Nun Desserts Cafe

營業中

休息中

一經旺角，人來人往，炎炎夏日都咪話唔係嘢喇，仲要戴住口罩，汗水緩緩流下，勁想避開啲人潮去避暑，突然見到一間好似幾正嘅甜品店，有冰販賣，入去避一避暑頭先咁熱，唔係唔整返碗雪奶呀嘛？成碗都好綠，一睇就知好足料，眼見上面舊雪糕溶緊落嚟，睇嚟煉奶都可以慳返，一定好夠味食落去，雪奶好夠奶味，加上杏仁，中和咗成件事冇得去韓國賞櫻，味留低飲返杯櫻花沙冰囉，打卡呃like一流啦呢杯認真好有夏日色彩，齋睇樣都降溫呀裡面仲有兒時會食嘅海豚軟糖，好懷念呀食完成個人都好鬼凍，呢間避暑中心的確好使

呢排愈來愈熱，真係要偶然食下冰先得！係旺角有間主打韓式雪奶既甜品鋪，其實由幾年前由韓國大熱帶過泥香港時，我就已經同媽咪去食過，好鍾意雪奶既質感比較幼細，唔會好似就咁冰粒咁，食落去凍得泥又少少刺痛~..今次再去，叫左🍧韓式焦糖脆脆雪奶，雪奶最上面搭配了一大球的焦糖雪糕，望下去，就是一座冰山似的雪奶，雪奶旁邊就鋪滿了粟米片脆脆，再加埋忌廉，賣相好可愛！一如既往，雪奶既口感冰凍得泥又質感好幼滑好細緻，但又唔會太甜。店員會另外附上一小樽仔既煉奶，俾你淋在雪奶上，增加口感同豐富個味道！鍾意重口味既朋友可以叫店面再幫你加煉奶。揀左呢款，係因為反而想食返原味果種既奶香，所以無揀到其他特別口味，例如紫薯、水果類別的士多啤梨、芒果或蜜瓜，同OREO、朱古力、抹茶及咖啡口味等～...食完唔少得再每人叫杯野飲🤪 我自己就叫左🍹海洋荒島(荔枝味)，杯飲品一來到，好吸晴呀！係藍色海洋的顏色，再搭配雲呢拿雪糕，清新的荔枝味梳打般，仲配有一粒藍色鯊魚糖😆 好趣緻! 唔錯唔錯~拎住杯飲品打卡也很不錯😇..友人叫左🥭芒果沙冰，芒果肉好足料好多，沙冰同奶一齊打得好幼滑，口感好豐富，滿滿既濃郁芒果味🤤🤤爽呀!! 透心涼又甜

可能因為我係水瓶座啦，好多人見親我都話我好開心，從來未見過你失落個樣。其實…唔開心果陣唔通又話你知咩，擺係心到姐，不過有D野其實要拎得起放得，第二朝訓醒咪又係一條好漢囉。又或者搵一D方法自癒，令自己笑下，再唔係搵朋友幫手，一齊大癲大肺，當然除左笑之餘，食甜野亦係最易令人開心返既，就好似今晚係旺角呢間「Nun Desserts Cafe」，夏日炎炎整返杯雪奶，乜野煩惱都唔見哂，爽呀！👇📌한국식 · 빙수 · 샤벗트 - ▪ 마카롱 · 셔벗 - $72▫ 首先必試佢地既人氣招牌雪奶之一既「韓式白雪幻彩馬卡龍雪奶」，面頭有舊細size既macaron插係周圍，而成個雪奶好似一座冰山咁，賣相好夢幻。雪花冰口感好冰爽，加上雪糕質感細滑，又唔會太甜膩，同時又食到macaron鬆脆既口感，呢種層次真係好豐富，亦係我鍾意食韓式雪奶既原因！📌한간식 · 스낵 -▪ 두리안 · 치즈 타르트 - $25/件▫ 另一款新推出既小食「榴槤芝士撻」幾有驚喜，芝士撻面有少少焦糖化既效果，咬落鬆化之餘仲相當香脆；餅皮焗得岩岩好，所以唔會過腍，裡面既芝士呈半凝固狀態，口感幼滑之餘，鹹香感仲十足。再加埋榴槤既主題，成

一到夏天就即刻想食冰🧊 咁梗係要幫一幫襯黃店啦，一入門口就見到大大塊連儂牆！💛⁣⁣韓式甜蜜蜜麻糬雪奶⁣記得之前喺韓國食過一次呢個雪奶，然後就一試難忘🥺 麻糬➕黃豆粉=💯 可惜個冰唔夠綿，而且牛奶味好淡，有少少失望😢 不過鋪頭都俾左d煉奶我哋倒落去撈埋食～⁣⁣邪惡香蕉Oreo雪奶⁣雪奶面層鋪滿Oreo碎，仲有大量香蕉添，而且底層都有煉奶同oreo，就咁食都幾夠味，如果鍾意食甜啲嘅朋友都可以加埋煉奶一齊食😋⁣

