noc (翩匯坊)

營業中

休息中

食過天后好正，將軍澳新開張專登來捧下場 無失望 環境很舒適，影相打卡一流，食物水準保持一貫水準，有幸食到3:00出爐蛋撻，呢個第一次品嚐，返到家都仲好回味，會約朋友再來支持叫左一個pancake, 下午茶份量剛剛洽到好處，甜度剛剛好，好啱女仔吃朋友吃一份薯仔窩夫，質感鬆軟比較特別，基本上自己整唔到呢，所以更加深刻，希望再試食其他，呢間餐廳地址很好，食完大餐可以到附近shopping, 亦可以吹吹海風，一流享受

新店空間感爆燈呀, 以純白水泥灰為主調, 店內仲有個弧型植物打卡區🥰本身諗住去試佢地個egg tart, 但原來要3點後先有架🙈唯有試住其他好西, 留待下次再訪🙌🍰ᴅᴇssᴇʀᴛ· Basque Cheese Cake $38﹟口感軟綿綿同埋好幼滑, 食落超級soft‼️好有初戀既感覺呀🙊雲呢拿味同芝士味互相補足, 仲見到啲雲呢拿籽, 要再ENCORE呀😋🥤ᴅʀɪɴᴋ· Fizzpresso $45﹟望落分左兩漸層, 飲落都係富有層次感既一杯飲品😍底層係passion fruit soda, 配埋expresso, 呢個組合幾特別, 有新意🙆🏻‍♀️🙌飲落幾清新, 不會苦澀🌿

新開張，所以日日都排隊入場，野食種類唔多，品質味道係ok,無大問題，但餐牌應中英對照，因同老人家食，老人家見到餐牌即時講，唔識英文唔駛食衣間啦⋯⋯咖啡係ok，價格對比食材性價比稍貴了點，服務好。員工有禮貌。

早排同朋友約定左一齊去食Cafe打下卡影下相 咁朋友就住將軍澳 咁岩見到將軍澳開左間新既Cafe 4000呎落地大玻璃純白Cafe 就即刻約朋友去試下 原來佢都有好幾間分店 聽講要排隊等位成個鐘先入到去食 同埋每日有唔同時段出爐既牛角包 芝士蛋糕同蛋撻 要睇下可唔可以撞岩出爐時間可以試下我地大約晏晝1點半左右到 由地鐵站行過去10分鐘左右到 去到前面大約有3枱人等梗位 望入去間Cafe全白色 好光猛 餐廳都幾大下 好多位 見到門口有幾張係二人既梳化位 應該幾舒服下 我地大約等左10分鐘左右就入得了 一入到去店員同我地講用餐時間兩個鐘 落order都係要出面落同埋俾埋錢 再有專人送埋黎上網見推介既野食都係食吐司既多 另外仲有個係窩夫 入面有薯仔 上面有隻太陽蛋同牛油果 咁朋友就麻麻地牛油果 咁就揀左一份吐司同一份全日早餐share食 再一人叫一杯飲品全日早餐我地揀左最普通第一個款 有炒蛋 大啡菇 車梨茄 腸 煙肉 露荀 薯仔同埋牛油果醬迷你法包 味道正常 冇乜特別另外仲叫左份吐司 炒蛋蟹肉吐司 底下有兩塊吐司 吐司上面有bb菠菜 同埋炒蛋白加蟹肉 仲有半個牛油果 呢個吐司食落成個都好夾

將軍澳又有新開張Cafe, 難得放假當然要去朝聖. 係翩滙地下門口一眼就望到, 但實在非常多人, 要排一個鐘頭左右隊先入得去. Cafe面積頗大, 落地玻璃令環境光猛寬敞, 間隔座位亦令人感覺好舒適. 店員安排座位後需自行出櫃檯柯打食物, 可能人太多食物等候時間會較耐. 咖啡選擇了Flat White同手沖咖啡, Flat white 賣相不錯, espresso啡底亦夠濃郁. 手沖咖啡特地選擇了較nutty同朱古力味重的咖啡豆, 咖啡師亦沖到應有的風味, 不過溫度感覺有點過高, 但以50蚊一杯手沖咖啡價錢確實相宜. 食物方面All day breakfast 同煙三文魚班尼迪蛋多士都算不錯, 新張期仲有扭蛋抽獎送一張免費咖啡卷, 下次可再試. 整體水準不錯又一個寫意的下午

NOC all day breakfast ($148)Iced passionfruit tea (跟餐加$28)難得將軍澳開cafe當然要去朝聖一下平日lunch time 都好多人 要排隊有大概15人係前面排左20-30分鐘就有得入去了 Cafe內空間感都幾大貫徹白色簡約風 有幾個唔錯既打卡位～但比較多人唔好意思走過去影食物方面睇落唔多 但都夠飽整體味道唔錯個人喜歡大啡菇同薯蓉唔食肉的 可以揀vegetarian breakfast除左Jomo 多一個cafe選擇了

