Moreish & Malt (蕪湖街) (已結業)

已經係第二次來這個餐廳，氣氛亦一流，安靜，柔和的音樂，人不算太多，叫咗三個餐，你拉牛扒七成熟剛剛好，卡幫啦話非常好味，有救Queenie ,有個貝殼粉肉醬貝殼粉，都係好好味！

今晚和男友去逸酒店裹面的Moreish and Malt 倉Dinner,  同事們都說這間西餐廳真的又抵食而且有不同選擇，太好了，我們就訂今晚吧!我倆最愛吃香口小食，要了2個頭盤首先來了黑松露薯條，不但香口而且是厚切的，很有口感又香口!我最喜歡的是水牛城雞翼，辣味口感十足，真的胃口大開!我們也要了一個開心晚巿二人套餐，南瓜湯很香很甜，我很喜歡自己製的麵包!另外我選了燒美国雞肉眼扒配炸薯條，雞肉鬆軟而且真的很有雞的味道，令人回味無窮!卡邦尼意粉很咬口，男友吃得津津有味!没想到今晚我們可以享受到如此開心的一頓Dinner  !

之前朋友帶我去觀塘食過Moreish & Malt，食物味道同服務都不錯，最近一次幫襯，店員話佢地喺紅磡開咗間分店，叫我地去捧吓場。之前喺觀塘都係食Dinner，今次就嚟食個Brunch。餐廳喺紅磡嘅逸酒店嘅一樓，但喺酒店外面望就見唔到餐廳招牌，酒店大門亦冇擺餐牌出嚟，除非係酒店客人或者專登嚟，否則行街經過嚟食嘅應該較少。【邪惡朱古力$58】跟餐加$58就配呢杯邪惡朱古力，英文名Monster Shake。上枱果然Amazing，Mike Shake嘅「配料」有一大塊朱古力餅、蛋糕件同朱古力Bar，再加一大堆滿瀉嘅忌廉，忌廉上面有啲彩色朱古力碎、朱古力漿。由於太大杯，驚未食主菜已經飲飽，所以我採取「策略性食法」，將朱古力餅同蛋糕留到最後當甜品。【紐西蘭肉眼扒(6oz.)炒蛋、多士$108】有炒蛋、多士同番茄，感覺有啲all day breakfast feel，一上枱覺得好有朝氣。叫咗五成熟嘅肉眼扒，煎出嚟有部份差不多七至八成，不過還好係靚肉眼扒，就算稍為熟都仲係好Juicy，肉味濃郁。炒蛋就不嬲係my favorite，帶啲蛋汁，食落好香滑又有濃濃蛋香味。多士就香脆可口，配有番茄醬可

之前經過紅磡都知道呢度有間酒店，咁啱同朋友傾開計，佢話上次同男朋友去左酒店入面既餐廳食晚飯，無論食物同環境都幾好，聽完朋友咁講，就專登過黎食晚飯。餐廳入面都幾寬敞，而且餐廳既窗係以落地玻璃為主，完全唔會有壓逼感。一邊食飯又可以欣賞街景，幾好！而食物方面，由小食、主食至甜品，都有很多選擇，乎合到大眾既口味。瘋狂自家制牛肉漢堡 炸薯條 $138由於好耐無食過漢堡包既關係，所以見到有漢堡包，我就二話不說揀左黎食。成個漢堡望落去已經覺得好足料同埋好厚實。漢堡上面仲有塊溶左既芝士，芝士仲滲左入去漢堡入面，食落去牛味同芝士味非常濃郁同埋好juicy。漢堡包入面既配料仲有蘑菇、蕃茄同埋生菜，夾埋一齊食一d都唔漏，仲好fresh 添。另側面既薯條炸得好香脆，食落去仲有好香既薯仔味，正。燒日本穀飼有骨豬鞍 配時令什菜 $218厚厚既豬扒煎到七成熟，見到個樣已經流晒口水，食落去果然無令我失望，軟熟多汁。另側面仲有西蘭花、蘑菇同埋蕃茄仔作為配菜，可以減去油膩感之餘，仲可以食下蔬菜，正！伯爵茶：食完野之後，當然要嘆下杯熱茶，消下濟啦。

