Nun Desserts Cafe (已結業)

下午出左尖咀行，諗住食少少野，夜d先食晚飯。行過厚福街見到有幾間甜品舖，呢間明顯冇乜人，不過隔離主要食冰，我大緊肚唔食得，所以揀左呢間食窩夫。入到去坐，個女侍應放低左d餐具就失左蹤，我地坐左好耐都冇人黎落單，收銀位個哥仔又坐定定，唔理舖面，搞到我以為係自助形式買野食，直到我地行出去收銀落單，個女侍應先閃返過黎，原來佢去左吹水⋯好喇，講返d甜品，棉花糖雪糕吐司基本冇咩難度，正正常常又冇咩驚喜咁囉。士多啤梨芝士窩夫都不過不失，士多啤梨雪糕有少少酸味，整體味道都算平衡。可惜食多兩啖就覺得好甜，想問侍應拎杯水中和下，佢竟然話佢地冇水㗎！OMG！想逼人點飲品都唔係咁掛，我食個咁甜嘅窩夫，仲要我飲甜野？！食到中段我已經分唔到自己食緊乜，只有一個甜字⋯果日間舖嘅老細一定唔喺度，事關d侍應成日玩失蹤，又勁玩電話同吹水，當d客透明，我係老細一定炒鬼晒佢地。

食飽後慣性要搵返D甜品食下厚褔街的甜品店試過2間了, 今次就試間未試過的之前餐飯食得唔太飽, 見佢有PANCAKE,賣相都唔錯, 一於點個士多啤梨PANCAKE 試下PANCAKE 即叫即做, 所以要等上10分鐘左右上枱時絕對新鮮熱辣!士多啤梨係咪韓國貨就唔知, 不過食落都唔算太酸配上士多啤梨醬汁的PANCAKE 幾好食, 個汁唔似其他店的藥水味, 唔會太假太甜上便仲有一粒粒的是芝士蛋糕由於店裡設最低消費每人一飲品或一甜品, 所以我地點多杯荔枝梳打, 都OK的!

尖沙咀食飽飯再食甜品，被門口相片所吸引，於是叫左個"No.1" 既綠寶石香甜蜜瓜雪奶$68, 巨峰梳打$35，相片中既"No.1", 唔太見到雪花冰，出面被粒粒蜜瓜蓋住，頂層係雪糕.... 但現實：圍邊既係稀虛既6片蜜瓜，裡面係灑滿蜜瓜味粉，裡面係雪白無味既綿綿冰，頂層一球雲呢拿雪糕，賣相欠奉，蜜瓜無味，綿綿冰無味，蜜瓜粉得香味，附上練奶，因為無味所以再叫左練奶！巨峰梳打同罐裝汽水一樣味，冇驚喜！總括係真心覺得唔好食同唔抵！

Unpleasant bingsu. Perhaps I'm not a fan of melon powder which is quite sweet being eaten with condensed milk and ice cream (sweet x sweet x sweet). Ice flakes were not particularly snowy either. The toast was quite hard and sauce unimaginatively standard in flavour.

食完飯去食個甜品，點知食著個曱甴腳奶冰！同個staff講完，佢淨係話未試過咁，之後話唔計個奶冰錢！但問題甘本唔係俾唔俾錢！個冰我已經食晒咁制，先俾我見到大大隻有刺嘅曱甴腳係餅碎入面，咁佢身邊其餘部分去咗邊？我話要叫食環，佢就直接收咗碗野話拎入去睇！我叫佢放返低佢完全無理過我！之後我入咗厠所嘔，碗野就無再出過嚟，好彩我見到嗰時已經影咗張相！有圖有真相！

朋友介紹去左一間以韓國甜品為主打既甜品店「Nun Desserts Cafe」，餐廳裝潢不算好特別，但以播韓文歌為主，最後點選了「韓式綠寶石香甜蜜瓜雪奶$68」。😌「韓式綠寶石香甜蜜瓜雪奶」製作時間較耐，配上煉奶。份量都頗為多，有七件蜜瓜而且好甜，表面綠色的蜜瓜味粉末好甜好好食，冰就磨得好棉好粉咁，整個咁食唔會太甜，再拌上煉奶味道剛剛好。🍈🍨

見佢唔洗等位，但都坐到半餐廳。見餐牌有窩夫應該正常，一行六人齊齊試，坐低無耐已見到有最低消息$50個人，明白租金貴，理解理解。餐牌大多都係雪奶，我興趣不大，叫左綠茶軟雪糕，其他叫左三份雪奶同幾杯野軟雪糕最先黎，一食唔似軟雪糕咁滑咁奶，又唔似乳酪，奇奇怪怪無興趣。再黎第一份朱古力雪奶，好多朱古力粉但無甜味，佢有一碗仔練奶跟，不過太細碗加哂的落雪奶都唔夠味，食左朱古力粉加無味雪粉，密瓜雪奶個味最清新。再黎兩杯沙冰，荔枝味無問題，芒果味就全枱人都飲唔到係咩，我就飲完個口先會有陣芒果除，似青檸礦泉水咁既感覺囉，忍唔住同侍應講，佢話過換過杯我地都唔敢。最黎都係覺得我杯軟雪糕係最好

