影片
更多
2022-03-11
20 瀏覽
一講起burger, 我諗大部份人都係諗起burger king, mos burger, 或者價格貴小小既 shake shack, five guys 等等。但其實香港本土都有唔少主打漢堡既小店ga. 琴日岀開旺角，由於我趕時間既關係，唔想坐係餐廳慢慢食lunch，於是走左入旺覓食🤪 就係咁，緣份令我遇上由年輕人主理既Moster Crab，一間主打漢堡包既小店。不得不讚，店主十分友善有禮，亦會主動推介，睇得岀真係超有誠意。😍平均$30就有一個大大既漢堡包，性價比極之高，小食都係十幾廿蚊，今時今日咁既價錢，去邊度搵。我認我蠢左，我開頭見到個價咁平，以為好細份，所以我一次過嗌左2個burger, 2款小食黎試下。😂🤣 事實證明我錯啦，好大份呀！港式沙爹醬漢堡 $28 👍👍👍👍麵包應該係普通家頓包，但烤過黎，個邊脆脆地同埋都鬆軟。一打開已經聞到好濃既沙嗲味，好香口，但又唔會搶走漢堡既味，漢堡肉味比較淡，但唔鞋口，加埋芝士同新鮮既生菜，成件事好match，好好味。川式麻辣漢堡 $32 （店主推介）👍👍👍👍👍中意食辣野&重口味既朋友仔真係唔可以錯過呢款！香濃惹味既麻辣醬唔會好辣, 譚仔5小
琴日岀開旺角，由於我趕時間既關係，唔想坐係餐廳慢慢食lunch，於是走左入旺覓食🤪 就係咁，緣份令我遇上由年輕人主理既Moster Crab，一間主打漢堡包既小店。不得不讚，店主十分友善有禮，亦會主動推介，睇得岀真係超有誠意。😍
平均$30就有一個大大既漢堡包，性價比極之高，小食都係十幾廿蚊，今時今日咁既價錢，去邊度搵。我認我蠢左，我開頭見到個價咁平，以為好細份，所以我一次過嗌左2個burger, 2款小食黎試下。😂🤣 事實證明我錯啦，好大份呀！
港式沙爹醬漢堡 $28 👍👍👍👍
麵包應該係普通家頓包，但烤過黎，個邊脆脆地同埋都鬆軟。一打開已經聞到好濃既沙嗲味，好香口，但又唔會搶走漢堡既味，漢堡肉味比較淡，但唔鞋口，加埋芝士同新鮮既生菜，成件事好match，好好味。
川式麻辣漢堡 $32 （店主推介）👍👍👍👍👍
中意食辣野&重口味既朋友仔真係唔可以錯過呢款！香濃惹味既麻辣醬唔會好辣, 譚仔5小辣咁上下，估唔到麻辣同漢堡會咁夾，真係有驚喜！比沙嗲既更香口，真係好正！係唯一無咁好既就係個汁水左dd，食既時候要小心滴岀黎。
脆皮年糕-甜辣 $18 👍👍👍👍
令我surprise ge小食，唔知係烤過定炸過，佢真係脆皮ga!! 外面脆卜卜，內裡煙煙靭靭！最重要係無粉味，我食年糕好怕食到成口粉味，但佢地個汁調得好好，可以完美地包住塊年糕，甜甜辣辣咁，好韓國呀。
西班牙油條 $28 👍👍👍👍
最後當然唔少得嗌返個甜品啦，一份8條，或者可以一份6條+雪糕。但我唔食雪糕所以淨係要油條就得啦。炸到酥脆既油條表面沾滿了玉桂糖，再淋上朱古力醬，份量配合得好好，食落唔會漏亦唔會過甜，外脆內軟，令人一口接一口！成功地為呢一餐畫上圓滿既句呀。
張貼
