Nun Desserts Cafe (已結業)

剛和朋友在厚福街吃完晚飯，路經一間以賣韓國甜品的“Nun”店鋪，門外已經有很多人排隊。朋友便想試下是否真的那麼好吃。在門外等了半小時，終於有位。店內有一個櫥櫃放滿受歡迎的甜品陳列品，以及一直播放韓國k-pop音樂，裝潢以簡潔白色為主，坐下淺啡色的梳化，人變得簡單自在。餐牌和韓國的甜品店大致一樣有吐司配雪糕、韓國特色的沙冰配生果、窩夫配雪糕等等….朋友與我分別點了韓式特級三球雪糕窩夫和韓式OREO雪糕併魔鬼朱古力來吃。韓式Oreo雪糕併魔鬼朱古力先來韓式Oreo雪糕併魔鬼朱古力，看似很細杯，但裡面是充滿了很綿的朱古力沙冰。再配以曲奇雪糕、斑馬朱古力條及半塊OREO餅乾，味道不但夾得來，而且很美味。韓式特級三球雪糕窩夫韓式特級三球雪糕窩夫也來，份量好像少了一點，窩夫不太厚，只略為軟了一點，窩夫的邊位還剩一點點脆的口感。三球雪糕分別是士多啤梨、芒果和云呢拿，味道比較簡單，但加了一點糖碎及朱古力漿，增加了雪糕口味上的層次。韓式綠寶石香甜蜜瓜雪奶我和朋友都還有點意猶未盡的感覺。於是，經店職員介紹後，便多點了一個比較多人吃的韓式綠寶石香甜蜜瓜雪奶。碗不大但載滿被蜜瓜粉遮蓋的沙冰、甜甜的蜜瓜及雲呢拿

唔記得系邊度聽過一句話，系女人都有兩個胃，一個留嚟食甜品，所以當我地四個人晚飯食得飽飽，一聽到去NUN食甜品，個個都話仲食得落。我系未去過，之前有經過，覺得環境幾好，每次都好多人排隊。剛開始點嘢食嘅時候，睇菜牌覺得有D貴，但一上臺，覺得好抵食啊，因為真系好大份，韓式醉特級3球窩夫雪球，3個雪球好大，個窩夫餅包都包唔住，而且整得好靚，好有畫面感，表面都淋D朱古力同灑D彩色糖果，好靚。試下個雪糕球，好滑啊，系我食過最好食嘅雪糕，無之一，好有奶味，又完全無冰渣，再整啖窩夫餅，而家先知，原嚟窩夫餅同雪糕可以咁夾，香軟嘅餅加上香滑雪糕，口感好特別。鋒芒畢露芝士雪奶，我地加多$15有棉花糖，好大舊棉花糖，睇落好有詩意，芝士比例都幾多，好濃芝士味，芒果好香甜，水果清香加上芝士味，好特別嘅味，但又唔覺得怪，仲覺得好好味。中意食杏仁同抹茶口味嘅朋友一點要點呢個紅豆雪奶，抹茶味好濃郁，周邊有好多杏仁片，中間又有好多紅豆，幾種水果都放系一個雪糕入邊，多種口感混合一齊，味蕾享受豐富。

今日食完飯本身諗住食甜品工房，攞完飛之後就周圍行下，見隔左幾間舖開左間新甜品舖，門口擺哂雪花冰d相同menu，但無寫價錢，不過見好吸引所以就轉食呢間啦～唔使等位，入到去雖然枱貼枱但唔太迫，一睇menu見一碗雪花冰要$68，好似貴左少少，不過試下都無仿，最後叫左個士多啤梨牛奶雪花冰同macaron牛奶雪糕 士多啤梨牛奶雪花冰$68:好多好多士多啤梨但酸酸地唔甜，上面仲有一細舊芝士蛋糕同一細塊朱古力，d士多啤梨糖醬整得幾好食，唔會有藥水味，但d牛奶雪花冰淡左d有d寡，好彩有糖醬搭救，但味道唔值$68，好睇唔太好食 macaron牛奶雪糕$52:賣相仍然好靚，今次個雪糕幾重牛奶味，個味出過頭先個雪花冰，同埋唔太甜，不過對於我呢d鐘意食甜野既有d失望，質地幾實，食到差唔多底個時中間有好多頭先雪花冰個d士多啤梨糖醬，唔錯唔錯而隔離個幾粒macaron味道麻麻，食落去淨係得成咋糖，下次可以試其他味而家係舖頭到打左卡埋單個陣show俾店員睇就有一張食滿$100食牛奶雪糕既coupon for下次用，我當然唔執輸不過如果唔係有coupon for下次用我應該都唔會再幫襯，味道真係麻麻價錢亦貴左