同朋友食完飯就行過嚟厚福街呢度甜品鋪都係幾多見呢間有韓式多士就衝左入嚟同時叫左兩款多士係門口餐牌因爲見到佢先衝入嚟相信好多女仔都對棉花糖起心心眼等左5分鐘就有得食棉花糖外脆內軟，又大粒朱古力醬夠多，連多士食唔會太乾推介！！😍不過唔好係食飽先點佢，始終都有啲漏，我係接受到既見到有一個女仔自己嚟食佢呢個係紅豆年糕多士岩岩係韓國返嚟，唸住個邊既味道先點既我地明明同一時間點兩個多士食哂棉花糖個個，仲要三催四請Staff係咁話整緊整緊，睇住隔離枱嚟9個人食完芭非走都未有過左一個鐘先問我地等多十分鐘得唔得好彩我係唸住坐底同朋友吹水先無咁嬲呢個多士，好多黃豆粉但無醬！！淨係豆粉加多士食落好乾紅豆蓉又少，多士又無之前個個軟身唔推介😞

睇完HOCC諗住嘆個甜品先返屋企！入到去坐00:03叫野...等左陣唔對路...見到都多人諗住等多陣..見到早我地少少叫野既都差唔多食完00:35問...仲堅持話人多冇漏吹完之後野食即刻出...唔通真係咁岩得咁q?炸雞...不過不失有少少炸過頭叫杯沙冰黎左杯梳打...收銀見到仲要扮唔知咪叫佢改返價錢杯曲奇朱古力...黎到d朱古力醬漏晒出黎..好睇唔好食...成杯野好似一啖啖奶粉咁食落去仲要一d味都冇！有待改進呀！

同朋友係尖沙咀食完飯唔夠飽，就話去食甜品啦去左厚福街搵，見呢間未食過，就試下啦佢叫Nun，係韓文黎，即係雪咁解，咁睇應該食冰係佢主打啦除左有甜品食，都有D小食ge果陣都仲早，個場都未full2個女仔同1個小朋友，諗住叫1個大冰就夠啦點知佢話我地3個人，最少要叫2個...咁就叫左一個芝士寶石雪奶主要係奶冰，上面有個雪糕，仲有勁多果醬都好甜下，覺得果醬太多，有D太甜 抹茶丸子軟雪糕以為係成個抹茶雪糕，失望左只係原味雪糕加左抹茶粉不過雪糕量都好多個丸子都好好咬，不過得2粒如果冇最低消費就好啦...

今晚心血來潮想食甜品, 係尖沙咀唔愁冇野食...哈哈...走進厚福街甜品已有好幾間, 好吧..今次就吃這間.打開餐牌就知道主要食冰, 有好多唔同款式既冰. 點了幾款不同味道既冰, 有朱古力, 綠茶, 同埋藍莓味, 三款都各有特色, 冰係較軟綿綿的那種, 配上鮮果及醬汁, 口感軟滑. 份量兩個人SHARE食其實都OK.唯一美中不足就係醬汁唔夠多, 後來我地要另外加D練奶落去個冰到, 咁會再好味D. 佢地仲有其他的甜品, 同埋一些熱食. 不過, 眼見店內全部人都係叫冰為主. 但其實我心想依到D冰又未真係去到話好好食, 冰上面既配料同埋醬汁係少既, 所以如果佢地係依方面改一改就會正好多啦.

韓式蜜瓜雪奶- 蜜瓜唔算好甜，比多幾粒就perfect啦！個雪花好綿好滑，口感好細緻，唔會冰到打晒冷震，好想快d一口接一口，落埋個煉奶👌🏻韓式芝士雪糕焦糖waffle- E..比想像中好食喎！個芝士餅粒都幾濃味，如果個waffle再熱d同埋再多小小焦糖就好啦，食到最尾已經點晒d焦糖🙈不過不失啦！

同朋友晚飯後，大家都意尤未盡就決定去食甜品多吹一陣，甜品鋪在厚福街都有好幾間，而我們就給門口精緻的雪糕樣品吸引入去這間了。樣樣都好想試，最後我們選了兩個，賣相真的一流，食落就有點失望，雪糕不夠軟滑，感覺是冰雪打出來，沒有太濃的咖啡牛奶味。另一個香濃芝士雪奶就好好多，芝士味真的非常濃郁加上芝士餅真的很重口味😆

同朋友食完飯, 諗住食下甜品, 見呢間好似唔係等太耐, 所以咪試下囉~ 點知食到一肚火, 店員落單能力其差, 落單後, 嚟錯野, 諗住叫佢換, 點知佢同我地講, 佢地已儘最大責任,完全無諗過任何補救方法, 而且態度惡劣.最緊要係甜品完全唔入流,我係完全唔會再黎呢度食既

今日行尖沙咀見nun有開分店吾洗等位就入左去食叫左2款甜品韓式牛奶雪糕 配搭吾同口味今次試綠茶紅豆牛奶雪糕面頭加上綠茶粉側面有紅豆泥同2粒白玉份量好大 夠晒2個人分雪糕有淡淡牛奶香 質地一般雪糕硬身食到尾都吾會變晒水烤棉花糖多士面頭有8粒棉花糖 同bbq烤既一樣多士中間有朱古力醬多士脆身 棉花糖軟冧冧口感好好 食完飽晒韓式甜品黎講價錢吾貴但略嫌呢間分店個廚房望落有點污糟😹