Master Kama (已結業)

本人好鐘意龍蝦包，所以就黎試下呢間以龍蝦做主題的master kama，覺得個包好好味，牛油味香濃，龍蝦肉好彈牙呢！另外試了石窩，13號果日凍冰冰，個石窩黎到好熱辣辣，芝士濃湯好濃厚，安格斯牛肉亦好香口！仲有龍蝦汁雞翼都是本人最愛，帶有鮮味的汁料好有心整，正！有個必點既就係龍蝦玉子燒，好滑，龍蝦肉亦好多，切開有少少流心，good！飲品都好有誠意，Magic Soda本來是藍色的，加入檸檬汁之後變左紫色，味道唔會好甜，酸酸地，好解渴，而且幾大杯，抵飲又好玩。

難得情人節，諗著搵間好食既餐廳同女友慶祝，上openrice見到甘多like，就揀左呢間點知千揀爛揀揀左個爛燈盞！一上到去見到個餐牌都幾吸引，又蟹蓋，又鵝肝，又龍蝦意大利飯，又牛排...我同女友滿心期待...好可惜，所有嘢都好失望1.蟹蓋：同係超市雪藏既無分別2.鵝肝：算係全場最好，但都係正常既鵝肝3.龍蝦意大飯：我只係食到半隻龍蝦仔加極多汁而又極少既絲苗米飯（糊仔）4.牛排（重點）：極少四塊肉片，我媽煮好食過佢(相都唔想影）全餐加埋食左一千蚊，我同女友完全食到一肚氣，一千蚊攞去食其他西式餐廳好過！情人節出黎慶祝預左被掠水，但唔係甘掠法囉。垃圾！食完完全唔知食左咩。係度同女友過左難忘又驚喜既情人節！真係同女友講多次，情人節快樂

情人節 老婆想食龍蝦。。見到咁多like試呢間。。點知二人價錢。。一人份量。。係有龍蝦既。。不過係龍蝦意大利煮法既絲苗米飯。。湯係海膽湯。。不知所謂。。甜品。。雪糕火鍋。。總之食到一肚氣。。

話說我本身係龍蝦愛好者！近日見到有間餐廳主打係龍蝦，就一早想去試！咁我就醒目一早訂左桌，所以吾洗等！不過我坐底大約20分鐘就滿座了，所以大家一家記得要訂位先好去，否則一定要等陣先有位！講返正題黎到master kama緊係要食龍蝦匯，如果吾係過黎做咩！龍蝦匯 $428其中有一份薯條、一個好好好味既龍蝦包（勁好食）、仲有超大隻既半邊龍蝦！個龍蝦鉗竟然有我部新買既iPhone 7 Plus一樣大（講真吾係吹水）呢個時候我真心覺得好抵食！半邊龍蝦仲要係我最鐘意既蒜蓉牛油醬！！！！真係好好味、好好味、好好味！（重要事情要講3次）跟住食完以上我就7成飽啦但係龍蝦匯仲跟住一個石頭鍋燒烏冬有得食就唔好浪費！所以我又食哂龍蝦湯香中帶甜！重點係個烏冬配料好多！每一淡都食到！大家未去過一定要去一次！認真的！真係要去另外龍蝦玉子燒我覺得一家可以一試！小弟一條友衝上去食吾落所以無嗌！建議兩個人去食一個龍蝦匯、一個龍蝦玉子燒就剛好。

成日 D 朋友話去食龍蝦包。龍蝦包。。今次我約到友人一齊同我去食喇！平日晚上七點半上到去，已坐滿，果然係好吸引，周圍望下，仲要個個都係食龍蝦包，我地點會唔點龍蝦包呀？！Matcha Popcorn大大杯的Matcha Popcorn，份量不少，面層有幾粒popcorn作點綴，香濃的抹茶味道，不會太甜，口感很綿滑！雙重炸薯條雙重薯條原來係薯條 + 蕃薯條，外皮炸得脆脆的，表面灑上少許鹽，兩款都熱辣辣！薯條的薯味濃，口感較粉；蕃薯條的數量比薯條少，食落香甜軟糯，個人較鍾意蕃薯條！除了薯條 + 蕃薯條，還有三款醬汁，黑松露芝士醬、蜜糖芥末醬、龍蝦醬，個人就最鍾意黑松露芝士醬& 蜜糖芥末醬！龍蝦包 (每日限量供應)一個龍蝦夾心的麵包，龍蝦的份量爆得滿滿的！龍蝦包很軟熟，兩邊輕輕烘過，烘得金黃色，很香口！已拆掉的龍蝦肉就夾在包心的位置，眼看著厚厚的龍蝦肉，已經很想獨享！麵包與龍蝦肉間有少許沙律醬，讓整個龍蝦包的味道提升了不少，食完這個肉質彈牙的龍蝦包，真係一個大滿足！很想encore！另外，拌碟的還有薯條和蕃薯條，跟雙重炸薯條的是一樣，每條都脆脆的！龍蝦芝士湯 + 安格斯牛柳粒烏冬(可加$80

