Mini Friday (The Wave)

營業中

休息中

嚟咗呢度食午市半自助餐所謂嘅自助餐其實得好少選擇得南瓜湯,燒賣,炸雞塊,菜等等食物味道都普通南瓜湯仲有勁多麵粉味主菜叫咗個carbonara 味道正正常常唔算太突出

新年前約人食餐靚飯，搵個坐得舒服又可以傾偈嘅地方，呢度燈光柔和，又有梳化坐，都算幾舒服一坐低侍應就攞咗薄脆脆過嚟， 原來係送嘅， 等緊晚餐有肚餓就啱晒我哋叫咗大蝦配香草牛柳，份量又估唔到幾多，三隻大蝦 剝晒殼， 牛柳份量都幾多， 即是叫咗七成熟，都估唔到又幾淋，啱啱好另外呢個喇沙飯立貝意粉夠晒特色，喇沙味配意粉 估唔到出奇地好味，意粉丸顏色做，帆立貝都大大粒飲品方面最滿意就係呢個蜜糖檸檬玉桂茶，大大條肉桂喺入面，啱啱開始飲探探地，都食晒成餐飯，玉桂味就出晒嚟， 更加有層次另外咖啡都幾靚，大大杯，飲完一杯精神晒

先講重點 加拿大豬鞍勁難食 -10分想食屎者真係要試！諗住平日觀塘唔洗排隊坐得舒服既西餐行遠小小都冇所謂食物：叫左兩樣野 parma ham pizza 同豬鞍仲有送既薄脆薄脆食到有歷史-小脆平心而論 pizza正常偏上 薄底脆既 度度食都咁上下既質數但係舊豬鞍真係不了 1）啲肉質柴過肉乾188蚊加一既肉 係先煎後炸出黎唔係grill！2）豬鞍啲油脂係0.5/10 可能好細心切走晒3）個汁唔係基本蘋果or 酸既汁 係白咖喱餐牌都冇寫，不如食白咖哩豬扒好過4）到啲配菜 有凍既薯蓉，硬同生過西既椰菜苗，放咗好耐既蝦片 冇樣野係有心做出黎求其一間茶就豬扒都好食過佢！環境：食西餐安排個位最近同集團既雞煲 可能想食雞煲味加強食慾 但係結果係九唔搭八服務：收碟都幾快 未落單冇人行埋黎 食完/7788就係隔離兜左幾次圈 唔知想點呢？總結：不了

一早聽聞呢間餐廳嘅肉類菜式幾出名好多人叫火燒豬手真係即場點火架不過因為我未食過威靈頓牛扒所以都幾大決心要食到果然~無令我失望切開立即見到一片片嘅菇幾surprise包住牛扒嘅酥皮完全唔厚牛扒依然保持粉嫩多肉汁所以我都無再叫其他主食成晚主力食牛肉另外有個套餐都幾抵$138包1公升mocktail仲有三款甜品任揀一款藍檸檬梳打味道有少少似吹波糖中和返熱辣辣嘅牛扒啲色好靚好似海洋打卡就啱曬啦甜品方面係欣賞雪糕有椰果粒Brownie比較挺身唔會好sticky

觀塘the Wave有幾間好出名嘅西餐廳，其中一間就喺Mini Friday. 環境好大同闊落，附近嘅米走雞仲有駐場歌手唱歌添。一坐低就會有個免費小食，係脆餅+芝士醬，食呢個真係食唔停，好食😋今晚叫左2個是日精選，配飲品大蝦配香草牛柳大蝦煎得好香，蝦殼煎得微焦，調味都好適中，蝦肉爽彈。牛柳軟腍，香草味配牛柳都幾有特色香草燒雞(半隻)燒得好香呀！雞肉仲保持到嫩滑，一切肉汁出哂嚟，雞皮就食佢個燒烤香味，女仔食嘅話份量剛好

