Monster Carbs (已結業)

今晚出左旺角到買野, 見買完都晏, 於是就順便係旺中果頭買d野食番屋企做晚餐! 見到E間小店新開張, 而且野食幾吸引又唔貴所以就買嚟試下!🌟秘製辣醬炒燒賣E款係佢地嘅招牌小食嚟, 打開見到勁多辣油, 粒粒都被辣油包住, 燒賣熱辣辣, 口感彈牙, 辣味幾香幾夠辣, 的確唔錯!🌟酸椰菜手撕豬漢堡酸椰菜份量剛好亦唔會過酸, 手撕豬份量幾多, 夠哂入味亦好juicy!🌟西班牙油條（churros）估唔到會有Churros賣, 車車又忍唔住叫左份嚟食, Churros新鮮即炸, 外賣拎走番到屋企打開都仲係熱辣辣, 上面淋左朱古力醬, 仲撒滿玉桂粉+砂糖, 咬落去好香玉桂味, 甜甜地外脆內嫩, 好快就比車車啪哂lu🤣🌟白桃烏龍茶食飽飽飲番個白桃烏龍茶～爽呀! 白桃味幾香, 味道清清地幾好飲

旺中小食多😌今日就試吓呢間主打漢堡嘅，買完可以直接喺舖頭出邊嘅枱度立食又得～ 拎走食都得🍔港式沙爹醬漢堡 $29一拎起已經聞到沙嗲同濃濃嘅花生香味，漢堡包烘得香脆，沙嗲醬汁香濃，漢堡扒Juicy，去買爽脆嘅蕃茄青瓜同埋生菜，口感有層次。🍟薯條 （跟漢堡+$7）用嘅係粗薯條！外邊脆卜卜入邊係軟身嘅薯肉，加埋香辣粉就更加惹味🟡秘製辣醬炒燒賣 $18/8粒佢哋用嘅係彈牙嘅燒賣，辣醬香辣得嚟帶麻！食完之後嗰陣麻辣味仲會留喺口腔入邊！（小心嗆喉）

去開旺角買嘢, 順手買外賣返屋企食, 見到呢間 ❥⧽𝐌𝐨𝐧𝐬𝐭𝐞𝐫 𝐂𝐚𝐫𝐛𝐬 ❥⧽ d 漢堡包好似好吸引, 所以今日一於食漢堡包啦。𓊈川式麻辣漢堡𓊉呢個川式麻辣漢堡真係令人喜出望外, 中西合璧嘅配搭好新鮮, 味道亦出奇地配合, 個感覺有少少似水煮牛肉變成漢堡包, 好好食, 如果可以食辣, 絕對大大力推介呢款漢堡。𓊈蜜糖芥末芝士漢堡𓊉本身怕太重芥末味所以有少少猶豫, 不過店主話呢款漢堡包偏甜, 所以就試吓。漢堡好 Juicy 呀, 配料有青瓜, 蕃茄, 芝士同生菜, 好豐富, 而個醬汁甜甜地, 雖然有芥末味, 不過唔會有嗆鼻嘅味道。𓊈炸紫菜粉絲卷 ✧ 辣炒豬肉𓊉本來以為返到屋企就會淋曬, 點知食落口依然脆卜卜, 實在驚喜, 酥脆嘅紫菜卷包住辣辣地嘅豬肉同粉絲, 口感層次好豐富, 好好食呀! 𓊈西班牙油條 ✧ Churros 𓊉因為外賣關係, 所以唯有忍痛同雪糕球講 bye bye, 不過店主好細心, 會加返2 條 Churros 比客人。Churros嘅肉桂味好香濃, 加埋朱古力醬咁食, 甜而不膩。✧✧ 整體嘢食都好好味呀, 而且價錢大眾化, 絕對值得再食! 疫情下好多小店都撐得好辛苦

喺公司附近食飯食到悶悶地於是就openrice睇下有冇d新餐廳可以試，見到漢堡睇落都唔錯 饅魚粉絲卷外脆內軟，紫菜好香，調味恰到好處，價錢好抵食，如果無記錯好似係$28/6件經典芝士漢堡 $28因為係外賣關係，個包有少少走樣，不過呢個價錢黎講一d都唔hea, 個包烘得香脆，蕃茄芝士青瓜生菜同漢堡扒一樣俾足，喺而家百物騰貴嘅香港，此價錢同出品真係有誠意之作，味道亦非常好凡購買任何食品即可加$5換一個迷你忌廉蟹肉薯餅，同樣是外脆肉軟，而且炸粉好薄，炸得好靚唔會油膩，外賣返到去依然熱辣辣非常惹味疫情下百業蕭條，各行各業都捱得辛苦，希望小店撐得住，仲希望可以食到良心美味小店嘅小市民上加油！

