No Money So Lonely

營業中

休息中

No Money So Lonely (旺角) #cteateat_高質推介意想不到呢度有間高質Cafe，原來係@mamaday.studio 創立既另一條概念店，唔怪得裝修餐牌都咁古靈精怪！ 又係一間有環境又有味道嘅Cafe！推介之作！😍😍今次試咗-燒八爪魚肉食者沙律（個八爪魚烤得好香，水果新鮮）🥗、-冬陰功大蝦薄餅（唔會辣，餅底係薄脆，我又幾中意）-焦糖燉蛋脆脆芝士蛋糕（估你唔到唔會太甜又crazy ,又大件）（推介食）全部都好好食。🌾用餐心情:三五知己談心好地方環境夠靜，又坐得舒服，但留留意90分鐘限時，晚餐就要六點先入得！）總括而言勁多打卡位，而且上菜都快！值得一試！真人實測六點入到即叫即食，6:40可以埋單走人🤣地址：旺角彌敦道700號T.O.P This is Our Place 4樓406-408號舖

紅豆陳皮奶昔 $52芒果椰子沙冰 $50脆炸五花腩 $158蜜味酸辣豬肋骨 $138行開TOP見到呢間名叫’NMSL’，充滿玩味嘅餐廳，裝修幾靚，主打東南亞fusion菜，食物都睇落唔錯，一於試下啦～行到好熱，所以入到去先叫兩杯飲品。紅豆陳皮奶昔好正，好似紅豆冰+smoothie 感覺；而芒果椰子沙冰就甜甜地好清新，解暑一流！主食有gimmick同埋都幾好食，作為食肉獸叫左兩款肉～豬辣骨D酸辣味好適中，唔會蓋過D肉味之餘，完全把肉味帶出，五花腩好香脆。無肥油膩感。兩款主食都有salad 配菜，食落都好fresh

TOP最近多左好多新興餐廳，見到呢間裝修幾有趣，好岩打卡。座位都好闊落，野食選擇幾特別，好多fusion菜。 我地叫左個泰式肉碎豬頸肉pizza，呢款都幾辣，特別係青色個D椒，餅底係薄批，邊邊位好脆，咁既配搭都幾好食! 另外，叫左個大阪章魚燒意粉，個醬同平時食章魚燒真係一樣味，仲有D粒粒章魚，同木魚碎，好特別，會再想encore。小食就叫左香茅墨汁雞翼，簡左半份避風塘味，半份都幾多下，係單骨雞翼，食得方便D，呢款唔算好辣，但夠惹味。仲有好多款菜想食！唯有下次再黎啦。

今日同朋友行過旺角，原來有個新商場我地都未去過，咁就一於去睇下有咩好嘢食，見到呢間門口幾得意就入去。南瓜忌廉湯Creamy，南瓜香甜美味，唔會水汪汪。青檸凍的蜆 $88香茅味濃，蜆新鮮無腥味，酸酸甜甜幾開胃。日本雲丹醬油海鮮黃金炒飯 $128材料十分豐富，有蟹肉，8爪魚粒，蜆肉，雞蛋， 西芹，洋蔥，蟹籽，份量好多，炒飯炒得乾身，粒粒分明，每啖飯都好有咬口。迷你版窩夫 $68我地跟餐叫左個窩夫，係咖央椰絲麻糬，窩夫烘得香脆，外脆內軟咁，入面仲有麻糬煙韌軟糯，咖央味突出，香甜又唔膩。

NMSLNMSLNMSL重事嘅事要講3次係呀，個餐廳叫 No Money So Lonely就咁睇佢個menu，都估到係 Mamaday 嘅姊妹店 💛🥰啲裝修有幾啱打卡唔洗我多講～等緊嘢食嗰陣已經可以瘋狂影相 📸️叫咗個 Lunch set 自選四餸飯 ($126) : 啲餸就唔係幾夠熱…泡菜豬肉最好食，手撕雞同班尼狄蛋普通，一口牛唔好叫 韌到不得了反而跟餐嘅沙律(估唔到有藍莓) 同杯Americano就幾好

