Mini Friday (銀城廣場) (已結業)

又喺時候同朋友吹水聚會。今天㨂了一間地點超方便又好食既西餐廳。位於旺角銀城廣場，餐廳氣氛不錯，大玻璃窗很寛濶可以從坐位望到外面的環境。食物選擇非常多款，可散叫 order 抑或是晚餐套餐。如果是酒控，店內drink list 𥚃也有很多酒精飲料，不含酒精飲料也有很多選擇。至於食物方面；點了dinner set: 意式香煎石班魚柳配阿根廷紅蝦 $199 及 香烤波士頓活龍蝦配碳燒美國牛肋排 $239。餐前沙律非常棒，原以為在沙律裏面是魚子，食落發現是一粒甜甜的糖水粒粒，很有創意值得讚👍🏻餐湯也不能少呢！最後還奉上一款甜點，為這餐晚飯劃上句點。

今日約左個朋友係旺角晚餐，食咩由佢揸主意，佢就揀左呢間Mini Friday！位置幾好，好易搵，係銀城廣場9樓，旺中帶靜唔會好嘈，適合傾計；朋友話之前已黎過，質素唔錯，等我都試下先Set dinner都幾抵食～但餐牌有更多更吸引既款式🤤樣樣都好想食好吸引甜品款式都唔少免費餐前小食，夠脆！跟食物所有飲品半價，椰香菠蘿沙冰$39椰香味濃，配上清新菠蘿味，不會過甜黑松露忌廉炒野菌$69勁香黑松露味，入口幼滑又creamy黑松露野菌湯$48又係黑松露、又係野菌😂因為我地都好鐘意黑松露但兩款係唔同既口感，各有特式共通點係兩款都好夠味好小食拼盤$128有炸蠔、炸蝦、洋蔥圈、春卷同腸炸物全部都新鮮熱辣辣上枱，入口非常鬆化脆口，一d都唔厚粉！鮑魚鮮蝦意大利麵$148呢個意粉好出色意粉質地好好，夠彈牙；濕度適中唔會太乾，個汁好惹味又夠入味鮑魚同蝦都好爽口彈牙由其鮑魚，好有咬口唔會過淋

一早訂座了.........很快便入座..........環境不錯..........舒適...........！是日晚餐.....................有小吃........醬料不錯 濃味套餐沙律........不錯！ 挺開胃.........！可自選配料......蕃茄汁配牛肉大蒜洋蔥意大利飯......pizza......也是自選配料的.....自由度高....！肉眼........嫩..........加配了洛神花茶..........回復清淡！

久違了的姐妹約會, 選擇係市中心旺角, 希望搵到一間寧靜一點又坐得舒服既餐廳, 友人推介依一間mini Friday , 上網睇食評不錯就決心一試, 平日七點半到達都未好多人, 燈光暗暗地, 都坐得幾舒服我地叫左三個sets, 分別係A,B同F餐, 有前菜又有餐飲, 都算係抵食首先有薄餅同salad , 開胃之選主菜方面, 個意大利飯都唔錯, 但嫌有少少過濕pizza 就材料十足, 推介黑毛豬肉眼蓋, 味道不過不失, 我比較鐘意個薯菜叫左紅棗桂圓花茶, 清清甜甜總結：下次約朋友會再考慮, 一班人食飯聚會都係唔錯既選擇！

最近見到好多朋友都食咗Mini FridayD相影到食物嘅質素好似唔錯咁，點知失望而回😞叫咗個set for two但餐湯原來得一碗....要2份飲一細碗湯頭盤前菜不過不失冇咩驚喜終於到主菜啦叫咗個肉眼扒，份量夠，賣相唔錯，但質素....口感好似香口膠，啲肉係梅嘅，切開一睇就係急凍過嘅色，冇咗應有嘅紅色，反而係紫紅色。真係好失望！！！！侍應不停地上錯菜！！可能因為多新人番工(？)連牛扒有幾oz都答唔出成餐飯食咗2個幾鐘，但真正食嘢嘅時間得1個鐘唔到，出菜太慢！食完頭盤到主菜上枱等咗超過30分鐘。呢餐飯令我覺得間餐廳的確名過其實！！

