Mokumoku Yakiton (厚福街)

營業中

休息中

朋友話今日想食日本菜，好耐之前我已經bookmark呢間餐廳而今啱今日佢話想食串燒所以就決定帶佢嚟呢一間餐廳🍴餐廳係位於厚福街，所以超級容易去到一上到去感覺就有種好日式裝修，非常之舒服，裝修以木材傢俬為主因為今日嚟嘅時候已經係下晝三點多啦但係都依然仲有幾台客人，相對地會比較坐得舒服同埋清靜非常唔錯！首先嚟嘅係一個前菜蕃茄輕輕漬過，頗為開胃之後我哋就見到咁多人都話呢度嘅刺身好食就帶咗個刺身五點！當中包括有三文魚油甘魚帶子海膽同埋赤蝦，呢度嘅刺身相當之有驚喜！特別係海膽同埋帶子！聽店員講呢度有海膽係用左日本嘅海膽食落去係鮮甜嘅。而帶子嘅厚度亦都相當之surprise，又夠爽口， 簡直係正呀！之後再黎生蠔刺身！嘩完全估唔到隻生蠔咁肥美呀仲正過平時喺酒店食嗰啲，食落去海水味唔會好重所以唔會好行再加埋少少香蔥感覺好Fresh送酒係一流嘅！黎到呢度梗係要食串燒啦我哋今次都叫咗唔少，當中包括有豬嘅不同部位，九條蔥卷，免治豚肉串，明太子燒淮山等等我個人比較鍾意係免治豬肉串，配上日本蛋一齊食，勁夾！朋友最欣賞嘅呢就係白金豚，其實即係燒五花腩！半肥瘦再配上適當嘅調味就算燒完都唔會好柴做保持到肉質真係唔錯啊

呢度可以話係朋友既私竇。差唔多個個星期都會黎留低腳毛😂😂我都畀佢帶到我幾乎每月一訪。貪佢呢度Suntory 全日買一送一。呢度既串燒係有水準既。今次試左個豚肉荔枝卷 @$58季節限定野，如果你預到佢一定要試！！！我都係第一次食燒荔枝， 粒荔枝畀豬肉包住左， 所以只係熱熱地， 但勁juicy, 保留返荔枝既甜度。豬肉燒到微燶， 香脆內軟多汁。成粒咬入去爆發荔枝汁。 真係不得了！！！！再配埋個又係季節釀制既荔枝酒！痴線！我愛上左佢地！佢入口唔會好濃酒精味， 只聞到荔枝既芳香😌😌 同荔枝既清甜。 大推！紫蘇豬肉卷 @$32 平時食韓燒牛肉就會用紫蘇葉包住食，呢串係豬肉配紫蘇， 紫蘇個味唔會太濃， 互相平衡返！好大只既生蠔刺身 @$78好鮮甜， 咸度鮮味好balance. 正正正！天下第一刀 $288 我又唔記得嗌走蔥， 其實點解日本野都有蔥既？呢個我就覺得乾身左少少， 但唔係乾到un個款，只係塊肉唔夠肥， 可以再肥美d, 欠缺左個油香🤣🤣🤣月見免治豚肉卷，平時係日本食開都係免治雞肉棒， 呢度主打食豬， 所以係變左免治豬棒棒。會畀埋只生雞蛋黎食， 食落更加細滑！🍻然後牛魔都係忍唔住要嗌返個牛

滿心歡喜去食串燒慶祝生日，首先坐低環境狹窄，空氣唔夠，坐得唔舒服！未開始order,已經放低咗個以為唔駛$，但原來要計$逼人食嘅前菜日式蕃茄沙律～～～之後食咗兩三樣嘢，發覺點解傾咗咁耐都冇嘢放落口，先知啲嘢好耐都未到，催咗兩次，第二次先話見到燒緊，之後好快就送嚟，但嚟咗個未燒過嘅雞皮，同埋一碟個心仲係凍嘅日本芝士年糕，佢話攞個雞皮去返燒，但燒完出嚟都唔好食，最後個年糕取消咗，埋單走人！感覺超差，影響心情咁都要成$6xx, 當買個教訓，以後唔會再幫襯呢間咁嘅嘢！

