Nun Desserts Cafe

營業中

休息中

Nun Desserts Cafe 📍旺角通菜街119號地舖Kay Gor 食飽當然又係搵甜食既時候可借尖沙咀分店已經無左只好去附近旺角既分店食下啦韓食甜品不嬲都甘吸引蜜瓜雪奶⭐️⭐⭐️上面的蜜瓜果肉超甜多汁仲好新鮮煉奶有點不夠食到中間的雪比較不夠味雪糕是煉奶味比較甜 建議都係唔好單獨吃韓式芝士蛋糕士多啤梨窩夫⭐️⭐⭐️⭐草莓係上面很吸引而且窩夫香脆暖暖的，加上甜既士多啤梨雪糕再加埋一粒燈芝士蛋糕，味道好夾但一個人食會好肥

<<香港食到出色的韓冰嗎?>>-早排有一日好口痕想食韓國雪冰, 就上網搵完揀左呢間去食~ 食左呢款阿華田味, 個配合算幾matchy matchy, 不過個冰就好難同韓國地道好出色既小店去比較, 牛奶味唔夠足~ 食完面果層阿華田之後可以落佢額外比既煉奶落個冰到, 即時提升一個層次~ HK$62嚟講性價比算可以. 另外飲個紅棗茶除左偏甜之外都無咩大意見~ Overall 我認為可以一試!

炎炎夏日當然要食綿綿冰，經過幾次終於入黎試下。menu好多款甜品簡，除左綿綿冰仲有窩夫嗰啲。同朋友一人叫左一份雪冰，一份雜莓味，一份草莓味，仲有一份芝士味。上到黎個樣同menu上既圖差唔多。味道方面，雜莓有啲藥水味，其他兩款都好好食！另加配料麻糬年糕就一般般，覺得唔夠煙韌。雖然價錢唔平，一份都要60蚊以上，但份量都好大份，而且水果比得幾多下，不過真係要食快啲，啲冰好快溶左變水。下次會再黎試下其他。

又一中伏系列…… 可能我運氣實在太好🙄當日我以身試伏 不得不奉勸大家想食真係要諗諗~-☆ 櫻花白桃草莓雪奶 HKD$68女人都係鍾意睇外表😂，見佢期間限加上張相又影得咁靚，已經即刻心心眼😍，點知原來得個殼，啲雪都刨得算幼滑，但一啲奶味都無，好似食緊雪咁，落左煉奶都係得個甜字，所謂既草莓原來係條草莓雪條，而白桃係罐頭桃同酸嘅，櫻花味係零，食左幾啖就……停哂手！😫😖-☆ Tiramisu窩夫上到碟個樣都算ok，但一切就知中伏，一啲脆既感覺都無😵，內外都淋咁，仲要係得微暖，個tiramisu味超假😕，上面啲蛋糕似食緊咖啡蛋糕，唯一得球雪糕正常啲。-加上職員超hea😑，淨係顧住喺後面㩒電話，係得收錢嗰刻出現過~咁既質素仲可以收咁既價錢，真心佩服佢！可一不可再！

好伏大家千其唔好再去👎今日去食既時候佢個d雪奶個樣又唔令食落去又淡又冇味最重仲要係d生果唔新先D芒果全部都係黑色我朋友睇到都唔想食👎👎👎我聽到入面講唔知係咪老細。爛既生果照比同埋D士多啤梨比少啲。我聽到之後心諗點解可以咁差成間野。之後留面都係勁既。個個都玩手機有手點餐買單都等好耐服務太差👎👎所以我唔會推薦呢間甜品店 希望其他人唔好去唔好比佢呃 又要貴$60-$70又冇質素👎食完都唔開心。。。。。。。。

