Mango Tree

營業中

休息中

早前見到有朋友在此享用泰式tea set，覺得好特別，所以便約家人來試。一早book定6位，叫左2個Deluxe High Tea Set軟殼蟹米紙卷 --> 好食, 軟殼蟹不會太油太稔香脆米餅配蝦肉醬 -->冇食, 家人話普通斑蘭葉嫩雞卷 --> 普普通通柚子蟹肉沙律 --> 好食青芒果辣蝦沙律 --> 呢個唔錯燒珍寶河蝦  --> 最好食..都幾大隻, 但咁多人難分D椰汁西米糕 --> 普通泰式斑蘭千層糕 --> 幾清, 唔錯芒果芝士蛋糕 --> 已經好漏唔係好想食，同埋芝士蛋糕我一般總結: 未至於好好食，但可以一試，咁而家叫做試左，應該未必會再試不過環境係唔錯的，即係所謂食環境囉，同另一半黎又唔同效果但下次會再試下晚飯，到時再report一下。

由於朋友生日，而佢又想食 high tea, 所以選了 mango tree, 而個之前又係度食過晚飯，所以點到要嚟，朝聖下。可能係平日，我們都不用等位，而且人唔多，環境好舒適寧靜，真是可以慢慢食，傾下計。 基本上，佢的 Tea set 有分幾種，2個人一個set,最貴 $468 + 10%我們都 order 左個 Deluxe High Tea set. 什麼都有D 。 個賣相，又真是幾 吸引的，泰式 high Tea , 呢杯飲品 : Lychee Smash 味道清甜，又有股荔枝味，唔錯 燒蝦 & 雞卷， 香脆米餅蝦肉醬燒蝦，都算大隻，肉質爽口，燒雞卷，泰式風味，但雞肉唔鞋， 脆卜卜的 米餅，配 蝦醬 夠野味。 柚子沙律，味道鮮甜 又唔會苦，青芒果凍蝦沙律 : 青芒果絲十分爽脆，醬汁甜甜酸酸，好醒胃。甜品，基本上都好正常，味道易都好好，最重要係唔會太甜，但中間果個 芒果芝士蛋糕好好食，味道唔太濃郁， 麥維他消化餅 餅低，夾得剛好，食落唔會太膩。

知道依到開左一個非常出名既Mango Tree，當然要黎依到試一試。今次只有兩個人黎,相對地選擇當然少左,所以就叫左唔算太多既野。首先就係一個炸蝦多士,份量唔錯,有五件咁多，炸得都算好香脆，賣相好靚成件都差唔多係橙黃色，口感唔算太好，有少少似食緊蝦餅，不過都幾正既,控制個油份做得好好，加埋個酸甜汁,好夾,好滋味。之後係一個蟹肉炒飯（$128）上面鋪左一層白色既厚厚蟹肉，不過蟹既鮮味就唔係好夠。飯就比較濕左少少，唔太乾身，唔太分明,不過味道唔算太差。最後既咖喱炒蟹既水準真係值得一讚。試完之後真係想番黎食多幾次,份量同賣相已經非常吸引,蟹當然就係用肉蟹，而且都好大隻,肉質唔算非常好但鮮甜真係味足。加埋個爪同鉗都係非常之咁粗壯，食落啖啖都係肉。咖喱汁加埋蟹肉既鮮甜味道,真係一絕,好可惜叫左炒飯,唔係既就一定食白飯。 

朋友生日，佢揀左黎mango tree食生日飯。環境唔錯，一遍黑漆漆，窗外係西隧同維港對岸。好有情調，但見好耐冇見既舊朋友，好似冇咁好，都睇唔到佢地咩樣青木瓜軟穀蟹沙律，還可以，青木瓜口感好粉，視乎個人口味。沙嗲味道唔錯，重有個酸酸甜甜既汁，多個選擇。lychee smash, 味道幾fresh, 荔枝同青檸味好夾。食完沙嗲同咖哩Ｄ重味既野，可以balance下。青咖哩雞配roti，幾鍾意個青咖哩味突出但唔會過濃。Pad Thai用蛋包住，賣相幾靚，味道屬正常質素。個菜炒得幾好, 時間拿挰得啱啱好, 好爽。切餅費要每人＄３０，叫一個甜品可以免兩位，於是叫左兩個。斑蘭千層糕，綠色斑蘭味好香，未食已經聞到。但紅色疑似士多啤梨味好奇怪，好aritificial。芒果糯米飯, 糯米煙韌, 椰漿都唔錯, 唔會太甜。整體都可以，服務，環境，食物都做得高級，但可能個人先入為主，都係鍾意九龍城Ｄ泰國餐廳，地道Ｄ有風味Ｄ，味道亦比得上。

