Mango Tree

營業中

休息中

平日3點黎到食，因為有兩張$100 coupon ,叫多個泰式炒河打包做晚餐加埋總共$490，夠400可以用兩張，最後只係$290！呢個下午茶我最鍾意係：1. 粉紅色同紫色黃色嗰4粒糕點！紫色黃色裡面係煮咗糖嘅椰絲，甘香唔太甜，粉紅色裡面係西米糕！超好味😭好香椰子味2. 椰汁千層糕：好香椰子味😭，不過食完好飽3. 迷你黃咖哩農夫包：黃咖哩唔辣好啱我呢啲唔食辣嘅人，配埋個包食好開胃4. 蟹肉柚子沙律：裡面有啲花生，洋蔥撈埋一齊，有好多柚子，好清新5. 白色嘅椰汁西米糕：裡面有芋頭粒有芋味，又有粟米同西米有啲失望嘅係：1. 炸蝦多士同糯米釀雞翼，因為都係炸，我覺得炸得過咗，好重油味2. 燒大蝦：蝦係彈嘅，但無味，要點汁整體來講都係好味，$328 包兩杯飲品，加上餐廳環境闊落而且有落地玻璃海景，唔會好嘈，CP 值好高！

星期六中午1點，5個人叫咗好多野！1. 青咖哩雞：好好味～～～～好濃青咖哩2. 黃咖哩軟殼蟹： 個汁可以送送幾碗飯！軟殼蟹仲係脆㗎～～3. 小食拼盤：一般但好食，特別係米紙春卷，裡面有芒果，驚喜！4. 酸辣大蝦炒絲沙律：我唔食得辣都chur 咗幾轉，好開胃！！而且有好多配料如花生，果仁喺裡面5. 泰式炒通菜好好味😭😭每一碟都好好味😍😍除咗食物之外，呢度環境好好，有大落地玻璃望出去海照好開楊，食飯同朋友傾計都唔捨得走，好relax~~

繼上星期食完泰國菜，今次多一個人嚟，三人同行，咁就要食多啲選擇啦首先當然叫個龍蝦湯試吓啦！因為平時通常只會叫冬陰公湯，絕對足夠三人份量！龍蝦新鮮，肉質豐厚而沙嗲串燒有六串三種不同肉類，馬拉盞通菜味道啱啱好，不會太鹹！而且好大碟黃咖喱炒蟹就一定要叫啦實肉好味，黃咖喱不辣，叫一個白飯配食就一定最好味！叫多一個雜菜粉絲煲，就啱啱好三人份量，飲品必定首選係椰青同埋芒果冰其實已經好豐富，但係好想叫一個甜品作完結，諗咗好耐一於叫個甜品雜錦拼盤真係好多選擇又好好味作一個完美嘅完結！由於我哋有優惠，所以超級抵食

雖然搭車過黎elements有少少轉折😂，不過呢度人流無咁多，真係幾舒服。下午茶menu可以揀單點甜點或咸點，但我相信係會唔夠飽😂😂 所以叫晒兩款～～除左咸點裡有塊炸雞扒係油淋淋之外，其他都算不錯的，基本上每人每樣都可以試一口，所以飽就唔太飽。不過set跟嗰杯mojito好好飲，水果味濃，好refreshing勁推介👍🏿適合兩三個朋友仔/姊妹淘黎影下相傾下計～

每次喺呢一間商場行嘅時候，都好想試呢一間泰國菜好耐，但係成日都忘記預訂，所以今次預早一星期訂位，同媽咪嚟撐枱腳，咁啱有Apps 提供折扣優惠，而且黃咖喱蟹都可以有折扣，所以一定叫媽咪最鍾意食嘅黃咖喱炒蟹啦媽咪比較鍾意金鐘Thai Basil, 點知食嘅時候，都覺得可比美金鐘，所以短期內一定會再嚟食！另外佢嘅飛天通菜，味道調校得啱啱好，不會太鹹！至於鮮蝦西柚沙律，就Thai Basil比較好食啲,可能因為少咗一啲花生粒，同埋調味方面都唔同！下次一定會再食其他嘢同埋甜品

