Man Mano (已結業)

喺東涌行完outlet，想搵間餐廳食飯，見呢間冇乜人食，唔洗等位，就入左去食，食完就知冇人食係有原因嘅。食物質素令人失望，食得出係手工意粉，但味道同質感都難以理解。Gnudi Gnocchi ($150)好難食，得個鹹字，粒丸質感好奇怪，好耐冇食過咁難食嘅野，覺得好伏Prawn Mousse Tortelloni ($180)蘿蔔乾幾得意，但意大利雲呑好一般，入面個「蝦慕絲」冇乜味服務一般，水都冇杯。而環境係幾舒服嘅。

送完機順便去東涌Outlet 逛逛，個商場都好多人，見到呢間西餐廳環境唔錯，就一於試吓佢啦！假期午市都咁少人⋯其實都唔知會唔會中伏🤣不過貪佢個環境。價錢中上，散叫冇set, 佢signature 係 handmade pastas, 我哋叫咗2款試吓左：Maccheroni 羊肩通心粉配意式香草醬及榛子右：Spaghetti Carbonara 卡邦尼意粉 意大利火腿 巴馬臣芝士賣相似乎伏伏哋😞 試完都認為係伏咗🤣羊肩肉係肉絲，所以都淋嘅，冇痴牙，有羊味，但應該係烚熟，碟粉好水，而且羊肉入面都冇醬汁味，香草醬同棒子都係分開加入，做法好似好簡單。卡邦尼，好少醬，唔夠creamy , 完全冇咗卡邦尼又香又濃嘅感覺撈埋面頭嘅芝士碎，都只係得咁少醬，根本cover 唔到所有意粉☹️ ，仲有menu 寫「意大利火腿」，應該要寫「意大利火腿粒」！！！真係得幾粒。講返佢2款 handmade pasta, 質感都可以嘅，唔會好淋。Tea Garden: $70 薰衣草，青檸mix soda，無糖，幾酸吓，適合鐘意食酸野嘅人，薰衣草味都出嘅。但以 $70嚟評論，係偏貴！English Breakfast

依間手工pasta餐廳開左一段時間，都未有時間去試一試，襯今個母親節就黎食個母親節lunch😆我地個appetizer 係tomato & garlic on sourdough，味道都幾refreshing，又有唔同品種嘅蕃茄，配sourdough，都幾開胃呀，媽媽都好欣賞。Main就叫一份breaded loin of veal with tomato sauce and grilled mozzarella，好大份呀👀佢仲要即叫即整，熱辣辣，雖然係炸，入面嘅牛肉都幾juicy。.Pasta就一份係蕃茄羅勒貓耳朵意粉，同埋一份牛面頰肉闊條麵，手工pasta口感真係會彈牙d，面個蕃茄羅勒口味都幾濃郁，個貓耳朵掛住個sauce，幾好味。而牛面頰肉都煮到好冧，個汁唔會太濃，食到牛嘅味道，兩道手工pasta都唔錯。.媽媽都表示滿意🤩

📍東涌手工意粉餐廳‼️• 甜品反而仲驚喜😍 -- Man Mano🍝•#pigfoodiexhk_東涌#pigfoodiexhk_意大利菜======================第一個東涌嘅tag!!上個月去咗東涌staycation，行商場見到呢間主打手工意粉嘅餐廳幾吸引入去試下～餐廳環境闊落，坐得幾舒服😆餐牌有各款唔同種類嘅pasta選擇~------------------------------⭐️ Gnocchi Roma $160 （2/5）見到啲gnocchi大粒到好似燒賣咁已經覺得伏伏哋😂食落好粉完全唔煙韌....不過個醬汁混合好多豬肉絲，幾有鹹香救返少少🥲·⭐️ Pappardelle （4/5）Rich ox cheek ragu $170呢個反而唔錯～papardelle夠闊身幾煙韌，beef cheek切成幼絲，份量好多，掛滿每條意粉，酸酸哋幾開胃！·⭐️Pistachio Cream Cannoncini $65 （4.3/5）呢個cannoncini係全餐最好食😂外皮夠酥脆，開心果醬爆晒餡，味道都好濃郁🥰👍----------------------------