我已經第二次來了，真的超級優質豬！油甘魚入口超級馥香，上次已點過，覺得超級美味，這次也點，可是這次不幸地有點咬不開的皮，可是肉質的甘香蓋過了缺點！大家必定要吃白金豚肉串燒，這麼馥鬱肥美，但完全沒有脂肪帶來的不適感，吃了就感到幸福。原來自家製果酒都很好喝，叫了菠蘿酒和荔枝酒，個人比較喜歡荔枝酒。高酒精，喝了兩杯有點醉。但下次還是會再點。豬皮比韓燒的少一份油膩，煙韌好咬，正！如果接受內臟，豬心超級好吃，彈牙！推薦！這次還吃了石鍋飯，簡簡單單的米飯，但石鍋夠熱，炙出焦香，也是好吃。第二次來都是驚喜滿滿，這家店我要常光顧！

想不到星期三晚飯時間會全場爆滿得這麼誇張，幸好跟朋友一早訂好了枱，隱約還聽到walk in 的顧客要等30分鐘🙈，這餐廳真是太受歡迎了。 蒜子蕃茄沙律岩手縣岩蠔日本番薯仔厚揚日本豆腐日本番薯仔大啡菇九條蔥卷厚切白金豚肉豬耳仔芝士片豬頭肉串燒明太子雞翼串鹽燒時令鮮活魚－喜之次紫蘇豬肉捲牛舌日本青椒芝士豬肉捲活白鱔 一口氣叫了好多食物，全部都燒得好好火喉又超惹味，當中印象深刻的石蠔，肥美、creamy，仲好爽口彈牙😍；燒豆腐外面好脆好香口；所有的豬肉油份都燒得咇出黎，極其香口和juicy🤤；牛舌厚切肥美，牛味突出，油脂分佈均勻，吃得出油的甘香可口👍🏼；白鱔外皮燒到脆卜卜 ，魚油甘香肉質彈牙；第一次食喜之次開邊鹽燒，因為之前都淨係食過刺，魚皮燒得香脆惹味，肉質嫩滑又有油香😋

“膳食夫人” 相約今天吃日本菜，當然想試新嘢，就在OpenRice 找，上網即約方便快捷⋯⋯人氣日式串燒店，在厚福街藍馬商業大廈樓上店。店內環境，裝修以木為主的居酒屋。最初以為是有午市套餐供應，後來發現午市和晚市餐牌一樣，只是六點前結賬有七折，都好吖！有優惠吃串燒，當然要配酒，炎炎夏日，生啤很吸引⋯⋯店內大部分以豬作主題⋯⋯牆上有一幅木製的豬肉分佈圖，清楚指示豬的部位分佈，很有趣。前菜小食$28~未點菜時，店員會付上餐前小食，清新的番茄，酸酸甜甜，番茄配上日本醋及葱花，清新開胃。所有酒類都是買一送一，因此即時打消飲啤酒的念頭，”膳食夫人” 說改變策略，串燒當然要配 Sake 。由於配襯串燒，在Sake Menu 內選了兩支同樣是”五百萬石”的原酒，一支是新瀉，而另一支是長岡，讓大家歡樂地比較一下。君之井 旬 搾立純米生原酒~看酒標是新瀉的”五百萬石” ，妙高之地酒，搾立，冬季新酒，雖然現在已是夏天，淡淡的旨香，不一樣的時候，不一樣的風味。本正”龜口直取” 純米吟釀生原酒~以酒標顯示，長岡產”五百萬石”, , 無過濾生原酒，所以酒精度有16% ，少甜，陣陣香氣，平易近人，帶點點蘋果嘅甜香

