113
1
0
港鐵觀塘站 B2 出口, 步行約4分鐘 繼續閱讀
電話號碼
64669138
營業時間
今日營業
11:00 - 18:00
星期一至三
09:00 - 19:00
星期四至五
09:00 - 20:00
星期六
09:00 - 18:15
星期日
11:00 - 18:00
付款方式
AlipayHK 支付寶 現金
其他資料
Wi-Fi
酒精飲品
自帶酒水
電話訂座 詳細介紹
外賣服務
加一服務費
當面支付
食評 (115)
等級4 2022-03-03
642 瀏覽
今日晏晝去咗觀塘工廠大廈搵食🏭 俾成業工廠大廈門口嘅呢個廣告燈箱吸引咗😮 Logo係一隻貓同埋豬仔 真係好可愛啊🐷黑松露蛋配啡菇三文治三文治嘅麵包烘到好脆口🍞 餡料方面有黑松露炒蛋 大啡菇 西生菜 番茄 望到已經好吸引🍄 黑松露炒蛋入面真係有好多松露 配埋調咗味嘅大啡菇粒 每一啖都好滿足🥰American Style All Day Breakfast一向All Day Breakfast都係以材料豐富 品種繁多見稱 材料有車厘茄 藍莓 沙律菜 大啡菇 炒蛋 煙肉 腸仔 自製薯角🥔 麵包方面可以選擇牛角包或者堅果包 我地揀咗牛角包🥐 肉類方面仲可以有七種選擇 我地就揀咗慢煮雞胸🐥 個人覺得自製薯角幾特別 每片到係三角形薄片 而且味道辣辣地 🌶 慢煮雞胸每一片都好嫩滑 配埋少少沙律醬 味道唔會好寡日本抹茶鮮奶咖啡抹茶味道好濃郁 飲到一半依然滿口抹茶粉🍵 咖啡味道反而冇咁突出泡沫咖啡呢杯奶味比較重 第一啖飲落去泡沫好滑☕️店舖環境同店名Oasis 相映成趣 真係好似一片綠洲 等食客可以喺呢度放鬆身心🙊 店員服務亦都好好 好似一間家庭式經營嘅Cafe🤤 繼續閱讀
(以上食評乃用戶個人意見 , 並不代表OpenRice之觀點。)
等級4 2022-01-27
476 瀏覽
今日跟同事培訓完已經兩點多,還未食午餐,一於在附近食埋先回家。同事一向喜歡去工廈搵食,他今次就帶我嚟到這間小小咖啡室。門口貼滿餐牌,但不用心急,入去坐低先慢慢睇。內裏裝潢好有心思,牆身色彩繽紛,好吸晴,還有是貓咪和豬仔的組合,表情可愛得意,難道店主很喜歡這兩種動物?地方不算大,兩人枱和四人枱各兩張,還有一張面向牆的吧枱,可坐四人,而枱旁就放了一些賀年禮盒出售。看看餐簿,有多款飲品供應,而食物就有全日早餐和午餐,選擇不算多。午餐就有三系列,包括韓式飯團、健康沙律、意大利粉/珍珠米。******************我中午多數輕食,這份有營食肆餐牌的菜式就岩晒我。五款選擇中揀了健康沙律配黑松露蝦 Healthy Salad ($78),成品有沙律菜、車厘茄、青瓜、藍莓、大啡菇、蛋及黑松露蝦,另配有一盒沙律醋汁。嘩!一打開蓋,色彩繽紛的食材配搭,見到就令人胃口大開。雜沙律菜、車厘茄和青瓜都好新鮮清爽,淋些酸咪咪的醋汁就更醒胃。藍莓就酸酸地,又係醒胃之選。大啡菇切成細細粒,雖然睇起來無咁吸引,但吃落爽口入味。最喜歡是煎蛋,煎得好靚仔之餘,生熟程度又岩岩好,邊位有啲焦香脆口,一咬開就流出蛋汁,連蛋白都滑溜,滿有蛋香,正!