MiSS‧Mixian Sour Spicy 米線專門店 (已結業)

之前一直都想試但成日食完飯先經過，今次決定睇完戲就黎試，今日大約9點半黎到，都差不多爆滿，好期待食這個火鍋和一個豬軟骨飯…大約每人$70左右價錢可以但味道吾得。火鍋有火鍋位和煎位都幾特別，今次叫左好似88個牛肉餐，黎到份量吾多，女仔食就ok...味道好普通偏淡，牛肉粒勁硬吾好食，烏冬淋身冇口感失望。豬軟骨飯好得意有個鐘4分鐘先可以食，但竟然冇焦而吾太熱，味道淡冇咩味，豬軟骨勁少又細舊，膏多過肉，勁失望。

噱頭好重要，呢個鐵板加打邊爐幾吸引，雖然可行性一試難忘，當兩邊同時熱然後啲油又彈啲湯仲自己滾埋過啲油到，十分震撼。呢間野本身幾抵食，我覺得，下午茶食過覺得唔錯，大家樂既價錢仲要有人serve你，啲位又唔差，係咪先？唔好要求咁高。不過呢個鐵板加火鍋最好有四人位先食，唔係彈到你成身都係都未食完，但其他野都幾好，我都嚟食過幾次下午茶，唔錯，值得再嚟但唔會再叫鐵板邊爐，試過一次就夠。服務方面，都幾好，好正常，啲職員幾有禮貌，唔錯。

每次行經油麻地都俾呢間米線既裝修吸睛相比一般米線鋪望落好靚好整齊終於有機會星期6夜晩黎食番餐我地好快被安排坐近門口既一排枱中間坐位吾算寬敞但都夠坐唯一不足就係大門長開 門外既煙味會不停吹入黎睇餐牌我見蕃茄湯底好開胃就揀左個雞扒蟹棒辣蕃茄湯米線 配涼伴木耳估佢吾到個辣味好重下 食落都頗嗆口建議如果吾食得辣既朋友仔吾好試雞扒有小小失望 同個圖比頹左小小 只係得4塊仔蟹棒本身無味 不過吸收晒個湯汁後好濃跟餐可以揀豆漿 不過略甜豆味吾算好出成個餐約$50 相對其他米線鋪算貴小小下次可能食番酸辣米線

在旺角區走走走，往油麻地方向就看見，眼見店內裝潢都幾好睇，結果入去試下。原來賣米線，見到有火鍋、有牛肉、有得煎，即管試下，加上本人勁鐘意吃番茄！新奇的係，牛肉生上可以俾你自己煎，開頭大家都諗左好耐要點吃？哈哈哈⋯⋯決定將d蛋快d吃哂先，牛肉片放上去一塊塊煎，好味味，米線煮得又滑又彈牙！吃得米線黎又可以烤肉，一舉兩得！番茄湯米線好濃郁，味道剛剛好，又到位，鍾意吃番茄的你，千萬唔好錯過！記得店舖角落位有調味區！都好精緻！

差丶差丶差丶差丶差！每天早上行過都想試下佢的早餐-厚多士餐蛋治（因為佢聲稱係外賣特快，諗住order完好快攞得走）。點知竟然係不愉快經歷：1）門口明明寫這個餐外賣特快是$20，入到去收錢竟然話外餐加$1蚊。。問個店員佢話仲公司政策，d態度仲要勁差！！2）特快竟然等成15分鐘！本來諗住仲有10分鐘就有巴士，點知連巴士都走埋都未攞得。搞到返工遲到！咁其實佢唔好叫自己特快啦！我決定以後唔會再去！！！！！！！！！！

每次經過開油麻地，都見到啲間米線專門店，裝修比較其他任何一間米線舖都華麗得多，有人話好味，有人話唔好味，於是今日出開旺角，即管試一試佢嘅米線火鍋，我哋兩個人選擇咗餐牌上面＄78一人鐵板火鍋餐。呢個餐可以選擇配搭北美特設牛肉，又或者南美特切牛舌，湯底可以選擇番茄湯、辣味蕃茄濃湯，或者豬骨湯，我哋就選擇左牛舌配豬骨湯。因為怕唔夠食，又想試吓其他嘅小食，我哋追加左一碟北美肩胛牛肉粒，同埋四隻土匪雞翼！如果想食呢個餐嘅朋友，千祈唔好坐門口位，一陣間話你知點解！首先嚟咗個鍋，好特別嘅設計，一邊深一邊淺，左邊放住既係蛋漿，右邊嘅係菜。啲蛋漿加左熱之後好快就熟，好快就老，所以要睇啱時候，將佢拎起來食啦！等個鍋熱之前，店裏面角落頭嘅位置，有唔同嘅調味醬料俾你揀，有我最喜愛的日式麻醬，打邊爐點佢真係一流！啱啱講到點解唔好坐門口位，係因為門口有個風閘，不斷向下吹風，我哋坐咗喺度超過半個鐘，個爐都仲未滾，開頭仲以為佢唔夠gas，所以白等左好耐！南美特切牛舌食完晒佢個蛋漿之後，牛舌放喺左邊較淺嘅鐵板上面燒，好快就食得，肉質都算幾鮮嫩，有啲爽爽地嘅感覺，味道唔錯嘅！配料如下圖所示，有響鈴、蟹棒、午餐肉等等，底層

