Monster Sushi (已結業)

一間以"全港唯一江戶前迴轉壽司"口號既壽司店??第一個印象已不好了,一入去個reception 好似未訓醒咁品神咁"暗"左一句野,我又是但答左句"壽司bar..." 居然中woo....至於食物方面, 首先可能自己對去壽司認識唔夠, 江戶前正宗可能就係咁!1. 壽司飯用上疑似普通白米, 外表毫不飽滿(同我個荷包同病相連), 咬落去毫無口感, 飯味更加搵唔到! 2. 一碟軍艦壽司兩件大少不一不在話下, 居然會上闊下窄??3. 用料真係好一般, 絕不是太新鮮之類!除左以上問題, 仲有d可能係個人口味意見:1. 大部分壽司都會預先塗上醬油?2. 部分壽司更用上加入梅子既飯,但係又同d魚生唔夾,食起黎有點格格不入!如果此店是"唯一", 坊間更多"疑似"但更出色既選擇, 我真係搵唔到再去既理由!

7月的時候同男友食過一次, 已經覺得好滿意, 佢有好多外面無的sushi, 但價錢唔係超貴, 中等囉上星期六同朋友一行6人由接近9pm等到10點先有位.雖然等到傻, 但係大家食完都覺得超值 帆立具壽司 - 好大粒好鮮甜, 價錢中等 海膽軍艦 - 比其他壽司店的海膽份量多, 很Creamy, 沒有臭味或苦澀 香芒花之卷 - 可能mango當做, 好甜, 非常配合花之卷的味道 鰻魚玉子 - 熱辣辣即叫即做, 唔係好特別但味道唔錯, 好香好滑有蛋味 雞肉玉子 - 無鰻魚玉子咁好味, 比較普通 軟殼蟹壽司 - 軟殼蟹唔脆, 唔好食. 元氣好D 三文魚壽司 - 好長的三文魚, 但係無咩surprise, ok la 可以唔食 哥斯拉卷 – 水準參次, 我第一次食, 外面d粒粒好脆, 今次食就好硬, 好似 放咗好耐過氣咁 三文魚子軍艦 - 三文魚子超大粒, 多到滿瀉出來, 望見已經開心 鹿兒島黑豚肉 - 外面鬆脆, 嫌佢咸咗d, 可以唔點附送的鹽 炸蝦天婦羅 – 烤漿唔夠脆, 可以炸起有一段時間 蜆肉麵豉湯 - 一碗有差不多10粒蜆肉, 真材實料服務態度又無其他人講得咁差wor.. 可能因

8月27日 晚上同朋友來到 明星開既日本壽司店來試試~地方環境是很不錯的 7點去到唔駛點等就有位~點左10樣野如下:1. 三文魚壽司 一般冇特別2. 雞軟骨玉子 好一般3. 帆立貝壽司 好味~ 係唯一好食,但不及峰同板前4. 鰻魚壽司 好硬~唔好味5. 甜蝦壽司 冇味6. 蝦膏甜蝦壽司 唔知食左d乜~ 冇味7. 海謄軍艦 d 紫菜 淋哂~ 海膽冇味8. 八間壽司 唔知係乜魚 但ok9. 藍鳍吞拿魚卷 ok10. 香菇炒牛柳粒 (是日供應) 冇肉汁 好dry最大問題係 佢d飯 點解 要加d 梅子 入去呢~ 好多壽司都加左~..有時覺得同d 壽司唔係好夾~整體來講唔合格~ 因為咁既價$ 但出來既質素 仲差過 一壽司, 如果咁既價$ 情願去峰同板前食。