最近放大假，可以約多D朋友食野敘舊，今日約朋友食lunch,佢鍾意食泰國菜，旺角T.O.P商場有間 Mamaday 姊妹店No Money So Lonely,店名同菜單名稱同樣風趣幽默，裝修富東南亞色彩，呢度主打泰式Fushion菜😄我哋要咗兩份set lunch,包沙律或餐湯，主菜同飲品😄沙律有紅桑子同藍莓，藍莓幾甜，沙律菜爽脆新鮮，加咗黑醋，酸酸甜甜😋沙甸辣魚比薩Pizza切開六件，Pizza餅底薄脆，都有拉絲效果，每件都有沙甸魚碎，沙甸魚微辣😋辣辣肥牛意粉肥牛大大片，肥瘦均勻，意粉係扁意粉，口感偏硬，食落有麻辣感覺，既刺激，又惹味😜士多啤梨薄荷梳打薄荷梳打微酸，有士多啤梨果蓉，飲落幾清新🤗

同朋友好耐冇見，就打算約食泰菜，上網搵搵下搵到依間就約左去食🤣🤣位置都幾易搵🤣位於旺角top.，鋪位幾大，有3個area都係佢的🤪佢係mamaday既姊妹店，所以餐牌、裝修都好似，好有外國風情☺️-🤍香茅雞翼 避風塘味 $68半份🤍薯條 蜜糖芥末醬 $58🤍啖啖蟹肉擔擔飯 $138-🤍香茅雞翼 ⭐️⭐️⭐️一黎到就見到雞翼顏色好黑，係單骨雞翼黎既，鋪滿紫菜加上燈光偏暗，所以睇落就好黑😂，味道方面香茅味唔重，唔太鍾意香茅味既我完全可以接受到🤪而避風塘味都唔太岀，反而充滿紫菜味。-🤍啖啖蟹肉擔擔飯 ⭐️⭐️⭐️真係啖啖都食到蟹肉！不過依個飯真係一個大膽既配搭，配料有洋蔥、花生、蟹肉、擔擔醬等，再有小小胡麻香辣味，味道偏似平時食既擔擔麵，但轉左飯加花生咁樣。中意食擔擔麵既話可以試下喔。

一去到呢間餐廳已經好鍾意佢裝修 大膽配色 誇張燈箱植物 充滿玩味 餐廳主打東南亞fusion菜 貧窮是寂寞拼盤 (三款) $78 揀咗腐皮扎肉、庶蝦、炸魷魚 新鮮滾熱辣炸起 幾好味 冬陰功大蝦pizza $138 餅底做得又脆又薄 Pizza面竟然放咗薯蓉 整體口感豐富 但略嫌冬陰功味唔夠出 唔夠濃辣 啖啖蟹肉擔擔飯 $136 將上海菜嘅擔擔麵元素融入意大利飯 配搭幾創新 帶點麻香 但係飯嘅質感過分糊口 乾身少少較好  整體性價比：🦖🦖🦖

呢個系列的餐廳我一直好鍾意💛好代表到香港人😂同埋好搞怪！創意無限，古靈精怪的style 正正係香港人士氣咁低迷的時候，所需要的💛😍—————————————————————啖啖蟹肉擔擔飯$138個名都幾得意，除咗蟹肉之外，仲要蟹籽同蘑菇，個飯係有少少鹹香同埋少少辣味，蟹肉分量多，分布成個飯，同埋都算係幾鮮甜！食到停唔到😂漢堡扒是手打漢堡扒的漢堡包$98都想讚下漢堡扒，塊肉真係好有手打嘅感覺，,都好厚，好邪惡👅好Juicy !可惜當日冇咗薯條，如果有就Perfect!咖央椰絲麻薯窩夫$98呢個真係不得不試！從來未試過咁好食嘅窩夫！有少少硬身，麻薯都超彈牙，有好濃嘅牛奶味，同埋估唔到椰絲同埋窩夫都幾夾😍朋友都讚好，好好食！牛油果芒果芫荽沙冰 $48呢個好好飲！飲完之後成日心思思想飲！芫荽味都算濃🤩呢個沙冰係奶昔質感，好正，入口順滑，超fresh 呢杯野絕對會encore！笨拿拿肉桂$44朋友叫左呢個都唔錯！香蕉味香濃，同肉桂絕配！上層係肉桂，下層係濃澀香蕉奶昔，飲之前攪勻佢更好！