前陣子在出發去畢業旅行前相約了一班好姊妹吃high tea，原本打算吃太古城跟Cath Kidston合作那間的英式下午茶，可惜訂位時太晚，被告知直至活動終結都full booking。所以其中一位熟悉下午茶情報的姊妹便提議試試泰式下午茶。平日的下午，我們訂了七位，下午茶時段依時入座。Mango Tree位於圓方，位置不近九龍站，都走了好一陣子才到餐廳。我們一行七人被安排到近窗的圓桌，地方寬闊，除了可以看到美麗的海景外，也坐得很舒適。店員迅速遞上下午茶餐牌，有三款下午茶可供選擇，既然為甜品而來，我們選了三個甜點下午茶和一個悠閒泰式下午茶，連一杯飲品。同行中有六人都選了Mocktail裡的Lychee Smash。記得當天天氣炎熱，大家都急不及待喝一杯凍飲解渴。飲品用一個圓滑的玻璃杯盛載，小巧可愛，裡面有香草和荔枝，味道十分清新，有淡淡的荔枝味，略嫌冰粒多了點，整體不俗。其中一位姊妹作勇敢嘗試，點了Sea-coconut Thai Flower Tea。她品嚐後說深藍色的花茶帶草藥味，不太合口味。閒聊不久後，下午茶架一一送到，首先送到的是悠閒泰式下午茶，然後是甜點下午茶，看著它們陸續送上

好耐未食過泰國菜，本來想去九龍城食，但驚要排餐懵又坐得唔舒服，所以就提議一直 on wish list 既 Mango Tree 喇! 圓方既 Mango Tree 位置比較偏，到達商場後要望一望個 Directory 先敢行，如果唔係行錯路就有排搵喇~行左好一陣子終於到達，餐廳裝修簡約但高貴，落地玻璃可望向維港，仲可見到幻彩詠香江，坐椅亦十分舒服，適合與三五之己傾計。大部份侍應都係泰國人，落order時正想講英文，但原來佢係操流利廣東話~飲品方面，西瓜冰 (Watermelon Frozen Smoothie) 絕對係消暑既最佳選擇，入口非常冰凍，要攤一陣先可以飲，無人造西瓜味道，反而覺得係用上新鮮西瓜而成。而 Jasmine Belle 味道酸酸甜甜，雖然名字有茉莉，但味道唔夠突出。講返食物，今晚叫左泰式生蝦刺身、海鮮冬蔭、酥炸軟殼蟹、泰式豬頸肉、咖哩炒蟹、芒果炒飯、椰汁西米糕。先講泰式生蝦刺身，蝦身十分乾，無平時D生蝦既濕潤，算係比較失望既頭盤。餐牌上有兩款冬蔭功，一款係海鮮冬蔭，另一款係冬蔭功，冬蔭功就只係有蝦，而我地叫既海鮮冬蔭係有魷魚、青口等雜錦海鮮，湯比較稀身，酸味多過

係百老匯買完電話，準備食晚餐，嚟左mango tree，環境幾好，食物都ok，但有改善空間！order左芒果沙冰，豬頸肉salad，大蝦春卷，燒魷魚，菠蘿炒飯，豬頸肉salad有啲辣但幾香口，大蝦春卷very good，魷魚好燒，好似焯熟左求其燒一燒，食左幾啖就唔食，炒飯無咩特別，但有改善空間