尋晚同男朋友故意早小小到。所以入坐既時候得幾台客。。服務又無之前果d食評甘差。。都ok既。點左：牡丹蝦，鰻魚玉子，3文魚壽司，蟹子Salad， 1口炸豆腐，燒左口魚邊壽司，Tuna 壽司， 帶子芒果腐皮壽司，海膽壽司，油甘魚壽司牡丹蝦：呢個我覺得幾新鮮。入口好爽。鰻魚玉子：我覺得呢個嘛嘛地咋。玉子比較散。本來最有興趣就係呢個。。鰻魚有骨tim啊。。3文魚壽司：呢個就幾抵。好長1條3文魚。不過男朋友話新鮮程度唔係好高蟹子Salad：。呢個唔錯，幾多蟹子同蟹肉。唔係好似味千甘的青瓜1口炸豆腐：呢個真係無咩special蘿。。普通炸豆腐，同埋d醬油好似無咩味甘。燒左口魚邊壽司：呢個係我覺得最難食既壽司，1黎到講到半透明既魚覺得好得意。不過入口，口感唔多好。。有d油，，男朋友話好似食緊豬頸肉甘Tuna 壽司：我無食。男朋友覺得都ok..帶子芒果腐皮壽司：呢個我中意。因爲有我愛既帶子同芒果。配搭得幾好。。海膽壽司：幾新鮮。但係就好似唔夠鮮甜。都ok既油甘魚壽司：全晚覺得最好味既壽司。。正

我上星期日下午茶時間去食唔洗等位(坐BAR台)哇!見到魚生雪櫃狂滴水落魚生度囉!又無關好雪櫃門!!!跟住同個Waiter反映, 佢走去問個師傅.個師傅話"係咁架"(!!!)個Waiter之後覆返話"個雪櫃濕度太高(?)所以狂滴水, 唔洗擔心"十個汗...之後師傅關返雪櫃門..跟住個D滴緊既水珠就結冰喇..咁樣一冷一熱..D魚生好易變壞LOR...不過燒蛋卷真係好食GE...

星期一晚同幾個朋友去食，坐order檯。唔計佢d特色壽司真係好細同埋整得有d立亂，佢d用料都好新鮮，冇變色，亦都冇腥味，總括黎講幾好食。service都係ok，叫一陣就會有人到，同埋都好積極加水。仲有佢入座時話我地知只可以食兩個鐘，但可能星期一唔算多人，所以過左時都冇人黎催埋單。

我朋友話試過好食, 於是星期日下午去約3點幾去試, 唔駛等位, 裝潢都ok, 點左6樣野三文魚: 味道一般, 不過係最好食既鹽墨魚(個全名唔記得): 黎到個樣同張相唔同, 問佢地d人, 佢地好唔肯定咁答你係, 但張相明明係普通既飯, 但黎到既竟然變左紫穌葉柚子味既飯, 我本人係唔食紫穌葉既, 咁比就比張相攪到唔清晰南鯨辣吞拿魚(個全名都係唔記得): 又係同餐牌張相差非常遠, 入面舊舌拿魚已經係有少少黑色既, 味道都係一般海膽壽司: 海膽都ok, 不過d紫菜'林'曬和牛壽司: 冇味道囉, 賣相更加冇蕃薯, 南瓜天婦羅: 黎到係啡啡地色, 好似用萬年油炸比你咁最後食左$160走人, 唔會再去

再一次體會到明星既效應厲害 , 如果唔係因為吳彥祖係老闆 , 都唔會有咁多人去試Monster Sushi , 本人就覺得比起板前既質素差囉 , 而且服務生既態度又麻麻 , 上菜亦慢吞吞 , 壽司飯好易一夾就散 , 我仲係食燒雞軟骨捧個陣食到粒沙石 , 問個服務生係咩黎個陣佢竟然答我好難解釋 , 嘩!!!完全冇要換過比我既念頭 , 不過算數啦 , 一陣叫佢換容乜易加料比我架 , 一定唔會再幫襯呀。 三文魚壽司 - 三文魚新鮮度一般。 火炙三文魚壽司 - 可能係切左既關係 , 所以一夾就散。 大蝦天婦羅 - d蝦明顯"拿"得好勁 , 入口脆到嚇人。 鰻魚壽司 - 味道唔夠濃好普通 , 而且長度同平時食到個d差不多ja。 雞軟骨雞肉棒 - 如果我冇食到沙石既造其實唔太差既 , 好似食緊一條雞肉腸。 薯絲玉子﹑蒸玉子雞骨捧 - 呢兩款玉子都幾好食 , 甜度適中 , 價錢又唔貴。 帆立貝壽司 - 好大隻又鮮甜既帆立貝 , 壽司係紅米飯仲要有d薑就唔係人人接受到。 三文魚花之卷 - 都係普通冇特別既貨色 , 沙律醬唔夠多。 炸一口豆腐 - 估唔到呢個反而係最好食架啦 , 豆腐好滑炸皮又薄。

