MOO MOO

營業中

休息中

今日又係觀塘做完野，走果陣好肚餓，記得上次黎過呢個food court，裡面有好多餐廳，今次兜左個圈之後決定試下呢間burger🍔～呢度既🍔主打無添加兼每日新鮮製造，落完單即叫即烘👍👍我叫左個熱帶之堡加大啡菇走芝士～原本個🍔已經好高身，我仲加左大啡菇真係不得了🤣🍔新鮮熱辣，烘到外面超脆裡面好軟熟，滲透住濃濃既牛油香，果然好出色！！！！😋安格斯牛肉幾厚身，完全唔覺得肥膩或者太多筋位，不過如果可以多汁啲就更好😬煙肉煎到非常香但唔油膩👍🍍同啡菇好juicy，🍅生菜爽脆，搭配埋開胃百搭既千島醬，正！🤤🤤呢度仲有埋戶外座位，weekday六點幾已經有唔少客人係度摸住酒杯底吹水😂下次有機會黎開觀塘一定會encore！😎

喺觀塘想食漢堡包，第一時間會諗起呢間漢堡包專門店，佢位置方便，每逢午餐落嚟買真係快靚正，而且佢嘅漢堡扒又厚又好味，令我成日心郁郁想嚟食。美式芝堡套餐$63你個漢堡包超厚嘅漢堡扒，係佢嘅出色之處，漢堡扒煎得好香，有炭燒嘅味道，配上新鮮蕃茄和生菜，真係超正。特別係呢間漢堡專門店用嘅麵包，係香港製造，用日本麵粉，所以食落特別有口感菇菇堡$59素食嘅朋友呢個都係好鍾意嘅選擇，啲菇好香又有質感，瞇埋眼食真係幾可亂真，以為自己食緊曾鈺漢堡包，呢個選擇健康又美味，都係我至愛之一。芝士肉醬薯條$29芝士肉醬薯條好豐富，味道好濃但係真係人間極品呢！肉汁芝士薯條$29呢個都係新嘗試，味道唔錯，不過我都係鍾意有芝士多啲。

假日周圍好多人 朋友話呢間平時返工會食 仲幾好食添 咁就帶咗我嚟試😀佢喺工廈嘅地鋪 喺燈光比較幽暗嘅一個角落 有點似bar 行入去都有店員招待同比menu 睇完menu要去counter點餐 我地嗌咗兩個set 都係跟餐薯條&汽水 簡單易明嘅餐牌😆好快就有得食 即使同場都有幾枱客人 半快餐店形式👍🏻我地嗌左白菌之堡同經典之堡 個牛堡熟度剛好呀 唔會太老 肉汁juicy 整體兩個漢堡都好味😋有樣野好貼心嘅就係 汽水竟然有得揀唔凍呀 戒凍飲期間啱哂🥰至於兩款薯條 分別係煙肉芝士醬同好似係蜜糖bbq醬 煙肉芝士果款share嚟食都有啲滯 好難食哂 可能我地太貪心 建議都係嗌一款薯條好啦😝

之前都嚟過鴻圖中心 記得有唔少嘅食肆 全部價位都唔錯 今次去開觀塘特登搵返上次食過嗰間漢堡包店😋呢間漢堡包店其實喺銅鑼灣都有分店 不過因為地理問題嗰邊嗰間價錢就貴d 離開觀塘梗係食下呢間價錢平一截嘅漢堡包店☺️經典之堡🍔 $60 由於唔想食得太Heavy 所以今次都唔跟餐叫 淨係叫咗個包 入邊有一啲嘅蔬菜蕃茄大大塊嘅牛肉🐂 同cheese 塊包係有用牛油🧈同埋焗過所以外邊都幾脆 唔會淋哂 而且有啲蔬菜中和下 唔會太膩 牛肉食落去都幾juicy 仲加咗個小食 炸雞🍗條 $39分量方面有六大嚿 炸到出嚟係金黃色嘅 咬落去勁脆身 用黎加料做小食過到口癮又唔會過飽 食埋就啱啱好 唔想成日配薯條🍟就可以叫下呢個😆總括嚟講 呢間漢堡包店價位中等 食物唔錯 餐廳🍴出面仲有好大個露天空間做自己野 帶埋💻 做野 傾吓project都仲得

今晚約了朋友去觀塘配眼鏡，在等她放工之時，我就先吃過Early Dinner。來到有不少食肆雲集的鸿圖中心，巡視一圈，最後揀了一間速食的漢堡店。店子分內外兩區，內裏燈光柔和，所設全是高枱高櫈；而外面就會露天和非露天區，大約設有四五張四至六人枱。看看兩份餐牌，有雞翼系列和主餐牌。主餐牌分別有多款MOO MOO Burger、MOO MOO肉眼扒、沙律、小食、飲料和奶昔。******************************在八款漢堡中，只有一款素食，主角是大啡菇，正合我心意。菇菇堡（$59）相當有份量，軟熟的麵包夾着清爽的生菜、清甜的蕃茄片，還有鹹香的芝士片，當然不少得大啡菇，竟然有兩大件，且挺厚身，足料! 大啡菇烤弄時間剛好，咬一口腍滑帶微爽，爆出菇汁，滿有菇香，配了甘香的芝麻醬，味道很夾，很吃!******************************另加一份沙律，在三款沙律中揀了翠綠森林（$44），有三款醬汁選擇，包括柚子醋、千島醬和凱薩沙拉醬。一向愛酸咪咪的我，當然揀柚子醋汁。沙律成品有羅馬生菜、紅毛菜、九芽菜、粟米粒、紅腰豆和面包粒，還配了兩大片蕃茄，睇落好fresh，