依家無堂食，等兵仔帶大家去旺中掃街，掃啲平靚正，又抵食嘅正野🥰包各位娘娘食過番尋味~💂🏼《川式麻辣漢堡》 $32喺普通嘅漢堡之上，加上川式麻辣嘅口感，再加上半溶化嘅芝士，特別惹味🍔！而且塊漢堡扒亦都好Juicy，食到我滴晒汁😂如果本身就鍾意食辣野嘅話，一定唔可以錯過❣️評分: 90/100💂🏼《炸紫菜粉絲卷（雙拼：芝士鰻魚+醬烤牛肉》 $25揀一款嘅話係$22，因為揀唔落手，所以就試咗+$3雙拼🤣芝士鰻魚係可以拉絲，不過我都係比較鍾意醬烤牛肉，味道比較香🙆🏻‍♀️整體粉絲好彈牙，成個紫菜卷都炸得幾脆口，仲要有成八粒咁多，作為小食來講非常抵食！評分: 88/100💂🏼《迷你西多士拼雪糕（榛子朱古力）》 $34食完鹹嘢炸嘢，梗係要食下甜品啦！🍫榛子朱古力指嘅係西多士嘅夾心，雪糕都有得另外揀口味，我就配返朱古力啦🍨~入面嘅朱古力非常濃郁，西多士外脆內軟，成個組合極邪惡😈飯後甜品嚟講自己一個食可能有啲太多，兩個人分享就啱啱好👯‍♀️！評分: 85/100地址: Monster Carbs (旺角)旺角彌敦道688號旺角中心1樓FK1A1號舖總結：今次掃街嗰啲小食全部都幾好，2個人食完都好夠飽💯大家有

一講起burger, 我諗大部份人都係諗起burger king, mos burger, 或者價格貴小小既 shake shack, five guys 等等。但其實香港本土都有唔少主打漢堡既小店ga. 琴日岀開旺角，由於我趕時間既關係，唔想坐係餐廳慢慢食lunch，於是走左入旺覓食🤪 就係咁，緣份令我遇上由年輕人主理既Moster Crab，一間主打漢堡包既小店。不得不讚，店主十分友善有禮，亦會主動推介，睇得岀真係超有誠意。😍平均$30就有一個大大既漢堡包，性價比極之高，小食都係十幾廿蚊，今時今日咁既價錢，去邊度搵。我認我蠢左，我開頭見到個價咁平，以為好細份，所以我一次過嗌左2個burger, 2款小食黎試下。😂🤣 事實證明我錯啦，好大份呀！港式沙爹醬漢堡 $28 👍👍👍👍麵包應該係普通家頓包，但烤過黎，個邊脆脆地同埋都鬆軟。一打開已經聞到好濃既沙嗲味，好香口，但又唔會搶走漢堡既味，漢堡肉味比較淡，但唔鞋口，加埋芝士同新鮮既生菜，成件事好match，好好味。川式麻辣漢堡 $32 （店主推介）👍👍👍👍👍中意食辣野&重口味既朋友仔真係唔可以錯過呢款！香濃惹味既麻辣醬唔會好辣, 譚仔5小

去開旺角中心拎嘢，順便買外賣返屋企食！除咗葵廣之外，旺中都係小食外賣店聖地，有好多小食舖選。呢間小店主打burger之外，重有其他小食。.🐷吉列豬扒漢堡 $36吉列豬扒新鮮熱辣辣炸起，食落口感鬆脆，加上生菜令口感更清爽，減低油膩感！麵包烤都幾鬆軟。.🐮醬燒牛肉炸紫菜粉絲卷 $22這個有驚喜，想不到個炸紫菜粉絲卷新鮮炸起，脆卜卜又太油，幾好味！入而重有惹味牛肉。.🍑白桃烏龍茶 +$10另外，加咗支茶，可以解吓油膩，味道清清地，都ok！