表弟是個德國豬手控，上月向我推介Mini Friday，今天和男友及表弟來旺角店一試。餐廳裝修風格輕鬆而帶情調，一眾待應生服務非常到位又面帶笑容。晚餐配搭 選擇頗多，價錢亦頗合理。點餐後附上的墨西哥脆片也有水準呢!燒德國豬手 $198 豬手外皮脆到不得了，切開內層肉香爆發，脆皮與肉之間的油脂，是整隻豬手的靈魂，讓每件豬手也皮脆又帶軟韌，肉質新鮮，香口惹味，真是名不虚傳。甜椒蒜香雜肉薄餅 $118 薄脆的餅底上舖新鮮的三色椒絲、蒜蓉、雞肉和豬肉，就算是肚飽了也要清碟才肯罷休吧!雪糕梳乎厘班戟 $88 在餐牌上看到其賣相已被深深吸引著，試問豈能不試， 梳乎厘看似厚厚豐盈的，入口溶化而絕不覺膩。薄荷有汽薑梳打 $138/勺清新的薄荷葉和醒神的有汽薑梳打是酒精飲品以外的好選擇。

記得上次這裡剛開張的時候來過，感覺已很不錯，相隔差不多一年再來，今次更令人喜出望外！由於時間尚早，今次可以坐在窗邊卡位，從倘大的玻璃窗遠眺旺角繁華街道，配合富有情調的燈光，感覺份外浪漫！甫坐下侍應即放下一盤免費的香脆炸片，效率十足，味道也不錯！Set Dinner for one 選擇豐富，價錢合理。跟餐還可以半價選購酒精飲品一杯，非常抵飲！Pina Colada 椰林飄香 ~ 香濃椰子Rum酒加菠蘿汁，酒味適中，甜中帶酸，酒香果香兼備 ！南瓜忌廉湯 ~ 輕盈幼滑，南瓜味濃，美中不足是湯不夠熱。乳酪鮮果沙律 ~ 酸酸甜甜的乳酪沙律非常醒胃，令人食慾大增。意大利薄餅 12吋 (自選四款配料) $159 ~ 配料選擇豐富，餅底香脆鬆化, 每口都滋味滿分！碳烤1855美國肉眼牛扒併黑毛豬豚肋條$249 ~ 肉眼扒份量十足，經碳烤後外層略帶焦香，甫切開可見肉汁豐盈，保持嫩滑口感，牛味濃郁，真的很久沒有吃到這麼美味的牛扒了，牛肉控千萬不要錯過！是日甜品 ~ 跟餐甜品也同樣令人驚喜，味道略帶芒果味，為味蕾帶來清新感覺！以後食牛扒一定要來這裏

由於是次晚飯是友人生日，所以訂座前已詢問有關在甜品碟上寫「Happy Bitthday」相關字眼，之後職員表示在openrice 訂座時備註要寫的祝福語便行，怎料到達餐廳前，餐廳向我表示廚師不懂寫中文字「美」，所以改成寫了一個英文名"May".... 之後我詢問可否再寫，但回覆是廚司是在下午寫的，不能修改！首先，為何打電話詢問時沒提及不可寫中文名；第二，為何擅自幫客人改名。 最後，我們不想掃興，便妥協抹走那個名字，保留Happy Birthday 便可。上菜時，有店員上了一份我們沒點的雞扒，當我們在疑惑時，店員竟再三詢問「你地有無叫先？」！ 其實我們點了那些菜，店員不懂查單嗎？為何還要用不耐煩口吻問客人！到上甜品了，由於是4人套餐，所以有四個心太軟，怎料上甜品時是四個心太軟放在一起，而且沒有寫上"Happy Birthday"! 😒 我即時向店員表示一早已要求寫Happy Birthday時，她便收回那碟甜品，十分鐘後，終於在剛剛那碟邊寫上Happy Birthday+ 正確名字，可惜心太軟已凍了，而且不再漏朱古力了😭😭😭😭！ 他們也自打咀巴吧，明明可以修改名字！！！ 最後，我們忘了點

