MOO MOO

營業中

休息中

最近很多時經過觀塘牛頭角附近工作，發現有間漢堡包店 – MOO MOO Burger，先是留意到是它有室外的位置，加上有啤酒飲，驟眼睇仲以為係酒吧，令人有chill 和relax 的感覺！雖然Menu吾係太多種類，但重點有漢堡包，都有8款揀，還有沙律、薯條和特飲，還有小食雞翼set（有7種味）多數是單點。經典之堡Burger選用手打美國牛肉，肉質鬆軟多汁，麵包塗上牛油烤製，配上爽口生菜，漢堡包的味道極具層次，令人十分滿足。菇菇堡 大啡菇烤配上半溶芝士，一啖放入口，好豐富的味道！芝士肉醬薯條超邪惡！本來芝士已經好夠，加上肉醬更加濃郁！總體而言，我十分滿意MOO MOO Burger，無論是食物、飲品，還是店內氣氛，都十分適合上班一族放工鬆一鬆。

平時食burger都係食牛🐮堡多，今次試下食雞堡，仲要有鹹蛋黃咁邪惡😆好吸引～～呢間係酒吧格局，好啱同朋友坐下吹下水😙.鹹蛋黃雞堡 🍳🐥🐣$69漲卜卜嘅麵包好軟熟，用牛油鐵板烘過嘅麵包好出色。鹹蛋黃醬好香濃，雞扒用鐵板煎過，加上好新鮮靚仔嘅生菜，仲有蕃茄，同本身嘅沙律醬一齊好夾🥰🥰🥰.蜜桃特飲 🍑🍑$28一個人食唔到好多野就叫個包加野飲算了，蜜桃口味甜甜地嘅汽水，好解渴😙😙😙

黎過觀塘巧明街既鴻圖中心好多次，都未試過MOO MOO，今日不如試下先。銅鑼灣既MOO MOO PLUS我都試過，兩間餐廳都係主打漢堡包，但係呢度似乎真係完全以漢堡包爲主，餐牌有8款漢堡包選擇，亦有肉眼扒，3款沙律，小食同飲料（包括多款奶昔）。午市有滋味套餐揀，揀好漢堡或沙律，可加$15升級薯條配汽水，或加$29升級芝士肉醬薯條或者肉汁芝士薯條配汽水，再可揀升級特飲，加$5轉熱飲，加$24轉奶昔，加$13轉特飲或冰茶。趁午市時間未完食埋個早嘅晚餐先離開觀塘。先去收銀落單俾錢，之後去揾位坐低再去等野食。唔收加一服務費。白菌之堡 $65我揀呢款漢堡係貪佢有松露Mayo，果然松露味好香又滑，我好鍾意。優質安格斯牛肉好厚身，煎得全熟不過連Mayo食就唔乾，都可以。上面塊包下底就係好多白菌，白菌撈埋松露Mayo，好香滑。其他配料仲有一大塊芝士同生菜。值得一提係上下兩塊包都係烤過所以好香脆。鹹蛋黃雞堡 $69呢款雞堡係最貴嗰款漢堡，即管試吓。鹹蛋雞其實係一大塊雞扒，連少少皮煎得好香，雞脾肉好滑，好多肉食。上面塊包下底有唔少鹹蛋黃，香口但係勁邪惡，其他配料仲有生菜同番茄片減油膩感。沙律醬份量唔多覺，

晚餐.下雨天 放工來個簡單晚餐原來小店平日晚上也挺熱鬧呢但座位算多 不用擔心沒有位.- 經典漢堡用料很豐富 除了牛肉 還有生菜 蕃茄 芝士 的配料基本的配搭 味道很夾生菜大片得要掉出來了🤣咬下去很爽脆 感覺新鮮主角手打牛肉也是很厚厚的一片外面煎得微焦微脆 肉汁豐富麵包塗了牛油 很香也帶點外脆內軟的感覺.- 蜜桃梳打特飲清涼飲料 帶點微甜蜜桃味道不算很濃很適合用來配漢堡但味道不算很特別.整體感覺不錯午餐時段飲品好像會有優惠下次來試試☺️