Pasta 🍝 方面，💁🏻‍♀️叫左linguine vongole 同一個gnocchi 。linguine vongole 加咗少少辣椒，大蒜同埋番茜，最緊要係大量優質嘅橄欖油已經非常之好味。至於gnocchi 加左好多ricotta cheese 好似食牛丸咁樣咁大粒，好heavy都非常之飽，好彩加左pesto balance 一下，好飽🤰🏻我哋嘅前菜。意大利🇮🇹前菜當然唔可以錯過 bruschetta。今次呢一款bruschetta 有好多唔同顏色嘅蕃茄，因為佢主要係cherry tomato 🍅 所以特別鮮甜。我個人認為其實好嘅bruschetta主要係要有好多嘅橄欖油，加埋新鮮嘅蕃茄同埋少量嘅香料已經係非常醒胃。其實講到尾最緊要係啲食材新鮮，而唔係要好多古靈精怪同埋好多款式，新鮮嘅食材簡單嘅食譜已經可以煮出最好味嘅嘢食，最緊要係用心🩷Panna cotta 唔使講大家都知道係意大利奶凍，佢呢一個加咗雲呢拿籽，士多啤梨🥰同埋蜜餞果仁，好滑實在太好食了。至於另一款cannochini 意大利cream horn , 中間加入咗好多開心果嘅忌廉，加埋香口嘅開心果又多一啲textur

🍽️ Man Mano 📍東涌達東路20號東薈城名店倉4樓418號舖-💫 Tartaro （Beef tartare, egg yolk & crisps）（$135）牛肉他他睇落幾紅，食落非常鮮味，撈埋蛋黃令到口感非常細膩嫩滑😍😍配埋薯片再提升多一個層次💫 Gnocci Roma （Semolina flour gnocchi baked with red wine pork trotter & ‘Cotechino’ sausage ）（$160）意式薯仔丸子份量少，但紅酒豬手係好入味既肉絲，厚切既意大利肉腸為菜式帶來一點鹹香👍🏻👍🏻唔錯💫 Suckling Pig （Crisp skin with Mostarda di Frutta dressing & pistachio’s ）（$300）乳豬既皮又薄又脆，超級juicy😍😍加埋芥末糖漬水果醬同埋開心果，令乳豬有淡淡果香，食落完全唔油膩，仲會忍唔住食完一啖又一啖😍🫶🏻💫 Tea Garden (左）、P.L.A.Y（右）（各$70）Tea Garden 加左康普茶，我自己真係接受唔到😅😅但P.L.A.Y就充滿果香，酸酸甜甜，係

新開餐廳lunch time同同事試食由坐低個下已經feel到張枱下面條柱勁頂腳頂足全程 坐得勁唔舒服之後落單佢枱面有online order嘅QR code就諗住都係自助落單入到去個頁面勁難用去到比錢個下仲要入個人資料email電話號碼之後係要即時埋單去到credit card個頁仲要填埋地址my god🙄🙄麻煩到一個點最尾先發現原來係可以搵人落單佢哋仲話唔建議人哋online落單咁點解又要擺個QR code喺枱面呢？落完單（比埋錢）先過嚟話其中一款意粉無晒叫我哋轉 都唔緊要最後要退錢個下又係好麻煩埋個單都搞成10分鐘嘢食方面前菜酸種麵包配吞拿魚醬係好好食個包夠熱 外脆內軟但得呢一款好食其他幾款都係一般無咩味主食卡邦尼更加係大失所望意粉同平時食開嘅手工好唔同佢係爽口 但爽到有啲假去到似蒟蒻麵嘅感覺亦無乜蛋香未食早餐好肚餓嘅情況下都食剩一半係失望到我一定要出post話比大家知千祈唔好幫襯🫠

東薈城 新開了一家手工意粉的餐廳🍴趁假期就過去走一趟，看看意粉的質素如何。意粉做得非常出色，彈牙，濃濃蛋香味。open kitchen 可以看見製造意粉的過程。十分專業。Set lunch 的選擇也非常豐富，starter 的炸波波，做得好，芝士味滿分💯雞蛋湯 就比較普通。肉醬意粉🍝 牛肉味濃郁。意粉掛汁。carbonara 也不錯，應該是正宗蛋漿做法。其實 dessert 有很多選擇，只是set lunch 的份量充足，已經沒多餘空間一試🥳🥳

Very rude and bad service. The carbonara is dry, the parmaham wrap with stick is good.Will not recommend and won’t come again.Came for dinner on Mar 26 Sunday night. They served a dish that didn’t belong to us so we told the waitress, the waitress stared at us in dissatisfaction and took away the dish without saying anything. Later when we ordered more food, the waitress just repeated the order rudely and loudly and kept tapping the notebook.