以前都叫成日食，都覺得好好味。但今日食覺得完錯唔好食，而且覺得完全唔值衣個價，質素有啲太低喇，成70蚊食一個冰，啲芝士蛋糕仲要得五六粒😭個冰係綿係幼既，但係真係只係完全靠哂個煉奶調味。以前我覺得個芝士蛋糕好正，而家完全唔得有陣其怪既味道，真係好懷念以前既味道呀😫😫😫最重要既係食一個冰竟然要等35分鐘先有得食，等到已經冇哂癮相都唔太想影。最後，我地坐喺垃圾桶附近，都覺得衛生麻麻，執野既侍應將碗碟放入膠桶時好嘈比較失望，應該冇下次

今晚同老公黎呢頭聽talk, 順便係附近搵下有無甜品，見到呢間既店面都靚靚，再望，咦，係韓式甜品喎…我點左個62蚊既tiramisu窩夫，老公就點左阿華田雪奶。我果個好快就黎左，賣相好靚，再食窩夫汁係tiramisu味再加上雲尼拿雪糕同tiramisu粉，都好食呀…不過我略嫌比較多cream, 所以覺得有點甜。老公果個反而等左好耐，個size都大，本身雪奶無味，係靠sum係邊既阿華田粉，賣相幾靚，要等佢溶點再撈粉先好食d. 呢個都係62蚊，又未算太平總括黎講還可以，如果想係呢區食甜品都可一試。

食完飯唔太飽，黎左呢間韓式既甜品鋪，呢度既甜品都唔平，好多都50蚊以上。士多啤梨雪奶 士多啤梨既分量極多 雖然有小小酸 但配埋cream食就中和番，真係好好味好滿足🥰個刨冰係用牛奶整既，奶味極濃，好香，令人食到停唔到口！ 分量都冇偷工減料，要2個人夾份食先食得晒！芒果窩夫窩夫好厚 但比較乾身 好彩佢有個芒果醬點 食落先冇咁dry😗 但個汁偏酸 如果甜啲會比較易入口雪糕係芒果味 普普通通 不過不失芒果粒就幾甜 而且大大粒 為個窩夫加左唔少分數😛

八點後有低消每人40。沒有加一叫了一個薯條和宇治抹茶紅豆冰。餐牌還有其他小食和公仔麵，正餐飯。如果沒有低消會更好。下次可以晏晝再去。試下正餐都ok薯條特別似粗薯，口感好。🤤🤤抹茶雪糕濃郁，沒有苦甘，冰下面還有紅豆雪糕底。唔會怕唔夠味，多料。另外加了麻薯年糕+$5。細細粒好似糖咁

今日同朋友喺旺角食完飯之後兩個都想食多陣甜品傾下偈🤗🤗🤗🤗🤗所以就嚟咗呢間食甜品我哋叫咗兩款嚟食😍😍😍😍😍韓式誘惑天使香濃芝士蛋糕雪奶呢個芝士雪糕都幾好食👍🏻👍🏻👍🏻👍🏻👍🏻但係佢下面啲刨冰面頭都係一啲芝士粉😳😳😳😳😳好dry同埋啲刨冰一啲都唔線硬掘掘咁樣呢😣😣😣😣😣😣😣😣食落都冇乜奶冇乜味好普通💁🏻💁🏻💁🏻💁🏻💁🏻韓式雪米糍粉天使雪奶呢個士多啤梨都覺得好普通🤨🤨🤨🤨🤨士多啤梨味唔係好濃🧐🧐🧐🧐🧐啲冰都係唔綿嘅🙃🙃🙃🙃🙃所以其實今次食呢兩款都有啲失望😞😞😞😞😞😞

