Nun Desserts Cafe

營業中

休息中

之前有在韓國食過雪冰，今次就在呢間試番韓式特級草莓雪奶，感覺上差唔多嘅野。草莓頗多。仲試埋比較少見到嘅口味，邪惡Tiramisu 雪奶。Tiramisu 較有驚喜，唔算太甜，但咖啡味都唔濃。兩個甜品上嘅芝士蛋糕同朱古力都好難食。而且食到中間只剩冰，冰沒有任何味道，雖然有煉奶比，但唔太夾，建議多啲果醬。

Tiramisu 鬆餅-完全似塗鴉之作，一啲美感都冇，見到兩條蛋卷，就知質素係點啦! 廉價質素嘅蛋卷， 鬆餅似一般女士對手臂咁，鬆泡泡淋劈劈，嗰堆吉士見到都唔想食， 用吉士粉開出嚟嗰啲質素囉雞翼拉麵-hea到冇朋友， 個湯稀過阿希， 一啲味都冇，韓國拉麵都有一定咬口，好難淥到好難食嘅， 慶幸佢都冇，個雞翼好似唔知乜嘢特別馅，都冇再去研究同考究佢，總之係一舊怪味雞翼，放落湯嗰個蘿蔔條，係應該雪咗九千年餃子-预左係來货同雪藏货，但估唔到咁鬼難食， 個馅都唔知入面有啲乜嘢，食咗一嚿就冇食嘞

呢間食韓式甜品的雪奶係幾唔錯幾好食食過幾次 每次都有叫雪奶 真係唔錯不過其他就一般般了好幾樣甜品 太甜 甜到我d fd起曬啖 唔想再食間野的飯 我諗想食真係要早d去 可能我去親的時間都比較晏 次次叫佢d飯都話賣唒不過最近去嗰次咁啱 仲有最後一份 咁我地就點叫左 點知黎到d飯 我有少少嚇親 好硬。。。不過我最接受唔到係佢d韓式年糕碗年糕一黎到 個服務員有提我地即刻食 放耐左會變硬 重點係我地即刻食已經好鬼硬 食多幾舊真係咬唔落 叫佢地幫手加熱少少 個男服務員ok 其實佢拎入去嗰陣碟野仲出緊煙 真係唔係凍熱嘅問題問題係之後即刻黎左個女服務員 同我地講要盡快食 如果唔係就會硬。。。首次 個年糕黎嗰陣我地已經第一時間食 第二 拎入廚房嗰陣佢仲冒煙我唔明個女服務員特登過黎講係咩意思我地又冇叫話換個份 加個熱姐 走過黎質疑我地冇即刻食所以年糕先變硬？總知佢咁樣 我地心情係差左囉

間野之前食過覺得OK啦之後事隔幾年再去試過就發覺非常一般。當日我哋嗌左一個綠茶雪糕多士仲有一個藍莓waffle 其實啲甜品嘅賣相都幾吸引嘅但係未到就唔算話好好食啦。啲藍莓醬算係唔錯嘅不過個人口味認為偏甜。窩夫就未必做到啱啱暖暖地，我就覺得佢好似擺咗一段時間唔多新鮮。至於個綠茶多士又係一樣，又係過甜，不過綠茶味係夠嘅濃郁嘅。至於雪糕方面都係不過不失咁樣啦。整體來講佢嘅甜品只係一般，未去到話好好食，會再次返嚟。

其實自己不常在飯後吃甜品，不過今日心情靚，所以和老婆仔在附近吃過晚餐後，就來到這間其實自己經常路過，但就一次都未來過的 Nun Dessert Cafe吃韓式甜品。 店子地方不大，靠近門口的地方擺放有多款店內甜品的模型，牆上就掛了一些店中甜品的照片，看模樣，以照片為吸引。不過最吸引我的，還是店內電視播放的韓國女團美女們的勁歌熱舞畫面。 店內售賣的甜品款式甚多，教人看得眼花繚亂。經過一番細心挑選後，終於與老婆仔取得共識，點了一款大家都喜歡的「韓式鋒芒畢露雪奶」（$68）的加大版（+ $18），再加了「芝士蛋糕」（另+ $6），用 $92的價錢，兩夫妻分甘同味，享受了一頓極之美味的甜品美食，讓我甜在嘴巴，也甜在心頭。 這加大版的韓式甜品，雖然價錢並不便宜，但實在超級巨型，一端上來，我倆都不禁吃了一驚！怎麼？這甜品這麼大份的！這韓式甜品所用的芒果份量不少，滿滿的圍繞在周邊，而且甜而不酸，那些冰凍雪白的雪花冰冰透心的涼，把隨甜品送上的小杯煉奶隨心所欲地倒進已有芒果雪糕汁流瀉在上面的淨白色「雪花」上，甜甜的煉奶彷似懂得魔法的魔術師一樣立刻讓冰凍的「雪花」變得美味。而那些另加的「芝士蛋糕」，