之前去過旺角嗰間食雪奶覺得好難食，今日去尖沙咀呢間諗住食土司，入左去先知係同一間，咁都算啦士司應該ok既，賣相唔錯，點知都係勁難食，真係未食過咁難食既土司，cream一啲都唔滑，士多啤梨醬酸得濟，得個雪糕球好食😷

今日特別想食甜品，下午又唔洗返工，就即刻約個朋友出嚟行街揾甜品食喇，佢介紹我去NUN食雪糕，食韓式雪糕，我都好感興趣，因為未試過韓式雪糕同普通嘅雪糕有咩唔同，NUN呢間店位置都好方便，而且可以行街攰左就過嚟食個雪糕休息下。韓式棉花糖雪糕吐司，職個名覺得點一個雪糕可以嘗試到好多個品種，分量好大，兩個人一齊SHARE都可以，吐司上邊果層系一粒粒棉花糖，用烤箱烤過后，棉花糖溶化左癡埋一齊，上面再淋D朱古力醬，再加上一個雪糕球，一啖香滑嘅雪糕，再一啖棉花糖，又再食埋吐司，味蕾多重刺激，好值得一試，好正啊。呢個雪奶睇落好吸引啊，雪奶比雪糕口感仲要軟滑，入口好濃郁嘅奶味，明治雪糕口感好細膩，完全唔會有冰渣，好香滑，雪奶下邊有厚厚一層朱古力，朱古力好醇，好有朱古力味，又唔覺得甜，越食越想食，我鐘意雪糕同朱古力一齊食，有D苦又有雪糕嘅香甜味，苦澀味過后又有甜味補充，出品制作精良，下次要試下其他口味，唔錯。

雖然已經同愛人過左N個情人節，但點都係要出去食野慶祝下先會開心 所以今年都唔例外！去到尖沙咀由於太早關係，所以就拉左男朋友仔去食甜品黎個熱身先 行左一陣後就入左呢間韓式甜品店來個溫馨甜蜜愛之甜品作為晚餐前既開胃小食 坐底後我叫左士多啤梨雪奶，侍應送來時嘩左一聲，因為個樣好靚，同埋都幾大碗下，食落完全唔會覺得好凍，反而有種綿綿細膩的口感，味道微甜中帶點酸，很是開胃，而士多啤梨亦都好鮮甜，確係好正下喔 而男朋友就揀左Oreo雪糕窩夫，個樣靚到真係有d唔捨得食，淺嚐一啖後，發覺雪粽口感很滑，而且亦唔會太甜，窩夫就係外脆內暖，食時將兩者混合在一起，口感層次盲更為豐足，食在口中又凍又熱，極之有趣 一輪又食又不停影影影下，就食完我地既飯前甜品，滿意之餘亦好甜蜜呀

又一韓式甜品係尖咀開店，我於是都趁高興同咁左阿女去試試  先來個芝士蛋糕雪奶，驚喜在於雪糕的奶香和芝士的濃郁這個配搭可以咁完美。阿女覺得有d甜，我就覺等剛好，加埋底層既刨冰一起吃，感覺無咁飽，而且奶香四溢，芝香濃郁，很是好味道  我地之後仲叫左韓式OREO雪糕窩夫及棉花糖雪糕吐司都同樣精采，窩夫和吐司也外脆內軟，特別棉花糖雪糕吐司，不太甜而且入口即溶，口感豐富，層次十足，加上集軟香微熱及冰冷風的雪糕下，感覺尤是過癮，美味十足，真的很讚 今個宵夜真特有D過份，但真係好味，肥少少都值得