中秋夜，同屋企人係家中食完飯，當晚臨時打算同朋友們唱個通宵k，點知間間都full哂。但又唔想留係屋企無野搞，無無聊聊嘅我地就決定食個甜品吹下水。大概11點幾左右到鋪頭，但未有位住。當時又落緊雨，都幾狼狽。好彩等多陣，終於有位坐。感覺環境唔算好闊落，不過食甜品就無咩所謂。我地叫咗以下呢幾樣食物：桃芝戀人雪奶、Tiramisu 窩夫、韓式魚片炒年糕、韓國水牛城雞翼串拼薯條。桃芝戀人雪奶份量係幾大份，雪糕周圍都有唔少白桃粒。雪糕係軟雪糕質感，但牛奶香唔太夠。啲冰都係無咩味，太淡。而白桃粒食落都唔夠新鮮，口感過硬，果肉無咩汁。Tiramisu 窩夫呢款欣賞佢嘅tiramisu味幾吸引。窩夫味道雖然香，可惜烤得過硬，唔夠外脆內軟。韓式魚片炒年糕本身想點芝士焗年糕，但店員話無，得呢款。上枱見到得一細碟，個賣相仲要唔太得。炒年糕啲韓式辣醬都頗辣。年糕口感過份軟稔，感覺似食緊一舊辣嘅麵糰。韓國水牛城雞翼串拼薯條雞翼串都幾惹味，薯條配上醬料味道會無單調。

星期五晚上和朋友吃個晚飯之後便想找個地方傾計，所以選了這一間在餐廳附近的甜品店。晚上八時多不用等位，我們一行四人點了三個甜品。宇治金時紅豆雪奶 - 說奶其實即是綿綿冰加煉奶，綿綿冰沒有加煉奶的時候是沒有味道，加了煉奶的甜味，即是整個甜品都昇華了！再配上抹茶雪糕加紅豆，甜而不膩櫻花白桃意粉雪糕 - 賣相滿分！但味道低分！我們被意粉雪糕這個名字騙了，以為有什麼特別，其實只是一大舊雪糕，而且非常甜，不太適合我口味Tiramisu 窩夫 - 窩夫不夠熱熱不夠脆，唯是雪糕很有芝士味，有點失望這間甜品店味道普通，價錢偏高，唯一的好處是不會趕人走，如果是想晚飯後找個地方坐都是一個選擇

happy friday 要返夜，放工後同朋友食返個甜品慰勞下自己 😋第一次黎呢間，每人要平均 $40 ，結果我地叫左個宇治金時雪奶冰 ($68）同加唒佢三款配料，岩岩好。(但下次要將紅豆轉做反芝士蛋糕 / 麻糬）綠茶雪糕幾好味，啲冰係一層一層綿綿冰，喜歡的可自行加鍊奶，加埋杏仁片有多重口感 😋😋芝士蛋糕咸左少少，但其實撈埋啲冰塊幾夾。麻糬就細粒左啲，同冇咩味，但有咬口。呢度冇因為你食完就執你碗同講你走，同朋友傾得好盡興😂😂不過我感受唔到個甜品有幾韓式😂😂😂

吃完晚飯相約朋友去吃甜品，朋友網上找了兩間，看到這一間比較近於是選了這間。由於剛吃飽沒多久，放棄了吐司類和窩夫類較為飽肚的甜品，加上剛進店的時候就已經聞到一陣陣榴槤香味，喜愛榴槤的我最後選了嘗試韓式D24特濃榴槤軟雪糕。沒等一會雪糕就來了。上面鋪滿了榴槤粉，滿心期待的以為吃下去會是濃濃的榴槤味道，沒想到只是吃到了牛奶雪糕的味道。軟雪糕挺滑的，但沒有榴槤的味道讓我稍篇失望。不過當我以為這個雪糕就這樣的時候，原來雪糕底下是滿滿的榴槤果肉😋立刻對這個甜品加分了。看到餐牌這裡還有其他熱食，不過我想再來應該會嘗試韓式冰，畢竟在旺角也有不少熱食選擇啊。

之前有日夜晚想搵甜品食 誤打誤撞黎左食佢個雪花冰食完呢次成日都黎 好鐘意食最鐘意食芒果雪花冰 芒果好開胃加埋冰就完美 不過呢間夜晚黎要比最低消費 所以被逼要加大 所以都唔係好食得晒 如果想黎食都要留番個肚先食得晒