Nun Desserts Cafe

營業中

休息中

冇去韓國一排有D掛住韓國D甜品 所以就去左呢間韓式甜品店食甜品🍮 之前朋友已經話過呢間的甜品貌相真係好五錯 今次就決定要試下招牌韓式士多啤梨雪奶💕士多啤梨雪糕配上士多啤梨，食落去口感都幾幼滑 但係我同朋友都覺得上面既cream有點過甜同膩 所以最後都冇食到D cream🧐另外仲叫左tiramisu窩夫😆 窩夫食落去都好軟熟 整體黎講都五錯 😂

👭Nun Desserts Cafe (旺角)👭韓式鋒芒果露黃金雪奶 $6838第一眼見到餐牌寫「雪奶」仲以為係咩特別野😛但原來只係韓國既雪花冰🤪成碗雪奶既構造係：最底層係少量煉奶➡雪冰➡切粒芒果➡芒果雪糕➡芒果醬。雪冰係用牛奶刨出黎，可惜奶味唔重，唔講以為純水🙈由於芒果當造期係5-8月，所以每粒都好鮮甜😁配埋啲冰一齊食會吊到少少奶香味。雪糕口感偏實，間中咬到芒果粒。最後芒果醬太甜，帶有強烈既濃縮劑味道😵令整體感覺變得有d奇怪。其實呢碗雪奶CP值有啲低，不過38暫時都未係香港搵到一間好食既韓式雪花冰店鋪🙈唯有將就下啦推薦度：6/10🏠旺角通菜街119號地舖🕐Mon-Fri 3:00pm-2:00am Sat-Sun 1:00pm-2:00am

我想講e間甜品舖真係垃圾係每一方面都垃圾首先，環境方面。地下係十分污糟而且張枱係勁臭（我覺得係塊枱布問題）另外，食品問題 我琴日就食左個tiramisu 軟雪糕d雪糕一拎出黎就融仲滴左落我到。而且佢有粒士多啤梨做擺設 係完全唔match仲好酸其次就係侍應質素。我等左15分鐘入到黎，睇左menu大概5分鐘。想落單舉手幾分鐘都可以冇人理。好啦 我當佢睇唔到 我再叫唔該，佢地都係冇反應。之後我朋友就望一望個場 佢地竟然係入面玩手機（一個男仔就企係到眼似睇場，不過係到聽緊message、另一個女仔就直接坐低趴左係張吉枱到）大佬呀 我明翻工辛苦玩下手機坐下放鬆下ok fine 不過你都要係放鬆同時理到d客啦

本身今日同友人行完旺角 炎炎夏日友人提議食雪冰 見網上呢間嘅食評唔差 打算試試佢 點知一到門口就勁多人 本身認為嗰質素應該好好先吸引到咁多人嚟食 但事實係令人白目 一開始坐底近門口位 已經無乜冷氣 出面仲要咁熱 啲位又迫又唔舒服 難為我哋係出面等咗咁耐 點知入到嚟原來仲要等仲耐 叫咗碗雪冰同杯嘢飲 碗雪冰一上到嚟同圖片出入超大 份量少不在話下 外表完全不吸引 打下卡嘅心情都無 之後杯嘢飲等咗超過二十分鐘 店員話幫我哋跟一跟 點知嗰回覆係要繼續等 一肚火之下我取消咗佢 一定無下次 千奇唔好比佢嗰外表呃到 完全感受唔到所謂嘅韓式所在 甜品帶人幸福 呢間甜品帶人一肚火就真

自從幫襯過一次韓式雪奶之后, 念念不忘, 於是乎星期日又去朝聖.一入到餐廳好似去咗中環, 十圍枱有七圍枱係賓賓印印! 好好彩係一大群賓賓印印中都搵到位坐.坐底就好似被一大班女圍!  (^0^)今次挑戰自己, 試試一個人食加大嘅雪奶, 點芒果味, 睇吓食唔食得哂!結果...... 係失敗!失敗唔係因為肚腩無位, 係今次食得出好重奶味! ~~>_<~~上次份量細, 雪奶味唔爭氣, 所以芒果味可以蓋過奶味.今次好明顯雪奶份量較多, 結果太多牛奶味, 芒果味無定企!對於唔受得奶嘅我黎講, 食超過一半已經算叻!如果受得到奶, 雪奶絕對.... 好味! 啱哂你!