耐唔耐都會去觀塘搵美食，今次見到Openrice有間都幾多人Like就睇下係咪咁正！入到餐廳坐位都幾闊落，而且Menu都幾多元化，据扒意粉Pizza日韓野都有得揀🤩一間同咩朋友食都唔驚大家有野唔啱食嘅餐廳嚟👍🏻黑松露啡菇什菌薄餅 $138角落評分：🌕🌕🌕🌕🌓嚟到發現係薄批嚟，整得唔錯而且都有脆口嘅感覺🥰最正係有超多芝士同黑松露味都幾香🤩差唔多啖啖都係芝士咁濟，同埋係薄批所以食得多都唔會好濟👍🏻唯一麻麻係太多芝士搶晒啲菇菇嘅味道🥺明太子忌廉帶子長通粉 $188角落評分：🌕🌕🌕🌕🌓估唔到帶子份量都多而且都好大粒🥰加上又煎得好香，食落好有口感❤️而明太子汁幾Creamy，食落又唔會咸😆係略嫌長通粉硬左啲啲☺️蜜糖蒜片炸雞 $98角落評分：🌕🌕🌕🌕🌑呢度啲炸雞全部係無骨架👍🏻啲肉好嫩滑同埋都幾脆口😋不過係個炸粉厚左啲令到個肉少左啲咁🥲同埋俾得太多密糖汁所以蒜味唔夠突出，要靠蒜片帶啲蒜味出嚟，但夾埋蒜片一齊食就幾正架🥰甜品套餐 $138心太軟配雪糕及水果茶(1000ml)角落評分：🌕🌕🌕🌕🌑甜品套餐係一份甜品加1Lite嘅無酒精飲品，啱晒2-3個人share❤️叫左心太軟，但可惜整得唔夠流心，搞到有啲

之前去過The Wave 見到有好多餐廳今次同朋友嚟試試Mini Friday依間西餐環境昏暗 頗有情調 建議播少少柔和音樂就更有feel🎶๑ 大蝦配香草牛柳🐮 • $268牛柳超軟腍！份量都好多👍🏻配上三隻大蝦🦐🦐🦐鹹味可以重少少仲有牛油味香濃嘅薯蓉🧈🥔同蘆筍๑ 喇沙帆立具意粉 • $198好有驚喜嘅意粉😆喇沙味好過癮 上面三粒帶子份量十足( ˙༥˙ )๑ 黑松露薯條 • $68一上枱已經聞到好香黑松露味食落熱辣辣脆卜卜！

話說成日都嘈住要食新嘢，其實呢間好耐以前食過晚餐，第一次喺度食午餐。我嗌咗個雞扒餐，百零蚊有個黑松露嘅薯蓉，個人10分喜歡薯蓉同埋黑松露，所以加埋一齊呢就好好味😋不過同事嗌咗個豬扒，就表示太過（鞋）口。午餐無咩人，勝在可以坐得好舒服。乜個午餐百幾蚊呢個價錢都係有啲貴，所以過時過節食吓都OK。

觀塘The wave有幾間餐廳，見到有間環境幾好，多選擇，價錢親民就試一試！果然西餐同韓國菜都有！沙律大碟！韓式部隊鍋，有腸仔、餐肉、豆腐、蛋等等，個湯調味調得好，少少甜，加上烏冬另上，唔同淋晒，連埋個熱爐熱住，放耐左都唔怕凍。辣肉腸Pizza，上枱時即食個皮好脆，一個份量幾大個，夠四人食，二人份量足夠有餘，而且材料非足多，抵食！芝士炸地瓜薯條，地瓜薯條本身甜甜地，加埋芝士醬原來仲夾！岩岩炸起，好脆！必點之一！

前排去完觀塘開會後搵地方食野，見到原來the wave 有mini friday，地方大，午市有水準又抵食。🌟炭烤澳洲羊架配紅酒汁（$108）- 無諗過呢個價錢可以有呢個水準嘅羊架，羊肉味濃，肉質軟嫩中帶少少肥，cp值幾高。配了飯，飯內仲有蛋香～🐷香烤美國豬扒配洋蔥汁（$88）- 豬肉係厚切的，少少肥好軟香，肉質juicy。旁邊仲有番茄仔配菜！每款食物都配了d菜，真係可以食到幾balance。難得有咁好水準嘅西餐廳，地方又夠大，坐得舒服。

見食評好多人推介，聖誕節就揀左黎左食聖誕大餐。book 左7點，唔算多人，個場好大！但係格離係食雞煲，聞住d 雞煲味食西餐有d 怪。首先，個黑松露湯淡過水，完全冇味。之後個沙律同水牛城雞翼都好難食，屋企自己氣炸急凍雞翼仲好食。主菜威靈頓牛，酥皮勁厚，牛超生最後，我食哂成個餐，我另一杯野飲都未到！催左好多次都話整緊，最後同我講，我冇落單。下？？？而甜品布朗尼又乾又硬，重點個雪糕係硬到刀叉都切唔開。好心就灘下先拎俾人食啦超！失！望