大龍蝦包你精彩！@Master Kama銅鑼灣的Master Kama出了名有好吃的龍蝦餐我們自然點了具人氣的名物：龍蝦包（$188）份量極多的龍蝦肉，令人目不暇給食落味道鮮美，加上鬆軟麵包，味覺享受出色到爆燈！第2道菜是「香脆炸雞翼配芝士龍蝦汁」（$78）無法想像的好吃！因為雞翼不只外皮香脆而且內裡是醃了香料的濃香，雞肉嫩嫩的再加上在煮著的芝士龍蝦汁上點一點，就似足吃芝士火鍋一樣讚！由於芝士龍蝦汁太好味，朋友更用來點了她ORDER的薯條無法啦，真的是太香太芝味了！荔枝Mojito：可以說是足料製作！（$58）這款無酒精的古巴經典調酒，帶有濃濃的著薄荷清新氣息加上荔枝肉與荔枝汁，在冰涼口感之外更添清甜的味道，令人喜愛。MINI PALETTE：甜品之中的三點式！（$68）我們自選了：法式燉蛋、抹茶布甸和草莓雪糕燉蛋做得香滑、抹茶布甸確是香濃的抹茶氣息而草莓雪糕更可以吃到新鮮的草莓三種令人滿意的甜品，可以一次過吃到，真是抵呢！

呢排比較忙，少左出去食好野😗～最近朋友H約我食飯，佢話食過呢間好食，​所以我地就黎左銅鑼灣既Master Kama食lunch喇😇～聽講呢度d龍蝦幾有水準，所以其實小妹都幾期待架💭！餐廳系樓上舖，帶點北歐風格💛，簡簡單單好舒服🍀～餐桌同椅子都系木做，顏色好柔和☺️～窗邊設有1排梳化位，下午去既食客可以享受埋自然光☀️～我地揀左梳化位坐，慢慢食慢慢傾💬，好舒適呢！座位旁邊既架上仲放左隻龍蝦公仔做裝飾，呼應返餐廳既主角：龍蝦🍴。我地order左海膽忌廉蟹肉意粉($148)同烤蒜蓉牛油龍蝦($208)🙆🏻，share食可以試多幾樣嘛🤤！哇！好大條海膽啊😶！而且條海膽好新鮮好甜，吾會1夾就散👏🏻，成條夾起都冇爛啊😮！下面既意粉🍝都非常好食，幾有咬口😬，而且汁既份量夠多💦。個忌廉汁味道濃郁，蟹🦀味幾重，仲有d蟹肉添！雖然碟意粉好creamy，但完全吾滯啊😋！龍蝦黎喇❤️！呢set除左有龍蝦之外，仲有薯條🍟同沙律🥗。食物都系放系木板上，好靚啊✨～先講龍蝦，都算幾大隻，食落啖啖肉😃，連個鉗都好多肉啊😍！龍蝦本身蒜蓉牛油味都好濃，好好食😉，仲有新鮮檸檬🍋比我地唧檸檬汁添～個人覺得龍蝦本身已經好香濃，再點牛油

