Mini Friday (銀城廣場) (已結業)

隨便係旺角搵野食hea 下見佢個 peach sorbet幾吸引，就衝上去試試可能辦工時間到訪，人唔多！可以自由揀位坐！ peach sorbet 送上~超冰凍，原個蜜桃上內有桃味sorbet, 不過冰鎮個蜜桃太硬好難刮到啲桃肉~sorbet唔甜，桃味唔夠濃！但夏日炎炎食啲個真係好消暑！另外再叫左個蝦多士~原隻大蝦釀上多士~蝦夠彈牙~但炸得過左龍~多士有啲乾同硬！

放工後约埋幾位同事去旺角 西洋菜街 銀城廣塲9樓 Mimi Friday 食din1ner。聚吓仰仰 天。那天 餐廳內 每張枱都坐滿客人， 氣氛非常熱鬧 ，侍應們都很忙碌， 我們被安排入座後， 侍應生很有禮貌地遞上餐牌， 我們每人都選擇了一個晚餐。A餐是自選配搭任選3款，朋友選了， 海鮮， 火腿 配忌廉汁意粉， 還有 前菜開胃的鮮果沙律， 是日餐湯， 是日甜品 朱古力酥脆 蛋糕 等。$278另一個餐是配上了牛肉， 雞肉 ，蘑菇 ，加入 香濃的 香草汁，令飯更添可口， 非常惹味。$199餐廳外的小食更加吸引 朋友選擇了水牛 成 辣雞翼，$68如果跟餐 等飲仲可以半價 影張超值 。如果三兩知己 一邊食晚餐，一邊跟朋友談天說地 認真不錯的好地方。

lunch就係發掘身邊有趣新事物的時候，這天到了銀成9樓這間西餐廳。 餐廳好大，只有近窗的一旁有3-5檯客人。 最平的沙律都要$59價位(無加一) ,lunch menu顯示有埋小食，飲品，湯。 先到來的係墨西哥脆片+千島海鮮醬→好食，其他餐廳會提供麵包，這個脆片讓我有驚喜湯有兩款選擇，選了南瓜湯。 飲落個湯先知原來係黑松露南瓜湯，質地唔算杰但味道ok嘅。 小食係炸魚蛋兩粒煙三文魚沙律→有d失望，普通沙律菜+m記食到嘅士多啤梨醬+煙三文魚。 ....普通野唔特別有d咸添食完再叫杯咖啡這裡的窗可看到街外(如圖) 要lunch靜靜傾計的話，都唔錯嘅！ waiter & waitress服務態度都好好同專業，從細節裡留意到，包括接電話對答，幫客人落order時。 讚！

今晚是和老公仔結婚一週年紀念日！ 第一次過週年慶祝， 當然要隆重其事， 出外玩了一整天之外， 晚上也要食好啲！ 所以燭光晚餐一定唔少得啦！ 位於旺角的mini Friday， 就係我哋慶祝紀念日嘅目的地啦！ 呢度嘅裝修非常之有英倫風， 玩味的牆壁爐， 貴氣典雅的梳化座， 近玻璃處還擺放了一排電子蠟燭， 好切合我想要嗰個candle light dinner嘅感覺呀(≧∇≦) 平時我唔係幾會揀二人晚餐， 因為覺得menu裏面嘅菜式通常唔啱食， 而且選項唔多@_@ 但係呢度嘅豐盛海鮮二人晚餐我係highly recommend嘅！ 因為我覺得佢由前菜以至到main course甚至乎去到半前菜都非常之咁突出~ 用餐前可以來點小吃， 這款墨西哥脆片， 點芝士醬真係一流！ 餐湯可以選擇意大利雜菜湯或者是日餐湯，是日餐湯係南瓜湯。 睇下呢個前菜和頭盤陣容何等強勁！ 歐陸海鮮拼盤包括有鮑魚、帶子、鮮蝦、聖子、藍青口。 厚切而肥美的帶子刺身， 浸在秘製醬汁之中， 酸甜的醬汁更能突顯鮮帶子當中的清甜！ 這款機煮鮑魚也很入味！ 仲有大蝦和蟶子都非常鮮甜！ 雖然海鮮的食材不算非常高級 ，但以人均消費30

1. 雪糕梳乎厘班戟（＄88)🍨一碟可以滿足你三個口味，其中一款燒得金黃D，所以相對味道甜D🤤而另一款就冇燒過，只加左糖霜，亦比較鬆軟😋唔夠甜可以點上吉士一齊食，好正😁再加上雪糕，滿足晒我地班港女😂😂😂彤樂評分：8.5/102. 皇牌威寧頓牛柳（＄288)彤彤超愛食酥皮，依度嘅酥皮夠脆之餘又唔會好厚，牛油味好香，中間除左有牛柳，仲夾左好多芝士同磨菇，超級邪惡，口感好豐富😍不過略嫌牛柳有D韌🙈彤樂評分：8/10

