Mini Friday (The Wave)

營業中

休息中

本身已經早左一個星期book餐廳, 但周圍都full哂, 結果就搵到呢一間, 見好似多幾多好評呢餐飯未計加一$888, 加埋一都900幾, 所以對佢期望都會高點知真係好失望 先講講自己平時好少會俾咁差評價, 但覺得佢呢個價錢（雖然唔係超貴）都要對得住消費者, 希望大家睇完之後唔好中伏~先講前菜佢有黑松露忌廉湯加三文魚紅菜頭沙律湯都算ok 不過不失, 不過真係好膩; 至於個紅菜頭沙律一D都唔好食, D沙律好乾巴巴, 佢有少量既紅菜頭汁, 但係好稠既, 又冇味既, 成碗野都唔太好食之後到個頭盤, 我地揀左個生帶子, 腥到呢...又冇果種海鮮既鮮甜味, 食落口覺得好唔新鮮又到個main 叫左個rib eye, 諗住實冇死, 但都係好失望, 塊牛扒薄得黎又冇牛肉味, 食落口就知唔係靚野黎食到呢到已經好失望之後再食埋個不過不失冇咩伏既黑松露忌廉意粉 （應該算係最好食）到最後食埋tiramisu, 呡個一定要講!點解咁簡單既甜點都可以整得咁差, 完全冇平時果種好香既咖啡味, 基本上又係冇咩味同埋只係食到中間有兩層冇味既海綿蛋糕, 連甜品都整到咁, 以後唔會再食~

過咗去觀塘搵朋友食飯，佢就喺觀塘返工嘅，同我講話工廠區開咗好多新式嘅餐廳，今日就一於去試試佢！未入到去呢間餐廳就已經聽到有夾band嘅聲！原來有人現場唱歌氣氛都唔錯！一坐低佢就俾咗份薄脆我哋！都幾有心思先來一盒黑松露野菌湯，勁濃嘅野菌味呀😍😍😍溫泉蛋菠菜大啡菇，擺盤靚之餘一次落去見到流心蛋流出嚟！呢度可以自選pasta，我哋就揀咗忌廉汁配鵝肝，鵝肝入口即溶好好味水牛城雞翼，味道香辣之餘又炸得夠趣最後叫多客紅棗桂圓茶潤一潤美滿一餐就完啦

Mini Friday一早就久仰大名，月頭啱啱出糧一於黎食好西😋薄脆 ($0) 🌕🌕🌕🌕🌕一坐低待應就即刻放低左一客薄脆過我地食😋點埋千島沙津醬好開胃呢！- 夏威夷帕爾馬火腿薄餅 ($128)🌕🌕🌕🌕🌑薄餅以薄脆批上枱，有八片兩個人食其實都幾多😂值得一讚係Parma ham就算單食都唔會過咸，菠蘿香甜清新，配埋火箭菜既甘甜，味道層次豐富👍🏻-香草牛油焗田螺酥盒 ($88) 🌕🌕🌕🌕🌕喺眾多小食中，揀左唔常見嘅田螺。酥皮嘅脆、薯蓉嘅甜、配上彈牙嘅田螺，果然冇推薦錯😁- 皇牌威靈頓牛柳 ($288) 🌕🌕🌕🌕🌕想食威靈頓牛柳好耐啦！切開一睇，係好靚既粉紅色😍牛柳非常juicy而且好軟身，果然冇令我地失望。酥皮鬆脆厚度適中，唔會切到同牛柳分離😍另外估唔到薯蓉竟然係黑松露味，出面真係好少見～-邊個話friday先可以食好西架🤪Mini Friday已經成功入選左愛麗絲嘅encore西餐list上啦😆👍🏻👍🏻

估唔多官塘區都有間又大又坐得舒服嘅餐廳！呢日同朋友到位於The Wave的Mini Friday，呢度地方非常寬敞，坐得好舒服。Lunch為半自助式，自助區有湯丶沙律丶各種小食及甜品，非常多選擇，然後可再自選一款主菜。不過小食好多已放涼，呢個就有待改善。我點了炭烤澳洲肉眼扒配黑松露燒汁，牛扒肉質軟腍，配上黑松露汁味道恰到好處。而朋友就點了香煎盲鰽柳配水瓜榴忌廉汁，肉質夠鮮，爽口又夠滑，加上水瓜榴忌廉汁味道唔錯。食完主菜，最後去自助沙律吧拎埋甜品，超級大滿足！