朋友仔生日，揀左間西餐同佢慶一慶。環境很舒適，2人也有大梳化枱坐。一坐低，已經有一籃芝士脆片，味道不錯，正合放工十分餓的我！已食了好多🙈我們點了dinner for one。有南瓜忌廉湯，南瓜蓉很多，十分濃郁。生果沙律，新鮮，清甜。忌廉蘑菇香草海鮮橄欖意大利飯，挺大碟，色香味俱全，海鮮和橄欖清新，不會過於油膩，加少許黑椒更惹味！火焰德國豬手，超級脆皮！豬肉也嫩滑，肉的份量很多。大力推薦！！食豬手，當然要配啤酒🍻飲完即刻無甘熱氣。我選了英國手工啤。味道甜甜的易入口。甜品有朱古力brownie。香濃朱古力味。正！

We had a big group of 20 people and their menu was extensive enough to accommodate all our needs. We ordered some a la Carter and some off their dinner menu. We feel their dinner for two was the most cost worthy. It had a seafood platter, another cocktail appetiser, a big pasta, a steak, a bottle of wine, dessert. Quality of food overall was quite food. Seafood was fresh. Steak was probably not the freshest though... the beef wellington is over rated in our opinion. Presentation of the restaur

阿女约左喺旺角食晚飯、通常佢食到好嘢就會再帶我去試嘅、今次都係冇估錯!來到銀城廣場九樓~嘩 ! 餐廳頗人氣 ! 黄色燈光、有啲華麗得來又樸實又似美式餐廳格局、好濶落、光猛、窗邊有卡坐落舒服有街景睇、餐廳中央擺放左一部古典流星機好型格仲有仿壁爐、好有氣氛嘅西餐廳!免費小食~卜卜脆配以沙律醬汁、好味 !阿女為我揀選左個套餐同小食~套餐 139元包括餐湯、沙律、餐飲、再加38元可有其他小食、(餐) 鲜果沙律生果夠新鲜、起初以為面上的是鱼子.原來係(爆珠)咬穿甜甜有生果味 .口感幾得意!(餐)湯南瓜湯好香滑甜美 !,主菜意大利飯、可自由選配料~磨菇、煙肉、海鲜、牛肉、忌廉汁飯唔會太淋、醬汁香滑、好味 !(餐.)迷利 小食炸盆 +38元骨腸、炸脆暇、蠔、尤鱼圈等。好脆口!好味 !成個套餐份量夠、好抵食 !另外一個阿女話一定要試嘅~脆燒德國咸猪手 198元上枱好有氣势!淋上冧酒燒完後.切開皮卜卜脆肉質嫩滑! 蟹膏帶子二重奏 78元用酒杯上賣相靚 !好吸引 !底下係柔軟嘅飯、上面深啡色係蟹膏、帶子、海贍、蟹籽、口感屑次豐富到....冇得彈! !!鲜味到不得了 !呢個下次來一定要再食 ! 再食

又係同好友聚腳嘅時候，佢哋發現旺角銀座商場開咗一間西餐廳，食物質素唔錯喎，環境仲好好添，似係美式餐廳嘅風格，裝修格調一流！大部份都係設有梳化椅嘅卡位，由於我哋早book，所以坐咗係落地玻璃旁嘅卡位！望住鬧市邊享受美食，邊談笑風生，一樂也。佢嘅晚餐有一百多元至二百多元不等，已經包晒餐湯、沙律、主菜、甜品及飲品。睇落都幾抵。因為好多大型嘅美食餐廳都只有散叫，不設套餐。跟餐沙律全部都係鮮果，上邊仲有啲好特別嘅水果味爆珠！主菜叫咗一客自選餡料Pizza，選咗海鮮菠蘿同雞肉磨菇，佢係薄批脆底！另外一份係龍蝦配黑毛豬筋條！另外自選意大利飯，選配左海鮮雞肉蘑菇配忌廉汁，都好好味！跟餐加錢$38及48叫了一客小食拼盤及蟹肉海鮮三重奏。另加一客炸芝士，外皮炸得脆脆，內裏芝士味香濃軟滑。最後跟餐甜品一啲都唔馬虎，外形可愛嘅朱古力，香濃幼滑！