2020.6.5 (六）$198觀塘食晏，朋友要求要食好d，質素高d，價錢要合理d。食優質漢堡包就符合哂這3d，Moo Moo 在愛琴坊，有著愛琴海既裝修，是很舒服的環境。熱帶之堡 $67煙肉/菠蘿/芝士/漢堡扒/蕃茄/生菜，重點係個包，暖暖地好有新鮮感，漢堡扒是【非吃不可】的其中一因素，高級牛肉細沙律+可樂$15粟米紅腰豆生菜蕃茄片，清新/鮮甜，加埋可樂，Urr Urr 噢！舒服哂，好滿足魚FULL之堡 $62鬆脆既魚柳加芝士蕃茄生菜，配上暖笠笠既包，朋友話想食多一個，但係仲有個沙律未食，留肚留肚煙豬頸肉沙律 $54朋友至愛的豬頸肉配上＜千島醬＞蓋在生菜上，入味的豬頸肉，我只被配給1片，其餘4片給我朋友獨食了

嚟到觀塘打工仔飯堂，梗係要食平靚正漢堡moomoo，我叫左個經典之堡，盛惠60蚊， 餡料包括牛油烘烤麵包，美國車打芝士，新鮮蕃茄生菜，主角就係美國手打穀飼牛😍漢堡好大個，即叫即整熱辣辣，穀飼牛肉好香而且juicy，肉質濕潤唔會乾箏箏，自家制moomoo汁幾特別，似沙律汁又有少少香草味，肉汁芝士薯條，盛惠32蚊，有拉芝效果，醬汁亦足夠，中意都可以自己拎茄汁食返最原始既味道，啤酒佢地有asahi同1664揀，大大杯都只係68蚊，抵到爛，炸雞大大塊，十分香脆，可以沾特制既七味粉沙律醬，辣辣地就更加好味，成班朋友或者放工叫杯chill下都正😂👍

今日突然想食漢堡包但又唔想食麥記，於是就去左牛頭角呢間食漢堡包專門店到食，有好多款唔同漢堡包，有雞有牛，重有一啲小食，好似有薯條炸雞塊，之後我叫左一個熱帶之堡，加一杯asahi 生啤，另外叫左兩樣小食，肉汁芝士薯條同炸雞，個漢堡一黎到，我見到非常足料，基本上一啖係食唔哂，然後佢用既係安格斯牛肉，牛肉肉汁豐富，一咬，肉汁爆到我成手成係，之後佢嘅配料有芝士、菠蘿、生菜、蕃茄、煙肉再加埋千島醬，值得一提係佢嘅菠蘿非常甜，一啖生啤一啖漢堡包，簡直係人生享受，然後再試下佢嘅肉汁芝士薯條，每一條薯條都沾滿芝士同肉汁，有雙重既享受，而佢個炸雞塊亦非常唔錯，絕對冇炸粉過多嘅問題，再加上佢有一個醬去點炸雞，令到炸雞更加添美味，最後一提，佢個生啤，有兩款選擇，除咗有asahi 重有1664可選擇，雖然佢舖頭細細，但臥虎藏龍，入邊嘅嘢食有質素

星期六的中午 在觀塘上完課當然要在那區尋覓想起同事一直說有一家漢堡包想吃很久了但沒有時間去吃吃自告奮勇地表示我先去吃吃 再作推薦 . . 餐廳在美食廣場內 店分內外兩區內部設有高枱高櫈；外面就會可以飲酒食煙的露天區，約有四五張枱非常有美國STYLE 的餐廳下班後可以來這裏happy hour .. 餐牌除了有漢堡包外 也有一些肉眼扒、沙律、小食、飲料和奶昔等在眾多的漢堡選擇中 也太糾結了所以點了經典的 應該不會出錯吧!!!------------------------------🔸經典之堡 X 青蘋果特飲 $88經典之堡食材其實很簡單外軟內脆牛油烤烘麵包新鮮打澳洲殼飼牛肉漢堡扒 美國車打芝士鮮生菜及蕃茄秘制MOO MOO汁 ( 偷問了一下 有師傅的秘制醬+洋蔥煮製而成) 整體不會太Heavy牛扒不會有SO味 而且夠JUICY不會乾醬汁整體也很配合青蘋果特飲 清新 解滯看似是兒時的飲料 少少甜 非常吸引

