Nun Desserts Cafe (已結業)

發現尖沙咀開左nun，見到門口啲甜品相都好吸引下就入左去。去到時間已經係夜晚十一點，店員話只係淨番雪奶，不過都無所謂啦。雪奶望落好似以前曾經喺香港好興嘅雪花冰，不過就變左韓式咁解。鋒芒畢露芝士雪奶 ($72)本身係個芒果迷，不過呢個芒果冰我就覺得麻麻地。芒果味係濃嘅，但主要係因為個芒果醬嘅味。個芒果醬好甜，甜到有啲假。果肉唔會太酸，但都係俾個芒果醬蓋過哂啲味。綠寶石蜜瓜雪奶 ($68)蜜瓜味香甜，蜜瓜果肉又大大舊。鐘意食蜜瓜嘅人唔可以錯過！香濃芝士雪糕雪奶 ($68)三個雪奶入面最鐘意呢個！可能我本唔係太好啲好甜嘅甜品，所以呢個就啱哂我啦。表面有一層芝士粉，竟然同雪奶非常夾。不過雪奶味道都係比較淡，佢有附送一個練奶，唔夠味可以加練奶一齊食。三個雪奶其實份量都幾多，我地五個人share三個就啱啱好，大家又可以試多幾個味

終於到了歲晚收爐的時間... 為了慶祝自己平安過渡未被老細炒，於是決定去 Nun 食番個靚甜品賀一賀佢。之前我在元朗 Nun 食過甜品，覺得味道唔錯又幾抵食，而早排我發現尖沙咀又開多間 Nun，覺得實在太好了。尖沙咀分店的裝潢，跟元朗店很相似啊。店舖以白色為主調，座位都算寬敞舒適。中間的電視機總是播放著韓國 MV，營造韓國風的氣氛。本來仲以為我 7 點幾來到，就甜品當晚餐添~ 咦！原來呢度多了幾款鹹食，例如湯麵、冷麵、年糕等，都可以順便當晚飯食呀。咁我首先叫了韓式鮮蝦餃子湯麵。湯底是帶有泡菜味的小辣味，但亦加了一塊塊的蛋花，麵底是韓國的公仔麵，粗粗地、孿孿地，口感軟腍得來都幾彈牙，而且仲吸了泡菜的辣味。湯麵共有 3 隻蝦、3隻餃子和一些雲耳及紅蘿蔔絲，蝦都幾大隻，餃子裡面有豬肉和小辣的泡菜，可是煮得略嫌軟腍。雖然呢碗麵的份量都頗為豐富，但每個女生都有兩個胃，食完麵之後不忘要食番個甜品。呢個韓式特濃抹茶紅豆奶油吐司，聽聞出左唔係好耐，而賣相都幾吸引。兩塊厚厚脆脆的多士，佈滿厚厚的韓式抹茶醬，亦有香濃幼滑的抹茶味雪糕，加上兩條插在灑滿抹茶粉的忌廉的朱古力餅條，擺位都相當有層次感喎。抹茶雪糕

上月和朋友去TST行街,在厚福街附近見到nun,之前吃過元朗店，覺得幾好味,今次同朋友試下TST店 ,我叫了蕉糖窩夫和荔枝梳打,窩夫的口感十分脆，我覺得味道又幾好味,雪糕又不是太甜 ,荔枝梳打味道酸酸十分開胃,亦都幾好飲,服務就一般,朋友話這間都OK,地方十分適中,TST整體都幾好

韓風繼續吹, 這次要寫的是 Nun 雪奶專門店, 看看他們的韓式刨冰夠不夠正宗餐廳在尖沙咀食店林立的厚福街, 每晚晚飯時間後就擠滿吃甜點的人甜品選擇多, 單是韓式刨冰已有十六款, 更有軟雪糕、窩夫和吐司系列對 tiramisu 完全沒有抵抗力的我選了 tiramisu 牛奶軟雪糕, 當然也要點個刨冰, 朋友選了藍紅寶石鮮雜莓雪奶和一杯蜜糖花梨茶潤潤喉蜜糖花梨茶 ($28) 清甜中帶點酸, 冬天喝很滋潤, 但甜度稍高, 再淡一點會更好藍紅寶石鮮雜莓雪奶 ($68) 賣相吸引, 有草莓雪糕、雜莓醬、鮮藍莓和芝士蛋糕塊, 不夠甜的話更可以加上煉奶; 刨冰打得幼細, 入口即化, 但牛奶味很淡, 比韓國的差一點點, 雜莓醬亦太濃稠黏口, 只有草莓雪糕最正常, 整體算是不過不失吧Tiramisu 牛奶軟雪糕 ($55) 有軟雪糕、忌廉芝士和咖啡粉, 也有一小塊咖啡蛋糕和朱古力作裝飾; 這雪糕版本的 tiramisu 是意想不到的好吃, 幼滑香甜, 更有淡淡咖啡香, 很有驚喜, 讓我跟朋友都冷落了雜莓雪奶刨冰跟韓國的有點距離, 反而非主打的軟雪糕卻搶盡風頭, 大家去的話記得要點~