本身book佐8pm，但因為老公遲佐收工，改佐9pm。打電話去問，可否係甜品寫上字，接線生很快就幫忙安排，到店用餐，因為本人係孕婦，店員亦幫忙安排卡位，仲問我坐唔坐到，如果坐唔到可以換闊d既位置，好好員工服務很好食物質素同價錢都很合理本來想order梳乎厘但因為要等30min，最後都係無Order甜品🍮但係分店係上我地份set dinner 既甜品時，幫我寫上happy Birthday 字句，好窩心好驚喜仲伴碟好靚好多謝分店既細心安排一定會推介比朋友

今日約左fd 去旺角食lunch, 原來銀城廣場搭lift 上去係有餐廳，真係第一次黎。✨有得坐卡座，實在太好～～呢度燈光稍為偏暗左d, 好處係日光日白個樣殘都望你唔清xD 但坐落都幾舒服。✨睇過夜晚menu價錢都好似唔平，但星期六都仲有set lunch ~價錢仲好超值。 Under一百蚊，已經有湯，有飲品，仲送墨西哥脆片。✨未order 野食已經上左呢個墨西哥脆片，我自己無食到，不過朋友話係腍既，唔夠脆同太厚。✨餐湯㨂左南瓜湯，飲落偏酸應該加左蕃茄，味道可以不過口感都幾嚡。✨居然仲有小食送，勁抵！呢個就係一粒普通質素既墨魚丸就咁炸左佢，配甜酸醬都叫做不過不失既，免費野係咁上下。✨跟餐加$28 有特式雞翼4隻， 朋友覺得無咩味，不過我食果隻都ok, 但調味料唔算重。✨美式燒西班牙黑毛豬（$99): 個醬係bbq 醬，個豬軟硬適中幾入味都算唔錯，不過個意粉賣相都幾hea, 個醬又好酸，真係嘛嘛地。✨伴碟仲有蕃薯蓉同菜，不過個菜好大棵，硬得黎又有d d 澀，唔知係咪羽衣甘藍呢，唔係太啱我口味。✨意式香烤深海石斑魚柳： 伴碟又係果棵菜同蕃薯🤢 個魚大家一致都覺得嘛嘛地，呢d 急凍魚其實都

旺角~人多車多 ，又是購物 飲食集中地，今日 約左好友慶祝生日 ，地點當然要 慎重選擇， 上openrice睇睇，旺角區中 見 呢間餐廳地方都唔錯，合眼缘！訂左位先！ 又到左期侍嘅今晚喇，去到西洋菜南街銀城廣場九樓同預期嘅一樣 環境 ，好Grand！枱同 牆身 都用深色木 為主色調 ， 落地玻璃牆身好開揚好有氣氛，有人氣得來唔嘈！ 喺呢區好難得，待應熱情招呼，我地坐喺卡位望往街景感覺良好！雀籠水晶吊燈 將餐廳環境襯托得好靚好高貴 ! 餐飲多選擇……點左 一榨果汁凍飲先！Passion furit soda $ 138味道酸酸甜甜有啲萍果碎粒口感爽爽凉快！餐前小食，主菜……Menu 印刷精美 睇落好吸引~歐陸凍海鲜拼盆 $ 118同印刷一樣都係咁靚咁新鮮！青口軟嫩，海膽鲜，鲍鱼柔軟，蝦爽甜！燒 明太子雞翼 $ 68香口！皮脆肉嫩，内餡明太子有少少辣，惹味呢個餸酒一流！！旁邊嘅 粒粒唔好以為係蟹子、原來係 一啲份子製作， 稱呼為( 波波珠)咬開 爆發果味！食過小食，有啲飽意，再點個……黑 松露海鮮意大利粉 $ 128松露好香 啲汁好creamy 意粉 煙韌 ！ 再撈埋啲海膽 更鲜甜好味