Mimila (已結業)

星期六陪娘親行完好鬼多人既沙田，就打算係食飯時間前少少食晚飯，唔係一去到7點就會好多人等位，尼到新城市一期7樓搵食，一上去就見到呢間新開既餐廳(前身為tony wong)見唔洗等位就試吓啦。餐廳唔算大，但係位置都唔會話迫住晒。裝修風格有D似越菜餐廳。主要有湯麵同撈麵，另外會有小食同甜品。我地叫左個咖哩喇沙牛肉湯麵，再加左牛展蝦配河粉，湯底唔算辣, 事前我地好驚鹹得濟，都冇咁既情況。河粉幾滑，份量都好多吓。牛展切得厚，有返D咬口，蝦都夠爽，另外仲有溏心蛋，魚片等等。仲有叫左份雞翼，炸出尼唔油膩，肉質嫩滑又入味。娘親叫左凍桔子蜜我就飲左美綠可可，美綠味好濃郁。

Weekend試新嘢時間，第一次嚟呢間回頭率都幾高喎！我鍾意食辣，叫咗馬來辣蝦白毛豬肉湯麵(HKD88)，湯底夠味，但蝦鮮唔算辣，幾爽口。最鍾意佢有菜，感覺fresh啲。麵仲可以揀河粉、米粉同油麵添。乾蒜另上都好貼心。朋友食香菇肉脞牛展湯麵(HKD88)，佢話肉丸好彈，好正！我另一款最鍾意嘅係白胡椒湯肉骨(HKD78)，白胡椒味好好好香，肉嫩又入味，好想再食呀！檸檬薏米水(HKD28)味道正常，但都幾多薏米。見有馬來薑汁奶茶(HKD32)咁特別都試一試，呢款只有熱飲，但薑味唔算好勁。熱飲匙羹長咗啲，要小心啲。下次如果一個人嚟食都唔怕，可以坐吧枱一人坐，食碗麵都飽飽。美味指數：8/10抵食指數：7.5/10

咖哩+喇沙呢個組合好新鮮，究竟兩樣東南亞風味走埋一齊會唔會起到化學作用呢？答案下面揭曉咖哩喇沙手撕雞湯摻摻+青菜 $98咖哩喇沙牛肉湯摻摻+青菜 $108咖哩+喇沙湯底，飲落香料味道層次非常豐富，見到湯中間有白色椰汁，相信係喇沙既代表味道，但咖哩既濃味實在太霸道啦，蓋過左喇沙既椰香。既然湯底都crossover，咁就連麵底都一齊crossover啦！我揀左一半油麵+一半米粉既組合，簡稱摻摻。米粉較為幼細，油麵就掛湯啲，兩種截然不同既口感撞埋一齊都幾有火花。牛肉湯採用既肥牛油脂適中，手撕雞亦唔錯。另外加了$10配埋青菜，預設左既係通菜黎的。配料有芽菜、彈牙魚片、用黎索汁既豆卜等。整體黎講碗麵有少少辣，如果可以選擇辣度就更加好啦。檸檬薏米(熱) $28檸檬薏米有去濕作用，調味合我心意，唔算太甜，同埋粒粒薏米好有咬口。餐牌

位於沙田新城市廣場一期7樓704號舖的Mimila, 主打較為特別的馬來西亞菜，較為拿手的菜色多為粉麵。馬來辣蝦白毛豬肉湯麵 (Prawn Mimi with Spanish White Pork)來到了，當中包括有手切海蝦、西班牙白毛豬肉、芽菜和通菜 。(Malaysia style spicy prawn noodles serve with sliced prawn meat, Spanish white pork, bean sprouts and vegetables)個人覺得湯底較為濃味，首先嘗到蝦的鹹味，辣味再慢慢滲出。蝦肉略嫌烚得少許過熟，有少許硬硬的。幸好，白毛豬肉沒有煮得過老，口感頗佳。配菜放在面頭，滿滿的一碗。麵的熟度剛剛好，不會太硬或太軟。蝦和白毛豬肉的份量也足夠，十分慷慨，而湯的味道也頗濃郁。點了一客香辣的干撈炸蝦雲呑 (Fried Prawn Wanton with sauce)，雲呑是即點即炸的，新鮮熱辣。炸蝦雲呑的炸得乾身，外皮十分脆卜卜。裡面的蝦熱得冒煙，餡料主要為蝦肉和豬肉，比例約為一比一，蝦肉和豬肉的甜味都能同時吃到。喜愛吃辣的朋友可以多點旁邊的生