還有黑松露蝦,共有四隻,隻隻都爽彈,而黑松露的份量亦岩岩好,無搶咗蝦的味道。******************同事揀了一份高營十足三文治($68),嘩!相當有份量,見大大份就開心share啲俾我。麵包印有金黃的坑紋,邊位微脆,中間夾了有咬口的慢煮雞胸和黑毛豬,仲有厚厚的炒蛋、清爽的蕃茄和西生菜,有肉有菜,營養豐富。張大口咬一口,好滿足!*****************各款午餐都可加錢配不同的飲品,我揀了杯細熱香芋鮮奶 Hot Taro Latte(+$2),入口暖笠笠,口感豐厚綿密,味道香甜,淡淡的芋香,最驚喜是內有些粉綿的芋泥,加分!同事要提提醒,點了杯細熱日本抹茶鮮奶咖啡 Hot Matcha & Espresso Fusion (+$2),見到有心形拉花圖案,賣相吸引過我嗰杯。他話咖啡味香濃,亦嚐到抹茶的甘苦,不錯。---------------------------以前我都經常捐窿捐罅去工廈搵食,但近幾年就真係少了,可能身邊多了喜歡搵食的朋友仔,有他們帶我周圍食,覺得仲幸福得多。 繼續閱讀
(以上食評乃用戶個人意見 , 並不代表OpenRice之觀點。)
觀塘呢間Cafe都幾有heart 有自家壁畫 又設計埋自家logo🐷🐱唔話你豬三文治🥪好豐富!有慢煮豬扒 炒蛋 蕃茄 生菜女仔食半份其實都有d飽豬扒唔算十分juicy 但唔乾 夾埋個醬汁同d菜幾開胃🤗塊包烘過之後帶點香脆 但唔係會𠝹口嗰種 係加分位✨爆芝蛋慢煮雞胸飯團🍙係早排好流行嘅韓式摺疊飯團又係好足料😌自己食哂一個係肯定會好飽的慢煮雞胸真係幾入味 肉質算幾滑芝士唔係爆哂出黎嗰種 所以唔會膩融喺d蛋汁入面係impress嘅😎但我放耐左先食 搞到紫菜淋左🤦🏻‍♀️伯爵茶盒子蛋糕🍰店入面嘅甜品款式不定~賣完就無呢款盒子蛋糕伯爵茶味好清香 cream唔會好厚重 所以底層嘅蛋糕唔會整到淋哂伯爵茶控表示十分滿意☺️跟餐叫左杯桂花matcha latte同草莓牛奶Matcha latte第一啖真係有桂花味 但之後就比超濃嘅抹茶味蓋過左 茶味唔苦澀 唔過甜 不錯🍵草莓牛奶嘅味唔係好人工甜嗰種 酸酸甜甜 都係不錯👍🏼小店經營 人手點都有少少不足 落單整野都兩個人一腳踢 預左要比d耐性~但好彩食物質素都交到功課😌 繼續閱讀
(以上食評乃用戶個人意見 , 並不代表OpenRice之觀點。)
等級4 2022-01-25
219 瀏覽
最近經常嚟觀塘搵食,因為呢區真係有好多隱世小店,好值得嚟發掘一下。今次就揀左成業街呢間主打輕食同外賣到會嘅 art café「Oasis Corner」。餐廳嘅裝潢好吸引,牆上壁畫以可愛嘅小肥豬同俏皮嘅貓咪為主題,色彩繽紛艷麗,令人賞心悅目。先睇下餐牌,有韓式三文治、全日早餐、韓式飯團、健康沙律、意大利粉及珍珠米飯等供應,選擇都幾豐富。點左個美式全日早餐配慢煮雞胸及牛角包 ($96) 同 一客黑松露蝦炒意粉 ($78),所有套餐 +$2 可配細熱飲。份美式全日早餐真係好足料,有車厘茄、大啡菇、炒蛋、煙肉、自製薯角、肉腸、藍莓、沙律菜,慢煮雞胸同牛角包。