影片
更多
2018-02-04
99 瀏覽
之前朋友帶我去觀塘食過Moreish & Malt，食物味道同服務都不錯，最近一次幫襯，店員話佢地喺紅磡開咗間分店，叫我地去捧吓場。之前喺觀塘都係食Dinner，今次就嚟食個Brunch。餐廳喺紅磡嘅逸酒店嘅一樓，但喺酒店外面望就見唔到餐廳招牌，酒店大門亦冇擺餐牌出嚟，除非係酒店客人或者專登嚟，否則行街經過嚟食嘅應該較少。【邪惡朱古力$58】跟餐加$58就配呢杯邪惡朱古力，英文名Monster Shake。上枱果然Amazing，Mike Shake嘅「配料」有一大塊朱古力餅、蛋糕件同朱古力Bar，再加一大堆滿瀉嘅忌廉，忌廉上面有啲彩色朱古力碎、朱古力漿。由於太大杯，驚未食主菜已經飲飽，所以我採取「策略性食法」，將朱古力餅同蛋糕留到最後當甜品。【紐西蘭肉眼扒(6oz.)炒蛋、多士$108】有炒蛋、多士同番茄，感覺有啲all day breakfast feel，一上枱覺得好有朝氣。叫咗五成熟嘅肉眼扒，煎出嚟有部份差不多七至八成，不過還好係靚肉眼扒，就算稍為熟都仲係好Juicy，肉味濃郁。炒蛋就不嬲係my favorite，帶啲蛋汁，食落好香滑又有濃濃蛋香味。多士就香脆可口，配有番茄醬可
餐廳喺紅磡嘅逸酒店嘅一樓，但喺酒店外面望就見唔到餐廳招牌，酒店大門亦冇擺餐牌出嚟，除非係酒店客人或者專登嚟，否則行街經過嚟食嘅應該較少。
【邪惡朱古力$58】跟餐加$58就配呢杯邪惡朱古力，英文名Monster Shake。上枱果然Amazing，Mike Shake嘅「配料」有一大塊朱古力餅、蛋糕件同朱古力Bar，再加一大堆滿瀉嘅忌廉，忌廉上面有啲彩色朱古力碎、朱古力漿。由於太大杯，驚未食主菜已經飲飽，所以我採取「策略性食法」，將朱古力餅同蛋糕留到最後當甜品。
【紐西蘭肉眼扒(6oz.)炒蛋、多士$108】有炒蛋、多士同番茄，感覺有啲all day breakfast feel，一上枱覺得好有朝氣。
叫咗五成熟嘅肉眼扒，煎出嚟有部份差不多七至八成，不過還好係靚肉眼扒，就算稍為熟都仲係好Juicy，肉味濃郁。
炒蛋就不嬲係my favorite，帶啲蛋汁，食落好香滑又有濃濃蛋香味。
多士就香脆可口，配有番茄醬可以點多士食，個人建議餐廳不如將鮮番茄切粒放上多士，更加新鮮好味。
【什菌意大利雲吞配蟹肉忌廉汁$108】蟹肉忌廉汁蟹肉都幾多，用料十足。雲吞軟腍度適中，配上好Creamy嘅忌廉汁，軟滑得嚟又有少少咬口。一粒一口滿口又鮮又creamy嘅蟹肉，感覺非常滿足。
餐廳啲窗係落地玻璃，光線充足又開揚，店員話遲啲會加返啲梳化位，食客就坐得舒服啲。餐廳喺紅磡舊區嗰邊，呢類型美式餐廳應該較少，好餐廳應該要多多支持，希望越來越多人食，越來越多人食。
張貼
