231
27
8
港鐵旺角站 B3 出口, 步行約1分鐘
繼續閱讀
電話號碼
59212838 (Whatsapp)
營業時間
今日營業
12:00 - 22:30
星期一至日
12:00 - 22:30
食家推介
相關文章
So money so lonely型格門面！Menu玩味feel, 例如有個湯叫廚師今天起床決定煮的湯！又有個叫做估唔到咩味的牛油果意粉，哈哈哈好正！如果素食者嘅話依度都好多菜揀，咖喱椰菜花飯、素食沙律等等！仲有豬油飯，milk shake才都幾特別，有苦瓜豆奶、紅豆陳皮、木瓜蜂蜜花椒等等。不過今日m到唔飲凍野啦，食個開胃飯算了。啖啖蟹肉擔擔飯 $138Crab meat Sichuan Dan Dan rice麻醬濃郁，加少少辣。配菜有洋蔥、蘆筍、青椒、蕃茄、沙律菜，主菜當然係蟹肉！夏日分量相當之多，蟹肉帶有鮮甜！咁樣混合粒擔擔飯多食有幾滋味，因為麻醬好多！飯粒有d似意大利飯煮飯，幾特別！蒜片鹹魚茄子鮑魚炒意大利麵 $138Salted fish eggplant abalone spaghetti 兩大隻鮑魚、鮮蘆、茄子，鹹魚味道香而唔會太重味，健康點！開始仲以為係鮑魚粒，點不知係原隻鮑魚，哈哈！性價比幾好，彈牙鮑！意粉都係偏爽口，岩哂！環境幾東南亞風情，枱椅都「涼涼爽」。
繼續閱讀
估唔到Mamaday又開左一個新line,呢間走泰國風既cafe同樣走玩味濃既裝潢設計.餐牌內既菜名照舊搞笑風.lunch set前菜配餐湯或沙律.是日餐湯係雜菜湯,菜湯內湯料豐富,帶茄香味.沙律以桂花糖做沙律醬,味道香甜重桂花香,配上沙律菜出奇地夾.Select what you like Step 1:三款主食中揀一(法國麵包,漢堡包及紫菜芝麻飯)Step 2:之後可以按喜好再選擇3-6款配料(內裏包含雞蛋類,涼盤及熱盤).今次就選擇左紫菜芝麻飯及三款配料試一試先.紫菜芝麻飯用飽滿既珍珠米,粒粒分明又綿糯.米飯之間充滿麻油香又唔會過膩,紫菜鹹鹹香香,如果加多少少鹹味感會更香.配料就係三款主項目入面各揀左一款:炒蛋配辣椒粉,炒蛋香滑嫩香唔會好油膩,配上辣椒粉唔會過辣又令炒蛋香味昇華.牛油果蓉creamy,入口口感濃厚配上炸雞令整體味道更清新.滋味炸雞既炸漿唔過厚而且炸得香脆,咬開內裏就充滿肉汁,雞肉嫩滑多汁.日本雲丹醬油海鮮黃金炒飯將醬油及海膽混合而成既雲丹醬油,帶住濃郁鮮甜香味,加入炒飯內令顏色帶點海膽色,入口帶出海鮮甘香味.炒飯內加上大量蟹籽為炒飯增添多重脆口感及海洋鹹香.配料亦有各款海鮮雜錦令炒飯味道更鮮.八角柚子梳打咖啡八角甜中帶甘,辨識度高而且味道醇香濃烈.有柚子既甜味中和左八角既甘辛香,令苦味唔會過濃烈.碳酸既汽泡充分地將八角,柚子及咖啡融合一齊,令味道相當清爽又提神.
