Mirror & Vegan Concept (已結業)

食素也可以很有格調@Mirror & Vegan Concept 早幾日和食素的朋友生日慶生，Mirror & Vegan Concept 就在中環皇后大道中的一座商廈中，食物有質素而且服務非常好， 食素其他也可以很有格調 餐廳裝修頗有格調，主打素食西餐， 餐廳裝修充滿異國情調， 客人有一半都是外國人 ，燈光昏暗頗有情調 餐廳座位不萛多，食飯前先訂位比較安心，經OpenRice網上訂座並以網上訂座可以用享下午指定時段單點餐牌及酒水7折 食物款式不算多，但有齊主菜，前菜和飲料 點餐比較抵食，才$268已包括湯、沙律、前菜和主菜 不一會食物就上桌了， 跟餐的田園沙律看起來食材豐富!加上了一些穀物，令口感很有層次!那個醬汁味道令人驚喜，不單純地用上黑醋，入面還加入了些野莓和果汁，令味道帶點香甜，減低了菜當中的苦澀味 餐湯是牛肝菌松露湯， 這裡是半份的量，(因為我們是SHARE食)店員非常有禮貌細心地為我們分菜，抵讚!牛肝菌松露湯未食已經聞到陣陣香氣,入口滑溜又香濃!我原來以為入面是加入了奶或是忌廉才可以煮成這種奶滑口感，原來他們是用上豆奶去煮，即使全素者也可以安心食用呀!

今日從澳門回來朋友過黎接我船食晚飯，我當然上 Openrice 做一做功課先，找來了這間 Mirror & Vegan concept 食意大利素菜正合我心意，最主要係環境吸引了我！辛苦了幾日先來一杯白葡萄酒享受一下，溫度剛好香醇可口，此情此景盡在不言中！先點客清淡「田園沙律」，新鮮食材片片都食出爽脆可口，加上分量恰當的黑醋胃口即時大增，可愛之處更有小許麥片同堅果加強口感「蕃茄芝士迷你盤」同樣清甜新鮮有大自然感覺，如果芝士多小小就更好了太意外了！是這道「焗雜菜香草醬長通粉 」，驟眼看落沒什麼只是一碟焗通粉，一匙淺嘗意外地叫了😍好香好滑醬汁做得非常好，有種叫人難忘味道，面層一層香脆芝士粉，內層是軟滑醬汁加上煙韌的長通粉口感極好，實在抵擋不住太意外了！難得碟底都清實行中西合璧有名你叫Mirror 當然要切合主題 Mirrors 喇平時的我會選套餐不用煩惱，今次倒例外單點位置中上環食晚飯這個價錢都算抵！感極靚女熱情招待，下次再到此一遊！

昨天剛好請了假，難得在非假日可以悠閒的一個人吃個午餐。因為吃素，習慣了上網找不同的地方嘗試。中上環這間咖啡館地點也很方便，館內裝飾很舒服，簡單而清雅。我試了俄羅斯白汁蘑菇寛邊麵，白汁濃厚而香，寛邊麵更是軟滑彈牙得很，令我這個不好pasta 的人也大為驚喜。我想，這是我絕對會再幫趁的地方，相信連我不是吃素的朋友也會鍾意。

同事帶我食好西, 訂左枱黎呢度食西餐, 上到黎先知原來係素菜為主的餐廳唔緊要, 好味就得~間中食清淡D都係件好事餐牌上9成都是素菜, 有唯一一款肉醬意粉, 主打食素當然要點返素食試下啦, 於是叫左個香蒜乾茄野菜意粉 ($108)跟餐有齊沙律同湯, 唔洗左揀右揀~因本人唔太中意食未煮熟既菜, 所以將D沙律菜撈左落個蕃茄湯一齊飲好彩個湯好夠熱, D菜浸一浸就淋晒~相裡的湯是加左菜的, 唔加係紅卜卜一碗的蕃茄湯, 味道適中, 幾好飲主菜出場了~~個意粉上枱已經聞到撲鼻既香味!可能有蒜片, 食落好香口, 個意粉汁亦調較得好好, 意粉索晒D汁, 夠入味算係我食過之中整得幾唔錯的意粉! 份量都夠多, 食得飽的, 唔係碟大大份量小小果種餐飲加15蚊要了熱豆奶, 冇加糖飲, 質地幾滑, 但飲唔出太重的豆味, 唔加錢可配返正常的咖啡茶整體價錢合理, 有質素的素食! 想健康一點可以黎呢度試下~