餐廳位於觀塘與牛頭角之間，鄰近牛頭角地鐵站，路程只需要五分鐘左右，地理上還算方便快捷，餐廳主打的也就是漢堡，一般來說也就是美式快餐，但我更為欣賞的就是他的漢堡， 全因為內裏挑選 精選的安格斯漢堡，這樣已經是超水準的表現， 性價比十足，味道方面，雖然我點選的就是經典之堡，也就是最普通的那一個，但店家自己調配的醬汁，令整個漢堡味道更加昇華， 這就是吸引著我的地方。另外，我還點選了一份小食，也就是雞槌 ，看起來有點像 m字頭出品的脆香雞槌， 但我可以說這個更為出色。

呢間漢堡包店長期好多人食。食過幾次，水準都保持到。16:30前有套餐價好抵食。🍔經典之堡 $60Burger size好大，一啖咬唔晒。麵包搽完牛油🧈煎，表面好香脆。自家製嘅牛肉漢堡好juicy，但又唔會太油膩。漢堡扒表面有炒過嘅洋蔥，味道好香，又一啲都冇燶。佢哋特製嘅Moo Moo汁酸酸甜甜好惹味😋。加埋蕃茄同生菜，味道更清新。🍗泰檸雞鎚 $40（3隻）雞鎚比想像中大隻，而且香脆好味。酸味嘅泰式醬汁好開胃。泰式醬汁另上又唔會令脆皮變淋。

呢間漢堡店充滿美式既感覺，出面比較多空間，店內就空間細啲，連住另一間店，昨日我坐左起入面，感覺好似去左一個小食堂，有啲似中學起食堂食飯既感覺，令我有小小懷念。我叫左一個白菌之堡，吸引我叫佢既係松露Mayo. 先講下牛肉，好多汁，肉質鬆軟，夾埋芝士同其他配菜，好好食。不過只有蘑菇有松露味道，其他如蕃茄、菜同埋牛肉都冇松露味，呢個係唯一既美中不足。妹妹就叫左個美式之堡，主打都係牛肉，唔同嘅係多咗煙肉同埋BBQ汁。煙肉好香，同牛肉都好夾，加埋BBQ汁，有一種惹味既口感。如果牛肉可以吸更多汁就更好！！另外加左芝士肉醬薯條！超正，食完呢個真係會好飽！！！仲會好滿足加13蚊叫咗蜜桃冰茶同埋蜜桃特飲蜜桃冰茶係正嘅！而蜜桃特飲就有少少似汽水嘅感覺， 蜜桃味冇咁出，睇吓自己鍾意邊一樣啦！

今日難得早收工去咗觀塘接老公收工老公話帶我去間好隱蔽但好好食嘅漢堡包店如果唔係佢帶我嚟真係估唔到呢度有咁多間食肆Σ（ﾟдﾟlll） 我地兩個人叫咗兩個包一份薯條同一份雞翼！「經典之堡」$60個包係外脆內軟 入面仲塗咗牛油 好香～加埋炒嘅洋蔥（加分）蕃茄 生菜 加埋牛肉牛肉夠大又juicy 最特別之處係佢有秘制嘅MOOMOO醬有啲似果醬味 甜甜地 加埋又幾夾喎！好好食～ 「魚Full之堡」$62舊炸魚柳勁大舊 中間有蕃茄 菜同芝士！不得不講佢塊蕃茄好鬼厚生菜又好大塊有幾次個口唔夠大 跌到啲菜周圍都係不過加咗蕃茄同生菜成件事即刻無咁熱氣 健康咗仲有佢有啲檸檬加芥末醬嘅汁 好正不過略嫌啲汁太少 如果多啲再juicy d仲正 薯條$25估唔到咁大盒～本身食落口唔係熱辣辣 有啲唔開心但佢每一條都係脆卜卜架！呢個真心有驚喜～因為好少漢堡包店做到脆嘅薯條！我敢講香港十間漢堡店九間都做唔到所以真心好值得一讚！ 同忌廉蘑菇雞翼$63/6隻因為出面好少見到鋪頭有忌廉磨菇呢個組合嘅雞翼所以專登叫咗黎試佢係一餃子雞翼咁嘅樣係可以一啖就食晒一舊嘅果一種勁方便 同埋熱辣辣佢啲忌廉好creamy 加埋磨