日式居酒屋🏮，餐廳店面唔大，不過六點到已經有好多人放工嚟飲兩杯🍻，食串燒🍢，好熱鬧下👨‍👩‍👦‍👦👨‍👩‍👧‍👦.menu選擇甚多，懶得揀叫咩啊食，就叫店員推介💁🏻‍♀️.先有蕃茄沙律🍅，再嚟粒貝剌身🐚，粒貝剌身新鮮爽甜，好正，係我最鍾意食嘅貝類剌身😋.之後再食左燒喜知次🐟，魚嘅size啱兩個人食，魚燒完幾香，魚皮同肉都唔會乾身，加上冇乜骨，啖啖魚肉，唔錯😁.串燒就有白金豚肉林檎紅薑卷🍎、日本產青椒芝士豚肉卷🫑、西班牙黑豚肩肉串🐖、西班牙黑豚肋骨肉、厚切白金豚、日本長蔥，第一次食白金豚，幾juicy，配蘋果加紅薑醬成件事幾match，蘋果亦有助解膩😌

本來plan食2樓間pub , 不過無開，咁就入反Lift 上16樓，裝修幾傳統日本居酒屋👍，無乜人，睇完menu 就明，因為無做set lunch , 主要做串燒，實在唔太啱weekday 寫字樓區。咁我地lunch 時間咁短當然唔食串燒，order 咗豚肉飯同茶漬飯，不過原來飯未ready😅 , 要等，咁唯有食碗麵，叫咗豚骨湯拉麵，當然知道係無豚骨😅，咁有咩料呢？就係木耳同筍，仲有紫菜，68蚊嚟講要加一食個份量細嘅素麵係唔多化算🤨，不過埋單有七折咁又ok嘅😛。

工作了一整天，難得跟閨密相聚，當然想一邊食飯，一邊飲返兩杯，她帶我嚟呢間日式居酒屋🏮。店內環境帶點日式居酒屋風情，頗有氣氛感。好彩閨蜜訂咗枱，一推門已見其人氣程度🔥。閨蜜說這間居酒屋，主打食日本豬不同部位的串燒盛宴，我即刻點返支清酒「鏡山 純米大吟釀先」🍶😆。這酒是無過濾生原酒，即未經過高溫過程，可品嘗到清酒最原始的味道；入口很順滑，帶果香味，口感醇厚溫和，配刺身及串燒非常合適。先食些前菜，一邊傾偈，一邊等串燒：🍅蕃茄沙律：紅卜卜，大大個已去皮嘅蕃茄，賣相討好，配上日式沙律汁令食慾大開。🐚粒貝刺身這是店員姐姐介紹的，海螺好大隻好新鮮，切得厚薄適中，十分鮮甜美味，肉質爽脆彈牙。然後就開始食我哋嘅串燒：🍖天下第一刀接近梅頭肉的位置，肉質爽口香滑，夠肉味。豬肉已醃製好，然後燒香，惹味又有嚼頭，送酒一流😋。✨豬心串豬心肉質易老化，但廚師掌握得很好，燒得鹹香脆口，而且冇腥味，好滿意。🌱芫茜卷我第一次食呢個配搭，燒得金黃香口嘅豚肉片包著芫茜，味道好夾，感覺清新。🍗月見免治豚肉串自家製嘅免治豬肉棒，燒香後配上燒汁及生雞蛋，口感滑溜好味。🍍燒菠羅面層薄薄嘅焦糖，香甜當造嘅菠蘿，我哋兩個都話好好味呀😋。