繼續閱讀
早前經過此餐廳時被門口一大隻老虎頭像圖吸引，裝潢望落有趣，原來係城中以玩味見稱嘅Mamaday創辦人創立嘅另一概念店。星期五晚上五點半左右嚟到似乎仲係落場時間，喺商場內閒逛一圈六點準時入座。一貫Mamaday嘅作風，NMSL裝飾都好有特色，掛畫、擺設古靈精怪，令人目不暇給。貧窮是寂寞拼盤(小) $78拼盤有大有細夠flexible，細嘅可以揀三款小食：炸飯波入面係冬陰功飯，外面炸得脆口唔油膩，好驚喜；腐皮扎肉有少少似食鮮竹卷，香口惹味；秋葵蝦相對肥膩，秋葵炸乾，釀咗少少蝦膠，有心機但一般般。泰式肉碎豬頸肉Pizza $108肉碎用上新豬肉肉碎，素食產品但係又有豬頸肉，有點不明所以。Pizza食落超多芝士，蒜頭味道突出，餅底薄身脆口。酸辣豬肋骨(半份) $116豬肋骨略略燒過表面，上面淋咗泰式酸辣汁，賣相吸引。滿心期待放入口，面色一沉，嗰陣魚露味真係唔係人人接受到，濃到好似腳味，笑死哈哈。 幸而伴上嘅沙律甜甜酸酸，仲有我至愛嘅紅桑子，可以中和一下。見網上提及此店主打東南亞fusion菜色，特意揀晒有代表性的，出嚟效果未算令人深刻，或者有機會再試其他。
繼續閱讀
Happy Friday！今晚收工又去happy下，去左旺角既No Money So Lonely，上次幾個月前試過呢度既比薩好好食，今次又encore先，我地都係晚市時間黎。呢間餐廳做西餐+東南亞fusion菜式，好特別。餐牌有沙律，比薩，前菜，意粉，飯，同甜品。連辣既甜品都有，就係辣的心太軟，果然玩東南亞菜元素。野飲都有好多選擇，有咖啡，茶，奶昔，沙冰，梳打。今晚唔太餓，我哋一行兩人叫左兩個主菜分享。冬蔭公大蝦比薩 $136 另加一叫得冬蔭公，呢款比薩梗係辣，不過原來只係微微辣，個人鍾意冬蔭公味可以再濃啲。比蕯一開六塊，大蝦六隻，新鮮爽脆啖啖肉。其他配料有車厘茄，紫洋蔥同菇類。意外哋蒜蓉好多，好似食緊蒜蓉虎蝦比薩。餅底維持一貫水準，超薄脆而加左滑溜綿密薯蓉加添口感，我嘅至愛!芝士份量都適中，比蕯有拉絲效果。無乜芫茜味的青檸芫茜飯配燒星鰻魚骨 $132 另加一呢個青檸芫茜飯配燒星鰻魚骨非常驚喜。首先賣相好靚，用原條星鰻加四塊魷魚乾做魚鰭。而個飯撈左好多紅綠辣椒，色彩鮮豔。味道方面，星鰻燒得皮香肉嫩，略嫌肉少左啲。燒魷魚乾鹹香又煙韌，送飯一流。個飯好濕潤，連埋秀珍菇同洋蔥絲一齊食有多重口感。而辣椒令個飯少少辣，仲辣過冬蔭公比薩。芫茜味真係無乜，個人會鍾意重d芫茜味。餐廳裝修好有特式，處處都係打卡點，黎影相幾好。今晚兩道菜都唔錯，我特別鍾意個青檸芫茜飯配燒星鰻魚骨。下次希望可以試下其他新菜式。
繼續閱讀
和妹妹在旺角T.O.P. This is Our Place買完玩具，順便吃埋午餐。見到有間裝飾充滿玩味叫No Money So Lonely的新餐廳，便入內試下。餐廳的燈光和有玩味的裝飾打卡一流，氣氛令人感覺輕鬆，像去外地旅行。餐牌內的食物名稱有創意，菜式有fusion的味道。欖菜香煎帶子扁意粉($128)有特色。估不到欖菜配意粉幾好食，帶子鮮甜，扁意粉軟硬適中。橄欖油香。青咖喱石班魚pizza($128)有泰國風味。微辣令人胃口大開，配芝士薄皮的pizza鬆化，越吃越想吃，石班魚不腥肉質好。番石榴檸檬熱情果沙冰($48)是夏日的首選，清新酸甜，好好味!吃完意粉和pizza意尤未盡，再來份手打漢堡午餐($98)。手打漢堡的肉餅不肥膩不咸，個漢堡飽和配菜番茄生菜新鮮，炸薯條香脆好味。午餐的沙律菜美味，藍苺甜。加配的自家製手工藍莓芝士蛋糕($42)輕盈可口。凍美式咖啡不錯。吃得開懷，兩個人打埋卡，埋單$488。希望我有好多money，可以請妹妹和朋友來盡情享用食物飲品，不計腰間錢，便不會lonely啦 ! 🤣🤣
繼續閱讀