每次想食泰國菜，幾乎都會選擇這間，最喜愛是咖哩蟹，是必點的菜式，未試過使我失望，位於圓方的分店，裝修雅緻，可以很舒適的用餐，跟朋友們慢慢吃慢慢傾，這次用膳還第一次點選了泰式香草乾炒龍蝦，價錢和咖哩蟹一樣，有兩隻開邊龍蝦，加入大量炒香的香草，十分惹味，另一驚喜之作，至於木瓜沙律和芒果炒飯，就是普通之出品，炒飯不夠乾身，味道偏淡。

沙嗲串正！ 牛肉甜甜地！岩我口味！肉質唔會太乾！燒得又香又好味！！👍👍👍😋😋好食！夠辣夠香！正！暫時係食過既最美味既生菜包！！ 😋😋😋👍👍👍太咸！ ！ 完全唔係冬陰公味！好似味精湯！！ 啲蝦肉好梅！ 👎👎👎👎👎好失望唔明白點解咁多人讚！唔香又唔夠味又少肉，食左等於冇食！👎👎👎👎👎👎生蝦刺身味道一般，係外面求奇一間泰店既水準，但量比外面少1倍，價錢比外面貴1至2倍 🙈份量作為飯後甜品剛好，因我地只有2人食，隔離枱6人就每人一啖都分唔到，好味！甜味剛好！糯米軟硬度剛好！ 😋👍👍👍👍👍👍👍👍泰式自製雪糕荔枝味，有荔枝味但可惜太多雲尼拿味搶走了，此甜品60元正！🙈🙈🙈🙈🙈🙈男朋友叫既唔知咩香矛味飲品，男朋友覺得ok!我個人不予置評，唔關杯野事，只因本人個人口味唔岩。😂🙊

中午去睇電影，所以朝早book定位，不過圓方都人煙稀少，不需要特別訂。環境幾好，價格也不算貴，好飽肚的下午茶469雙人，在這種商場已經算好能接受，質素我覺得一般吧，可能我比較中意食有好多濃味source的正餐吧，不過打算這個週日再去試試晚餐

型格泰國菜館 Mango Tree 最近推出全新的「泰式甜品下午茶」Sweetie Thai High Tea Set，得食友邀請，可以率先品嚐，實在不錯。這間 Mango Tree的九龍站圓方分店，設計型格時尚，無論是店門前的棵棵芒果樹形裝飾，還是餐廳內的大型芒果樹裝飾柱，都顯得特別而有心思。假如坐在靠窗的位置，更可外望窗外的西九龍文娛藝術區以至遠處維港中上環一帶景致，在自然光的照耀下，顯得光猛開揚，環境確是不俗。這「泰式甜品下午茶」跟一般的英式下午茶沒有兩樣，都是以設計時尚精緻的三層架奉上。最上一層是三款賣相精美的蛋糕：「熱帶風味芝士蛋糕」、「香濃朱古力布朗尼蛋糕」和「朱古力芝士蛋糕」。中層是外圍精緻的泰式糕點：「水仙香芒果凍」、「泰式士多啤梨千層糕」和中間的「招牌芒果糯米飯」，而最下一層呢，則是色彩鮮明豔麗的各式泰國新鮮水果：金柚、番石榴、蓮霧和哈密瓜。在三款蛋糕中，我最愛的是兩款各有各好的芝士蛋糕，朱古力與芝士都是自己非常喜歡的食材，兩者二合為一，自己當然沒有理由不喜歡。而充滿熱帶風情的「熱帶風味芝士蛋糕」也味道可口適意。至於「香濃朱古力布朗尼蛋糕」朱古力味濃郁，也頗好吃，不過

