245
40
15
港鐵銅鑼灣站 D4 出口, 步行約2分鐘 繼續閱讀
電話號碼
34212129
營業時間
今日營業
12:00-22:00
星期一至四
12:00-22:00
星期五至六
12:00-23:00
星期日
12:00-22:00
公眾假期
12:00-23:00
付款方式
Visa Master 現金 銀聯
座位數目
100
其他資料
網上訂座
酒精飲品
自帶酒水
切餅費
外賣服務
加一服務費
有關獎賞計劃
食評 (314)
等級4 2017-10-16
15 瀏覽
之前食過旺角的master kama覺得不錯😚,知道佢地銅記店出左全蟹宴緊係要試一試味啦😍😍~ ---------------------先來一個6小鉢🥄,分別有枝豆、檸檬蜆、海藻、蟹肉玉子、玉子豆腐同芒果蝦🌼~蟹肉玉子很有蛋香加埋新鮮蟹肉很不錯🦀~玉子豆腐鋪上麻醬同蟹子亦挺吸引💫~ 蟹肉烤麵包很脆脆✨,蟹肉醬鋪上滿滿一層,手工很精緻👍,蟹肉醬經過麵包香再吊味出黎,如果蟹肉醬再多啲就好啦🤤! 芝士釀蟹蓋可以就咁食😸,亦可以加上附帶的白飯魚片,三文魚子同火箭菜~魚仔片好得意,脆卜卜口感🐟🐟🐟,烘過後白飯魚味更加香濃~火箭菜加左落蟹肉同芝士度真心正,好清新🧀,而且口感好融 至於重點的master羔蟹海鮮拼盤🦀🦐🦑,羔蟹真係好正,麵包蟹特別多羔,雖然配汁唔係好夠味🤷🏿‍♀️,但啲海鮮勝在新鮮,配菜不在話下非常吸汁尤其中意佢地個薯仔🥔,海鮮味道也ok 甜品的抹茶蕨餅超好味😋😋配上黑糖糖漿抹茶味很突出,不會太甜😗口感煙靭好味喔~~ ----------------------好味指數😋:7/10翻啅指數🙆🏻:6/10人均消費💰:201-400服務態度👨🏼‍🍳:7/10乾淨指數🌝:7/10 繼續閱讀
(以上食評乃用戶個人意見 , 並不代表OpenRice之觀點。)
西廚蟹之盛宴 焦點食評
等級4 2017-10-12
306 瀏覽
踏入十月又係我至愛蟹蟹嘅肥美季節, 大閘蟹未有得食, 今日率先來 Master Kama食個西式全蟹頂頂癮先, Master Kama 主力推阿拉斯加蟹及法國膏蟹而非中國蟹, Master Kama 位於銅鑼灣地鐵站附近, 地理位置非常方便, 門前的磁磚頗有歐陸情調。裝修走簡約西式舒服路線, 充滿活力的年輕人的感覺。餐廳提供兩款蟹餐; Holy crab one ~ 法國膏蟹海鮮拼 或 Holy crab two 阿拉斯加蟹 SHABU SHADBU。 同朋友商量後, 我哋決定食Holy crab one ~ 法國膏蟹海鮮拼, 套餐包下列食品; 1 box 前菜六小缽1 芝士蟹肉釀蟹蓋2 蟹肉芬奴意式烤麵包1 Master 海鮮膏蟹拼盤配惹味香草牛油汁2甜品其他海鮮都好似幾正, 我地見隔離檯的龍蝦麵包磚都好靚。木合盛載的前菜 ~ 六小缽酸辣羅勒海蜆 ~ 酸酸辣辣羅勒汁, 非常惹味, 海蜆唔係好大隻, 但肉質鮮甜嫩滑, 完全唔韌。虎蝦配芒果慕斯 ~ 爽口的蝦肉配上香香甜甜的芒果慕斯及帶少許酸的番茄粒, 又係醒胃的開胃前菜。柚子醋海藻沙律 ~ 愈來愈多食肆用海藻做沙律, 既爽口又健康美味, 配上簡單的沙律汁或醋汁已經很好食。蟹子日式凍豆腐 ~ 凍豆腐淋上芝麻醬再加少蟹子, 又香又惹味, 仲食到蟹子的卜卜脆口感。蟹肉玉子燒 ~ 鮮甜蟹肉配嫩滑玉子燒, 一啖入口, 爽甜又滑溜。海鹽枝豆 ~ 無咩特別蟹肉芬奴意式烤麵包望落有啲似吞拿魚醬, 入口卻大不同, 一梳梳的蟹肉爽甜, 而羅勒醬清香偏淡, 味道跟蟹肉很配搭, 至於那個意式烤麵包, 口感煙韌, 不是香脆型, 重麥香。