日去咗試呢間餐廳見到有好多人推介💕叫咗兩個餐+2杯飲品_主食叫左黑松露蝦炒意粉🦐一煮出嚟已經覺得超香！好香黑松露味！😋啲蝦都好爽口睇落份量唔算多但其實食落都好足夠_高營十足三文治🥪見好多人都是呢個三文治三文治有好多材料成個配搭好夾Hot Summer 炎炎夏日🥤Fresh Grapefruit + lime幾開胃幾好飲成個感覺好fresh 👍🏻_桂花抹茶鮮奶🍵第一次見到覺得好特別所以叫咗🤪有淡淡嘅桂花香味個人好鍾意❤️

Hidden in an industrial building in Kwun Tong, but it’s easily accessible by MTR - just 3-4 minutes walk away from the MTR station. It’s a tiny shop but the wall paintings or graffitis are great. Their menu is very simple and obviously they are promoting a healthy diet. Seeing the alluring, super thick egg sandwiches photos on OpenRice, of course I am here to order that. I ordered chicken n pork n egg sandwich. Not having very heavy taste, sp it’s very refreshing and healthy to have a sandwich l

今日晏晝去咗觀塘工廠大廈搵食🏭 俾成業工廠大廈門口嘅呢個廣告燈箱吸引咗😮 Logo係一隻貓同埋豬仔 真係好可愛啊🐷黑松露蛋配啡菇三文治三文治嘅麵包烘到好脆口🍞 餡料方面有黑松露炒蛋 大啡菇 西生菜 番茄 望到已經好吸引🍄 黑松露炒蛋入面真係有好多松露 配埋調咗味嘅大啡菇粒 每一啖都好滿足🥰American Style All Day Breakfast一向All Day Breakfast都係以材料豐富 品種繁多見稱 材料有車厘茄 藍莓 沙律菜 大啡菇 炒蛋 煙肉 腸仔 自製薯角🥔 麵包方面可以選擇牛角包或者堅果包 我地揀咗牛角包🥐 肉類方面仲可以有七種選擇 我地就揀咗慢煮雞胸🐥 個人覺得自製薯角幾特別 每片到係三角形薄片 而且味道辣辣地 🌶 慢煮雞胸每一片都好嫩滑 配埋少少沙律醬 味道唔會好寡日本抹茶鮮奶咖啡抹茶味道好濃郁 飲到一半依然滿口抹茶粉🍵 咖啡味道反而冇咁突出泡沫咖啡呢杯奶味比較重 第一啖飲落去泡沫好滑☕️店舖環境同店名Oasis 相映成趣 真係好似一片綠洲 等食客可以喺呢度放鬆身心🙊 店員服務亦都好好 好似一間家庭式經營嘅Cafe🤤