上個月尾約左朋友去西貢膠遊遊，由於時間尚早，我地決定食左早餐先入去，行到呢間米線有早餐食，就揀佢！雖然當時十點幾，客人都唔少，不過眼見就有8成係自由行旅客。早餐前無menu，要喺收銀處睇。我見呢度好似蕃茄湯底都係幾有名(?)，所以點左蕃茄湯底嘅麵。餐腸蕃茄湯麵 (忘記價錢)睇落去見到好多蕃茄皮，製造足料假像，飲落蕃茄味並唔突出，淡茂茂，  質地唔似有名嘅蕃茄湯專門店咁濃稠，見部分餐要加錢先可以轉蕃茄湯底…我寧願佢減番我錢，俾番個普通湯底我。煎雞扒麵 (忘記價錢)同行朋友點豬扒，豬扒係發育不良，又薄又細塊，雞扒比豬扒好，一來大塊啲，二來係熱辣辣！食物一般，服務一般，唔會再黎。事後先見到原來有咁多負皮，後悔！搵間茶餐廳食好過。不過見啲旅客好滿意咁，拎枝長炮猛影相，我睇睇我自己，連拎部手機出黎影都費事。

晚上8點幾吾知食咩好，見呢間外觀裝修幾靚！所以就諗住入去食一碗米線之後就叫左佢一個套餐係番茄蛋湯底，覺得幾特別，有餸嘢飲同埋小食，而且佢入邊已經預設左幾款材料，有肥牛，蟹柳，豆卜等。。我揀左小食係雲耳個湯底好濃郁，但整體味道一般，麵條有點硬，湯底好飽肚，我覺得佢最吾好食係肥牛同雲耳，雲耳既蒜蓉汁好難入口，整體味道一般

本身諗住食譚仔..不過之前見呢間食火鍋幾特別就試下..點知就中伏..放工六點幾去到唔洗等位個經理比左個二人檯我地..原來落order只可以搵個經理落...o左咀經理個態度好差...好唔耐煩 串到想一巴星死佢兩個火鍋黎到果陣.. 張檯根本唔夠位放  見到其他人都係四人檯先夠講返個火鍋..個蛋好快就熟左..痴哂底個蕃茄湯底又無味..啲牛肉粒又完全無味~都唔知自己食緊乜其實係唔夠飽...仲要食左$196兩個人...成餐飯都一肚氣!!千祈唔好黎食...會後悔!!!

坐低見到個menu又有米線，又有飯，又有打邊爐，好似好吸引。朋友叫火車頭米線，豆漿咖啡，我叫左厚切五味豬扒魚春卷茄蛋湯米線，土匪雞翼，阿華田豆漿。伏既地方係：1. 厚切五味豬扒魚春卷茄蛋湯米線 應該叫 「冰震薄切鹹味豬扒空心魚春卷茄蛋湯米線」2. 土匪雞翼：可能係用走地雞，好似未發肉咁，而且唔多土匪，本身我白烚雞翼都覺得好食既，呢碟雞翼令我十分敬佩呢間餐廳3. 朋友叫既火車頭米線入面既餸全部都over cooked, 蟹柳淋到非筆墨所能形容。只食物質素唔及譚仔既一半。

今早來九龍上SEMINAR,時間尚早,附近冇地方吃早餐,選擇這𥚃某程度是迫於無奈。早餐選擇極有限，除了米線就是一個所謂早晨全餐，如是者叫了一個，連凍飲$37。店面裝修是很雅緻，可惜店員服務和食物真的差到極點。要自行買票，買票後會給你一個傳呼機，傳呼機響時就自行到櫃台領取食物。同樣是人手不足，客人吃完的碗盤無人清理。收錢的女生只顧跟其他人聊天，無服務可言。另一方面，店內有一對父子在用餐，用餐過程中那位小朋友疑似嘔吐，竟然最終要客人自行向店內借地拖等處理而不是店家主動協助客人處理......這是那門子的服務﹖好了講回食物，同樣所見即所得。看來是夠大堆頭了，不過真係得個樣：公仔麵：煮得過稔，今早唯一熱度充足的食物。腸仔：看來是時間關係預先淥熟，個人一向覺得「就咁淥熟」的腸仔奉客感覺有點奇怪。烘豬仔包：大是夠大了，牛油似乎也很多，但零熱度。炒蛋：沒有熱度之外，不夠嫰滑。雞扒：算是所有東西比較正常，同樣不夠熱。咖啡：求其沖出黎，好難飲。早餐可以做成咁，正餐時間的出品質素.......沒再來誘因。