今日約咗個好朋友食lunch 。 由於我哋都係中上環返工 ，所以都搵番中環區。之前喺網上見到但呢間餐廳 ，食物同環境都幾靚，於是book位試吓 (有得Open Rice book位，好方便)。 餐廳地點都幾方便，中環中心對面。搭𨋢上到去，一入門口感覺都唔錯， 坐位寬敞，環境舒適。 我哋一樣叫咗一個set lunch， 有湯、有沙律、有意粉、 有飲品，食物味道都好好。一人$130-$140左右，坐得咁舒服，好抵。* Waitress 好有禮貌仲好靚女添

很想在中環吃一餐素晩飯。見到這餐廳在Open Rice 的好評就跟三位朋友來一試。叫了二個素晚餐和另外多order 一個沙律，湯和意粉。Risotto 是略炸再加上鮮茄的醬汁，很清新。磨菇湯不是跟餐是我另點，很鮮甜賣相又靚。更值得一讚是直踩兩埸的女待應，很耐心介紹，又友善。只開業四，五月，希望可以繼續運作等我地有多一個吃素選擇。

平時較少去上環，朋友最近推介附近食店很有特色。今晚到了一間專吃素食，以鏡為主要裝飾的店試試。店內不同種類的鏡和而不同，甚具格調。我們點了黑松露車打芝士汁紐繩粉。意想不到素食都可以很惹味，黑松露和芝士味十分濃郁，香氣撲鼻，紐繩粉沾滿醬汁。牛肝菌意大利飯，這飯比紐繩粉清淡。飯不會很硬，很多磨菇和牛肝菌。蒜蓉包熱烘烘，十分香脆，蒜味和牛油很香。飲品點了mirror fruit punch，色澤鮮豔，有西柚，士多啤梨味，甜甜的很開胃

今天過中環開會， 會議完畢已經是六點幾了， 決定食完晚飯才回家，同事是素食者，即上網找附近素菜館， 中式的找不到反而找到這間西式的。出 lift 首先見到這個小擺放，幾得意！門口好似劇院，紅色天鵝絨掛帳，有幾張卡通廚師圖像內裏裝修以鏡為主題， 跟個餐廳名 Mirror 好貼切。地方唔算大， 但佈置有心思， 時間尚早 , 食客唔多。唔係太肚餓，order 了一個 set dinner 和青醬堅果長通粉主菜兩款， 選了意式蕃茄醬伴炸意大利飯Mirror Salad 原來是鮮雜菜+麥片+意大利醋， 菜新鮮味清甜， 下午開會，tea-time食得太飽， 這個沙律正合胃口。椰菜花忌廉餐湯好 creamy, 奶味重，兩者攪勻，有一種醇厚嘅感覺 法式紅酒燴野菜紅酒汁烹調出色， 配上蘆筍、 西蘭花、 紅蘿蔔等，估唔到可以咁好食意大利飯，跟我平日食的完全唔同，炸成3個小圓形飯團，看似薯餅， 飯炸到煙煙韌韌， 餡料有黑松露粒， 口感特別舒服青醬堅果長通粉，味道似濃濃的牛油果醬，加了幾片薄芝士片， 感覺好痴纏黏口， 另一種創新口味。西式素菜烹調原來可以這樣新穎，今次都是意外收穫！