星期五約左一大班朋友，見到哩間餐廳咁多好評，所以諗住黎哩個Happy Friday，結果都幾失望...因為有朋友遲黎，唯有叫左一個set先，揀左自選嘅意大利麵，蕃茄洋蔥雞肉意大利麵，估唔到哩個已經係成晚最好食嘅😂另外跟Set加左個小食拼盤，不過不失。西班牙海鮮飯啲海鮮似白烚咁，啲飯冇乜色水，但食落好咸，帶一陣鹼水味德國咸豬手比較硬身，味道叫過得去...墨汁軟殼蟹意粉炸軟殼蟹食落唔脆，有d 硬，意粉味道都好一般另外我地仲叫左3杯Cocktail，已經唔太想影相，淨係記得Mojito係冇味咁😀服務方面，侍應每10分鐘就黎問我地要唔要收野，我地已經多次答左未食完，都要繼續問🤦🏻‍♀️唯一比較開心嘅係前一晚用左Openrice book枱所以有88折優惠！

同友人慶祝生日，當然不能像平時吃晚飯般馬馬虎虎，所以選了這間有格調又不會太貴的西餐廳。地方空間非常大，佔了大半層。裝修亦好講究，復古擺設加柔和的燈光，幾有氣氛。是日餐湯 有雜菜湯或忌廉南瓜湯選擇，味道OK。鮮果沙律鮮果粒雖然畧小，好彩沙律菜份量挺多;配以乳酪醬汁味道微酸食落都幾開胃。再以果汁爆珠做點聚，感覺新穎有趣。石斑魚柳蕃茄沙沙  $189大大件魚柳咬落啖啖肉，肉質鮮嫩美味; 配以自家醬汁清甜新鮮。牛肉眼拼牛脷  medium  $229主菜比想像中大份。牛扒很大件，煎得香口但不會太熟;肉質淋滑牛味濃;。 牛脷厚身有口感，味道與鹹牛肉相若，非常好吃。單人海鮮拼盤  (另+$48)雖然是單人份量，每款一件，但海鮮新鮮。有帶子、鮑魚仔、蟶子、鮮蝦和藍青口，配辣味芫茜醬汁。煙燻鮑魚好有口感，帶子刺身很鮮，蟶子亦非常爽口， 象拔蚌彈牙好味和蝦新鮮清甜。蟹肉鮮果三重奏  (另+$38)肉鮮果三重奏有牛油果木瓜蟹肉，還有芒果在上面，一粒粒的以為是魚子，原來是㕑師自製l的芒果汁果珠。是日甜品榛子朱古力蛋糕，上半層口感軟滑很creamy,下層是脆硬的餅底;層次鮮明。奶茶和檸檬茶

朋友話帶我去旺角食好野，點知原來係去Mini Friday, 即刻同佢講我食過啦，不過係觀塘個間姐～XD星期日就早d食晚飯啦，第二日要返工ma...我地6點幾就到，餐廳已經有3，4成full。一坐底餐廳就送上小食。可能因為有小食，唔覺意用多左時間睇menu。XD揀黎揀去最後要左一個set dinner再叫多個豬手。先黎是日餐湯，啖啖南瓜肉，飲落口幾香。之後係沙律，雖然係一人份量，但都幾大碟，最得意係有d爆爆珠，好新奇。主菜我地揀左自選飯，可以揀四種材料，我地要左mushroom, seafood, black olives, pepper 。真係幾大碟，食完都7成包。好香忌廉味，仲俾左好多隻蝦我地。揀豬手係因為我上次食過好正，所以今次要encore。好厚肉，皮亦夠脆。最後緊係要食甜品，個餐包ge朱古力蛋糕一d都唔hae，食落有陣hazelnut 味。我地叫多個apple tart share，個tart是熱的，配埋旁邊ge cream食唔錯。

因為生日飯去過Mini Friday 觀塘個間念念不忘，禁岩知道佢旺角有分店，於是捉埋男朋友去大食特食😉美式大桶雞~超推😋😋😋大概6~7件左右大大塊雞塊，仲要炸得超脆，掂埋個 wasabi 醬，一大咬落去，啲雞汁滴埋出來超正蟹膏帶子2重奏絕對值得一試蟹膏味濃，海膽鮮甜，帶子微煎香口感佳，3樣Mix埋飯飯一啖過食，個個大海既味道，令你5捨得食第2樣，因為食完之後連講野都....好陣大海既味道鹽燒牛脷原本諗住好細件啊會燶啊…No No No ~我話你知佢根本就係不得了，熟既程度剛剛好，一切開入面超軟熟，啲肉汁自動流曬出泥，超正正