勁差既一餐晚餐 好失望之前喺電視見過依一間餐廳 覺得可以一邊鐵板燒一邊火鍋好似幾好啦電視上既賣相又唔差喎 加上上得電視既都應該唔差啦所以就帶著好期待既心情去食一入到去..已經覺得好逼好逼 咁算啦之後就點左佢個火鍋 同 蕃茄飯((因為蕃茄飯係呀媽食 所以比唔到太多評論鐵板燒上面有蛋漿 以為個牛會配蛋漿食 姐係個牛喺蛋漿到燒 就算唔係 都喺火鍋果邊整熟 再沾蛋漿食點知!!! 格離個火鍋未滾 個蛋漿已經熟左 根本就食唔到..最後成個牛係冇得燒咁點解電視上面既鐵板燒會整到咁靚又話好好味呢?個牛粒係唔差既...正常咁啦 配菜都有芝士腸 金菇 午餐肉..又有半個烏冬咁囉但係 依個餐真係令到我好失望好失望又燶 又唔夠飽 好彩唔算太貴$88 但完全唔值依個價另一方面 我食左呀媽個蕃茄飯配既炒生菜一啲都唔好味.. 連炒生菜都唔好味既餐廳 都唔知點繼續((睇番啲食評 再根據我今次既經歷 我認為依一間鋪真係用錢買左好多打手番黎唉..番到去又要搵野食 好灰 唔知食左啲咩落肚利申: 我係女 我食量唔大 但依個餐根本唔夠飽利利申: 如果仲想中伏既...唉幫你唔到

雞腿肉魚春卷蘿蔔+茄蛋湯+咖啡豆漿 $60·同朋友見面黎都6點幾了，好嘅餐廳無訂位就只有walk in 了，而比較冷門嘅餐廳就菜單選擇較少或者不太吸引而揀唔落手，行黎行去，最終揀咗開咗一段時間嘅蜜絲米線 ，吸引我嘅係門口招牌寫嘅「米線專門店」，而入去見到菜單寫嘅特濃蕃茄湯底，採用特選意大利新鮮茄肉，每日新鮮熬製，含豐富茄紅素！茄紅素？！我即刻放棄咗啲咩酸辣，麻辣，豬骨湯底，唔駛諗，就蕃茄湯！·主菜單有10樣選擇，如果唔啱都有火鍋套餐提供！而菜單上只有一個套餐有愛食嘅魚春卷，所以唔駛煩，就套餐M7，又有雞腿肉，蘿蔔同春卷，我就貪心啲加3蚊轉秘製嘅茄蛋湯，再加$15試杯咖啡豆漿。·等呀等，等到遲個我嘅隔離台都上菜，我終於都有得食啦！所謂嘅茄蛋湯即係平時食開嘅蛋花湯，加咗蕃茄，雖然賣相平平，都起碼都啖啖蛋茄，間唔中都食到茄肉，雞肉份量正常，魚春卷雖得一條但香味魚味都香濃，但蘿蔔呢？點解無嫁？？😢不過最終都算啦，因為店員雖多，但好似唔夠人手咁，舉手好耐都無人理；而入座時張台好似抹乾淨但仲會見到台面上個幾個蕃茄跡⋯⋯😑·加$15轉嘅咖啡豆漿，無期望先唔會有失望，你當飲杯凍嘅齋啡會好過啲⋯⋯我突然

火鍋+鐵板燒哈哈哈，一開始仲以為係芝士，原來係蛋😂將D蛋食完之後，就可以開始鐵板燒。店員suggest將雞肉浸入蕃茄湯一分鐘，再擺上鐵板上燒，D蕃茄味就會融入左雞肉。OK好味

係tea time 行過油麻地，有d肚餓，睇餐牌好似唔錯，原來係伏既開始。。。入到去佢帶左我地坐角落既卡位，諗住冇咩人可以對住坐傾下計，點知佢叫我地要坐同一邊，但其實成間鋪仲有好多位，不過我地都選擇坐埋同一邊費事人地難做。坐低睇tea time meun有個 all day breakfast 好似唔錯，於是每人叫左個試下。我地叫左兩杯凍豆漿，但黎左一杯熱一杯凍，店員話佢聽錯左.....到野食黎啦，首先黎左一個餐，之後等左差唔多十分鐘第二個餐先黎........個all day breakfast 有件炒蛋（好dry既炒蛋）、一條腸、一件雞扒同埋一件包，問佢地有冇煉奶，佢地話冇，不過呢啲唔係重點....重點係個醬，兩個餐一樣但個醬就好大分別，一個好辣，一個一啲辣味都冇仲甜既.....店員話係因為辣個個太多油......不過麵既份量都好足夠