今日約了朋友在黃埔晚餐，他帶我來到一間精品酒店的一樓的一家西餐廳。以為在酒店的餐廳都一定不便宜，但原來價錢和平常出去晚餐差不多。*開心晚市二人套餐 ($398)-餐包餐包是帶點歐陸風味的；中間是蕃茄乾和橄欖碎；麵包烘得很香脆，可以不沾油醋都可以。-是日餐湯今日的湯是薯仔忌廉湯；湯雖然不是超稠的質感，但是很有薯仔蓉的口感；味道方面適中不會太咸。-牛油果三文魚籽蟹肉脆餅這個脆餅真的很好食！牛油果拌蟹肉製成的沙律，上面放了三文魚籽，口感清新；脆餅是油炸的，稍為油了一點。-燒美國肉眼扒配炸薯條 (+$30)薯條新鮮炸起，超燙口！肉眼大概六七成熟，肉質很淋，而且肉味濃；以這個價錢，有這個厚度的肉眼都不錯，重點是好食的！-香濃蕃茄燴牛肉醬蜆殼粉平時少吃蜆殼粉，蜆殼粉可以盛著很多意粉醬；牛肉醬很豐富，而蕃茄味都很濃，酸酸的很開胃。-蘋果金寶 (+$48)甜品都很出色！大概用了半個蘋果，加糖和玉桂煮淋，熱得有點燙口；上面的金寶又香口又脆；和vanilla 雪糕是冰火交融的配搭。

紅磡係舊區，要搵美食話咁易，就單單去一條街搵食，都可以一個星期都未食晒。大陸親戚來港旅遊，入住紅磡區酒店，叫我帶佢哋食好野，中菜佢地日日食，殘舊舖頭佢地又唔多鍾意……最後帶左佢地去美式餐廳，喺逸‧酒店一樓嘅Moreish & Malt。一出lift右邊就見到，中午時段有陽光映入，感覺特別明朗。樓底高加上兩邊落地玻璃，用左透明櫈，枱與枱之間空間感十足，坐得好舒適。假日午市有Brunch Set供應，$88-$138蚊包餐飲。但佢地睇中左有骨豬鞍係冇Set，所以我哋叫左一個豬鞍同兩個Brunch sets一齊Share!【燒日本榖飼有骨豬鞍$218】店員預告左，因為係靚豬，唔駛燒到全熟，僅僅熟就最好。一上枱個豬鞍見唔到有燒烤格紋，但就有陣陣香味，未食都流晒口水。用把唔算好鋒利嘅刀輕輕一拉就切開，真係好軟滑。豬鞍帶微微嘅粉嫩肉色，肉質勁juicy帶少少油脂，肥瘦適中。另外配有燒汁，更加惹味，又唔會遮到肉味，正!叫扒類可以免費揀價值$38嘅配菜，有炸薯條、自家製椰菜沙律、時令什菜同埋最特別嘅【焗芝士通心粉】。通心粉焗得幾香，每粒都黐滿芝士。【紐西蘭肉眼扒6安士餐$108】配多士、烤蕃茄、炒蛋，

成日都話假日最鍾意睡個自然醒然後食個悠閒寫意的 brunch 就至爽喇 !!!上個周末來到紅磡 Hotel Sav 樓上的西餐廳望住街景悠閒的嘆杯咖啡食個晏 ... so relax ~~不好以為酒店樓上就會好貴假日 brunch menu 有主菜連飲品價錢由 HK$88 - HK$138好似我咁飲杯特別點的咖啡 Piccolo 只是 +HK$15卡邦尼意粉 + Piccolo Latte (HK$118 + HK$15)本來想點杯 latte ...但是見到這款較少見的 Piccolo Latte，喜歡嚐新的儍媽當然即刻改變主意Piccolo Latte 奶的份量較 latte 少一點，更能飲到咖啡的味道，不錯 ~~ 卡邦尼意粉 ...意粉軟硬適中帶點韌度醬汁較濃稠，份量也很慷慨，每條意粉被濃郁的醬汁包著香濃的芝士味加上香脆的煙肉粒，一下子就被我們掃清光 ~~ 紐西蘭肉眼扒 (6 OZ.) 配炒蛋和多士 + Flat White (HK$108 + HK$15) 紐西蘭肉眼扒的熟成度啱哂儍爸的心水肉質軟腍，肉味濃郁，仲好 juicy多士是儍媽愛吃的香草麵包，烘至微脆、暖笠笠又鬆軟，有