相隔了一排，再次回到MokuMoku，又接近過了一年多，這次重臨，人氣真的很火熱！我們預訂了8點的枱，但到場竟然全場爆滿，等了10多分鐘才有位！幸好有訂位，否則見幾個Walk in來的，都失望而走。來這裏吃刺身是指定動作，但都得先食醋漬蕃茄開開胃。刺身五點，三文魚、油甘魚、帆立貝、海膽、赤蝦從來都不會令我失望，小小鮮甜的幾件，都令人過了刺身癮！岩蠔肥美飽滿，加少許香蔥，連醬汁都唔使點，就已經好鮮甜肉厚，令人懷念起日本的味道來。串燒之前，當然也不可錯過這裏自家釀制的梅酒！每次都必飲！接著來book枱時已預留定的天下第一刀豬頂脊。這部位每隻豬只有500g，每日限定5份！，豬味濃郁，脂肪也夠，夾少許葱連肉送梅酒一流！串燒一次過上，豚肉蘆筍卷、豚肉秋葵卷、豚肉蠔卷都是我的愛，三者都有層薄薄的豬腩肉包住，入面仍多汁，而且唔覺膩！免治豬肉串肥肥大大的一條，配上日本蛋，用蛋漿去平衡雞豬肉的微咸，剛好！然後剛好可以再來杯剛浸好的八香果燒酌！用八香果的香甜，中和剛剛的咸！朋友則點了紅石榴燒酌和啤酒來迎接厚切白金豚！這個白金豚，是五花腩位，油香特重！是他每次必點的！不但爽口，而且啖啖油香。然後再來一串豚肉

朋友約我喺尖沙咀食飯，佢知道我對日本🇯🇵料理有少少認識，想我帶佢去一間好嘅居酒屋🏮，咁我係冇乜考慮之下，就帶咗佢嚟呢間專食串燒豬🐷同埋豬🐷內臟嘅居酒屋🏮 😋- $28嘅「前菜」：蕃茄🍅輕輕漬過，簡單味美又開胃😋- $820嘅「鏡山720ml」：呢支出自埼玉県嘅 純米大吟醸，屬於清新輕柔型清酒，香氣與口感都比較 subtle，唔會搶奪食物嘅香味，配今晚以豬🐷為主嘅食物非常合適；呢支酒仲有淡淡的茉莉花香味😋- $156嘅「生蠔🦪刺身」：超級肥美嘅生蠔🦪，有清淡嘅海水味，爽口，超新鮮，非常好味😋- $288嘅「天下第一刀」：據店員姐姐介紹：係豬嘅膊頭位，每隻豬🐷只有大約500g, 我哋叫一客就有100g😊; 肉質非常軟熟，有濃郁豬味🐷，又燒得好香口😋- $38嘅「西班牙🇪🇸黑豚肩肉串」x 2 ：非常甘香又有豬油香🐷- $34嘅「豬生腸串」x 2，$28嘅「豬心串」x 2，$28嘅「豬腰子」x 2 ：呢啲豬🐷內臟全部都燒得好甘香，口感都係有少少爽脆，要來送 日本🇯🇵 sake 真係一流😋- $38嘅「燒菠羅🍍」：外邊燒到脆脆地，味道清新😋就算喺日本🇯🇵，食串燒豬🐷同豬內臟嘅居酒屋🏮都唔算好多😆

記得呢間剛開時嚟過一次，就是被專食豬串燒及燒內臟所吸引，今次再訪真係人頭湧湧，所以記得預早訂位放假先叫杯啤酒放鬆一下，朋友點咗梅酒，仲有多款自家釀製果酒前菜小食係酸汁蕃茄生蠔係青森岩蠔嚟，大大隻好新鮮肥美，蠔肉飽滿又鮮甜刺身盛有五款，牡丹蝦及帶子走鮮甜路線，仲有肥美三文魚及油甘魚海膽同樣鮮甜夠哂新鮮，配上爽甜青瓜增加清新口感免治豚肉串燒到好出色，外層微微焦脆，入面勁肉嫩多汁，記得點埋日本蛋醬一齊食喔，多一份濃滑蛋香口感天下第一刀即係梅頭第一塊肉，一隻豬只有約十両，燒到焦香入口爽嫩豚肉蘆筍卷及豚肉九條蔥，豚肉包滿蔬菜去燒蘆筍清甜爽口九條蔥入面真係包住九條蔥㗎，好青香嘅蔥味豚肉燒蠔同樣出色，豚肉油脂香夾埋濃厚蠔味，原來咁好食食到一半再追加果味梅酒白金豚係燒五花腩，半肥瘦均勻，調味出色燒到剛好，爽口肉嫩又多汁，仲有微微油焦香，送酒一流最後整多個燒菠蘿，外層有焦糖脆面，入面勁鮮甜多汁，食完減低整餐油膩感