想觀塘找間可以開心的聚餐餐廳， 依間的確係好選擇，餐廳地方夠大，座位多，美食選擇不少，而且質素唔錯，價錢合理。入座後店員先遞上芝士脆片，塊塊都卜卜脆，一啲都唔hea。喇沙帆立貝意粉 $198份量不少，二人分享好滿足，帆立貝三大粒都幾有誠意，喇沙汁香濃食落又唔會太咸好口渴。韓式辣醬炸雞 $98全部無骨炸雞食落好方便，外皮脆脆內唔算乾爭爭，韓式辣醬屬甜辣，少少辣好過癮，質素可媲美韓國炸雞專門店。日式芥末沙拉蝦 $118大量沙律菜新鮮爽脆，配以日式芥末醬開胃美味，大蝦六隻彈牙厚肉，食落新鮮爽口 。艾丁格黑麥啤酒 （跟餐+$58）意粉包$30內飲品，心思思加錢轉配黑麥啤酒，飲落好順喉，無一般啤酒果隻刺喉感，仲帶點麥香。

觀塘美食多，梗係要四圍覓食啦😊。同事推介食Mini Friday， 說呢間西餐廳款式多，現重推出左新餐單，啱晒我喜歡嘗新嘅心態☺️。雖然位於工業區內，但餐廳地方寬敞，坐位很多，唔會有悶焗感覺😘。鋪坐下後店員會送上小食，薄脆配芝士醬，可食住慢慢點餐☺️。點了2個意粉同一個小食，一齊分享美食。威靈頓春卷，有成6件配搭沙律，外皮香脆，牛肉咬落都軟淋的，確係唔錯。🍝喇沙帆立貝意粉，帆立貝鮮味彈牙，喇沙嘅醬汁，足夠拌勻意粉，熱辣辣啖啖都滋味。🍝泡菜卡邦尼意粉，加上泡菜的味道，上枱時聞到好香，麵質爽彈的，入口味道濃郁。另飲品點了至愛的凍檸茶☺️。

一直都無試過mini Friday嘅lunch.估唔到佢嘅lunch set係半自助🥰而且選擇都頗多。觀塘依個地點lunch time 嚟講唔算多人亦唔需要排隊同人哋逼，可以安靜舒服咁食個lunch👍自助沙律吧 ＋香煎盲鰽柳 配 薄荷青檸燒汁💰158 （配飲品）魚柳煮得啱啱好唔會太熟配搭青檸燒汁味道好fresh 而且仲有淡淡嘅香草味😻。薯泥有好香厚嘅黑松露味😋依個價位有一個set餐 且包半自助吧，湯至甜品均有齊。真係好低食👍例如 有洋蔥湯、糖水、咖哩角、炸燒賣、高湯白菜、咖喱蘿蔔魚蛋、沙律、水果、甜品。高湯白菜好清甜，咖喱蘿蔔魚蛋咖喱味好濃厚而且唔會辣😋，沙律🥗一共有三種醬汁可供選擇👍。甜品屬於Minni size唔洗驚太漏，可以有quota 試下其它甜品。

地點非常易搵，觀塘廣場方向出口直行，直行幾個街位轉左，到左wave會個水牌，直行就是lift記住3樓出lift ，向左走Mini Friday， 向右走米走雞，要答lift，扶手電梯fake人，上唔到3樓的。一坐低，就送左一盤nachos俾我地免費的，有誠意！飲酒的話仲有靚女serve，推介。餐廳環境寬敞，坐得舒服，幾丁友可以坐卡位，一大班人都可以有長枱坐，唔錯既選擇。晚餐有set或者A La Carte，set會配沙律+餐湯+餐茶都唔錯，不過諗住試唔同野所以都係嗌menu🤣韓式芝士炸雞 $98滿滿既流質芝士舖上面，每一件雞都可以被芝士包裹住，要趁熱食！估佢唔到$98都勁多件雞，2個人都食唔晒。黑松露薯條 $68鐵桶上既薯條，係足一桶，食到最㡳都見到舖滿既薯條，加埋啤酒就正！加拿大豬鞍扒 $168豬鞍扒濃濃肉味又juic，而且超嫰超淋，個汁我都好鐘意，仲有蕃茄仔同新鮮蘆筍，配埋小小薯蓉，好味!迷你蝦多士$108真材實料，真係有成隻蝦係入面，多士加上薄薄炸粉，脆得黎唔油。朋友聚餐fusion菜首選，黎觀塘要試下👍