一食西餐，就只會想起燭光晚餐同節日先會食，同屋企人真係好少食西餐，所以趁今日開心星期五同媽咪黎左依間餐廳二人世界餐廳位於紅磡依間精品酒店入面既一樓，非常容易搵到，店員友善帶我地到窗邊座位坐下，餐牌亦有多款套餐或散叫食物供客人點選，我地叫左個Happy meal for 2 persons $398，包餐湯、主菜同飲品，我地另外加$30將主菜升級為燒美國肉眼扒(10oz)配炸薯條點好餐後，店員先送上烤麥多士，食落非常香脆，而且麥味好濃郁，點黑醋橄欖油食帶少少酸味幾開胃，唔想點黑醋橄欖油既話都可以搽牛油食，兩個食法一樣滋味是日餐湯係蕃茄茄子湯，未飲已經聞到又香又濃，飲落酸酸地好開胃，有蕃茄肉，入口真材實料，完全唔係無溝稀，唔錯呢前菜係牛油果三文魚籽蟹肉脆餅，蟹肉份量豐富，鋪係脆餅上，食落好香蟹肉味又鮮甜，脆餅又薄又脆，軟脆兩口感，配埋三文魚籽更加提升鮮味，我倆都好鍾意依道前菜，整得出色黎到主菜，燒美國肉眼扒(10oz) 配炸薯條賣相非常吸睛，先食薯條過下口癮，炸得香脆內軟，薯味濃郁，放左一陣凍左少少咁食一樣保持到脆度，牛肉點左五成熟，但切開似乎似七成，不過食落牛味濃郁，咀嚼時實在啖啖肉，鹹

This is a very nice western restaurant, with western music playing~ the pasta and all day breakfast is good, will definitely come again

同A姐鬧大交，但點都好，「我唔接受我係一個冇誠信嘅人」架，我真係好忙，點解佢唔包容我架？我只係無一個專業嘅apps提我今日係我哋相識第1000日紀念，所以唔記得咗要同佢食buffet姐。但最後我決定用上我嘅招牌氹功，A姐話咁快就唔嬲啦，我一定會記住10000日紀念日架。講真，兩個人簡簡單單，其實就係最幸福。今日我哋去到紅磡逸酒店嘅Moreish and Malt，補番呢個浪漫千日大餐。呢度除咗可以散叫，仲有一個抵食嘅二人套餐！是日餐湯及餐包天氣涼涼哋，一碗熱湯就最暖笠笠！南瓜甘旬湯味道好濃郁，甜甜哋又唔嚡口，配塔埋呢個香草麵包，包皮脆脆哋，包心就軟熟好味。但硬係覺得個碗係唔襯個style。牛油果三文魚籽蟹肉脆餅呢個係我嘅大愛！脆餅薄身夠脆；上面嘅蟹肉鮮甜清香，蟹味濃郁；而牛油果醬更加將蟹味突顯出嚟！味道層次好豐富！燒美國肉眼扒炸薯條燒美國肉眼扒啱啱好五成熟，10安士夠晒大塊，肉汁juicy，牛肉味濃！而炸薯條厚身香脆，好味。卡邦尼意粉白汁同茄汁2揀1，A姐一定揀白汁，因為夠creamy！呢個卡邦尼意粉，超多忌廉汁，真係heavy得嚟又食唔停口呀！（記住Like同Share畀朋友）