作為漢堡控 平時食飯只要見到Menu有漢堡都會第一時間走去嗌 而且食極唔厭呢日喺觀塘覓食 路經呢間漢堡店時見價錢唔算貴漢堡大概HK$60左右加HK$15蚊就已經有薯條同汽水唔想要普通薯條咁悶 就可以再加HK$14升級做肉醬芝士或肉汁芝士薯條 由於樣樣我都好想試就衝咗入去嗌咗兩個餐 經典之堡＋肉汁芝士薯條＋零系可樂 HK$89 經典之堡好簡單，就係醬汁、番茄、芝士、生菜同埋牛肉漢堡，餐牌話係優質安格斯牛肉，食入口真係幾優質，牛肉唔羶，夠JUICY唔乾柴，醬汁同成個包嘅味好夾，唔漏。佢其實幾大份，一個人食完一個包已經飽到不得了。肉汁芝士薯條就齋望個樣已經好吸引，用叉一桔仲要拉絲，真心好興奮。至於味道都好好，淋咗汁嘅地方淋淋地，但冇醬汁嘅部分依然又香又脆，嗰種一時香口一時軟綿綿嘅感覺交替得好正，而且隻芝士好Chewy，感覺好似去咗高級美式連銷西餐廳食嘢咁，味道差唔多，但價錢我都幾肯定平好多！美式之堡＋肉醬芝士薯條＋零系可樂 HK$92美式之堡最大分別，係醬汁唔同兼多咗煙肉，咬落再香口啲、層次再豐富啲，啱晒食肉獸。肉醬芝士薯條比肉汁芝士更屈機，佢雖然唔拉絲，但就好好味，連我老公唔

離到觀塘每次都一定要過嚟依間moomoo burger😍餐廳係位於觀塘嘅鴻圖中心，無論係牛頭角定係觀塘站過嚟都好近，啱晒喺附近返工嘅你同我，鴻圖中心裏面有好多選擇，但係講到最好味，我一定係食呢間漢堡餐廳，首先呢度嘅環境好乾淨，仲可以有室外同埋室內揀，加上上餐時間超級快，就算平時返工都好快有得食😆重點係嘢食超級好味！特別推介依度嘅漢堡同埋薯條🍟最推介係依個熱帶之堡真係超級好味，裏面有好香口嘅牛肉，仲有蕃茄同埋菠蘿GAP住，所以一食落口超多汁，而且味道好夾，牛肉好香，肉質鮮嫩，聖歌漢堡包勁有層次👍🏻😛另外我朋友叫做一個鹹蛋雞雞堡第一次食鹹蛋黃漢堡，估唔到味道咁夾，有淡淡的鹹蛋香味，加上雞肉都好彈牙鮮嫩💕仲有加咗一個芝士肉醬薯條，另一個係肉汁芝士薯條👅 超級多汁，味道超夾！

近排番工好攰，好多野學，朋友帶我去興鬆下食下肥仔野奇異果奶昔💚 係幾好味，平時好似比較少有得試，原來味道好清新好香，有少少似牛油果味奶昔三五知己一齊🍻（buy2 get1) 係放工後最好嘅節目呀！不過聽日番早我就唔飲啦經典漢堡重點係手打美國殼飼牛肉， 啖啖肉又唔肥膩但size偏細到縮埋一邊， 希望下次大塊啲啦😂 洋蔥圈🧅一盤個量都唔少，又唔會太厚粉，食完又食呀熱帶之堡美國安格斯牛肉，同大大塊菠蘿，最佳組合，有肉、水分、纖維，有咸有甜😋芝士肉醬薯條小食同漢堡一樣出色、多配搭，芝士肉醬好濃郁，幾樣野夾埋真係好飽，心情放鬆左啲，肉都鬆左啦😂