蟹肉釀蟹蓋配三文魚子及火箭菜蟹肉味道跟蟹肉芬奴的差不多, 但蟹肉嘅份量就多好多, 可以一羹羹咁放入口, 配埋蟹子食, 鮮爽甜美, 食蟹有人拆埋肉, 食得堅爽! Master海鮮膏蟹拼盤配惹味香草牛油汁很多紅膏的法國膏蟹, 比起大閘蟹, 法國膏蟹嘅肉就比較多, 相對嚟講蟹膏亦比較實淨, 如果能夠再大隻啲、再多肉啲及一隻而不是半隻就更加好了。海鮮拼盤除咗法國膏蟹, 還有青口、蝦、硯、魷魚、粟米、薯仔、紅蘿蔔及泰式椰菜仔等, 真係海鮮盛宴, 一次過品嘗多種海鮮, 海鮮質素也不錯, 幾新鮮, 不得不提佢個香草牛油汁, 有點似墨西哥汁, 不過係輕辣及輕淡版本, 清清的香草及微香的牛油混合而成, 清淡微辣醬汁嘅好處係唔會搶咗海鮮嘅鮮味及原味, 吸晒海鮮汁的紅蘿蔔、薯仔及配菜真係好好食, 特別係紅蘿蔔, 又香又甜又腍綠茶蕨餅蕨餅勁濃的綠茶, 帶點甘及微苦, 喜歡綠茶的朋友應該會like, 我對綠茶麻麻, 所以配點附上的黑糖水食, 甜甜地, 好食好多呢。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-10-10
289 瀏覽
朋友話可以唔駛去日本先有道樂,香港的Master Kama都有蟹宴,我地就即刻book枱。裝修簡約,環境cozy。The Holy Crab Two $588,阿拉斯加蟹和法國膏蟹每日運送。六小缽,蟹肉玉子燒、蟹子日式凍豆腐、虎蝦配芒果慕斯、柚子醋海藻沙律、酸辣羅勒海蜆、海鹽枝豆。Mango dressing好refreshing,蝦肉爽口。玉子燒蛋滑lulu,真蟹肉。蜆肉配酸辣羅勒估唔到個sauce咁好味。芝士蟹肉釀蟹蓋配三文魚子和白飯魚乾片。加$68可以要多客蟹蓋。芝士蟹肉質地好creamy,有好多crab meat,加三文魚子、crispy的白飯魚乾和火箭菜食,十分有層次感。王樣鱈場蟹海鮮紙火鍋King crab 出場,仲有大蝦、大蜆。纸火煱用昆布做湯底,昆布味很重,味道清甜,十分適合食海鮮。蟹味鮮甜,蟹腳好粗,可以食到啖啖肉,膏蟹的膏真係多。店家已經把蟹殼剪開和打碎,啱晒我呢D懶人食。蔬菜箱有南瓜、大葱、粟米芯、日式魚糕、油麥菜、獅子狗、菇、苟蒻和娃娃菜,種類繁多又有特色,而且都很新鮮。喜歡日式紙火煱,感覺細緻,比中式火煱有格調。菜很甜,吸收晒昆布的味道。蟹之雜炊雜炊飯稔左D,可以乾身少少,但係都幾大份,個煱係深的。Surprisingly,dessert係黃豆粉厥餅配黑糖厥餅味濃,有咬口。成個set都好日式又有水準,大滿足!!! 繼續閱讀
(以上食評乃用戶個人意見 , 並不代表OpenRice之觀點。)
蟹🦀之宴❤️ 焦點食評
等級4 2017-10-01
965 瀏覽
今日放工同朋友行左陣希慎廣場,都買左唔少野,行完都已經八點幾,都諗住食埋野先返屋企,所以我哋就上OpenRice search 吓有咩地方有好嘢食。就見到維安商業中心呢一間Master kama,見佢啲菜式都好精緻,依家更用蟹為主題,所以我哋兩個女仔就嗱嗱聲上去試吓。上到去門口,裝修都幾精緻,都俾門口嘅燈牌吸引左陣,望落似一間咖啡室。有一啲菜式係黑板上面寫住,好有復古文青感覺。用蟹為主題嘅二人餐有兩款,分別係一個食海鮮紙火鍋holy crab two ,一個係食炒海鮮拼盤holy crab one 。我哋兩個都鍾意食香口野,所以決定叫海鮮膏蟹拼盤holy crab one。前菜有六小缽,分別係1)海鹽枝豆,2)酸辣羅勒海硯,3)虎蝦配芒果慕絲,4)柚子醋海藻沙律,5)蟹子日式凍豆腐同6)蟹肉玉子燒。