今日去咗沙田行街， 見有少少肚餓， 就在商場食個午餐先！ 我去咗 Mimila食lunch，因為不用等位， 食完 Lunch 再Shopping。唔該一碗《馬來辣蝦白毛豬肉湯麵》， 材料非常豐富， 有蝦、白毛豬肉、芽菜同貢菜。我最喜歡就是馬來辣蝦湯底， 有濃郁嘅鮮蝦味，好食！ 原來白毛豬真係味道特別鮮甜，可惜得幾片啦！ 今日我叫咗個「摻摻」麵，它是由兩種唔同嘅麵煮成的一碗麵。這碗麵混合油麵同米粉， 所以有兩種口感， 粗身嘅油麵加上幼身嘅米粉，食落幾特別。 油麵富有彈性， 少少煙韌彈牙，掛上湯汁， 當然非常惹味啦！ 近排成日下雨， 叫番杯薏米水去吓濕先， 甜度適中， 好飲！

沾寒沾凍，最啱食個辣辣地既麵呢排病病地，食咩都冇咩胃口，食麵就最啱心水。去左Mimila，見大家都食佢個馬來辣蝦湯麵，我就試試，再加杯檸檬薏米醒醒胃口，祛祛濕。馬來辣蝦湯麵幾好味，湯唔會話真係辣得好暴力，而係帶出辣香，又唔會太刺激，如果唔係極端怕辣既朋友可放心一試。麵夠足料，麵質偏硬，但仍喺接受範圍之內。檸檬薏米水清新健康，本來是可以大力推介，可惜有一大敗北之處。飲品的搞拌棒是木製的，可惜質素一般，木味滲進飲品，味道變得怪怪的。

放工同朋友喺沙田新城巿行街，順便食埋晚飯，見到呢間食馬來西亞菜好似幾特別，就決定試吓。餐廳唔係好大但環境幾舒服，店員態度好好。我自己叫左咖哩喇沙手撕雞湯麵，麵款可以自己揀，我揀左檬粉，份量都幾多，湯底味道唔錯，但對我黎講有啲太辣。朋友叫左香菇肉脞牛𦟌湯麵，同樣都係揀左檬粉，呢款係唔辣既，湯底清甜，份量又多，適合唔食辣既朋友。野飲叫左菠蘿梳打，食完辣野飲夠晒透心涼。總括黎講，如果住喺沙田區又想行街後輕輕鬆鬆食個飯，呢到係唔錯既選擇。

沙田新城市廣場太多美食喇~而喺咁多間美食當中揀出一間都係一個選擇性嘅挑戰見呢間Mimial個門口幾靚~而我又好小食馬來西亞嘢喎~所以就入咗去試吓~但內裏確實細咗啲開放式廚房~睇到啲廚師煮嘢店員推介我哋食佢個招牌~馬來辣蝦湯麵(可以轉銀針粉)))))))湯底充滿蝦味~雖然menu有辣椒喺度~::::::所以大家唔洗怕啦～另外叫咗個 美國牛肉蝦籽撈麵呢個撈麵擺設得幾靚~有好多葱但平時抗拒葱嘅我見到，都唔係太反感，反而想食好夠味，其實唔落啲湯都好味~麵軟硬適中~亦唔太多，份量啱晒女仔~我仲叫咗個 檸檬薏米水淡淡檸檬薏米味~美白又去水腫~原本想叫 貓山王卷蛋糕但已經無晒了~唯有下次啦~