夏天食甜品好去處全部冰都好吸引想食咩味都有😂今日食左榴連味啖啖榴槤 好正🥰如果中意食榴槤就一定要試下！除左綿綿冰底 仲有雲尼拿雪糕同小丸子小丸子份量都幾多一個人食既話 飽😂

第四次來吧，每次都試不同的雪奶。因為有人唔知什麼是雪奶，專程帶他來試下。今次點了咖啡王子香濃雪奶 和 藍紅寶石鮮雜莓雪奶 咖啡粉很濃，苦口的味道滲入口腔，若配雪糕吃會比較甜苦適中，感覺就像#先苦後甘 ，#苦盡甘來的味道 鮮雜莓漿偏甜，混合雪奶吃剛剛好。不過可能因為冷氣不夠，所以雪奶的溶化速度比我之前幾次來的快很多。還沒吃到一半，碗底已經溶化了。。把幸福吃進肚子里 #吃甜點就是幸福 #享受每一刻的幸福❤️ #enjoythenight #enjoythetimeyouhave #worklifebalance

 哩間甜品店發現多時,但每次都係直行直過無心幫襯,因為門口經常企滿客等位,再加上天氣悶熱,我怕未等到位已經要 call 車入院.今次經過發現無人係門口等位, 入面又有座位, 再加上冷氣強唔太熱, 於是吸引咗我入去幫襯.打開個餐牌好多都係奶類制品, 我唔多受得奶味, 牛奶雪糕已經係極限, 所以重點搵一D水果味甜品雪奶, 最後點咗一個芒果黃金雪奶同Tiramisu 雪奶.由於芒果味重, 食完芒果味再轉食 Tiramisu 已經完全食唔出 Tiramisu 味, 完全蓋過哂, 所以重點寫芒果味.首先.... 有一點一定要俾大大個 like! 其實我都有制冰經驗, 而經驗所知哩D雪糕極快溶, 我已經慢慢食, 個甜品再吹正冷氣, 都唔會極速溶化, 神奇!當然…. 溶得慢其中一個功臣係隻碗都要放入雪櫃雪凍佢, 摸摸隻碗, 有冰感, 估中!先試試只食雪奶, 完全食唔出奶味喎! 唔通雪奶唔係用奶做? 對我黎講噤重好添!總之, 食唔出奶味就 okay 啦!雪奶嘅口感比一舊舊嘅雪糕幼滑得多, 雪奶加上芒果味道更加出, 芒果味極重, 今次食嘅芒果帶甜, 唔係酸嘅品種.食完之后深深明白點解門口經常企滿客, 希

第三次光顧呢間甜品店，喜歡吃韓式的甜品，尤其係雪奶，個感覺好正，平時唔食奶的我都覺得好好味咖呢。入口即融的那種感覺，淡淡的香味，陣陣透心涼，夏天吃簡直是大快人心。今日來到試新口味，白桃草莓雪奶，適逢呢個季節開始興桃子，所以我就選了她。試新嘢通常都需要膽量的，幸好我喜歡試新嘢。點知覺得中伏，比平時有的款式的味道差好多，只有幾片白桃,配一支草莓的雪條感覺怪怪的，味道像吃士多啤梨的吹波糖味。我更喜歡之前吃的orea味。因為有最低消費，所以額外加了一個小丸子和紅豆，比想像中失色，味道也比想像失望。

今年夏天嘅溫度實在太高，普通嘅冰凍糖水已經消唔到暑😩 不過係通菜街有一間韓式嘅雪奶甜品店，聽落都feel到冰涼😆過咗食飯時間，門口開始多人排隊，我哋早來，大概等左5分鐘左右就入到啦🥰入到去諗都唔使諗就叫了限定嘅薄荷朱古力雪奶😃😃😃😎 大家亦都可以再加$18加大份量，或者追加唔同嘅點綴食物🥳 個人認為兩個人食嘅話唔使加大都OK💪🏽 話到明係雪奶，店家就附上煉奶一小碗俾你淋落去🤪 （我個人唔係食太甜，所以就冇加到）除咗我今次食嘅雪奶之外，呢度仲有好多美輪美奐嘅甜品，我下次一定會返嚟試第二款🤣🤣—————————— 食物質素：7/10 環境衛生：7/10 舒適度：7/10 服務：6/10 性價比：7/10 總評分：6.8/10 ——————————#foodblogger #foodlover #foodie #hkfoodie #相機食先 #旺角