韓式雪花冰曾經喺香港紅極一時 開到通街同巷但近年一間接住一間都執曬 😩而家應該執剩呢間（？）超鍾意食韓國黃豆粉麻糬冰嘅🐭🐷表示超傷心所以次次去韓國一定會狂食果間連鎖店Sulbing 😋.🐖🐖《韓式甜蜜蜜麻糬雪奶》$58 🐖🐖個名改到咁fancy 其實就係黃豆粉麻糬雪奶😂除左黃豆粉同韓式麻糬年糕之外 配料有杏仁粒、杏仁片同埋煉奶而且個雪奶可以揀甜度 我就揀左少甜 減低個罪惡咁阿嗎🤫.黃豆粉份量適中 而且個雪奶有小小溶 一齊食入口唔會濁親～而且個麻糬年糕（即係睇韓劇/綜成日提到嘅「dok」唔錯我好鍾意dok嘅原因係 佢比日式蕨餅/台式麻糬硬身d 但又好煙韌 貪佢可以咬多幾啖😚.個份量唔多但都要$58 小貴🤔同埋味道梗係不及Sulbing啦不過疫情期間無得去韓國 唯有食下Nun解下思鄉之愁🥺.❣️🐭總評分🐷❣️味道：7/10服務：7/10環境：6/10ENCORE：🤔

又邪惡一下啦🤭🤭 估唔到晚晚12:00都未關 消夜有得食雪冰 正😆整體黎講佢嘅冰底加咗奶 另外仲會配花奶 自己加 所以淨係食過冰底都好正 好想一口接一口韓式綠寶石香甜蜜瓜雪奶 $68鐘意食蜜瓜 佢啲蜜瓜好甜😍 比較起黎fresh啲 個雪糕係煙煙韌韌嗰種 好味過草莓嗰個cream韓式特級香滑醉人草莓雪奶 $68上面有啲cheese cake 雪得好實 加埋啲棉棉冰好正😆 比起蜜瓜嘅話 我鐘意呢個多啲 個味夢幻啲 奶味都夾啲 而且嗰時我哋4個人食2個都夠 一開頭佢俾咗個細嘅蜜瓜雪奶 同佢講返要大 佢就送多個細嘅俾我哋😂

Nun desserts cafe📍.近日天氣變得愈黎愈熱☀️食完晚飯食個冰凍既甜品簡直係人生樂事😌近日途經旺角搵食見好耐都無試過呢間就入去幫襯一下.🍨韓式魔鬼orea碎碎雪奶（$68）甜品如其名 真係好邪惡面層鋪上大量orea碎 仲有原塊餅乾🍫加埋曲奇雪糕 好好食🍦食到一半會發覺中間會有一層係Oreo 餅碎 而底層就係煉奶🍼材料好豐富 唔洗擔心食到一半裡面就好dry店家仲好貼心有額外既煉奶附上🥛如果鐘意食好甜既朋友仲可以再加煉奶.總體而言 甜品味道都唔錯為夏日消暑黎講實為一個好好既選擇🏆價錢雖然唔算平 但都幾足料間中邪惡一下都無壞呀🤤.人均消費：$68美味指數：😋😋😋😋😋😋😋（7.5/10）抵食指數：💰💰💰💰💰💰💰（7/10）打卡指數：📷📷📷📷📷📷📷（7/10）.店名：Nun Desserts Cafe (旺角)地址：旺角通菜街119號地舖

#撐黃店 天氣咁曬咁熱，最啱即刻去食番個冰❄️解下熱呀！！綿綿冰不嬲都好鍾意食，但係平時嗰啲都係刨出嚟，韓國呢種冰真係冇得頂！好綿入口即溶😍😍😍.ʜᴏɴᴇʏᴅᴇᴡ ᴍᴇʟᴏɴ sʜᴇʀʙᴇᴛ🍈今次叫咗一個蜜瓜味試吓，賣相超靚❣️蜜瓜相當之甜，綿綿冰本身唔算好甜，加埋煉奶就啱啱好😍😍👍🏻👍🏻成個口感好rich好夾❤️.

🍧 韓式綠寶石香甜蜜瓜雪奶新鮮嘅蜜瓜肉好甜, 仲有淡淡蜜瓜味嘅綿綿冰同上面嘅牛奶雪糕🤤 底下嘅綿綿冰整得好幼細, 入口即溶, 不過味道比較淡唔夠味, 所以食呢個甜品嘅時候要加提供嘅煉奶! 加左之後嘅味道先夠濃, 所以記得要加煉奶 (果次同朋友食唔夠用, 仲問左侍應添🤪) 尤其鍾要食甜嘢嘅朋友記得加煉奶😆✿🍧 D24榴槤白雪丸子雪奶榴槤控去幫襯一定要order呢個甜品, 因為榴槤肉同綿綿冰都有好濃郁嘅榴槤味, 好似真係食緊榴槤!!😍 相比清甜嘅蜜瓜雪奶, 呢個榴槤雪奶就算唔加煉奶嘅味道都好濃郁好夠甜, 當然加左又會有另一種感覺, 不過小妹覺得今次可以加少啲😛雖然佢嘅價錢比平時嘅甜品貴, 但係加左唔少榴槤肉, 大大碗, 都算係真材實料架👍