今天晚上朋友兒子一起去吃漢堡包，他說要試下介紹今晚食ge野^^我們點的餐終於來了，首先要品嚐的是芝士肉汁薯條，他用叉子一叉，拔起了一條帶芝士的薯條，香噴噴的外表讓我垂涎三尺，吸引小朋友立即放進口中，香噴噴的芝士和肉汁在口中紛紛跳舞。然後吃著沒沾上芝士肉汁的薯條，咔嚓一聲，真是香脆內軟!因為沒有沾上肉汁所以特別的脆，小朋友狼吞虎嚥的，很快就把薯條消滅了。今天的主題-漢堡包，它材料非常豐富，牛漢堡、培根、生菜、鳳梨片、沙拉汁等等，牛漢堡很厚又有牛味，鳳梨非常新鮮，大口的咬下去，好像一支交響曲，無數的味道在口中反覆跳來跳去太好吃了。最後一道菜-忌廉蘑菇雞翅，雞翅去骨，塞上忌廉蘑菇，再經現點現炸，外脆內軟，不喜歡吃蘑菇，但忌廉掩蓋了蘑菇的味道，很快的又消滅了兩個雞翅膀。

漢堡包係我既概念， 就係大型連鎖店那個廉價面扁平的食物。係童年既回憶。隨住大型連鎖店都要推出貴價漢堡， 可見大家對漢堡包的要求已日漸提升 Moo Moo 的手工漢堡， 未必是最好， 但感覺到那份對漢堡的心位於鴻圖中心的Moo Moo ， 算係見證她的成長當時在觀塘上班， 由開店的不看好，屹立到今。 都算是捱過了 餐廳分室內和室外的2個用餐區室內的地方不算大， 配以酒吧櫈和高枱， 營造了一個美式酒吧隨心寫意的風格室外的用餐區來得輕鬆寫意， 收工後來這裏happy hour , 實在不錯。Happy hour 仲有買二送一星期六的下午， 避開了下班的人潮，黎呢度食左個tea 漢堡的種類也不少，仲有不少小食，沙律選擇仲有套餐添熱帶風情漢堡套餐 熱帶之堡芝士肉醬薯條汽水手工漢堡同連鎖店最大既分別，就係高度呢個熱帶之坐， 高到差d一手拎唔哂煙肉，菠蘿，芝士，漢堡，蕃茄同生菜，層層清晰分明。細心留意， 每一層都獨立底面燒烤過， 留下燒烤的獨特香味，配以千島醬同食，實在美味 最鐘意烤香的菠蘿， juicy 的黎又甜甜地用心的每層處理，就係手工漢堡的精貴之處漢堡扒未夠juicy, 扣了少少分，但成個一

上次係銅鑼灣食過Moo Moo唔錯，今次去開觀塘做野，知道呢到有moo moo 都想試下。叫左黃金雞漢堡包餐，姐係咸蛋黃配雞扒，個雞扒煎得好香，而且幾大塊，唔會好乾，調味都唔會太咸！而d咸蛋黃煮到起沙，唔錯！但可以更多！跟餐配左肉醬芝士薯條，係有皮粗薯，個人超中意，好真材實料，份量都多，兩個人share,少啲罪惡感.野飲本身想叫芋頭奶昔，但奶昔機壞咗，只好叫可樂，下次一定要試吓。男朋友單叫咗個美式漢堡包，個包好厚好大個，原來佢哋啲包係自家製，果然係好味啲，好香牛油味！咬咗一啖，覺得都幾多肉汁，唔錯唔錯。

最近同朋友去咗觀塘行街，行到咁上下就想搵啲嘢食吓，近近地就試咗呢間餐廳。餐牌主打漢堡包，雞翼同其他小食，不過雞翼款式特別多，足足有七款味道啱晒雞翼控，如果咩味都想試嘅朋友仔可以叫佢個拼盤，兩個人叫咗熱帶之堡、鹹蛋黃雞堡、薯條、水牛城辣雞鎚。呢款雞鎚中間有枝骨食起上嚟超方便，啖啖肉之餘重幾辣吓，薯條夠粗又多，最後都食唔哂。鹹蛋黃雞堡 ($69) : 麵包幾軟熟，勁厚既雞扒沾滿鹹蛋黃再煎，食落嫩滑多汁之餘帶點鹹蛋黃味，加上番茄、生菜等配料亦新鮮爽口。😋