繼續晚市冇堂食，繼續在家抗疫，但都要食野嘅~ 旺中可以稱得上係外賣聖地，有勁多小食舖，任君選擇😻 今次清清地食個burger先，仲要唔同小食都好吸引🤩✨日式炭燒雞扒漢堡 - 好juicy, 雞扒肉都多，連埋中間配菜一齊食口感幾足，有層次，$34 算好抵✨醬燒牛肉炸紫菜粉絲卷 - 牛肉醃得好夠味，炸得好香脆，好好味✨西班牙油條 - 因為外賣我唔要雪糕，哥哥仔好好人，俾多兩條我，我本身好鐘意食churros, 果然冇失望，夠脆夠香肉桂味✨白桃烏龍茶 - 食左炸野真係要飲返啖茶解膩，鐘意佢大大枝又唔會甜，清清地啱晒我平日夜晚都多人泥買外賣，食物有保證😋

旺中而家多咗立食區各式美食小店擺埋一齊又創造左新嘅特色好似好耐冇食過漢堡包見到呢間小店 圖片好吸引亦都係旺中唯一一間漢堡店就試試佢啦！因為當時人好多 冇喺門口嘅枱度食經過一番長途跋涉 雖然個樣冇一出爐咁靚但咬落去第一啖好驚喜因為包仲係有烘烤過外脆內軟的口感配料都不外乎青瓜蕃茄生菜芝士平視我唔鍾意食生嘅蔬菜 但佢呢個做到新鮮冇生味我可以入到口至於牛肉好Juice 好有牛味另外呢個牛肉炸粉絲卷有啲似炸壽司但入邊用咗粉絲口感好有趣 醬燒牛肉味亦好突出好惹味

前排放工經過位於旺角嘅「Monster Carbs」，見到啲Burger 同 鰻魚卷好吸引😋即時流哂口水🤤咁就去買黎試吓先😬日式炭燒雞扒漢堡 $34好大個漢堡😊雞扒亦好滑好嫩！啲餡仲好足料😋芝士鰻魚卷 $22有芝士 同 鰻魚實在太好嘅配搭啦🤪鰻魚又好厚 好大舊😋食落啖啖鰻魚肉，唔會好細舊，正😬秘製辣醬炒燒賣 $18/8粒，$25/12粒秘製辣醬果然係秘製辣醬！辣得好過癮，實在太好味啦，啲燒賣亦好煙韌😋

Monster Crab 🦀 西班牙油條拼雪糕🍦$28 (8/10)西班牙油條有得揀砂糖、肉桂砂糖或者走砂糖，我哋揀咗肉桂砂糖味，真係好香肉桂味👍🏻而Churros 本體都好好食，即叫即炸，保持到外脆內軟，配埋朱古力醬就咁食已經好正🍫而雪糕可以揀雲呢拿、綠茶 🍵、朱古力，我哋揀咗雲呢拿。可惜雲呢拿味同奶味都唔算太出太重，好彩配埋Churros都係超夾😋Extra comment:•佢其他嘢食都幾有特色，而且唔貴，好似有炸粉絲卷、麻辣漢堡🍔，下次去會try try❣️

去開旺角中心拎嘢，行到攰攰地又就黎6點就諗住買外賣返屋企食！睇黎睇去都係比喺1樓嘅Monster Carbs 吸引住！🍔menu 主打係漢堡，有牛肉漢堡、雞扒漢堡、手撕豬漢堡，至於小食就有🍟薯條、多種口味炸紫菜粉絲卷，甜品有一口西多同西班牙Churros！店仔細細🍦又幾多選擇喎！價錢方面，漢堡由 $28至$36不等，跟餐只需加＋＄10就有冷泡白桃烏龍茶🧃！相當吸引同親民！店外仲設有立食區！肚餓仲可以襯熱食！🍔港式沙嗲漢堡🍔$28  先講即叫即煮誠意已滿分💯 焗熱左嘅漢堡包，配濃濃嘅沙嗲醬未食已聞到勁香！牛肉漢堡扒加上半溶芝士、生菜🥬、番茄🍅、洋蔥🧅同青瓜等。招牌牛肉漢堡肉味香濃爆多肉汁，配埋有花生碎嘅沙嗲醬食更添惹味！成個包口感豐富，必試！🍔 經典芝士漢堡🧀 $28   同樣係焗熱左嘅漢堡包，招牌牛肉漢堡肉味香濃，加上我最愛嘅cheddar cheese同自家製醬汁、配上配料番茄🍅同生菜🥬等，酸酸甜甜，幾開胃食落清新唔會太油膩！🍟醬燒牛肉炸紫菜粉絲卷 $22 小食都唔馬虎！估唔到炸紫菜粉絲卷炸出黎又幾好味！脆卜卜又唔太油膩，加埋小小牛肉配香甜醬汁！驚喜！好味！