食完飯想食甜品揀左間冰黎食. 呢間店主打食韓冰, 有好多種生果既冰選擇, 叫左兩個韓式宇治金時紅豆雪奶, 好大碗, 一個人係食唔晒. 賣相顏色幾靚, 啱打卡用. 密瓜味既雪糕比較少有, 味道甜甜地. 成個甜品淋左好多綠茶粉係面, 有d nuts同紅豆, 食冰會冇咁單調. D冰口感幾幼滑, 但係冇味, 要倒煉奶落去先好少少, 成個甜品味道普通, 唔係特別.

因為餓餓地，唔叫甜品反而點左小食。點左個蟹柳面同韓式芝士年糕。蟹柳面正常發揮，好似平日係屋企整公仔面加蟹柳咁。韓式芝士年糕亦唔係咩驚喜之作，冇話重芝味，但又未到冇味。小食都係不過不失。結論係：正餐其他地方食，甜品先係佢地度食。

天氣咁凍，就梗係要食返啲凍嘅嘢刺激下自己🧏🏻‍♀️⛄️-韓式焦糖脆脆雪奶🍦🍧雪奶即係雪花冰🤣呢個係一大碗焦糖味嘅刨冰配上焦糖雪糕同香甜粟米片🌽👀佢會送埋煉奶俾你倒上去🤩賣相係幾靚幾吸引，但係食落爭啲🥺雪奶冇乜奶味，唔夠creamy，同埋整體比較普通😣-評分：6/10價錢：$62📍Nun Desserts Cafe 旺角📍

生活太苦悶，今日出開旺角配眼鏡，配完唔知去邊好，天氣又熱，就突然想去食冰，上網search「旺角」「冰」做關鍵字就搵到呢間Nun Dessert Cafe, 地點唔算難搵，係正街市對面入得嚟當然係主打食冰啦，鍾意榴槤嘅朋友相信會好心動等左大概10分鐘就上菜啦，賣相一流，仲配上煉奶，店員見我地兩個人點一碗仲好細心直接俾2支匙羹由於我太愛食小丸子，所以就追加左topping，比較失望係佢既然係「另上」不過由於本身雪奶都好足料，可能冇地方放，我地都要食到一半先加入topping食士多啤梨夠多，食都最後都仲有年糕同小丸子都夠煙韌，而最估唔到係芝士蛋糕竟然係最夾果樣賣單都只係$92，係旺角嚟講都幾抵食，下次再翻兜食其他喇

入到去見到枱面有QRcode話網上落單，我scan完再自己落單。過咗10分鐘有啲唔放心，因為連最簡單嘅飲品都未黎，所以問個職員我地有冇落到單。佢完全冇check電腦、諗都唔諗即刻話有。咁我地咪信佢繼續等。再過多10分鐘，仲未有野食黎，我地問第二個職員我地係咪真係有落單。佢check完電腦之後話其實冇。我地嬲到即刻走咗。你個網廢，落唔到單都算，點解我問第一個職員嗰陣佢要講大話，check都唔check就敷衍我。如果我信咗佢唔再問，我咪會戇居居永遠都唔知冇落單。後來仲發現佢藍扮黃 (黃藍地圖有講原因)，真係以後都唔會去。

幾年前係元朗食過一次覺得吾錯，今日同朋友食完飯想再食埋甜品先返屋企，就search 到原來黎左旺角開店，所以就比個機會佢啦！今次叫左三樣野食share，有紫薯雪奶冰、waffle 同埋蘆筍雞翼薯條。紫薯雪奶冰甜度岩岩好，中間既紫薯蓉超濃紫薯味（不過整薯紫球隻羹吾知係咪整過榴連未洗乾淨，好似食極都有榴連味，好彩我地都接受到，所以冇同店員講），另外我吾太鐘意奶味既野，但呢個冰吾算好重奶味，但又吾係冇奶味最好食都係d雪米滋如果係芋頭味就perfect 啦！Waffle (吾記得叫咩名🤣）Waffle 裹面夠軟熟，如果外皮脆少少就會好好食啦！旁邊兩球雪糕可以揀味，我地揀左搽茶同曲奇，但兩球雪糕味道有d淡，少少失望蘆筍雞翼配薯條雞翼味道吾錯炸得岩岩好，裹面仲好juicy相比下薯條就差左d啦！好乾、外面吾夠脆，感覺吾似油炸似用空氣鍋整因為同朋友坐低食下野，所以食物質數其實吾太重要，但係去到坐位有d逼（可能星期五夜晚特別多人）不過我地仲接受到。另外好想建議店主換一換過d Menu ，本本都吾齊頁數，好難睇到食咩好