過左2019年後都好想獎勵自己，所以同男朋友去左比較有格調既餐廳食西餐～點餐後waiter就比左依盤小食我地食住先，我估應該係墨西哥脆片個啲黎，熱辣辣新鮮炸好，配埋千島醬好岩過口癮野飲方面我地就叫左pina colada，比較易入口既調酒，點綴下依餐西餐～當日因為唔算肚餓，所以兩個人就叫左一份salad同一份main dishSalad就揀左caesar salad加配煙三文魚個份量都幾大，煙三文魚都比得唔姑寒有4、5塊，生菜望落有光澤，食落鮮甜爽脆Main dish方面就叫左Beef Wellington，因為難得見到價錢唔高而我地又未食過：pBeef Wellington望落去唔算好大塊，但食落都夠我地飽～另外仲有黑松露薯蓉做配菜切落去酥皮鬆脆，肉汁同蘑菇醬一齊湧出黎，好香啊～入面既牛肉係半生熟，食落雖然牛味唔係話好濃烈，但勝左唔un！整體黎講兩樣野食都有水準，場入面仲有人係度唱歌，好有feel啊～

而家約朋友食飯好難，因此太多未知數。。。咁惟有轉食lunch ～～地點由朋友揀，佢話食過夜晚係OK先敢推介俾我😂講到咁，梗係要同佢去食啦～～原來係之前食過咪走雞同一層既西餐～～坐底先知午餐係semi-buffet 型式，即餐湯、小食、沙律、甜品就自己拎，主菜點選好就有服務員送到枱上～～如果唔太餓，真係淨係食出面既野食都夠飽🤫🤫不過咁，預得同朋友食團年飯，梗係要有魚有肉，我地點左香煎盲鰽魚柳同埋炭烤澳洲羊架～～點完就衝左出去自助沙律吧望望，原來都幾多野食，西式湯拼粟米片；小食有炸網卷、吉列豬排、咖哩魚蛋、腸仔、麻辣冷盤；沙律有薯仔沙律、松露菇菇西蘭花沙律、仲有自由配搭既沙律菜及配料～甜品都唔輸蝕、有Tiramisu 杯、木糠布甸、芝士蛋糕，仲有中式甜品紫米露❤️花多眼亂🤩每款都各有特色，味道仲要唔差～～😋我最鍾意就係咖哩魚蛋同埋松露西蘭花，事關好耐冇食既野係特別好食🤣任添既餐湯❤️薯仔沙律、松露西蘭花、麻辣小食咖哩魚蛋、腸仔、網卷、吉豬扒安歌既沙律至於主菜我自己點左羊架、朋友點魚柳～上枱原來都幾精緻😍絕不馬虎～～碟上每一樣食材都有仔細調味呢～～羊架煎得啱啱好，軟淋易切，入口隨即爆出陣陣羊味🤤

喺觀塘行完開倉，經過the wave。之前我哋嚟過呢度上堂，都知道上面有幾間餐廳。本來想去6樓，點知出錯電梯，去錯3樓。將錯就錯，我哋就坐低左係mini friday。下午時間食既係semi lunch buffet。價錢又唔算貴，見到牛我一定抗拒唔到，所以我地叫咗澳洲肉眼扒同羊架。 肉眼扒我叫咗五成熟，我好欣賞餐廳佢哋，因為真係上枱嘅時候真係五成熟，唔會多唔會少。肉眼扒係配黑松露燒汁，兩者都match，又唔會蓋過啲牛味。羊架係兩隻細嘅羊架，為食嘅我當然搶咗朋友一隻試下，超驚喜羊架完全唔會有騷味，肉質好嫩滑，好食，推介可以試吓。自助區有沙律，甜品，湯，仲有啲唔同嘅小食，款式唔算太多，但係都已經好足夠。而佢個lunch buffet仲可以食到四點，我哋食當日係平日，坐下傾吓計慢慢食，完全冇壓力俾人趕。所以食得好愉快。不過美中不足嘅係，個lunch set包個杯飲品有點不足夠，可能食咗啲沙律汁同埋比較濃味嘅東西，所以如果飲品可以大杯啲，就真係Perfect啦