朋友帶左嚟呢間專食豬嘅串燒店，仲食左好多唔同特別串燒添。蒜子蕃茄沙律：個汁好夠酸，而個蕃茄吸左啲汁，食後好開胃。天下第一刀：其實即係豬脢肉位置，豬味特別濃郁，燒香切片食最啱，配上甜豉油更加完美。燒鱔：第一塊係鱔肉，厚切好好咬口，肉質好肥美完全冇腥味；第二塊好似係啲皮脂位，啲油花好邪惡但非常香口！月見免治豬肉棒：個皮燒得脆脆，而個免治豬肉唔會有酥味，加埋蛋黃汁更正！皮蛋紅薑卷：本來都覺得豚肉同子薑皮蛋呢個配搭會唔會有啲唔夾，但食第一啖覺得十分有驚喜！皮蛋嘅咸味加上子薑微微辣同酸完全將外面嘅豚肉嘅味道調到啱啱好！食完又唔會覺得有溜嘅感覺。燒油揚：燒完嘅油揚仲保持到啲汁係入面，清清地很不錯。蘋果豚肉卷：蘋果嘅甜同酸平衡左表層嘅豚肉，口中夾雜住啲蘋果味同啲豚肉油，咬粒蘋果肉仲有啲蘋果中和下，真係太好味！豬腰：薄薄幾片，燒得都唔錯。牛舌：厚切勁腍勁好味！燒菠蘿：賣相好靚！聞到好香甜嘅菠蘿味，表面薄薄嘅焦糖好脆口唔黐牙，切到細細粒嘅菠蘿好多汁好鮮甜！作為甜品非常滿足！

終於有幾天本地零確診，所以即約好友去食個滿足的晚餐開心一下。已經來過這樣幾次，一坐下二話不說便點了一杯冰凍的Highball及巨峰汽酒梳打，先暢飲一番再點食物。前菜先到，蒜子番茄沙律以原個番茄加上蒜蓉及沙律汁，酸爽又開胃。叫了份原隻粒貝刺身，師傅切得厚薄適中，入口非常爽口彈牙，鮮味澎湃。然後就是一連串串燒，燒活白鱔的魚皮燒得焦脆，魚油脂足夠亦很好味。月見免治豚肉串是每次必食，加上蘸點蛋黃醬油，真的非常佐酒。燒油揚用上了自家醬汁、木魚絲、蔥花，幾款材料襯托豆香，很不錯。豬腰子串的腰切了薄片，我會加點微辣的柚子胡椒更惹味。皮蛋紅薑卷是用煙肉包住皮蛋及紅薑，煙肉油香配搭皮蛋也很新鮮獨新。白金豚肉林檎紅薑卷簡單說就是豬肉包蘋果，蘋果的甘甜能令豚肉更加juicy吸引。紅薑蓉沙律汁也能給予它一點清爽感覺。七味豬心串和豬肝串也是必吃的內臟，十分惹味。牛舌做得夠厚切，可以燒到外面脆入面軟腍，非常高質。最後甜品就點了燒菠蘿，外面的焦糖面，師傅少點心機也不能做到如此薄脆。

第一次嬲住食食評。1）格硬比前菜人但要收錢入到去職員放低兩個前菜（蕃茄沙律）以為佢免費，去到埋單先知係計錢。你唔早早講定人知，你點知我想要？2）餐廳價錢定價太貴，性價比低每串串燒$40-50仲要去到落單果下waiter 先話新規定每款串燒最少叫兩串。即我用同樣價錢，但試少左一半款色。然後最令人失望係佢個 刺身拼盤5款裝賣$300 然後每款刺身都係比得兩到三片就連唔值錢的三文魚都是薄切。極度昆水的一間餐廳呢間野Blacklist，永不錄用。