打算甜品當正餐😋晚上八點半左左到餐廳唔洗排隊 店員都幾多但格調好local 我以為入錯左松記😂叫左兩個小食兩個雪奶刨冰小食芝士年糕冇咩味 唔建議點炸雞鎚ok 但好似脆香雞翼仲好食少少刨冰～因為佢係雪奶 係牛奶冰 加埋煉奶 正！我點的係綠茶紅豆雪奶 有一球綠茶雪糕一放枱面球雪糕就搖搖慾墜朋友想移位影下相隨即碌左落枱店員好好 即刻拎入廚房卑過球雪糕我又幫手清理枱面宜家好多餐廳都唔會咁主動幫手架啦特別甜品鋪如果突然勁想食雪花冰我都會再去😋

我們一行二人，由於有Apps有得便，同埋天氣咁熱當然想食啲涼浸浸嘅嘢😎所以就試了這間韓式甜品舖。可能係日頭所以就唔多人，分別叫了兩款甜品：宇治金時紅豆雪奶，不論係賣相同味道都係值得取人氣No.1👍🏻；另一款Tiramisu窩夫,這款賣相和味道都有些失望，因為tiramisu 不夠濃，窩夫不夠脆

同朋友行左一晚街，已經夜晚12:40，打算食個甜品先返屋企。網上搵嘅呢間鋪因為收2:00am，所以就行過去坐低。店員話8:00pm後每人最低消費40，所以我地5人叫左4杯飲料、一個甜品。我地12:59落單，坐左15分鐘，一樣野都未上，於是催左一次單。到1:20am，野飲陸續上黎。賣相還好，所以影左相就開始飲。我飲嘅係海洋荒島（荔枝味），一啖飲落去，哇，完全同飲白糖水無分別，甜到唔敢再試第二啖。而友人的另外三杯飲料，韓式荔枝梳打特飲、士多啤梨鮮奶、蜜瓜鮮奶同樣超甜，完全無法飲。芒果奶油雪糕吐司同樣難食，吐司底唔脆、糖漿味道差。最後吐司食剩四分一，飲料每杯都剩四分三，實在絕頂難食。

端午正日，天氣酷熱難耐，在附近吃過午餐，想起這間之前來吃過甜品，印象甚佳的韓式甜品店，決定來個飯後甜品，消暑降溫。原本想吃的，是餐牌上指名限定供應的「櫻花白桃草莓雪奶」（$68），但侍應說沒有，便退而求其次，點了「荔枝芒果雪奶」（$68）代替。賣相漂亮，外圍舖滿切粒芒果，頂上綴以四顆圓潤飽滿去核荔枝肉的「荔枝芒果雪奶」，荔枝汁液澎湃，芒果味美香甜，下點適量的煉奶在幼細雪白的雪花冰上稍添甜味，讓分甘同味的我與太太頓感暑氣全消，甜意滿載。原來這天是今年最熱的一日，氣溫接近33度，幸好有這 「荔枝芒果雪奶」為我降溫，舒服多了。

天氣悶熱, 愛吃刨冰透心涼。見限量供應的櫻花白桃草莓雪奶, 粉色吸睛, 外表討好, 想必味道不差。而且雪條像是韓國出品, 沒多想便點了。櫻花白桃草莓雪奶 $68首先品嚐雪條, 質感爽口, 味道不錯, 沒想過最美味的竟是它。刨冰作為主角是令人失望的部份。刨冰無味, 像喝冰水, 面層灑滿味粉, 味道甚淡。幸好店舖提供了煉奶, 總算有味道。忌廉質感不滑且實, 吃了一口感膩滯, 是另一敗筆。白桃薄切, 比較乾身, 沒有juicy的感覺, 甚為失望。