新年剛過，仍然係飯局的高峰期，不過因為公司太忙，冇時間search吓有乜好餐廳，所以就hea選。其實所謂嘅hea，就是ENCORE之前食過嘅好嘢。好嘢，梗係要一試再試喇！！冇嚟一排，裝修依舊，爆場仍然。揀邊樣好加州脆片香橙雞肉沙律配芝麻薑汁 ，薑汁做沙律，真係好少見，薑汁那微微的辛辣感覺，配上酸酸的沙律汁，又幾特別。炸米粉和脆片脆脆的，小朋友一定愛死，而在底層的雞肉份量不少。雙重炸薯條（配龍蝦芝士醬，黑松露芝士醬，蜜糖芥末醬），薯條、蕃薯條就係呢度嘅標竿，再搭上三種不同特包的醬俾你搭，仲有不試的道理嗎？？京風章魚大阪燒，大阪燒的一大特色就係睇住啲木魚絲跳舞，再配上燒汁同沙律醬。上枱時，大阪燒還是熱騰騰的，鐵板鍋滋滋聲，外皮燒很很脆，一刀落下，爆多的椰菜急不及待的奔跑出來。龍蝦包，用非傳統的排包，烤烘之後，外面脆，內裏再吸收了龍蝦的精華，配上排包的甜味，今晚的主角，絕不HEA你。龍蝦芝士湯配安格斯牛柳粒和烏冬，主角還是個湯底，暴爆的龍蝦味，彈牙的烏冬，配上熱騰騰的石鍋以保持溫度，總有一種配搭和啱你口味。鮮茄虎蝦扁意粉，意粉對我來說是要偏硬，不要太腍，然後就是醬汁的配搭，呢碟意粉，無一可彈

✿╮❤╭✿ ✿雜感女生 好味日記✿ ˚*•✰。Master Kama．龍蝦的味解滋迷！。✰•*˚ ✿✿舌尖上的銅鑼灣✿✿ ❤餓底飯聚．食勻全世界❤ ❤ 最近愛上龍蝦的朋友 又帶著我跑去品嘗，竟然是有意外驚喜 一個字：鮮！ 我們一起點了最勁的龍蝦匯 想要一次過試到店子的最極好吃！ ——龍蝦匯—— 1.龍蝦包：香軟的牛油包包，夾著新鮮的龍蝦肉 大大件的份量，實在滿足了視覺的享受 咬落就是香軟和鮮甜的味道 說實在，龍蝦的肉質鮮甜而彈牙 問了店員，得知是每天從波士頓空運到港 那就真是解開了迷底了：鮮，就是鮮！ 好值得一再品嘗的味道！ 2.烤蒜蓉牛油龍蝦 龍蝦如此新鮮，只要加點牛油與蒜蓉 就是天作之合！烤過後的蒜蓉極香口 而龍蝦肉仍是肉汁豐富，可以再來多份嗎？ 3.龍蝦什錦海鮮石鍋湯烏冬 石鍋湯都是龍蝦汁的精華，不是一般的龍蝦醬可以做出來的清甜 真正的鮮味，是要用龍蝦煮出來的！再加上其他海鮮的配合 這碗湯一定要認真喝 小評：味道：★★★★★環境：★★★★☆服務：★★★★★衛生：★★★★☆抵食：★★★★★

因為見過好多人喺呢間龍蝦專門店打卡，見到啲相都好吸引，想食好耐，琴晚終於抽到時間同男朋友去試下，都幾期待！餐廳係樓上鋪，平日晚上時間，都有唔少人等位。一入門口就會見到出餐位置，裝潢簡簡單單，不過由於客人多 (我都唔係好方便影環境)，所以都有少少嘈~好快都安排座位，座位間都唔會話好逼，都坐得舒服~驟眼睇，佢地嘅枱比一般餐廳嘅長，可能因為擺盤比較佔位置~​睇左餐牌，食物選擇意料之外幾多，除左招牌龍蝦，仲有沙律、小食 (大阪燒、薯條、雞肉烤餅)、串燒、意粉、意大利飯、肉眼扒、豬仔骨、烏冬、燴飯，仲有埋甜品！簡直係西式+日式混合，花多眼亂！由於我地第一次食，主力想食龍蝦，所以唔煩惱點龍蝦匯~由於我地見餐牌寫住「每日限量供應」，所以都預先問左店員今日有冇，店員話有，我地即點。​龍蝦匯 $428龍蝦匯基本上包括兩款招牌：龍蝦包 ($188)、半隻烤蒜蓉牛油龍蝦 ($208)，加上一份龍蝦什錦海鮮石鍋湯烏冬/飯，配一小份炸薯條、炸蕃薯條，少量沙律菜，非常豐富！我見好多客人都係點呢個餐，兩個人會夠飽。yummy 擺盤精美，一上枱，我已經急不及待相機食先，仲即時send左相俾原本都想一齊食嘅朋友，哈哈！