星期二上去食飯都滿座，可見Mini Friday都幾受歡迎，而且現場有live band，氣氛超好！溫泉蛋菠菜大啡菇擺碟精美有心思，大啡菇厚肉多汁，流淌著濃郁的溫泉蛋汁，配埋菠菜多左一份鹹香滋味。可以$158選購DIY Pasta，包沙律、餐湯、自選意粉及餐飲，另一驚喜係加$1換一份Tiramisu。我地揀左黑松露忌廉汁煙肉扁意粉，黑松露醬毫不吝嗇，松露配忌廉更加香氣撲鼻，每條扁意粉沾滿醬汁，口感軟硬適中，雖然感覺有d漏，但好味到你會完成曬成碟意粉。再黎火焰脆燒德國咸豬手，上枱後店員先會幫豬手點火，每次睇到呢類表演都有種莫名奇妙的興奮，特別雀躍。火焰豬手外皮做到又脆又煙韌，肥瘦適中，中間仲有好多骨膠原，豬手都幾嫩滑，鹹香惹味，佐以酸菜、Honey Mustard，開胃可口。最後送上用$1加購的Tiramisu，絕不是馬虎之作，濃厚的奶油香，口感冰冰涼涼，食得過癮。

今晚同老公大囡撐檯腳，家姐話好耐未試過一個霸我地2個喎，爸爸就決定食好西，但其實呢2父囡來來去去都係食果D ,今餐媽媽就反轉下唔食佢哋鐘意食，食我自己鐘意又較少食既西餐😂😂😂依家官塘多左好多商廈，今次黎到The Wave 三樓 Mini Friday 。我地叫左個黑松露忌廉花膠燴美國雞扒set dinner，千島海鮮pizza同埋龍蝦西班牙海鮮炒飯。龍蝦西班牙海鮮炒飯，好足料，入邊除左講既龍蝦，仲有蝦、蜆、墨魚仔同埋大大塊魚柳。炒到粒粒飯都乾身👍千島海鮮pizza，同樣薄脆pizza底好足料又脆身，我自己都食左三大件😋😋黑松露忌廉花膠燴美國雞扒set dinner，跟左湯同沙律，沙律加左珠珠增加口感，雞扒滑，花膠厚。

黎呢度好多人都食威靈頓牛、德國豬手，不過我就鍾意食呢度嘅鮮茄意粉同沙律🥗～😋🔆咁岩做緊promo呀！龍蝦海鮮鮮茄意粉$158，成隻龍蝦上碟嘅造型美觀又吸引，扁意粉軟硬度適中。味濃又有真正番茄蓉，最愛每條麵都掛上茄蓉嘅滋味😋。🔆我地叫呢個做與時間競賽嘅沙律🤣，點解呢？因為裝住沙律嘅碗係冰黎架！芒果黑松露鮮蝦沙律$88，冰凍又新鮮，芒果鮮甜鮮蝦爽口，淡淡嘅黑松露味幾襯沙律嘅淡味架！個friend話：快d食，溶啦，仲影！？😂😂🔆呢度嘅水牛城雞翼醬汁偏辣少少，惹味香口；溫泉蛋菠菜大啡菇$68，流心嘅溫泉蛋望到都流口水，大啡菇juicy又飽肚～🔆個friend唔食得甜野，但都偷食兩啖話好味嘅心太軟配雪糕 $68，冰凍雪糕配暖到入心嘅心太軟，好味！✏️餐廳面積大而且座位非常多，但唔知係咪因爲今晚有live show，全場爆滿。餐前小食脆片係free嘅，環境適合傾計聽歌飲野；服務方面，換碟快，有禮貌，放工過黎聽下歌食野吹水真係一樂也～