天氣凍食冰先係最爽，食完晚飯覺得差個甜品，平時食太多中式西式甜品，今次就黎個韓式甜品我地4個人叫咗2份冰，2個人食一個，分量啱啱好意大利芝士蛋糕嗰款雖然表面慢慢嘅cream，但味道唔算濃，對於口味不太重嘅人黎講，呢重甜味恰到好處吧，我自己就覺得如果再甜dd就好，不過好彩佢有配花奶，如果覺得唔夠味，可以加花奶的個人比較鍾意草莓嗰款，好夠味，因為除咗草莓，仲有草莓醬，所以成份冰好開胃。另外草莓好足料，食到最後仲有好多，所以好滿足。所以個人推介呢款，不過佢係聖誕限定，所以錯過咗都唔知幾時再有得食了最後抵讚嘅係冰刨到好綿，口感不錯，賣相亦同menu上的一致。最後服務員態度亦好。

同一班兄弟姊妹bridal shower之後，下半場去左旺角食宵夜，今次朋友介紹左呢間nun cafe，第一次試韓式既甜品店，感覺新鮮。我地去個日星期日凌晨12點左右，場入面都係坐滿人，我地一行五個人等左大概5-10分鐘先有位。因為bridal shower時已經食到好飽，我地五個人淨係叫左三個甜品就夠啦。韓式OREO碎碎雪奶 ($68)OREO舖滿成個雪奶，味道濃郁，一啖雪糕配埋一口OREO，就算冬天凍冰冰咁食都覺得好滿足。韓式雙球雪糕窩夫 ($62)呢個賣相真係靚到不得了，好岩打卡用，有賣相得黎味道都唔錯，窩夫整得好味，夠鬆軟。芒果軟雪糕 ($52)以為只係普通雪糕，但食落口好香好滑，芒果味夠，唔酸，份量大份，都算抵食。如果唔係朋友帶我黎，就咁睇OPENRICE食評我應該未必會黎，但食落呢間真係有驚喜，唔明點解評得咁差，雖然價錢係有D貴，但係份量搭夠，叫三個甜品已經食到好滿足了。

Perfect dessert for sharing! This waffle didn’t disappoint with a crunchy outside but soft and chewy inside! However this dessert shop is better known for their shaved ice 🍧 with numerous unique flavours on offer! The ice is super thinly shaved!!! I tried the mango flavour and the melon and both were really good! Obviously it’s a super popular venue for a after-dinner dessert so don’t be surprised to wait a bit to get a table. Seating may be a bit squashed during peak times too

食完飯梗係要去食甜品啦，鍾意食榴槤嘅我，行過見到有一間有d24榴槤雪糕，唔使諗即刻入去食，大大杯仲有兩浸榴槤，又香又滑入口即溶超正😍😍😍我會再來食過🤤🤤🤤

韓式焦糖香蕉窩夫 Caramel Banana Waffle💰HKD58-係👧🏻同👦🏽都勁中意食嘅窩夫😍碟上有四塊原味窩夫，一條切半嘅香蕉，雲呢拿雪糕同埋一大舊奶油，面頭淋咗朱古力同焦糖醬，甜度啱啱好，完全唔覺得佢太甜😌窩夫嘅厚薄啱啱好，每一啖👦🏽都將一層窩夫夾住一片香蕉🍌加雪糕同少少奶油🤩將口感不一嘅四樣嘢放埋一齊原來係咁夾🤤，有凍有熱，有脆有淋😋-👦🏽and👧🏻’s favourite waffle in town. There were four pieces of waffles, a banana cut into half, a vanilla ice cream and whipping cream. Although chocolate and caramel sauce was spread on top of the waffle, it was not as sweet as I expected. The sweetness was just fine for us.🤤 Highly recommend this waffle!!!🤩-Please follow