阿妹係台灣反來放年假，一直嚷著要食呢樣食果樣，先前睇見我臉書post過nun既甜品相，要我同佢去食咁話，做家姐無得唔應丞架..韓式藍紅寶石芝士蛋糕雪奶 $72淨係個樣已經滿分了用上紐西蘭雪糕，空氣含量低特別滑，而且食到真果肉。仲諗住芝士蛋糕用來貨貨色應該唔好味，點知又唔錯，芝士味都幾濃而且好creamy,同雪奶一齊食好夾~雪奶牛奶味香濃，食到尾都未溶哂，藍莓果醬酸酸甜甜，唔洗加練奶都夠哂味了黃金芒果韓式牛奶雪糕 $52呢杯好抵食啊，到底都係軟雪糕黎架，真係要兩個人share至掂，呢個季節芒果唔當造但估唔到好香甜wor，軟雪糕係香濃牛奶味，好軟滑呀食甜品都食到飽一飽咁走，阿妹話我累佢肥幾磅

零度又點呀，無懼寒冬，繼續食冰沫～食完晚飯又係嚐甜嘅時間，黎到nun，唔知係咪太凍，竟然唔使等位，入去揀個靚位食甜品。香濃邪惡Tiramisu雪奶， $68軟雪糕，朱古力醬，咖啡粉，tiramisu cream，煉奶滿滿一盤，下面係雪奶，甜甜的食落好香滑，tiramisu cream有著香濃咖啡味同淡淡酒味，做得真係好出色。再追加一人一杯熱朱古力，哈哈，越食越凍，飲番杯暖下胃先，好甜好甜嘅朱古力，冬天飲啱哂。食完甜品，快啲番去窩喺張被到先。

凡購買任何雪奶、吐司、窩夫、湯麵、冷麵、年糕均可獲贈飲品一杯或小食半份, 以上就是尖沙咀Nun推出的下午茶餐。韓國綠寶石香甜蜜瓜雪奶  $68鮮甜的蜜瓜, 件件大又甜, 來自韓國的蜜瓜粉散落在細碎而像粉末一樣的雪奶上, 幽幽的蜜瓜香甜已不再需要落煉乳了!贈送的蒸韓國餃子, 半份是三隻, 餃皮薄且帶煙韌, 內餡是豬肉末, 蘸上辣醬吃是另一番美味。

令人驚喜的草莓軟雪糕@NUN和朋友食飯後找地方食甜品,經過厚福街,見到新開了Nun,門口出現了小小人龍,大喜~!平日的9時左右,小店內座滿客人,雖然人多,但空間感,還說得上舒適,不過當然下午時間來就會比較舒適啦價錢和食物款式和旺角分店相約,款式多到令人眼花撩亂原本打算點草莓雪奶的,但同行友人不許我點!因為我每次都是點同一款,他迫我試其他~因此草莓控的我便點了草莓軟雪糕份量超大,我原本在想雪糕就是雪糕啦,草莓軟雪糕就是軟雪糕加上草莓之類,誰知食一口之後就令我感到非常意外!軟雪糕的奶味不太濃,有點似乳酪雪糕但又有點似雪葩,總之食落甜而不膩,雖然大杯,但一個女仔絕對是可以把它吃掉的抹茶紅豆奶油吐司　$49是店員的推介一個人是絕對食不完呢,份量超多,多士烤得軟脆適中,上面加了大量韓國抹茶牛奶醬,是最HIT的食法,之後再加了大量綠茶粉,食的時間啖啖綠茶香味,而那厚厚一層的紅豆蓉,一點都不小氣,足以和吐司拌食,綠茶雪糕不過不失,不過我在想如果可以伴以軟雪糕可能更美味呢