今日約咗個朋友食泰國菜，見今日出邊都好亂，咁就一於去圓方食啦，難得嗰邊就比較隔涉啲，但係都叫做有地鐵站嘅，所以就一於同朋友喺入邊食。本身諗住今日出邊都亂嘅，同埋喺圓方入邊嘅餐廳價錢都比較貴，咁就預算應該冇乜人食嘅，但係去到就發現其實都有好多人等位喎，咁唔緊要啦，咁我哋去拎左位先，咁就唯獨是覺得安排有啲混亂，咁我去到啦，咁淨係知道有一堆人喺面前等，咁唔知道邊一啲係未拎位，邊一啲係等緊位嘅，咁淨係知道可能人手唔夠啊，所以個接待員登記左一個，咁之後自己就走去接客，咁所以其實覺得有啲混亂囉，同埋都冇話一條隊係做緊咩，同埋都唔知大家係等緊位定係拎飛嘅，所以其實我覺得係個安排有啲混亂呀。同埋為一間位置都算係高級商場入邊嘅餐廳，其實我嘅服務態度要求都比較高嘅，所以覺得呢個安排就可能會令到餐廳大打折扣啦，建議接待員就真係可以叫啲客，例如話呢一邊係等位嘅，嗰邊就係拎飛嘅，咁拎飛嗰啲排好一條隊咁樣囉，咁就可以令到個安排唔好咁亂，同埋我覺得接待員就真係可以交代清楚自己話入去做啲咩，例如話喺帶位啊嗰啲囉。入到去餐廳，環境當然係好啦，因為位處於一個高級餐廳，而且環境好整潔，望到海景嘅，惟一個問題就係比較嘈一啲，

520 去邊到慶祝? 我地就去咗圓方呢間有海景嘅泰國餐廳，又有靚景睇，啲嘢食又好食，食完仲送咗$250 coupon 俾我地下次用呀炸蝦餅 📍$88啖啖蝦肉，外脆內軟，又夠熱，加埋個酸甜醬汁 ，好味泰式大蝦炒金邊粉 📍$148賣相好吸引，蛋花整得岩岩好，包住成個金邊粉，酸酸甜甜好開胃，仲有幾隻大蝦係面，都幾新鮮黃咖哩炒軟殼蟹 📍$228咖哩唔辣呀 😁😁 甜甜地好好送飯 👍🏻 軟殼蟹份量好多，有四大嚿，好慷慨，必食呀～侍應服務都好值得一提! 因為我地點餐嘅時候問過咖哩辣唔辣，估唔到佢之後竟然返轉頭問得地食唔食到呀，會唔會辣呀，好細心

離地鐵站有d遠， 地方有d難搵。 要book定位先，下午茶3點可以入左。tea set二人份量600蚊有找。不限時。地方大，目測檯與檯之間隔左差唔多兩米。坐得舒服，食下午茶坐窗口位會好曬，因為個窗簾係拉唔落黎。有兩杯無酒精飲品，軟殼蟹咖喱麵包，炸蝦餅，肉丸，豬軟骨，一般泰式拼盤，甜品椰汁糕，耶絲糯米糍。整體味道不錯，香茅飲品幾有特色，咖哩不辣反而有少少日式。地方夠大坐得舒服，而且又唔限時，係下午茶的好選擇。

點了三道菜： 冬蔭功、香草燒美國肉眼扒、馬拉盞炒通菜冬蔭功足料，一煲4隻大蝦和大量草菇。不過湯底略嫌太咸。香草燒美國肉眼扒完全不推薦。肉眼扒過熟、乾而韌，毫無牛味馬拉盞炒通菜通菜爽脆，但沒有辣味。如果有微辣，口感更佳。

📍Mango Tree 🌟九龍⁣🧚🏻‍♀前排天氣開始熱 就即刻諗起泰國嘅陽光與海灘😩 所以既然去唔到泰國 就食下泰菜頂住先 平時一諗起泰國嘢就會諗起九龍城 但係今次去開圓方嗰頭就決定發掘下有冇其他好味既泰菜試下 今次就試咗係Element店既MANGO TREE🌴 既Dinner 疫情關係 人少左 返而令餐廳環境變得寧靜 可以同三五知己慢慢暢談餐廳坐落好舒服 燈光微暗 增添舒適感⁣⁣🔶 泰式燒雞(半隻）⁣👅8.5/10⁣燒雞香口 肉質岩岩好 唔會太乾身 就連雞胸都做得相當鮮嫩份量相當唔錯 燒雞亦配上燒雞汁 點起黎食 減少油膩感 酸酸甜甜嘅味道 有提鮮既效果🤤 燒雞亦跟埋一個小竹籠裝住嘅糯米飯 煙煙韌韌 乾濕度適中⁣⁣🔶 泰式炒金邊粉⁣👅7/10⁣賣相非常吸引 大蝦都幾新鮮爽口 但係食落既時候冇咩鑊氣 味道偏淡 同埋偏乾身左D 有少少失望⁣⁣🔶 木瓜沙律⁣👅7.5/10⁣平時都會食下辣既我都覺得三個字 🌶🌶🌶 雖然佢咁辣 但因為佢既木瓜加埋沙律汁嘅酸酸甜甜木瓜食落亦爽口令我停唔到口係咁食 非常開胃⁣⁣✨好鍾意佢哋嘅廁所 非常有格調 好舒服