最近天氣反覆無常，時時狂風大雨，甚至更下了香港罕見的冰雹雨，再環觀香港的前途，總是令人心情低迷，陰陰沉沉，提不勁來。就在上星期六，太陽伯伯難得地露面，還展現出燦爛的笑容。我與食友們到了Mango Tree Elements同太陽伯伯邊談天，邊享受將推出的新下午茶餐。今次的下午茶餐名叫「Sweetie Thai High Tea Set」，有別去年推出的泰式下午茶餐，舊的會有多款咸甜美點，但這次的卻是適合好甜的客人，因全都是精美又充滿泰式風情的泰式及西式甜點。以英式三層架來盛載，格調份外高尚，最上層是西式的甜點，中層是充滿泰式風味的甜點，最下則是時令的泰國新鮮水果。就以一些清新爽甜的水果來開始，款式很多，有士多啤梨、哈蜜瓜、蓮霧、蕃石榴及金柚，其中蕃石榴的樣子有趣，被切成葉子狀，可是最深得大家喜愛的是鮮甜的金柚，實在非常美味。中間是泰式甜點，由黃色的水仙香芒果開始，帶點爽口，又有香甜又美麗的泰式士多啤梨千層糕及滋味的招牌芒果糯米飯，由於糯米飯需要在暖烘烘的時候吃才美味，所以記緊要曼先吃這個，煙煙靱靱很美味的。最頂層就是西式甜點的盤據地，有熱帶風味芝士蛋糕、朱古力Brownie及朱古力芝士

去mango tree已有半年有余 一是地点方便好找 二是当时特别想吃泰餐 但尚未发现市区内的其他好去处（现在不同了 有金兰花等等了）地点很好找 在圆方的三楼 环境自然也很好 宽敞 明亮 室内的一颗大树很有设计感 餐具也都很精美 总之让人心情很好点的都是我每次必点的菜 柚子沙拉 冬阴功汤 咖喱蟹 泰式炒通菜 和菠萝炒饭柚子沙拉味道很好 友人和我都赞叹 酸甜辣口味都有 很清新开胃冬阴功汤味道也不错 整体不是那么浓郁 汤有一点偏甜 不是太酸 但香味很足咖喱蟹我要大赞一下 螃蟹非常大只 新鲜 蟹肉饱满 咖喱的量很大 浓郁的金黄色 看着就让人食欲大开咖喱香甜扑鼻 配合白米饭实在太香了通菜是正常水准菠萝炒饭也很大只 水准整体普通 没有惊艳 但也很好吃结账不算便宜 1000出头 但咖喱蟹还有一大半 我打包回家 又吃了两顿 美味的咖喱 让人回味至今

繼續介紹復活節的好去處，就是 Mango Tree 由 4/18 開始供應的 Sweetie Thai High Tea Set 泰式甜品下午茶；沒錯，三層全是甜點哦!! 甜魔們準備突叫吧!!! 甜魔媽媽十分喜歡 Mango Tree 那份輕鬆悠閒的氣氛，特別是圓方店有著開揚的西九景致，安坐店內寫意嘆茶真是人生一樂也。還記得去年七月陀著巨肚，帶著歲多的囝囝來訪，經歷超級愉快~~之不過傳統High Tea Set中的咸食如燒河蝦、軟殼蟹、柚子蟹肉沙律、青芒果辣蝦沙律等始終不適合幼兒，如果帶著小朋友又或者是愛甜一族，新出的Sweetie Thai High Tea Set 泰式甜品下午茶就適合大家了，兩位用連飲品只是$298哦 (另加一服務費)。首先第一層內容是西式fusion甜點，內容包括香濃朱古力brownie、熱情果芝士蛋糕、朱古力慕絲蛋糕，綴以鮮甜的士多啤梨。最先試的朱古力慕絲蛋糕竟帶有芝士味，朱味與芝士味平衡得宜，很有驚喜，加上質感軟滑可口，一大件吃完還有點意猶未盡! 熱情果芝士蛋糕也是此店一款值得一吃的甜品，熱情果的酸甜中和了芝士蛋糕的膩滯，也很值推介啊~~~最後香濃朱古力br

悠閒ge週日拍拖黎嘆左個泰式下午茶！環境非常好好！景觀一流 tea set 有幾個選擇！有咸點又有甜點！最後揀左個Sweetie Thai high tea set!最中意食sweet sweet 好抵食，兩位用都係$298咋！！！上層有brownie,朱古力芝士蛋糕，芒果芝士蛋糕(好好食！！)中間有芒果凍，椰汁千層糕同我最愛ge[]真係好好味！！底層係生果，解解漏！仲有野飲都吸引！！紫色呢杯最正！叫海底椰花茶！裏面有海底椰肉！好清甜！黃色果杯係薏米班蘭茶！仲有一杯香茅蜜糖薑茶！三種都幾岩女人飲！！有益養顏！抵食！！