8月3日 Saturday 和波波8點幾來到, 因為lee間sushi都開咗一段時間但就重未嚟試過...點知一等就等了一個鐘....都係坐sushi bar, 一坐底就叫了三文魚, 鰻魚, 凡立貝, 等等的sushi....芒果蟹子沙律, 雞軟骨, 黑豚肉....lee間嘢話d魚已有醬油....hmm...但唔點豉油真係有d淡口, d魚又唔係特別新鮮,重有俾隻义, 义背都洗唔乾淨.....總括嚟講食物一般, 無雜誌所講咁特別, 服務都ok...但吸引唔到我再嚟.....

因為我同事介紹我去,所以個日登地同我男朋友仔去試下呢個的裝修有別於其他餐廳的風格,設計摩登,感覺時尚,佢設有一個類似露台的座位,個景幾靚<夜晚的時候>唔錯....我地叫左幾多野食...-鰻魚玉子燒-原本對這個不大期望,但上棻的時候已經嗅到好香蛋味,賣相不俗,食落去的時候熱騰騰,真係好重蛋味,口感好滑,好軟...但由於我叫的係鰻魚,所以食落去有d骨,口感破壞左,唔可以一次過吞,扣左少少分,-火辣加州卷-賣相睇落去平平無奇,但食落去又幾好食喎,佢個隻辣係慢慢滲出嚟既,-芒汁三文魚卷-芒果汁同三文魚好夾,舊飯唔會好大,配合得宜...值得一試!-玉子壽司-舊蛋甜甜哋,舊飯一D都唔大,夾係蛋的中間,賣相好似一粒骰仔咁,的的骰骰,可以一口食哂...-帶子壽司-帶子好鮮甜,配上類似紫薑飯,味道唔錯之餘還滿特別...-鰻魚壽司-條鰻魚好長,但飯亦唔會好大,但略嫌鰻魚唔夠新鮮,減分...-大蝦天婦羅-個脆漿唔會太厚,太粉,配埋個汁>好味<,但一定要熱食,否則凍咗咁就唔好食啦仲有叫左幾款壽司架,但由於我無份食,所以我唔介紹lu....叫左咁多野食埋單都係200幾,真係好抵食

據說是有吳彥祖加盟設計菜式的迴轉壽司店，出品及裝飾都比較時尚，食客又頗多，我都是排了半個鐘的隊才等到位。由于時日過久，只是簡單記一下仍比較有印象的出品吧：哥斯拉卷，做法獨特，口味上完全失去了和味料理的特點，倒是十足的美式風味，不過味道也不錯。鰻魚壽司，鰻魚嫩滑入味，肉質比較瘦，可惜不夠熱度了。帆立貝壽司，帆立貝是食過的帆立貝中質感最嫩滑的，不過論及鮮味，卻不及板前出色。火炙三文魚壽司，火炙三文魚非常好味，三文魚取材比較肥美，火炙之后更加滑溜有口感，不過飯團握得不夠好，極易散掉。三文魚刺身，喜愛三文魚的我每次都少不了一碟刺身，刺身主要是圖個新鮮，這里客流大，都幾新鮮的。抹茶雪糕，抹茶味夠濃，奶味適中，不會搶了抹茶的風頭，算是合格的餐后甜品啦。這間店勝在出品新穎，不過口味其實一般，我以為試過一次就夠。