放工之後好想食漢堡，但又唔想食最common嗰幾間快餐店，於是就嚟咗鴻圖中心嘅Moo Moo. 呢度每逢放工時間或者夜晚，就有一班顧客會喺餐廳外面嘅小巷中飲酒吹水，好chill咁，或者我日後都要搵日咁樣做relax下。不過今晚都係食下漢堡薯條先，唔飲酒住，因為第二日仲要返工啊！呢度有大約十款八款漢堡選擇，除咗牛仲有雞、魚、素食之選。我成日覺得要試一間漢堡店嘅水準同好唔好食，一定要試咗傳統嘅牛先。我同朋友各自點了一個經典之寶同白菌之寶，再加一盒沙律同薯條share食。經典之寶：我揀經典絲之寶嘅原因係主要想試吓佢嘅秘製Moo Moo汁。呢度嘅漢堡全部都係外軟內脆嘅牛油烤麵包，又真係幾好食好香口，加埋美國車打芝士同埋美國優質手打穀飼牛肉、生菜同蕃茄，加埋秘製醬汁同穀飼牛嘅味道好夾，總括來講我覺得係好好食嘅，而且價錢唔貴，只係$60，性價比好高。白菌之寶：佢同經典之寶嘅材料有啲似，但就多咗新鮮白菌同埋松露美玉，朋友話牛肉係好Juicy好有牛味，再加埋白菌嘅香味，成個包豐富得來又唔會好濟，好味道咁話。正雞沙律：呢個沙律嘅份量都好多， share食就啱啱好。沙律除咗有啖啖肉又嫩滑嘅燒雞肉，仲有羅馬

第一次試 買外賣 同事叫話個包都應該夠飽 但諗住晚餐 唔信邪 除咗一個漢堡 好似唔夠飽咁 所以叫埋雞條個漢堡 真係大 正常嘢包括洋蔥 芝士 蕃茄 同埋 厚厚漢堡 第一次試諗諗吓 都係試啲傳統野好啲 個牛就比想像中乾 但堅足料 咬個包 都食到有牛油香 配個醬 我就覺得似沙律醬🤣🤣 都係好味嘅 我比較想試另一個白菌嘅burger😋個雞 似雞件多過雞條 多肉 辣辣哋 配個類似千島醬嘅sauces 都幾好味 但食到第三四件 已經好飽了🤣🤣🤣🤣 下次應該叫薯條試吓

成日行過都想試呢間漢堡，今次終於有機會！原本諗住同同事happy hour，不過而家咁嘅情況，都係外賣先，遲下疫情無咁嚴重先黎happy hour！今次order左個蘑菇漢堡，另加薯條同汽水，都係美式風間ge快餐啦。咁等左大槪五分鐘就有得食，蘑菇漢堡熱辣辣又多汁，漢堡包又熱又軟，十分好吃！薯條新鮮即炸，又脆又熱，配埋杯汽水一流，估唔到呢個價錢食到咁嘅質素，下次一定要試下其他款式，仲有佢地D薯條都有幾款選擇架，下次再試試

係觀塘都食過幾間burger,始終moomoo都係心目中排第一嘅burger,包烘得好香，啲dressing又好食，特別中意佢嘅雞堡，厚肉而嫩滑，價錢又合理。不過肉汁薯條就不了，一啲都唔好食🤨

最近喺觀塘返工，所以放工就周圍行，睇下附近有咩餐廳，今日就嚟到呢間餐廳試吓。餐廳有室外同室內座位，方便要呼吸嘅朋友仔，因為嗰日有啲熱，所以揀咗坐室內，第時約埋啲朋友仔坐室外飲下啤酒傾下計，食下小食或者漢堡都係一個唔錯嘅選擇。叫咗薯條、水牛城辣雞鎚、熱帶之堡。薯條份量都幾多，水牛城辣雞鎚辣得惹味。😋熱帶之堡 ($67) : 有安格斯牛肉、菠蘿、蕃茄、生菜、煙肉、芝士、千島醬，最多配料係呢款漢堡 😝 包皮幾軟熟，牛肉亦厚身，味道唔錯。😋

次次經過呢間舖，都會見到人地食住BURGER，歎係啤酒，好RELAX咁。今日放工想食BURGER，就即刻諗起呢間舖！ 經典之堡 ($60)主要材料有車打芝士、美國殼飼牛肉、生菜、蓄茄同秘制MOO MOO汁。一黎嘅時候完全見唔到塊肉，以為好細塊，原來係一塊芝士遮住左。大口咬落去，牛肉好大JUICY；配埋佢地獨有嘅MOO MOO汁，勁有滿足感！ 美式之堡 ($63)材料有安格斯牛肉、芝士、煙肉同BBQ汁，食肉獸必食！牛肉加煙肉，再加埋冇得輸嘅BBQ汁，完全係一種享受！ 薯條 ($25)薯條都係超值之選，性價比超高。份量多，薯條岩岩炸起，又熱又脆！ 炸雞條 ($39)一上枱，本人覺得有D奇怪。明明係炸雞條，點解好似炸雞粒咁款。Anyway，本人對形狀冇咩所謂，最緊要好食！特別一讚係佢果隻醬，辣辣地好過癮！ 檸檬特飲 ($28)蜜桃特飲 ($28)本人覺得食BURGER一定要配汽水或者啤酒，咁先至係最佳配搭！