平時都會去下旺角掃街 尤其是係lunch同埋晚餐嘅中間時段硬係會覺得好肚餓 想食少少野 又唔想食到咁飽今次嚟到嘅餐廳位於旺中一樓立食區推介大家試吓佢哋嘅雙重芝士煉奶年糕同埋 churros 超級好食 今次另外都食咗炸燒賣 同埋burger呢個價錢來講算係唔錯嘅選擇食完之後仲可以喺隔離買埋嘢飲添❤️雙重芝士煉奶年糕❤️churros❤️炸燒賣❤️漢堡包🍔📍Monster Carbs (旺角)旺角彌敦道688號旺角中心1樓FK1A1號舖

旺中又開咗間新小店 今次主打漢堡包🍔有8個款式 除咗經典款之外 有唔少創意款式 例如川式麻辣漢堡🌶港式沙爹醬漢堡等另外有唔少特式小食- churros 迷你西多士 秘製辣醬炒燒賣😮▶️酸椰菜手撕豬漢堡 ($36)呢個係推介款 相當特別🍞漢堡包雖然係嘉頓包 但係搽咗一層牛油🧈再用爐烘熱兩面 味道已經好唔同麵包質感軟身 烘完仲好香脆 又食到牛油香味🤤入面有紫色嘅椰菜💜影相出嚟靚啲 味道少少甜甜地 反而食唔出酸不過覺得佢唔算清脆 如果脆啲可能可以增加漢堡層次感🐷最好食係啲手撕豬 份量好足 多到跌出嚟肉質好淋 一啲都唔乾爭爭或者鞋仲食到少少嗰陣煙燻味好似出面西餐廳 spare ribs 咁 只係呢個已經去晒骨 全部都係肉！雖然佢有落少少沙律醬 但係幾鍾意佢唔係好多 唔會蓋過咗豬肉味道一邊食都冇滴醬 食得好乾淨😁成個burger雖然材料簡單 但係已經好好食👍🏻加上呢個配搭真係獨創 值得一試▶️脆皮年糕- 沙律醬肉鬆 ($18)呢個係店主推介我食 有三款口味～實物比相大條 一路望住佢整係一條又長又厚嘅年糕 (同平日食嘅韓式年糕有啲唔同）用火槍燒完🔥再搽上沙律醬 然後放上大量肉鬆而成即使我隔咗陣食 佢依

今日經過旺中，人流唔算多😣 行咗陣就口痕買咗幾樣小食🙈Menu:1️⃣ 雙重芝士煉奶脆皮年糕 （$22）年糕控不能錯過！強烈建議當場解決咗嚿年糕🥺 雖然我拎到返屋企仍然好食，但仍然比我當場拎到嗰一刻咬嗰啖硬咗一半左右😥 （都怪天氣太凍❄️☃️ 本身係想食秘製甜辣醬嗰款，但店員話怕我唔食得辣，所以都係建議食比較受歡迎嘅雙重芝士煉奶呢款😌 作為cheese lover 當然唔會say no to cheeee😆🧀 煉奶嘅甜味中和咗芝士嘅鹹味 & 一大件年糕嘅膩🥰 是喊是甜嘅味道令人忍唔住食晒成件年糕😎💛2️⃣日式炭燒雞扒漢堡（$34）呢個漢堡會令我想再encore 嘅原因就係嗰兩塊鬆軟嘅麵包& 肉質超嫩、醃料超入味嘅炭燒雞扒！🥯🐥 蔬菜配料方面亦頗豐富，有青瓜、蕃茄 & 生菜😛 即使外賣拎到屋企個漢堡仍然係微暖☺️🍔3️⃣ Churro拼雪糕 ($28) 表面佈滿砂糖，淋上朱古力醬，雖然有點油膩，但鍾意食甜點嘅可以試下😆 但我覺得令我驚喜嘅係個雲呢拿味雪糕🍨