沙田新城巿引進了不少特色小店, 擺脫在大商場要吃連鎖餐廳的印象, 這是值得讚賞的事, 今次來到這裡, 就選了吃較特別的馬來西亞菜式。咖哩喇沙手撕雞麵$88+$10菜湯底很濃稠, 咖喱味很有層次, 加上椰奶, 味道十分香, 但因其濃稠和濃味的關係, 對我來說較適合像沾麵形式的吃, 不適宜喝湯。它原本沒有菜的, 另加$10才有, 菜索了咖喱湯味道很易入口, 手撕雞就沒什麼特別。馬來辣蝦麵$88我較喜愛這個湯底, 湯頭較清徹, 喝得出用很多蝦熬煮而成, 鮮味蝦味好出, 是可以喝到底的湯, 蝦隻細心挑了腸, 味道新鮮, 而且有6隻都幾多, 已配有少許菜, 兩款麵都選了摻摻, 是油麵溝米粉, 口感更佳。貓山王芝士蛋糕$58整個很hand made的感覺, 榴槤味道很濃郁, 芝士也是, 兩者大概各佔一半, 味道平衡又很夾, 小小一件, 兩個人分比較好, 沒那麼膩。雖然是馬來西亞麵食新力軍, 但感覺不比一些老店遜色, 值得支持。

今日去咗沙田新城市廣場行街，準備去晚餐之前原來發現好多新嘅餐廳面世, 見到一間由馬來西亞主題嘅餐廳，睇完個menu好吸引，就入去試一試。咖哩喇沙牛肉湯麵：完全好夠味嘅湯底，夠曬鮮甜，我選擇油麵因為我覺得食喇沙會好夾，多片嘅牛肉加埋豆腐卜一齊食，值得推介。老巴剎雞翼：好大隻，又入味，炸到外脆內軟，入邊仲好juicy。桔子梳打(凍)同我去馬來西亞嘅味道一模一樣，梳打好夠氣，甜度適中，仲有好重嘅桔味。貓山王芝士蛋糕：我平時咁鍾意食榴槤 ，今次喺度見到佢係開心嘅，濃厚嘅榴槤味，師父好手勢，好creamy ，餅底好鬆脆。整體來說,服務態度非常一流，食物亦都係我範圍之內，尤其是係貓山王芝士蛋糕，價錢亦都相當合理。 希望好快有下次。

同朋友黎到沙田，簡簡單單食碗麵A2 馬來辣蝦白毛豬湯麵 $98⬇️嘩，碗麵同菜單上一模一樣，蝦排得好齊整上枱食麵湯底好緊要，第一啖就飲湯，濃郁蝦味，加上微微辣更提鮮，都忍唔住飲多幾啖。雙拼只有三隻蝦，好細心蝦腸已清乾淨晒。白毛豬都好好味。而碗麵已有通菜同生菜，唔孤寒B1 咖哩喇沙手撕雞湯麵 $88⬇️未食，嗅已經勁香咖哩味。食落都冇失望，香濃咖哩味～同平時食開既喇沙味不一樣，除左雞絲仲有大量配菜，半隻蛋、豆卜魚蛋同生菜，相當豐富平均一碗8-90蚊價錢比較中上朋友話撈麵好好味不過我當日冇㨂到一上電梯就揾到，環境服務～～

今日又同朋友一行四人行街～喺新城市廣場行到肚餓之際，見到呢間麵店都幾吸引，所以就入去用餐🤪我地一人嗌左一碗麵，另外再加左個小食。咖哩喇沙手撕雞湯配粗米粉餐牌上有唔少嘅麵都標示住係辣嘅，不過我諗四碗入面最辣係呢碗咖哩～呢隻喇沙椰香味唔算好重，但係佢嘅咖哩辣得適中，唔係辣到完全食唔到個種，建議平時食開小辣嘅朋友可以點呢個試試，搭配手撕雞都幾特別架！馬來辣蝦湯配摻摻摻摻嘅意思係拍一半米粉一半油麵～呢碗上檯時已經聞到有好香嘅蝦味！食落好新鮮，非常彈牙🤩唔好睇佢湯底好似好濃咁，其實飲落有啖啖清香，仲令到蝦味更突出添馬來辣蝦白毛豬肉湯配摻摻呢碗湯底同上一碗一樣，都係清清地帶小辣；上面鋪左幾片白毛豬肉同埋大蝦。豬肉肥瘦適中，容易咬開；蝦都係一樣好新鮮🤪一碗有哂兩款餸，啱哂啲揀唔到食咩嘅朋友🙌🏼白毛豬撈麵呢碗係四碗之中最有驚喜🤩撈麵嘅汁好似蝦子麵嘅湯汁咁，麵質好彈牙，麵條沾上湯汁好夾，再加嫩滑嘅白毛豬，好味！👍🏼👍🏼👍🏼最後我地仲嫌口痕，嗌多左個老巴剎雞翼～不過呢個就有待改善😣雞翼輕輕炸過，味道稍微有啲淡；期待下次嗌斑斕戚風蛋糕試試佢😝🍰