旺角的T.O.P. 超方便，旺角站上蓋，不過由地站上4/5樓的食肆，也需時五至十分鐘呢！環境：都算寬敞，檯與檯不算太近，很有距離感；打卡位也不少，不過，晚市人多，也不好四處走動拍照呢Menu上的食物名稱有心思，細細玩味，一定會心微笑食物點了：蜜糖芥末醬薯條 (不是第一選擇，本選貧窮是寂寞拼盤，可惜要選3項，二人前太多了)：薯條不夠爽脆，太軟了！蜜糖芥末醬味可以濃些！脆炸五花腩：跟想像的大不同。。。但又意外地好吃。小小的五花腩，容易入口！巧妙地配上沙律，不只解膩，還很清爽肉桂焦糖蘋果麻糬窩夫 (不是第一選擇，本選咖央窩夫，卻沒有咖央。。。)：之前的窩夫是格仔餅模樣，不知是否成本因素，還是牛窩夫興起，易容了。食味呢？肉桂很香很濃、麻糬太少，在窩夫核心才找到、雪糕很一般、旁邊灑了糖的餅碎太甜。。。旺區，用餐限時90分鐘；可whatsapp 訂位：方便。

終於放大假喇我😆 約朋友食飯係基本啦💁🏽‍♀️ 想坐耐d傾耐d，所以搵間坐得舒服既餐廳👉🏼 No Money So Lonely脫節喇脫節喇我😩 連NMSL咩意思都唔知，search完意思，再去睇番成間餐廳既佈置，玩味感又真係幾重，最緊要係空間感夠大😌 坐得舒服！我地叫左兩個lunch set，追加左一份甜品💁🏽‍♀️➿ 今天的沙律🥗雜菜沙律伴意大利醋，酸甜開胃～➿ Select What You Like (3 items: $108)紫菜芝麻飯 • 菇奄列 • 明太子手撕雞 • 煎塊石斑幾鍾意菇奄列既菇粒，大大粒，份量又夠多～ 食明太子手撕雞會食到索索聲😛 證明太子幾足料喔！➿ 日本雲丹醬油海鮮黃金炒飯 ($128)推介啊🌟 珍珠米都可以炒到飯粒分明而有少少咬口，唔錯，加上海量蟹籽，所以整體口感幾豐富👍🏽➿ 蜂蜜紅茶甜度剛好！➿ 迷你版窩夫 ($68)咖央 • 椰絲 • 麻薯咖央醬沒有想像中綠，不過加埋椰絲，就夠哂椰😆 除左小丸子size既麻薯之外，窩夫都有點帶麻薯既質感，滿足到煙韌控既我地～