踏入九月，天氣仲係熱熱地，所以同朋友食完飯就去咗搵刨冰食🍧😋順便搵個地方吹下水👯‍♀️咁岩行過見到有間韓冰，就入咗去試試。望一望個餐牌，竟然有我最鍾意食嘅榴槤，即刻叫咗一過嚟試試。一拎到上嚟，未食已經聞到陣陣嘅榴槤飄香😍😍😍榴槤雪糕個味道非常出，味道濃郁，加埋下面個d榴槤蓉一齊食，真係不得了！唔好以為呢個冰有上無下，下面既牛奶冰加埋d榴槤粉，都一樣咁好味！成個口都係榴槤個陣香味😋😋旁邊既小丸子口感亦好QQ。大家趁住榴槤水尾快d去食！

之前同朋友慶祝完生日之後，壽星女話想食甜品，有朋友建議附近呢間Nun desserts cafe!! 其實到之前，我都未聽過，覺得應該係旺角一啲類似滿記嘅糖水舖🤣😅黎到，見到門外面排隊嘅都好多人，但我地等左1分鐘都冇，就已經入到🤣 我叫咗佢嘅限定款式：桃芝戀人雪奶～ 見佢個樣好靚，諗住有得相機食先🤣✌🏻 同埋本身都幾鍾意食挑，只係唔係太多機會🤭 等咗大概5分鐘左右，就有得食！我嗰個就等得比較耐小小～ 一黎到，我見佢個樣同Menu有啲唔一樣，有少少失望之際，都係幫佢打咗卡先佢嘅桃有啲淡，唔算好新鮮～不過啲雪冰就真係好好味，尤其是加咗煉奶，仲可以無限添加，煉奶不嬲都好好食！加上說雪冰入口即溶，佢上面嘅cream配上冰，令到口感好滑～ 同埋上面有芝士蛋糕，都好好食👍🏻👍🏻 整體來講幾唔錯，係大份左少少，一個女仔食唔晒，share食就比較好~

韓式朱古力奶油雪糕吐司 Chocolate Toast with ice cream💰HKD48-香脆嘅吐司🍞有成兩寸半厚，表面好平均咁淋咗薄薄嘅一層朱古力醬，少少糖粉鋪咗喺面，中間仲有個大大嘅奶油，仲配咗一球曲奇🍪雪糕😍本來👧🏻以為個甜品會好甜好漏好膩，但佢食落嘅感覺出奇地輕盈，又好食。朱古力醬好均勻咁淋咗喺吐司嘅表面，令👦🏽同👧🏻每一啖都食到薄薄嘅朱古力醬，又唔會太甜，好欣賞佢層奶油打得好薄身，唔會食到成口油😂😌每一啖👦🏽都會將吐司，雪糕同奶油三樣嘢夾住比👧🏻食。一下咬落幾種唔同質感嘅食物特別好食！😋😋The 2.5-inch toast was evenly spread with a thin layer of chocolate sauce and icing sugar. A fluffy cloud-shaped whipping cream was placed in the middle of the toast. Putting three layers of ingredients together for a bite: toast at the bottom,

琴晚同朋友食完飯,本身諗住食甜品,同餐廳既甜品都揀唔岩,咁就去左第二到繼續下場,去到呢間韓式甜品,見咁多人係門口,睇睇有咩吸引先,見到個桃味既期間限定雪奶,好想試下😋就拉左朋友去等位,等左大概5分鐘,都好快,當然叫左呢個桃桃啦🍑好多桃肉圍邊😍食一舊,係桃既天然甜味,無用糖水浸過既👍🏻加埋煉奶食個冰真係好正,平時食刨冰/綿綿冰都覺得無味好寡,但呢個雪奶就唔同,好甜好正,桃味十足,誠意推介😍😍

今日同朋友食完飯,大家都諗住搭車之際,傾下傾下又有野想傾喎,見就腳有間甜品鋪,咁就入去邊坐邊食邊傾啦,我知雖然天口熱,我地企左係條街都大大話話20分鐘,大家都開始冒汗,但一入黎已經覺得有d涼,唔緊要啦,大家照坐,叫左個oreo waffle,share食,諗住岩岩大家都飽唔叫咁多野食,oreo雪糕加曲奇一黑一白賣相好吸引,食落口感都唔錯,但我想講,坐落真係有d凍,想叫職員比杯暖水,點知個個都掛住傾計自玩,愈坐愈凍,野食雖然唔錯,但質素一般,唔會再黎