厚福街，又多了不少食店進駐。Cc很喜歡Nun的麻糬雪奶，二話不說，就走了進去。尖沙咀店比銅鑼灣店大，只是，沒甚裝飾點綴可言。天氣嚴寒，先來一碗熱辣辣的韓式鮮蝦餃子湯麵$52。店員告知鮮蝦缺貨，然，我倆仍想吃麵，故堅持要麵。先趁熱呷一啖湯底，橙紅湯底滲出一股濃烈的辛辣味，小妹受不了，Cc則面不改容地喝下去。韓式麵條有點像公仔麵，泡麵的時間剛好， 麵條入口爽滑煙韌，挺有咬口和嚼勁。浸在湯中的韓式餃子皮薄，饀料是混有細碎粉絲碎的豬肉碎，早已變腍了，口感頗差。韓式芝士焗蟹柳吐司配薯格$55被端上枱時，熱辣辣，香噴噴，十分誘人!厚身吐司上，盡是洋蔥芝士焗蟹柳，咬下去，吐司香脆鬆軟具彈性，餡料既有洋蔥的清香清爽，且帶芝士的芝香和香軟的蟹柳肉，配搭甚佳。薯格，炸得金黃香脆，且毫不油膩。只可惜，沒有茄汁。雪奶有十多款，圖文並茂，教人看得眼花撩亂，心大心細，不知要那一款才好呢？據說，近年在釜山大熱的雪奶以特別的機器製作，又選用韓國牛奶入饌，故質感輕盈綿滑，奶味香濃。掙扎了好一會兒，基於對麻糬的一份難以忘懷的感情，決定要原味甜蜜蜜麻糬雪奶$50。小妹和Cc，急不及待搯起一粒麻糬放入口，黃豆粉味香，麻糬入口

晚飯過後經過厚福街，被門外七彩繽紛的甜點吸引，見不需要排隊，就進去試試看！因為想試試看不同的，所以我們決定叫不同來share窩夫賣相很不錯，可惜不夠鬆軟，也有一點點苦味，所以大扣分雪糕有一種人工的死甜，吃幾口就已經很膩總結這間賣相環境服務都很好，就是味道還有改善空間

與友人食完韓燒、有點膩、想找點甜品清清喉嚨。走進厚福街、左一間右一間甜品舖、在心大心細之際、選了間韓式甜品舖、佳因白雪雪、光淨明亮的装潢吸引了。醉人草莓雪奶＄６８軟綿綿的沙冰入口即溶、加入煉奶味道更加出眾。士多啤梨酸酸咪咪、特別醒神。金時紅豆雪奶＄６８好香濃的抹茶味道。紅豆茸煮得軟熟豆味濃郁。紅豆和抹茶幾時都係好朋友、配搭得天衣無縫。韓式芝士疍糕士多啤梨窩夫＄６２窩夫餅底外脆內軟、蛋味香濃。窩夫、士多啤梨雪糕、鮮士多啤梨粒和芝士蛋糕粒、混合一口、又熱又凍、又甜又酸、層次感豐富。時間真過得好快、不知不覺己晚上11時了、食完咁滿足又幸福甜品、係時候回家了。

一直知道尖沙咀甜品集中地的我竟然沒發現這裡開了間韓式甜品店直至今天和老婆仔想在這街尋找甜品時才發現馬上決定要試一試我們來的時間很早所以店內人不多可以讓我們慢慢品嚐甜品老婆仔選擇了這裡出名的芝士草莓雪奶我就選了抹茶紅豆吐司點完甜品突然發現原來我是抹茶控老婆仔是草莓控真的很遲鈍的發現先來的是芝士草莓雪奶樣子非常吸引雖然最近天氣寒冷不過我們之前在首爾吃雪奶時也是零度正好能讓我們重溫那感覺比起韓國的雪奶感覺這個更美味因為奶味更濃而且配有大量草莓本來還留著部分草莓慢慢吃怕吃到最尾時單單吃冰沒想到竟然連底部也鋪滿了草莓真的很有誠意之舉而那份芝士雖然份量不多配合草莓和雪奶也很突出難怪是這裡的招牌甜品之一我點抹茶紅豆吐司的其中一個原因是看到這裡是用韓國出名的抹茶醬很想回味當時很欣賞的這個醬吃到塗在吐司上的醬果然是很喜歡的味道不過略嫌塗得不太多幸好還有忌廉、雪糕和紅豆配上能填充那份味道紅豆和抹茶當然是天作之合沒想到這個雪糕也很美味抹茶味很濃整體來說我也很欣賞這甜品雖然天氣寒冷但無損我味覺的靈敏度感覺這裡比起當時在韓國更美味一點是我寒冷得麻木出錯覺嗎?