今日同同事請左下午假去旺角幫公司整少少野，所以上左黎Mini Friday 食Lunch ，其實之前黎過食dinner 己經覺得食物和環境不錯唔知lunch 又係點呢？一坐低員工遞上12點至4點時段的餐牌俾我地，我地分別擇左鴨胸香草忌廉螺絲粉&美式香烤西班牙黑毛豬除左送餐湯之外，重送墨西哥脆片，咬落脆口，一D都不油膩，沾上帶微辣的千島醬後更加食唔停口!!南瓜湯雖然不是濃厚的口感，但啖啖都充滿南瓜蓉；而意大利什菜湯則較稀～另外每個套餐會送一份小食，係炸花枝丸！配上泰式醬汁，酸酸甜甜，超級開胃！鴨胸香草忌廉螺絲粉鴨胸切厚片表面呈微粉色，肉質緊實非常有嚼口；螺絲粉硬度適中，有種煙un的口感，每啖充滿香草忌廉味，但又不會覺得好膩，好飽肚！美式香烤西班牙黑毛豬 配飯 簡單的賣相己經相當吸引！兩大塊誠意十足，肉質鬆軟多汁！邊位帶少少油肪，好juicy 好好食！旁邊重有我最愛既紫薯蓉，味道濃郁！下次一定再黎encore !! 優優閒閒渡過一個下午時光

門口嗰位侍應阿叔態度甚囂我以為自己去左澳牛以服務業嚟講我會形容佢為<專業失德>食物質素同環境其實相當唔錯雖然未至於好食到天花龍鳳但係絕對唔失色奈何接待嗰位中年侍應態度惡劣短短十秒嘅對話都已經足以令我決定唔會再幫襯呢間亦令我為此花上數分鐘寫下我人生第一個食評

MK真係好多又平又靚嘅餐廳，好似今晚嚟間講你都唔信，百多元一個晚餐，仲要係坐得舒服喎！坐下已送上脆餅，酥脆可口，唔夠還可添食。湯是雜菜湯和南瓜湯選一。我揀選了雜莱湯，味道比較清淡，天時暑熱就最啱。乳酪鮮果沙律冇諗過套餐會咁大份。乳酪醬汁開胃另食欲大增。主菜點了意大利麵，最開心是可自由配搭餸料四款，三款醬汁選一，配合不同口味的人，非常細心。洋蔥，椒絲，磨菇，海鮮和蕃茄汁就是我的心水。雖然海鮮不會是什麼名貴嘢，只是魷魚，青口之類，但以價錢來計，扺食到不得了。麵條硬度恰到好處，每條都沾滿蕃茄汁，其他餸料亦多，口感豐富。是日甜品是Tiramisu，味道偏甜。整體來說水準中規中矩，論抵食絕對讚同，服務也不錯。

某日收工滂沱大雨去左旺角既mini friday食飯，由於我遲到，我同朋友都相當餓，便叫多左野食。記得一年前去過觀塘既mini friday食lunch，印象好，因為又平又好食，所以都想食返個dinner試試看。我地叫左.....凱撒沙律（$68）大碟新鮮既羅馬生菜，dressing同芝士都俾得大方。食飯見到隔離枱叫左另一沙律係有冰鎮住，好得意，但唔知咩黎。白松露忌廉美國雞扒 （$148）香濃既白松露忌廉加埋蘑菇食好邪惡，雞扒多肉汁夠嫩，溝埋d白松露食好唔錯。意式鮮蕃茄燴藍青口 （$118）青口食到海水既鮮味同時搭配極濃郁既鮮蕃茄醬，非常美味。個茄醬係食到粒粒新鮮蕃茄的，推薦軟殻蟹墨汁意大利麵 （$148）軟殻蟹俾得大方，炸得酥脆，裏面多羔。意大利麵好彈牙，好惹味，但有點油。座位坐得好舒服，店員服務態度ok，定價都適中，覺得不錯。

因為生日飯去過Mini Friday 觀塘個間念念不忘，禁岩知道佢旺角有分店，於是捉埋男朋友去大食特食😉美式大桶雞~超推😋😋😋大概6~7件左右大大塊雞塊，仲要炸得超脆，掂埋個 wasabi 醬，一大咬落去，啲雞汁滴埋出來超正蟹膏帶子2重奏絕對值得一試蟹膏味濃，海膽鮮甜，帶子微煎香口感佳，3樣Mix埋飯飯一啖過食，個個大海既味道，令你5捨得食第2樣，因為食完之後連講野都....好陣大海既味道鹽燒牛脷原本諗住好細件啊會燶啊…No No No ~我話你知佢根本就係不得了，熟既程度剛剛好，一切開入面超軟熟，啲肉汁自動流曬出泥，超正正

利用openrice訂座服務，一到便有座位。避開的母親節正日，第二天帶母親二人燭光晚餐。甫坐下，位置頗冷，侍應細心送上2杯暖水。晚市套餐约有十項選擇，由$158-228. 我倆點了黑毛豬，肉眼拼牛脷2款套餐。每人約$200的套餐，有脆餅，沙拉，湯，主食，甜品和飲品，性價比高，份量充足，味道不錯。肉眼扒加牛脷，熱度夠。雖然牛脷很厚，但做得好，熟但不韌，頗有驚喜。甜品是巧克力餅，但略嫌甜，減低甜度便好點。也許這晚客人太多，漏了單，但追單後很快補上，也算OK了。