今晚放工同朋友諗住靜靜地食餐飯傾下計去左中環Mirror & Vegan Concept度食好彩我地早到仲有位睇下餐牌慢慢叫我地叫左一個SET DINNER個SET有沙律,是日餐湯,法式紅酒燴野菜.意式蕃茄醬伴炸意大利飯另外加左個青醬堅果長通粉,薯條伴黑松露醬沙律--好清新既感覺,新鮮既菜配合醬汁入口好有田園既FEEL是日餐湯係椰菜花湯,入面好濃味既椰菜花味,仲有DD蓉令到成個湯再上一層樓,麵包點湯食真係愈食愈正法式紅酒燴野菜--這道菜同沙律完全唔同,這味比較濃烈,菇同荀都好有咬口同有味道意式蕃茄醬伴炸意大利飯--個蕃茄醬係好香好濃烈,配合埋個飯入口堅開胃好味青醬堅果長通粉--隻醬好清新好味,長通粉軟硬適中薯條伴黑松露醬--薯條好熱岩岩炸好,而個醬就9里遠都聞到咁香

呢排成日大魚大肉，今次特登揀咗間Green Restaurant，試吓素食西餐。我哋七點半到達餐廳，很快可以入座。餐廳不大，只有幾張枱，但裝修幾精緻，感覺很cozy.頭盤我哋揀咗意式炒雜菜及洋蔥湯。可以食得出啲食材好新鮮，而且估唔到西餐炒雜菜都可以有鑊氣。洋蔥湯是傳統法式，最好吃的是配在旁的芝士多士，很脆👍🏻。意粉我們選了靑醬堅果長通粉 ,香草味很濃郁。整餐飯最大亮點是他們的牛肝菌意大利飯，賣相很好，一上桌已經聞到香味，意大利飯的火候剛好，而且放咗好多材料，有好濃郁的牛肝菌味，這個真是水準之作！飲品選了一個fruit punch，同一杯cappuccino。整體來說，這餐晚飯十分滿意，而且Waitor非常熱心，服務態度好，值得下次再來!

人性醜惡基於貪婪，但我認為食物也會影響到，肉類食得多，人會變得煩躁，所以久不久茹素可平和心靈，都係一個不錯的選擇。近幾年西式素食大行其道，款式賣相非常吸引，比起中式素食接受程度更好。得知中環有間素食餐廳口碑不錯，相約茹素多年老友齊齊前往，發掘一下新地方。地方不算大，裝潢精緻，眼見食客大多以女性為主。Onion Soup / $78香港好多餐廳做的洋蔥湯不合我胃口，真的好難找到合心水。今晩終於一償心願。先嗅嗅味道，洋蔥香味飄來。第一啖感到濃濃的味道在口腔中迴轉，一絲絲洋蔥增添口感。Grilled Carciofini Baby Broccoli Spinach Sauce Risotto /$158整碟綠色傳遞了健康訊息。飯粒煮得軟硬適中，粒粒充滿菠菜汁精華。亞支竹爽甜帶微酸，開胃。切記不要忽視bb 西蘭花，烤得焦香，微細的地方都做得好好，讚👍Spaghetti Bolognese /$128素材是豆，菇類...真的做到似碎肉口感，對於間中嚐素的我，真的大感驚訝！蕃茄醬汁味道濃郁，每條意大利麵都能卦上醬汁，正！