Mimila係新派馬來西亞麵店，主打麵食。餐牌簡潔，選擇唔太多，叫店員推介，都係會重點介紹【馬來辣蝦湯麵】手切海蝦加通菜，海蝦肉質唔係特別彈牙，但味道好甜。精髓係個湯底，聽聞係熬足6個鐘，唔怪得知咁正！【咖哩喇沙牛肉湯麵】美國肥牛加魚片，湯底好香咖哩味，夠濃郁。麵類可以揀油麵、米粉、河粉、銀針粉、檬粉同摻摻，最特色當然係摻摻(米粉加油麵)，兩種唔同口感，好得意！【馬來奶茶】平時飲開港式奶茶，嚟到南洋風麵店，唔係唔試呀！？茶底係馬來西亞紅茶葉，又係另一種風味。

加完班跟同事一起吃飯，決定找附近的店吃。聽說沙田滿記開了間新店吃星馬菜便跑來試試看。看見店裡挺乾淨利落，便坐下點菜。馬來辣蝦湯摻摻$88，現在才知道摻摻是混了兩種。混了麵與米粉，湯的蝦味挺種也很濃味，麵質挺彈口不會軟塌塌的。蝦肉輕炸過所以口應不錯，裡頭給的菜也不少～咖哩喇沙手撕雞湯河粉$88，這個一沒想像中辣二比想像中惹味，咖哩很香濃，手撕雞肉也不少。也有魚片與蛋，伴著河粉很開胃。香菇肉脞湯銀針粉$78，前面兩碗都微辣，所以叫了碗清的，雖不辣但不會很淡。配菜也豐富，銀針粉挺彈口，不錯。最後一個麵餐是三蝦撈麵$98，蝦子麵味道挺重，配炸蝦所以不會太寡，還有很多菜配著撈起來挺清鮮惹味。老巴剎雞翼$58，雞翼份量夠，外皮燒得很香脆，味道很獨特，不會很濃但也不淡口，剛剛好。裡頭仍有肉汁～參巴醬炸魚蛋6粒$35，魚蛋挺飽滿，炸得也不會太久，所以仍圓滾滾的。參巴醬不會太辣但惹味～挺特別麵未吃過哈。最後是貓山王芝士蛋糕，榴槤味挺重，最重要沒想像中那麼膩～飯後甜點不錯～

見到有間新城市廣場新開既7樓的Mimila，這裡地方不算太大，裝修清新馬來西亞風格，有大約20-30座位。餐廳主咖哩喇沙，打蝦麵，撈麵正正是我至愛。我們試了一個招牌馬來辣蝦湯麵、美國牛肉蝦子撈麵！ 招牌馬來辣蝦湯麵 招牌蝦湯麵令人驚喜，湯底微辣濃郁、鮮甜、非常惹味！美國牛肉蝦子撈麵牛肉帶點白胡椒的香味，肉質不會太腍太硬。撈麵是用蝦籽麵，再加上香蔥油，我老婆話這個好吃，她吃了大部分，其實我都覺得勁好食。另外點左2杯野飲檸檬薏米水好多餐廳都會在薏米水加入檸檬，令滋潤之餘味道更清爽。桔子梳打桔子梳打清新得黎又有d變化，食完之後飲下解膩又解渴