過左新年，d 鋪頭開始減價，即刻約朋友去尖沙咀睇下有無平野執，一輛血拼後，朋友話唔太餓，所以我地就決定食甜品算數，係手軟腳軟之際，行行吓就去左厚福街，印象中個度都有兩三間糖水鋪，咁就唔驚無得食喇去到見到Nun，於是就走左入去，坐低後一睇餐牌，五顏六色，花多眼亂，樣樣都好似好好食，有選擇困難症既我地又想食蜜瓜，又想食芒果，真係唔知點揀好？？我最後揀左蜜瓜雪奶 ,等左十分鐘，就有得食，雪奶真係好大個，好多蜜瓜，$48 都算抵食，一啖食落去，d雪糕好軟好滑，溝埋d雪粉，好好食，蜜瓜加上淡淡既椰汁味，又幾夾。而友人就好鐘意綠茶，所以佢最終就點左綠茶丸子雪糕~佢話食落發覺同出面d 綠茶雪糕唔同，好軟好滑，綠茶同牛奶既比例岩岩好，溝埋紅豆食，正到我地走個陣，先發現原來食雪奶/雪糕，like 同響佢地fb打卡，就會送雪糕卷，下次一定要打卡先得喇。今晚都好滿足，又買到野，又食到好食甜品，如果日日都好似今日咁唔使做又有得食好野就好嚕 

行街行得有點倦，最好搵個地方坐吓、食吓甜品，之前在旺角試過此甜品店，原來尖咀也有，便入去坐吓。一向愛綠茶的味道，不太甜，帶有少許甘，所以 order 了這個韓式宇治金時紅豆雪奶，雪奶跟傳統刨冰相似，但主要是用牛奶做的，比起用水做的刨冰，香滑得多；而且雪奶是粉末狀的，就像天上飄下來的雪花一樣，軟綿綿的，口感輕盈，入口即溶。雪奶本身沒有太多味道，但配合香滑的抹茶雪糕、腍腍的紅豆、甜甜的朱古力醬，一起放在口中，又凍又甜又香又滑又鬆軟，口感豐富極了。這個韓式紅豆麻糬年糕雪糕吐司，將紅豆及麻糬夾在吐司多士內焗，再在上面加上麻糬粉及杏仁片，再加上香草雪糕，口感也很豐富，外面有又熱又脆的吐司多士，裏面有又甜又腍的紅豆、以及煙煙靱靱的麻糬，如果再加上香滑的 vanilla 雪糕，又熱又凍一起在口中爆發，簡直不能用紙筆來形容。這杯荔枝梳打特飲，樣子不算吸引，味道跟賣相一樣，不在繽紛，只在清新，點點荔枝的清甜在口中滲透，令口腔充滿清新氣味。

韓式甜品已經瘋魔左香港好耐啦，但係我覺得實在太貴，所以唔會去食。不過今次朋友話請我去食，咁我就決定同佢share一個甜品。我朋友好鍾意食奧利奧，最咩我哋叫咗一個奧利奧雪糕嘅窩夫。價錢都唔平架，要成六七十， 上到嚟其實個賣相都幾唔錯，但係一食個窩夫就覺得佢好似發水麵包，即係林左嘅麵包，唔夠脆亦都唔夠甜，有啲差嘅感覺。上面有唔少忌廉，同埋有唔少奧利奧餅乾，整體來講都幾豐富，但係個窩夫實在整得太差，係全個甜品嘅敗筆。個曲奇雪糕都算係咁，幾有曲奇味，可以中和返發水麵包嘅感覺嘅，不過下次我唔會再食囉！

去韓國必食既綿花冰，以差不多既價錢在香港有得回味一下。叫左兩個店推介no.1之選既蜜瓜雪奶冰同士多啤梨雪奶冰，外觀吸引，一綠一紅。先評蜜瓜冰，雪糕好味，綠色豆粉用來增加視覺效果沒味道不打緊，蜜瓜清甜，略嫌切得大粒左啲，令到食到尾唔夠餸。奶雪的冰好綿好綿入口即化但沒味道，只靠一小杯練奶是完全不足夠。士多啤梨奶雪都有相同問題，可有士多啤梨醬和忌廉增加味道，有一小塊芝士蛋糕是神來之筆，士多啤梨甜，切得夠細，相比下，士多啤梨奶雪較出色。