朋友鍾意試新嘢,我地就揀左呢間新開嘅fusion餐廳試試啦。環境都幾闊落，裝飾帶有fusion feel. 擺碟同紙巾都有獨有嘅字句，幾有趣。前菜揀咗香茅雞翼。一上枱，嚇死我哋啦。有冇落錯order呀。雞翼好似燒燶曬咁，問一問，好彩原來係香茅墨汁雞翼， 真係嚇一嚇。 食落雞翼比較乾， 肉質嚡，味道一般。冬陰功大蝦pizza，冬陰公味唔太重，唔會太辣，大蝦爽口，每片pizza都有最少一隻蝦，平均。pizza係薄脆型嘅餅底， 就算食到最後一片都仲夠脆，唔錯。食完記得抹咀墨汁卡邦尼配巴馬火腿， 除咗個名比較特別之外，整個菜色都比較普通。甜品係比較特別嘅辣的心太軟，樣子同普通心太軟無乜大分別，食落就知佢嘅lava朱古力係有少少辣味,但唔會太搶，冇蓋過朱古力嘅味道。 小小辣加多多甜，味道唔錯性價比一般，呢啲gimmick嘅嘢試一次就夠。

呢間餐廳係商場4樓。鋪面唔算細，座位算舒適，而且裝潢方面幾特別，餐廳入面都有幾個打卡位俾食客打下卡。一般café 既菜式會係主打西式菜，食下意粉、pizza、意大利飯咁樣。而呢間café 比較特別，係菜式入面加入咗啲泰式元素。同朋友唔算好肚餓，主要叫咗3樣食物同1杯飲品試下。第一樣到既係3款小食既拼盤，分別有庶蝦、炸飯波同腐皮扎肉。3樣之中最好食既係庶蝦，包住庶既蝦滑彈牙香口，最重要既係入面條庶多汁香甜，令人忍唔住係咁啜啲汁。炸飯波皮脆，而且飯波入面加咗香茅味道好特別，都值得推介。第二樣野食係墨汁卡邦尼意粉配巴馬火腿。意粉嚟到賣相唔錯，而且做到creamy既口感，每啖意粉都食得到火腿香味同墨汁既配合。不過食墨汁意粉都要預咗食到嘴黑色架啦。第三樣嚟既係肉類 : 脆炸五花腩。餐廳將五花腩炸到脆卜卜，而且入面既五花腩保持到多汁肥美，食落好爽好滿足，但係都好有罪疚感。店家係五花腩隔離另配有黑醋雜莓沙律，食食下覺得太膩既時候食下沙律refresh下會好好多，店家係呢方面既心思做得唔錯。飲品方面我地叫咗杯牛油果蜂蜜芫茜沙冰，揀呢杯就係想試下將芫茜加入特飲究竟味道會係點。特飲嚟到賣相同平時牛油果沙冰

位於旺角T.O.P商場4樓的《No Money So Lonely》，是熱門的打卡點，不單裝修特別，食物也整得好食，絕對是值得支持。步入餐廳，有點眼花撩亂，色彩配搭大胆搶眼，牆上寫上不少搞笑字句，枱上的紙巾也非常攪笑，令人不禁發出會心微笑。《香茅蜜汁雞翼》半份 鹹蛋黃$68第一次見雞翼用烏雞整，黑媽媽的雞翼上面有淡淡的鹹蛋黃味，非常特別，單骨也容易食。《NMSL Pizza》$136招牌Pizza, 薄批，焗得很香脆，上面有辣肉腸和雜菌菇、芝士，香口惹味。《欖菜香煎帶子扁意粉》$128新穎的配搭帶來新穎的口味，欖菜混合意粉，一試難忘！《NMSL Waffle 》 $98我和朋友選了這個窩夫做甜品，用肉桂、焦糖、蘋果、麻薯製成，酸酸甜甜的醬，加上脆卜卜的窩夫，正啊！《親手煮的山楂蘋果茶》$46餐廳不單食品特別，飲品也一樣奇奇怪怪的，但卻異常地好味，這款山楂蘋果茶，味道恰到好處， 消滯解膩一流。

上次食dinner, 有驚喜喎，泰式創意西餐，味道係特別同埋好味嘅，presentation 都好靚，少貴但係係有質素，但中午再去食個次就⋯⋯有D落差，張相係中午個餐嘅，D野上係凍冰冰，得個蟹餅好食。飲品都特別得來都好飲的，上次飲花茶，今次叫左岩鹽黑椒咖啡。