蟹肉玉子燒好好味,蛋卷已經有調味,配以蟹肉,有好濃嘅海鮮鮮味。酸辣海硯都好開胃,無沙,調味好好,小小酸酸辣辣嘅感覺。最鍾意就係佢個虎蝦配芒果慕絲,虎蝦好爽口彈牙,配上芒果汁,估唔到呢個配搭都幾夾,似沙律嘅味道。蟹肉芬努意式烤麵包,麵包焗得好香脆,上面係啖啖蟹肉,配上一啲調味醬汁,感覺好似吞拿魚,但係佢多咗蟹肉的鮮香味。上面配以幾粒蕃茄,好鮮甜,賣相都幾靚。再來嘅係芝士蟹肉釀蟹蓋,呢個真係必食。裏面啖啖都係蟹肉同芝士,拿起身有拉絲嘅感覺,配上三文魚子,鹹鹹地,好味!另外可以夾買個白飯魚乾片一齊食。重點黎啦!Master海鮮膏蟹拼盤配惹味香草牛油汁。海鮮有膏蟹,青口,大蝦,海硯,魷魚......蟹蓋都有唔少膏,蝦都算幾大隻,幾爽口彈牙。扇貝啖啖肉都唔錯,海硯都有大約10隻。個汁好惹味,小小辣,裏面嘅蔬菜都索晒醬汁,好正!我最鍾意就係嗰啲薯仔同粟米!最後甜品係蕨餅,上面曬左啲黃豆粉再配黑糖汁,淋上去已經食指大動。唔會好甜,煙煙un un,好有口感,可以滿足下少少嘅甜品胃。最後埋單五百幾蚊,除翻兩個人每人二百幾,食到海鮮黎講都算OK,幾唔錯。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-08-24
3255 瀏覽
朋友係瘋狂蟹迷,乜種類嘅蟹都好鍾意,大閘蟹都一次食幾隻,仲可以連續幾日食都食唔厭。我自己就乜海鮮都咁鍾意。下晝兩點鐘,喺銅鑼灣,朋友想食蟹,可以去邊食? 我地就揀左Master Kama,全日都有蟹宴供應,仲分日式同西式。銅鑼灣咁貴租,但餐廳空間感十足,枱與枱之間好多位置,坐得特別舒服。想坐得仲舒服啲,亦有梳化位,仲有cushion添,好似喺屋企食咁舒服。第一次嚟食,叫左Holy Crab One(西式蟹宴)$538,呢個套餐完全足夠兩個人食。餐牌寫明加錢可以追加蟹蓋、龍蝦、藍青口、蒜蓉包。但黑板仲寫左可以追加其他野,$188就可以有兩隻法國膏蟹。   朋友話想追加兩隻喎,我一口拒絕,得兩個人點食呀?實在太睇得起我……個肚,食完個餐先再決定吧。雖然係西式套餐,但店員先行奉上六小缽,以六小格木盒上枱,日式風格,特別精緻。分別有︰酸辣羅勒海蜆、蟹子日式凍豆腐、蟹肉玉子燒                     海鹽枝豆、虎蝦配芒果慕絲、柚子醋海藻沙律蟹肉玉子燒,玉子卷上加上蟹肉,蛋味香濃,簡單而鮮味。虎蝦配芒果汁同蕃茄粒,酸酸甜甜,清新開胃。芝士蟹肉釀蟹蓋,又啖啖蟹肉,食得高雅方便。配上三文魚子同火箭菜,頂部插上一片脆口白飯魚乾片。入面滿滿芝士同蟹肉,好足料。加$68多一客蟹蓋,多人食呢個係必加之選!蟹肉芬奴意式烤麵包,多士上鋪滿厚厚蟹肉,多士夠脆,但蟹肉係凍嘅,如果係熱嘅會更啱我口味。跟住係主角出場 - Master海鮮膏蟹拼盤,配上店方自行調配嘅惹味香草牛油汁,都幾濃味,正! 除了法國膏蟹,仲有蜆肉、蝦、扇貝、青口、魷魚等海鮮︰海鮮size都算大,絕無欺場。蟹蓋入面都幾多膏仲有好多蔬菜,粟米、薯仔、紅蘿蔔,連少食到嘅椰菜仔(學名﹕抱子甘藍)都有!海鮮同蔬菜吸收晒特調醬汁嘅精華最後係抹茶布甸,抹茶味道濃而清香,微甜,好滑,細細杯,如果呢個有得加配就好! 甜品,我飽飽都仲可以ENCORE架~~成個套餐兩個人食完已經好飽,無「食」力再加配野食!!! 如果三五成群嚟食,套餐追加食物就真係好抵,最化算之選!!  套餐不包飲品,如果有埋優惠價追加就更完美! 繼續閱讀
(以上食評乃用戶個人意見 , 並不代表OpenRice之觀點。)