新UOC進駐將軍澳，佔地4000呎，純白裝潢，主打輕食 人氣蛋撻 coffee，食物不止得個樣，質素也非常好，是會想再來試一下其他菜式的cafe，而且很多牛油果的不同菜式，喜歡牛油果的必到。店舖擺位不會感到局促，適合聚會聊天打卡。⚠️留意 甜品是每星期不同的，我來的這星期是賣曲奇，試不了他的巴斯洛芝士蛋糕，傷心。另外，蛋撻是3pm開賣的，所以想試他的蛋撻要注意時間喔。要特別表揚一下，職員服務態度很好，特別是reception 哥哥。𝚂𝚌𝚛𝚊𝚖𝚋𝚕𝚎𝚍 𝚌𝚛𝚊𝚋 𝚝𝚘𝚊𝚜𝚝 $𝟷𝟸𝟾首先一上，蟹鮮味撲鼻而來，有驚喜，超級香，未見餐先聞味。配上大大的牛油果，蛋白配大大粒蟹肉，突出了蟹肉的鮮甜，正。配上sourdough toast，煙煙韌韌，是我很喜歡的麵包口感，打卡打久了，也不擔心toast變得軟爛。可以滴上幾滴檸檬汁，酸酸甜甜，更開胃。整個toast 都令我驚喜，喜歡蟹的更不要錯過。𝙴𝚐𝚐 𝚝𝚊𝚛𝚝 $𝟷𝟾人氣食品，一出爐半間店的客人都蜂擁而上排隊。高高的酥皮很酥脆，蛋液很嫩滑，動L動L的，有蛋香，但對不太好甜的我，略嫌有點甜，但配上苦苦的咖啡，一流。整體吃完不會有滯感。𝙳𝚒𝚛𝚝𝚢 $𝟺

係網上見到鋪天蓋地嘅宣傳, 都忍唔住要去朝聖一下，今次第二次先有勇氣去排隊，第一次人龍長又長，預計都排好耐，第二次天氣凍，人龍短啲，比我預期中排得快， 排隊期間， 職員派飛預訂招牌蛋撻，保証你入到去一定有得食，呢個安排幾好! 我點了cappuccino，另點了mocha，拉花吸晴， 咖啡味濃郁， 焦糖蛋撻， 蛋滑皮脆，呢個招牌真係無介紹錯!

今次係星期四下午3:00過去，因為見到幾次過去都人流十分之多，所以見到今次條龍冇平時咁長就決定排隊，20分鐘左右竟然入到去，真係冇諗過咁快。店員有介紹過要自己出去拎水同埋order食物，見到俾錢條龍中仲長過出面有點驚訝，到先生比完錢返嚟，我估都排咗30分鐘左右，佢話嗰度個收錢應該新人，其實黎之前因為上過OpenRice睇過有類似嘅評語，所以可能有心理準備，但嘢食都黎得好快，所以由排隊到食嘢用咗兩個鐘時間。咖啡都真係幾好飲，好過隔離jomo,食物有驚喜，如果真係要比我再入嚟食，我會繼續食返呢個 cream brluce pancakes我個人喜歡食甜野，覺得好好食，對面位先生就唔係好肯食。另外有問先生覺得個 egg benedict 點，佢話覺得算係正常咁啦，如果隔離jomo 比較真係差唔多，jomo 個邊只係食景，不過講真最近咁凍真係唔會過去嗰邊排隊住整體我覺得係唔錯嘅，只要處理好人手安排，就唔會令客人覺得有一種白等嘅感覺

The shop is newly opened in TKO. The staffs are not well trained and the customer experience is way below the prices they are charging. Very slow service no matter ordering or preparing the food and coffee. The store does not care about the long queue in front of the store or the cashier. The food/coffee is with average quality and certainly is not worth the wait.

新開張第二日的早上亦係2021年嘅開始呢間開早上8點我9點鐘黎到已經要排隊排咗成個鐘先入到去除左Menu上既食物仲有全日供應嘅牛角包分時段供應嘅蛋撻同Cheesecake想試食哂就要唔同時段都黎坐下啦～天氣好凍，需要多少少熱量所以叫左杯Mocha唔係好識欣賞咖啡不過唔太甜好啱我口味都多謝咖啡師用心拉花見好多人點salmon toastsalad bowl都好吸引不過唔想食咁飽就叫咗個Loaded Potato WaffleWaffle入面係滿滿嘅薯蓉，口感不太脆，料好足啱晒鐘意食薯仔嘅我☺️將檸檬汁加上去除咗刺激到肚仔嘅食欲，亦有一個清新嘅味道👍🏼👍🏼成個餐點對我呢個小鳥胃黎講份量係剛剛好食完唔會飽到行唔郁，又有energy去行下附近海旁(值得一讚嘅係餐具上嘅時候係溫暖的）一路食都留意緊餐廳嘅運作佢地有stamp card買滿9次野飲就可以換一杯野飲糖同水係自助形式的環境好寬敞，可以睇住咖啡師沖咖啡都有好多staff係外場，服務態度唔錯買滿$250好似有得扭蛋場內亦有NOC 自家出產嘅產品例如咖啡杯同咖啡豆售賣等咗成粒鐘先入到去但等餐時間唔需要10分鐘效率都唔錯走嘅時候仍然有人在排隊龍尾