如果想再豐富啲,仲可以額外加錢配牛油果或車打芝士等。肉腸大條富肉汁,惹味。大啡菇烤得好香口、雞胸煮得幾滑,配埋沙律菜營養夠晒均衡!估唔到連伴吃嘅牛角包都咁出色,外層嘅酥皮好鬆化,入口充滿牛油香。至於客黑松露蝦炒意粉亦做得好有水準,意粉嘅熟度同入味程度掌握得恰到好處,每條麵吃起來都充滿松露與蒜香。蝦隻肉厚爽甜、入口彈牙味鮮。套餐 +$2 可配細熱飲,點左香芋鮮奶 同 榛子鮮奶咖啡,香芋鮮奶嘅口感好綿滑,帶淡淡芋香。鮮奶咖啡味道亦唔錯,微甜又帶榛子香,好飲! 繼續閱讀
(以上食評乃用戶個人意見 , 並不代表OpenRice之觀點。)
呢一餐食我好滿足, 因為十分之感受到廚師既用心製作!餐廳係位於工廈既位置, 門口比較不起眼,但係食物質素係十分之有驚喜!一入到個舖頭就見到一個好可愛嘅logo,有隻豬仔同一隻貓仔。跟住進入眼簾係牆身大幅度,用色十分之鮮艷的一幅壁畫,畫中都係有貓貓,豬豬,喺一個好舒服嘅沙灘度享受,呢幅畫我都欣賞咗好耐! 同老闆閒談之間,佢有透露係搵咗一位紋身師傅去畫嘅,而且個牆身係可以貼磁石,因為佢哋油油嗰陣時加咗一啲磁石粉落去,好有趣!我哋嗌左一個「話你唔豬三文治」+一個American Style 首先嚟嘅係美式早餐,佢嘅擺盤好豐富,好靚,色彩好繽紛!個牛角包好鬆軟,外層好脆,好新鮮,好食!有幾塊新鮮焗嘅薯仔角,用咗新鮮嘅薯仔,口感係有少少爽口嘅質感,整體都香!跟住食嗰個雞胸肉,超級好食!個雞胸係好滑好滑,感覺完全想像唔到雞胸肉係可以做到咁滑! 佢嘅味道係有少少鹹,亦都有少少油份! 但係我問咗老闆,佢冇加油,係本身雞胸自帶嘅油分,做得真係好好,呢個我真係好欣賞, 好好味!個雞蛋整得啱啱好,食到中間個位係仲有少少雞蛋汁,整體好香蛋味!跟住有個煙肉包住一啲切碎左嘅大蘑菇,大蘑菇本身都好香,都煎得唔算油跟住個煙肉呢,係幾肥。佢嘅油份算比較多,因為我係鍾意食肥膩野嘅人,所以我覺得好好食!跟住再伴有一啲新鮮嘅沙律菜,整體成份早餐真係好豐富,味道亦都好好,營養亦都夠,呢個早餐我同朋友都讚口不絕!跟住嚟咗個「唔話你豬三文治」,可愛的名字!佢嘅豬肉係慢煮豬肉,跟住再加左一啲黑椒輕微煎一煎個外層,整體個口感好清,唔肥膩。選用左少少肥肉邊嘅豬扒,好好食,唔太肥膩,但係好夠味道!中間既豬肉唔肥, 但唔會做得乾身, 勁!跟住再夾雜一啲雞蛋、蕃茄,同生菜,口感好豐富。而且佢個包外層係烘過嚟,烘得岩岩好,所以夠脆身!呢個包食到好飽。跟左兩杯嘢飲, 一個嗌左凍嘅香芋鮮奶,第一啖飲落口甜度適中,唔太甜,奶味夠,芋頭味都香,飲品嘅底部有好多嘅新鮮芋頭粒,芋頭粒甜甜地,粉身,一啖鮮奶一啖芋頭蓉,好好飲!朋友嗌咗杯草莓朱古力鮮奶,呢個口感比較特別,有三種口味,飲完一啖飲到朱古力同草莓味,跟住啲奶味就會出嚟,好特別!都唔錯嘅! 食完成餐真係好滿足,好開心,因為食物質素好高,同埋非常之感覺到佢哋製作食物時嘅用心,每一樣細節都做得好好!再加上嗰個壁畫都好吸睛,好靚!呢一間餐廳我十分之推薦!我自己亦都會再幫襯! 繼續閱讀
(以上食評乃用戶個人意見 , 並不代表OpenRice之觀點。)