對上一次到Moreish & Malt，原來已經年半前了，最近想再去時，發現原來紅磡開了新店，剛好最近在附近有事要處理，完了之後就過來試試。餐廳位於酒店內，由黃埔地鐵站出，走大約7分鐘左右就到，位置易找。餐廳很寬敞，店裡的外籍經理很友善，而其他服務員的服務質素亦很抵讚。選擇困難症發作的話，一於點set dinner！其實有時餐廳所用的器具、裝潢、擺設等，就我個人而言，在享受美食時，的確有點睛的作用。先來餐包配橄欖油黑醋，填填肚。 牛油果三文魚籽蟹肉脆餅一口咬下去，脆餅帶幾重口感，魚籽爆開，蟹肉及牛油果綿滑，餅身脆口，好味。是日餐湯為蕃茄湯，湯底濃稠，味道酸酸甜甜，很開胃。不過同行的朋友略嫌偏酸。香濃蕃茄燴牛肉醬蜆殻粉蜆殻粉煮得有水準，口感煙韌，肉醬香濃，而且肉碎量超級多，絕不馬虎。燒豬肋骨配雜菜原本燒豬肋骨是配薯條，但最近有點熱氣，所以嘗試問可否轉雜菜，經理一口就答應。從側面看，可見到豬肋骨有多厚身！肉質很軟腍，配上BBQ sauce，好惹味，份量亦足夠兩個人食有餘。一頓完美的晚飯，怎能沒有甜品呢。額外加了$48點了特濃朱古力芝士餅。芝士餅帶啡白雲石紋，口感較實，甜味適中，吃完不會太膩

去完台湾回來，馬上要和Simon 見面! 我們知道12月份紅磡開了一間Moreish & Malt, 這間西餐我在觀塘已常光顧，今天就是要吃吃看!首先午市套餐有着我最喜歡的Salad，味道很香很濃!主菜值得一讚，因為燒美国豬扒用上海鹽醃製而不用點很多醬汁，已能吃到味道的原味，豬扒又香又入味，我馬上吃光光了!燒紐西蘭肉眼扒五成熟，已剛好把肉汁鎖住，而啖啖肉香，很有口感 !甜品有蓝莓芝士蛋糕 and Tofu Dessert，又香又滑，真的是舌尖上的誘惑!没想到新的西餐店有如此的水準，感覺真不俗!

預約了平安夜中午時間去 去到店裡只有2檯，其實紅磡呢邊可以唔洗book喂。服務生非常nice，服務周到。去到的時候沒有lunch set menu，只有brunch set。叫了份扒+意粉（意粉係大家推薦嘅）。 牛扒要了7成熟，唔會太老亦唔會有血水。牛扒餐配炒蛋，炒蛋份量好足！意粉超好食! 濕濕地咁好juicy！ 最後埋單216包埋加1，感覺Ok!會再黎！

今日一家四口去食聖誕節四人餐，原本仲好期待，點知份量超少，似2-3人餐多過四人餐，4人餐的份量只比2人餐多左份羊扒，其餘份量差不多，4人餐價錢$1488，2人餐$798，比多差不多一倍價錢，相中所有要4個人share食，點會夠食呀，只是多一份羊同2碗湯，完全食唔飽，非常搵笨，下次一定唔會再幫襯

喺黃埔雷霆打完保齡球之後揾食，有朋友介紹話紅磡逸酒店開左間新餐廳，一於去試試。餐廳唔大，大概坐到十幾二十檯，可能因為係平日下晝兩點幾，成間餐廳得兩檯客。室內環境非常簡約，原來逐步裝飾緊，聖誕前應該會唔同哂樣。Set lunch menu, 好似話隔兩、三個星期會換新菜式。侍應招呼非常好，推介咗甜尖椒意粉同招牌燒豬扒，佢特別推薦豬扒整medium well最好食。落單之後好快就上咗湯同麵包。麵包幾軟熟，香草落得幾重手，如果熱d仲好。個湯好香甘荀味，甜甜地好順口。個意粉幾特別，食落濕濕地，好fresh，無一般意粉咁香口，但亦都無咁油膩。由於太順口，食哂先發覺無影相燒豬扒不愧為招牌菜，肉質、肉味都唔錯，一d都唔嚡，唔點肉汁都好夠味。最後加左一客甜品share,係香蕉焦糖慕絲蛋糕，幾靚仔，不過又唔記得影相就食哂好香焦糖味得黎唔會好甜，夾埋杯咖啡一齊嘆剛剛好。呢度食得舒服，性價比唔錯，可以再試。