在觀塘工作了很多年，最近才知興業街The Wave有一間美式西餐廳Mini Friday，於是今天約了朋友到這裡晚膳。 入門口才發覺這家店舖分開兩邊的，一邊是西餐廳，另一邊是以雞煲做賣點。 我們進了西餐廳那邊，侍應安排我們坐二人位，檯面比較窄，坐位尚算舒適，通道亦濶落，沒有壓迫感。 點餐前發覺檯上有一款小食，是免費的粟米脆片配埋沙律醬，夠鬆脆。 開始點餐，被牌上Dinner set吸引著，結果點了兩客。頭盤:餐湯波菜忌廉湯，這湯不像其他餐廳濃稠，正合我口味。沙律清新，還有爆珠，口感唔錯，份量多點就好了。主菜我們點了一客溫泉蛋芝士忌廉天使麵，加了大啡菇及龍蝦，份量也足，只是忌廉多了一些，味道尚可，龍蝦肉唔夠彈牙。 另一客黑松露忌廉汁意式燴飯，配波菜，雜海鮮及帶子， 燴飯淋滑，調味適中，帶子夠嫩。加了一元有甜品，今天是咖啡莫斯，咖啡味濃郁，但偏甜一點，建議可以減甜。最後點了熱檸水，可以幫助消化。

等待時間： friday night 呢一間梗係要預早留位，我地一行六個。室內環境：昏暗燈光，配上怡人燈光，係一個舒服相聚好地方服務質素：nice🤣Friday night,朋友但話食好好美牛扒，上網一search，呢間竟係有咁多好評，我點可以唔上來驗證下呢🤣，環境真係好岩TGIF日子，我地叫左多款野食都yummy，水牛城雞翼好惹美阿，勁想食埋其他人嗰份，然後重點想食既牛扒是真的要給like。大家絕可以選呢到做你晚聚餐😍

今日去呢間餐廳係有自助沙律同甜品bar，叫咗兩份主菜，分別係炭烤澳洲肉眼扒同羊架。係主菜到之前可以去自助bar揀自己鍾意食既前菜，自助bar野食分別有湯、沙律、甜品、仲有超過7款吾同既中西式小食😍小食當中既芝士薯蓉腸仔同麻辣牛舌特別出色，熱辣辣既芝士同薯蓉配搭上黎夠哂滿足, 而且連埋腸仔食仲有淡淡既黑松露味！而麻辣牛舌就麻、香、辣都啱啱好，牛舌仲要每塊都係厚切，認真唔慳料，食落去極之開胃😝主餐既牛扒叫左5成熟，切落去亦都吾會太生，牛扒食落有陣陣既炭燒味，咬落仲有肉汁流出，相當吾錯😋而羊架肉質切落相當幼嫩，一刀就切到落低。羊肉食落吾騷，亦都夠哂炭燒味，去到不妨一試。😝食完主菜仲可以再去自助食各種甜品，有中式既紫米露，亦都有西式既糕點，每款食落都甜而不膩。🤤整體黎講，店員態度和藹可親，收碟速度都好快。亦環境望落都幾Grand，乾淨得黎又坐得舒服。😌

今晚又去左觀塘 The Wave 搵食, 上左黎 3 樓呢間西餐廳每枱都會有一兜免費Nachos海鮮濃湯蝦味非常濃郁, 材料有蝦肉、鮮蜆、蟹肉、石班魚柳, 果然係用材十足水牛城雞翼橙紅色嘅醬汁沾滿成碟雞翼, 味道酸酸辣辣, 好味到會令人不斷追住食意式肉醬薯仔粉糰有別於一舨 Pasta, Gnocchi 係用麵粉、薯泥 & 雞蛋整成, 所以會有薯仔嘅香味, 而口感較煙韌, 加入意式肉醬一齊煮, 滋味又惹味心太軟配雪糕即叫即焗, 表面仲係微脆, 切開時 D 朱古力漿即刻湧出, 值得一讚嘅係, 佢嘅雪糕裝喺杯內, 而且係成杯拎去雪, 所以唔會出現上枱時雪糕已經係半溶嘅狀態冷泡水果茶味道微甜, 有陣陣水果香, 夠晒清爽

同男友第一次去試Mini Friday。 環境一流現場有live show表演。服務員態度有禮。我哋試了火焰豬手，黑松露忌廉湯，田螺酥同流心蛋大啡姑。豬手非常脆口味道又唔太咸，值得一試。黑松露忌廉湯松露味好濃好滑。田螺酥同流心蛋大啡姑食物唔熱就上枱比較失望。