就算我幾咁cheap精都好 媾女都總係會洗下錢嘅我條女最中意係韓國嘢 只要有個韓字佢就會笑之前激嬲佐佢 我今日決定洗出最強秘技就係韓式甜品! 總之不成功便成塵! 韓式舐蜜蜜麻糬雪奶$50雪奶好幼細仲係入口即溶嘅 要加煉奶淺啡色嘅黃豆粉好香 麻糬一粒粒好得意係好煙韌 同埋有杏仁薄片 韓式士多啤梨併香蕉鮮奶$42就係用士多啤梨同香蕉攪成嘅 味道好似奶昔咁樣 唔太甜又幾滑口 呢招果然掂 食完之後條女果然happy番 呢餐抵食

韓風盛行，除左港人至愛既韓式烤肉，近年都多左主打韓式甜品店出現，一樣大受歡迎。今晚係寒風下830pm就食完飯，見依間平時大排長龍既NUN竟然有位，就仆到入去試一試! 餐牌上面有幾十款選擇，樣樣都好吸引，見到個窩夫好吸引，同朋友就各自叫一個!我揀左韓式鮮藍苺雪糕窩夫，朋友就叫左韓式芝士蛋糕士多啤利窩夫。等左唔使10分鐘就到啦。 嘩嘩嘩，睇相細細碟，點知實物巧大份! 材料交足功課， 同餐牌張相既相似度有99%!未食落口已經香味撲鼻，窩夫溫度夠熱，外層層皮少許鬆脆，配上新鮮濃厚既藍苺醬，味道一流。再試下個士多啤利雪糕球，香濃士多啤利味，入口唔會太甜，口感清新，即使今晚好凍同剛食完飯好飽既情況下都要KO哂全碟佢。 朋友叫既士多啤利窩夫同樣吸睛， 大大塊窩夫鋪滿香甜士多啤利，做得好厚身但好脆。朋友亦話士多啤利味雪糕非常香滑。 最後仲想飲番杯野暖暖肚，其實好少甜品甜店會有熱飲。 叫左杯熱辣辣韓式香梨飲品，酸中帶甜好開胃，仲有啲梨肉喺底，真材實料，絕對唔係用粉沖。

不用BeautySearch 多說，大家都韓風在港的威力，持續多年，勢頭未減之餘，還越來越多花招，說到韓食，除了韓燒、炸雞，以及近期把BeautySearch 完全攻陷的芝士食品外，BeautySearch 發現，韓食開始衝著我而來，這次，就連我最愛的甜品市場也開始入侵，而且，不是飯後甜唔這麼簡單，而是以甜品為主的甜品小店開始面世。今次，BeautySearch 到訪的，是一間韓國雪奶專門店《Nun》，以出售韓式甜品為主，有少量咸食選擇。店內裝修設計，以白色及淺木色為主調，設計簡約，又帶點雅緻，感覺閒息，充滿韓國風尚。店子門前設有大雪櫃，放滿了各式各樣的甜品，非常吸引！店門的另一邊，擺放了三幅大MENU，想睇真各款韓式甜品的相片？一覽無遺！相信，不少食客也會被此吸進店內。甫坐下，BeautySearch 已看中了這款「韓式芒果意大利粉雪糕」，雖然外表似乎平淡了一點，沒有繽紛的色彩，也沒有吸引獨特的組合，卻有創新的名字... 「意大利粉雪糕」。BeautySearch一向貪新鮮，求知慾又強，怎可不試試這韓式甜品？白雪雪的雲尼拿雪糕，一條條的擺放在豐富的芒果肉旁，雖然顏色象真度較底，造型卻