唔睇開飯排行榜都唔知有呢間餐廳, 上樓餐廳唔係介紹都幾難試得到, 一早預約好順利入座, 座位唔算多, 目測60左右, 裝修以藍白為主帶點歐陸風格, 簡單舒適, 餐牌選擇都好多, 點左海膽忌廉蟹肉意粉, 香脆雞翼配龍蝦芝士汁, 仲有龍蝦玉子燒, 意粉好juicy, 每一啖都有濃濃海膽味, 厚厚玉子燒甜甜地配上彈牙龍蝦肉好正, 熱辣辣脆口雞翼沾上龍蝦芝士汁係意想不到既驚喜, 最可惜龍蝦匯沽清唯有下次黎試, 店員話下次booking時可預留!

打開openrice搵嘢食，見到有龍蝦包食店，食評大多都讚好吃，但價錢不便宜，猶豫了一會，到銅鑼灣站後決定一試。位置不是太難找，位於大廈內，6:00未夠，有數張檯已坐了客人，看看餐牌，很多食物都吸引，但本著要試龍蝦包，便點了一客，上到檯面，賣相已贏，食落口，同自己講，真的很好吃，龍蝦肉塞滿包，而配角 包一點也不差，合在一起口感非常好。 總結：龍蝦包個人比9分服務就....4分（10分滿分），這個食評只代表本人！

On this particular weekday noon, I was doing some stuff at Immigration office at Wanchai with my wife. After we are done, we walked over to this restaurant known for their lobster. I only heard of this place after my friends told me of it. It was decorated in simple white wall finishes with some drawings on it. There is a black board placed on the wall to let diners know the special for the day and some of their signature items. For lobster fans, this is a place they will like. Their signature f

同朋友放工決定去銅鑼灣食個龍蝦包慰勞下自己翻工辛苦左一日好乖甘book左位 店員話用餐時間1.5hours一坐低就更系叫翻隻龍蝦包食下拿我無比較過其他餐廳所以吾知其他會吾會好食d但呢間嘅龍蝦包肉質較爽，夾住d醬食其實真心好正最緊要其實系個包(吾系龍蝦咩lol)鍾意食包嘅我最鍾意系佢地個包有好重嘅牛油味，然後焗到脆脆哋真系享受黎ga我覺得少少地兩個女仔一人一半吾會太漏我覺得系正嘅再黎就系一個麵食set有得比你配搭吾同湯同配料我就揀左芝士龍蝦湯配豬頸肉烏冬其實ok好味wor我覺得 但真心系重口味我覺得系因為個湯偏濃味因為上次同今次食完都覺得要飲好多水所以如果鍾意濃味嘅朋友可以揀食完暖笠笠好正最後口痕叫左個nachos 我覺得吾好食無咩醬之餘 d粟米片吾脆吾recommend 黎呢度我覺得食個龍蝦包is ok因為價錢合理同埋味道都幾好不妨一trybtw最後我地系食左2.5hours然後店員好好人無趕我地食

2017.01.19【 1.19 一咬鍾情龍蝦包 Master Kama】 加班之後，就係要慰勞自己， 有人喜歡去排拉麵店， 而我鍾意食龍蝦， 所以今日我OPENRICE一下去食新店。 Love at First Bite ? 好有信心噃， 好，就食龍蝦包。 尖咀妹就係似足"陸生"要食好嘢， 專揀每天限量供應， 夠Lucky落到order又食到。 Premium Master Magic Soda $48 係呢間店嘅自家制非酒精Signature， 藍加黃，係咪應該變綠? 係個飲品好玩之處。 我斟啲檸檬汁落去， 其實我都識變魔術， 你睇， 藍加黃係變紫。  好喝好玩。 龍蝦包 $188 Premium Lobster Roll Served with French Fries and Lemon Butter 龍蝦包， 賣相好靚， 自然Love at First Sight 食落口， 啖啖鮮甜龍蝦肉， 果然係Love at First Bite 薯條同南瓜條同在， 薯條鹹、南瓜條甜， 一凹一凸， 好夾。 檸檬牛油汁， 清新又不油不膩， 好味 仲