係禁聚令生效期間，想跟友人慶生，就決定去偏遠少少既圓方食泰菜。一早就經OpenRice訂位，非常方便。當日目測都有5成以上入座率，相當驚訝🙀到埗等同事細心測體溫後就安排入座，一早request左窗邊位亦無失望，可惜景觀偏低只係睇到維港一帶既修路工程😅😅😅我同朋友2人食物方面嗌左沙嗲串燒，冬蔭公，馬拉盞飛形通菜，青咖喱雞，加多碟法包，最後當然有叫到自家製雪糕(芒果同荔枝味各一)，至於飲品方面朋友就叫左杯芒果沙冰。沙嗲串燒: 豬，牛，雞，無太大特別，驚喜位係個牛冬蔭公: 咸到一個點同好稀🤮即時退回馬拉盞飛形通菜: 炒得幾好，份量正常青咖喱雞加多碟法包: 味道都香濃，包包外脆內軟，值得試自家製雪糕(芒果同荔枝味各一): 後者好正，又唔甜，岩為食又怕肥既我🤤芒果沙冰: 連芒果控都飲剩，不願置評埋單~$800/ 2ppl, 只可以講句好食既泰國餐廳多的是，呢間芒果樹自問未必太快有回頭🤫

第一次食呢間mango tree經OpenRice早兩日訂位安排到坐窗邊位👍🏻☀️環境近窗係落地玻璃景觀開揚，環境好舒服☀️服務門口招待嘅職員好好禮貌！傳餐職員就普通，整體黎講都可以☀️食物我哋叫咗一個afternoon tea set可以分開叫甜點/鹹點，或者both都得我哋就兩樣都叫左圓形盤係鹹點，入面每樣野都好好食！特別係柚子蟹肉沙律👍🏻👍🏻👍🏻同埋糯米釀雞翼👍🏻👍🏻👍🏻小圓盤係甜點，我就覺得大部份都麻麻地係芒果糯米飯比較好食其他各樣味道都一般☀️飲品Cocktails- passion fruits mango mojito賣相好靚，味道就比較酸，都可以入口嘅Mocktails- Rose apple delight 我個人就真係唔鍾意呢個味道覺得係藥水味，所以成杯都冇飲過埋單加一，約$360可能疫情關係唔係太多人慢慢坐都幾舒服 值得再去☺️

我好喜歡吃泰菜，因為款式多合我口胃。今日和老婆去了圓方Mango Tree食泰菜。雖然只選了三道菜，但都吃到飽飽離開。第一道前菜選擇了泰式小食拼盤：因為我每次去泰菜館都會揀小食拼盤，貪一次過吃不同種類的小食，不用思前想後吃哪個才好，最適合有選擇困難症的我們！拼盤中間放了軟殻蟹紙米卷，軟殻蟹炸得香脆美味，再配上煙韌的米卷包著，內裡加上很多雜菜，令炸出來的軟殻蟹沒有油膩的感覺，讚！還有炸蝦餅及魚餅，兩款咬落去都是彈牙美味之作。蝦餅外脆肉爽，配上酸辣醬，十分好味。魚餅本身有香茅味，突出魚的鮮味。炭燒豬頸肉，燒得香脆，恰到好處，而且肉質爽口，再配上4種不同醬汁(辣、酸辣、醋、蜜糖），更加惹味。斑蘭葉包雞，肉質夠嫩，醮上醬汁味道也不錯。拼盤就是這樣多選擇，所以食泰菜一定要試試小食拼盤。菠蘿海鮮炒飯：平時食只是半個菠蘿放上炒飯，但今次飯和菠蘿分開，可以食到新鮮菠蘿肉，酸甜開胃；鮮蝦爽口彈牙，炒飯不油不膩，米飯粒粒乾身易入口，真的是不錯的選擇！大蝦炒金邊粉：就是看見鄰座枱上叫了一客，以被它的賣相吸引了。果真充滿外在美和內在美！頂上放了鮮蝦大大隻，彈牙爽口，再用蛋網蓋著金邊粉，微酸帶甜，調較得很好，令

喺ELEMENT 呢個咁唔舒服嘅商場入面，有呢間高級泰國菜🙂🙂叫咗幾個招牌泰式食品，燒豬頸肉炒通菜，泰式大蝦炒金邊粉呢度可以望住個海景食晚飯，價錢來講都尚可接受。兩個人食少少再飲番杯都唔錯！

在這個非常時期去吃飯，當然要找一些人比較少的地方吃飯，這樣才不會交叉感染，而我們兩人就坐四人的桌，大家食飯時都分得很開，這樣比較安全。入店前，店員會為我們探熱，然後才入店用餐。點了冬陰公湯：有水準，泰色炒豆：很特別，味道好。大蝦柚子沙律好味，不辣。最後是咖喱鴨：不錯，但我比較喜歡吃咖喱牛或海鮮🦞