對於「食肉獸」而言，基本上每頓飯都必定有肉類，無肉不歡。因此，這次去中環這間餐廳Mirror & Vegan Concept，實屬首次嘗試素食。挺喜歡它的Logo和字體上「Mirror」的巧妙鏡像風格，頗有特色和簡約美感。餐廳地方不大，但有高級西餐廳的感覺；店面大約容納十來位客人。並掛有數面鏡子 : Nature , Life , Rejuvenate 晚飯餐牌上的選擇不算多，就隨便點吧薯條即叫即炸，熱騰騰奉上，薯條炸得乾身，沒有油溢味道，黑松露醬香氣迫人，原本與薯條是絕配的茄汁也只能成為配角，$58屬非常抵食之選！磨菇忌廉湯，麵包非常香脆，並有高級麵包獨有的餘韻；忌廉湯應該加入了黑松露香油（？），整體非常香濃濃郁，沒有膩濟感覺。意大利飯飯質煙韌，粒粒完整，每粒都吸滿湯汁卻又微微帶「骨感」，口感良好，不會太黏難以入口意大利麵則屬必食之選，蒜片香口帶微辣，非常惹味，橄欖油則昇華整個味蕾，而麵質亦十分完美，仍有咬口、軟硬適中，整體拿捏得剛剛好最後飲品以豆奶咖啡和朱古力豆奶作結，價錢上定價略高，不過咖啡香醇濃郁，伴有淡淡豆味，頗有特色！而朱古力豆奶則滑溜香濃，有咖啡店水準！可能貴在有機豆奶，

今次同朋友去左呢間以素食為主既餐廳好岩素食者去食,今次朋友想試下素食既西餐，都幾特別，所以就同朋友去上試一試餐廳位置十分便利是位置皇后大道中餐廳裡裝潢很舒服，都很舒適不錯之選！忌廉湯味道唔想，好香口又細滑!沙律做前菜，好新鮮唔錯!選擇了松露蘆筍risotto，松露好香，未黎到已經聞到，好吸引而且Risotto 軟硬適中，闊條麵味道唔錯，唔會太膩同多好creamy 同個闊條麵好夾好味道!叫左杯凍咖啡,很入味

年初一打算食素，西餐素食比較少吃，故特別與家人一起品嘗。到達大廈門口時發現要行上半層樓梯才可搭，因有BB車要抬上半層樓，十分不便。抵達餐廳樓層，店內面積不算大，所以只有幾張枱，感覺亦有點擠迫。點菜時才發現餐廳只能供應set dinner，而set亦只有兩款選擇，心知不妙。其中主菜焗千層麵十分難吃，侍應亦發覺麵條太硬，而且亦不包括餐飲如咖啡、茶，絕對是中伏。其他前菜沙律及湯也平平無奇。4個人埋單一千二百幾絕對不值。

相約朋友喺上環區食飯，朋友食素，又唔想去傳統齋鋪，竟然俾我喺openrice揾到呢間義大利式素菜餐廳！我哋就用openrice book位！好在6 點幾早去到，晏少少都坐滿人！ 證明呢間餐廳都幾多支持者！餐廳佈置頗精緻，很有高級餐廳風格！餐牌選擇貴精不貴多！由沙律小食，餐湯到主菜，咖啡同酒都有供應！ 除了飲品外，其他都只有幾樣精選選擇！ 餐廳上菜速度都幾快！先嚟到既係跟餐既田園沙律，其實份量足夠2 人share! 除左新鮮蔬菜外，仲加入左燕麥，增加口感！油醋酸酸甜甜令人醒神！跟住到既係炸薯條配黑松露醬，薯條金黃香脆，加了香草，更香口，除了咸咸地既黑松露醬外，仲有茄汁伴碟！朋友既餐湯係西蘭花湯，餐湯滿滿鮮甜西蘭花菜味，加埋香脆既法包嚟食，非常配合！我就叫左個好多洋蔥絲喺入面既洋蔥湯，洋蔥味濃郁，適合重口味既我！ 相信都因為口味較重，餐廳配左一片有芝士喺面既法包，增加口感！其實之前既湯同小食份量都唔細，未食主菜都已經半飽了，跟住送到嚟大大碟既 4 色芝士闊條麵開頭都驚食唔晒，不過可能由於無肉既關係，食極都唔覺滯，闊條麵芝士味濃郁，軟硬適中！汁亦做得恰到好處，滿滿沾在麵條上，食完都沒有太多