一行3人去左食LUNCH好啦~ 唔駛等入去個3人位~佢個view唔錯~不過 等左好耐~ 揮左ok耐下先有人serve你~咁都算~ 咁我地食完其中一d~ 係到等未上黎既野..等呀等~ 咁我忍唔住問佢. 係我冇叫到丫定點呢?佢話..冇貨wo, 冇你唔係要同我講架咩? 唔係化~ 其他壽司店你落order時就已經同你講啦~ 好唔滿意wo!!!之後睇單, 仲有個tamago未黎~ 都收$. 即刻同佢講要佢改左去!!!!! 估唔到lo~ 咁都得~ d sushi 其實真係好一般, 一夾就散. 靚有鬼用咩, 食得落口先得架~同埋咁既態度唔得wo, 係~ 你有星級老板, 個個食一次就唔黎有咩用?檢討下啦唔該

明星效應......裝修豪華.....但係無內涵我十點半等....門口個口黑面黑既阿姐....同我講....你幾位阿...我話兩位...我問大概咁要等幾耐呢?佢話唔知哦..答唔到你...咁我再問.....憑你既經驗呢....佢之後答我都慳番...走左去....嘩~~咩態度....真係唔專業.....門口....第一感覺已經唔好入到去......上至經理下至樓面個個都唔識笑....樣子不耐煩....好影響客人食欲呢......食物方面:三文魚無魚味...唔夠凍.....無口感....bad.... 手卷方面......碎吞拿魚手卷...吞拿魚碎好乾..無咩水份...紫菜好淋...bad 軟殼蟹手卷......好dry..咩配料都無....d蟹凍冰冰..唔係即炸...劣.... 壽司............無咩特別同驚喜....d飯好淋....好散...size件件不一...好唔標準...

見到有新sushi店, 諗住入去試下,仲要等左勁耐, 結果極之失望d sushi好似好唔新鮮咁, d 海鮮好似暖暖地, 放左出黎好耐咁.... 味道亦怪怪, 有d海鮮仲有d苦味....仲成日成舊散哂..... 感覺似去食百幾蚊任食果d (可能仲差過), 但係價錢就好似板前咁貴wasabi又係唔得, 無論加幾多都係得少少wasabi味....真係神奇職員服務又差, 好似明知睇到你有需要都唔過黎....之後睇番雜誌先知係吳彥祖開....就更加失望...吳生, 真係有冇攪錯呀?!

睇過里度的食評 講佢服務態度差, 果然"名不虛傳"先講食物呀, 叫左:三文魚壽司-- 普普通通, $10都幾抵帆立貝壽司-- 幾大粒, 幾鮮, 有 d 驚喜哥斯拉 -- 幾特別, 熱熱地 口感幾好鰻魚壽司 -- 唔得, 細舊, 魚霉霉地, 無乜鰻魚汁Monster Sushi -- 幾特別, 帶子大大粒話返轉頭, 講服務:首先門口面黑黑的姐姐帶位, 帶左去舖出面(即係露台, 頭頂係商場)個度, 我一出去已經覺得唔對路, 雖然好似好浪漫, 但係好熱, 所以我兩個人未坐低就同佢講 "里度好熱, 可唔可以坐入面", 佢就一句 "dut" 埋黎 "入面無位喎!!". 我心諗唔係話, 我行入黎個陣, 有兩個人岩岩係bar台推凳走. 於是同個阿叔講, 佢先肯比我坐. 個下火都黎埋, 就算入面真係一個位都無, 你都可以安排我等陣, 或者出門口等多張我都無問題. 去開 峰壽司 都知佢會問你坐 Order 台有無問題, 介意可以唔入住, 代價就係要等. 我覺得里樣野好機本.斟茶下下叫里樣野, 我自己都覺得煩倒你咁, 又唔係唔夠人, 可唔可以主動少少再黎, 等最後一碟等左好耐, 所以決定埋單, 我同佢