今日黎呢頭開工, 未夠鐘想搵野食, 見呢間韓式甜品光光猛猛唔錯.睇下餐牌, 原來除左甜品之外, 原來小食, 麵食都有, 不過唔想食咁飽都係甜品算. 冬天咁凍唔想食冰, 所以要左個"韓式朱古力奶油雪糕吐司"$48, 係一件烘過既厚吐司, 上面加左大量朱古力粉, 朱古力醬, cream等, 仲有一舊曲奇妙趣雪糕.吐司烘過所以邊位都微脆, 中間就軟熟, 配上朱古力醬同朱古力粉, 夠晒濃郁, 加埋cream就夠晒滑.另外要左"韓式荔枝梳打特飲"$35, 係好梳打夠晒氣, 淡淡地既荔枝味夠解渴, 唔會太甜.

黎開厚福街見到有新開既甜品店（唔知係新定太耐無黎哈哈）韓式既甜品店，睇落幾靚入面既環境亦唔錯，由於係食飯前既時間黎，所以唔算好多人呢特級邪惡Tiramisu韓式牛奶軟雪糕($55)天氣有d凍但又好想食甜品，就唔食雪奶冰揀左雪糕甜品下面有分幾層十足十係Tiramisu，上面再加左d可可粉，成杯甜品就好似食緊Tiramisu咁，有可可味既苦甘，不過底有d位粉唔太平均所以會偏苦，牛奶雪糕食得出香滑既奶味，整體唔錯。韓式特濃抹茶紅豆奶油吐司($49)唔係睇佢普普通通多士咁既樣，上面唔單單係抹茶粉咁簡單，仲有抹茶醬架！多士烤得香脆，抹茶醬夠濃，帶甜味，有d似韓國果樽抹茶醬，加埋半球紅豆，唔會過甜，我同朋友都相當滿意！見到有活動參加可以免費食雪糕！

好靚靚喔💚密瓜粒算大，而且都夠甜！主要味道來自韓國製成嘅蜜瓜粉，食落好甜好香。配上幻細嘅牛奶冰食，好好味🤓但如果就咁食密瓜粉味道就一般般🤔雪糕味道被密瓜味蓋過😂應該系雲呢拿味🙈但雪糕球內有冰粒，是雪久了嗎？

又到一年一度的牙科檢查，預約時間還未到，到處閒逛下，發現厚福街也開了Nun韓國甜品店，就進去吃點甜品，順便休息一下.尖沙咀店內部環境明亮，坐位寬闊，比起元朗店更為舒適.甜品款式多樣化，從吐司、窩夫、雪奶以及韓式小食都有供應，總能輕易挑出多款喜歡的甜點呢!韓式鋒芒畢露芝蛋糕雪奶 ($72)雖然天氣仍然寒冷，但依然無損我們吃雪奶的心情! 冬天吃雪奶的好處就是即使你吃得勁慢，雪奶仍然保持冷凍，實在太好芒果雪奶面層舖滿大量香烤過的杏仁片，香口惹味. 芒果肉的份量亦相當多，香甜多汁的芒果與入口即溶的雪奶相當夾，清甜不過膩. 芝士蛋糕粒相當實在，配上雪奶都幾搭配. 隨雪奶附上一小杯煉奶，可混合雪奶同吃，增添香甜感覺! 但個人覺得不需額外添加煉奶都相當美味，吃着吃着，2個人就把整個雪奶消滅了韓式芝士蛋糕士多啤梨窩夫 ($62)除了芒果外，士多啤梨也是另一款我很喜歡的水果，所以就選了士多啤梨窩夫了! 窩夫外脆內軟，加上幼滑忌廉、香甜的士多啤梨以及冰凍且酸甜的士多啤梨雪糕，一冷一熱，雙重感覺，滋味可口，Nun出品的窩夫水準很高呢! 特濃抹茶奶油吐司 ($49)這是新出的甜品呢! 個人很喜歡抹茶味的甜食，