本身鍾意食義大利菜，特意來東涌試一下新開嘅手打義粉店man mano。Beef tartare 喺我最鍾意嘅菜式之一。生牛肉醃的幾好，唔會過鹹，撈埋生蛋黃就好滑。第一次配薯片食，一脆一滑，新奇嘅口感配搭。 Squid Arancini ok嘅 魷魚炸墨魚汁飯糰。調味幾好但可能會乾左D。總體唔錯。Papparedelle 嘅汁好重牛味，麵質感彈牙，食完唔會好膩，我覺得幾好食。Tiramisu 上有巧克力幾得意哈哈哈，唔好抱住食正宗tiramisu 嘅心態食係唔錯嘅。

東涌呢個outlet有呢間Man Mano，係outlet4樓，超級方便，難得過到黎就試下呢度既lunch。Crocchetta🧆呢個係蘑菇炸丸子，炸到金黃香脆，圓形一大粒，一咬索索聲，好香蘑菇味，食到粒粒蘑菇粒，好濃味，再加埋同樣重味既黑松露蛋黃醬，味道更香更鮮，咸香又惹味，超正！Spaghetti Bolognese🍝好簡單一個番茄牛肉醬意粉，自製嘅意粉麵質好好，蕃茄味好香濃，加上好多牛肉喺度，啲牛肉碎肉質好好，好腍，同蕃茄好夾，成個醬味道好好，意粉都好掛汁，啲意粉煙韌韌，超好食。Cannoli🫔呢個算係甜品黎，啡黑色既其實係奶油煎餅捲，餅皮好脆好香，再配埋檸檬意式軟芝士，少少酸又濃芝士味，好綿滑好creamy，口感超掂，好味道！

Ambience and comfort, good services. Pasta not tasty. Carbonara not the original tastes like, no creamy texture, no aroma of Parmesan.

😉是日餐點：-Crocchetta:呢一個波波丸超級爆炸好食，其實係炸蘑菇丸子黎嘅，配埋黑松露醬汁，感覺幾夾。最正嘅係佢嘅炸粉唔會好厚，一食落去滿滿嘅蘑菇香會長長流傳於口中👍🏻-Spaghetti Bolognese:呢一個係鮮茄肉醬意粉，暫時係我食過最好味嘅肉醬意粉！佢真係用咗新鮮蕃茄，所以唔會太酸反而甜度比較高少少。肉粒有咬口，意粉好掛汁👍🏻-Linguine Vongole:蜆肉意大利粉，佢相對上會比較乾身少少，但係仍然冇影響味道！可能因為落咗辣椒同埋蕃茜嘅關係，所以意大利麵都有少少香料味道。蜆肉都幾大粒，好肥厚，食落去鮮味十足。我覺得食呢個意粉味道層次比較豐富👍🏻-Tiramisu:真係有濃縮咖啡！正宗嘅提拉米蘇，賣相好吸引，有少少似一舊雲。入邊嘅芝士醬配埋濃縮咖啡真係一流👍🏻整體評分🟣🟣🟣🟣🟣食物質素🟣🟣🟣🟣🟣環境衛生🟣🟣🟣🟣🟣職員服務🟣🟣🟣🟣🟣

同男朋友就來一周年想食好少少，聽朋友介紹來左呢間新開意大利餐廳😆 環境都幾唔錯幾岩打卡🤪 而且食物質素都幾掂幾正😍 Crocchetta - 推薦5粒星⭐️ 呢個係蘑菇炸丸子及黑松露蛋黃醬，賣相就好似兩粒炸波波咁幾得意，食落都唔錯，炸得岩岩好，有蘑菇香味加埋黑松露蛋黃醬真係好夾😆Linguine Vongole - 推薦5粒星⭐️蜆肉扁意粉同樣賣相都係唔錯，見到一隻隻排好嘅蜆已經諗到好好味，加入辣椒、大蒜同番茜，好惹味好食🤣Cannoli, Salted caramel cream or lemon mascarpone - 推薦5粒星⭐️呢個係奶油煎餅捲，配海鹽焦糖忌廉或檸檬意式軟芝士，呢個係從來食意大利菜都冇食過，感覺好創新😙 Aperol Spritz - 推薦5粒星⭐️意大利氣泡酒，阿佩羅利口酒，加蘇打水，杯酒顏色幾靚幾吸引😆

Panzanella呢個沙律有洋蔥、番茄、青瓜、羅勒、黑胡椒、麵包，麵包好香脆，有用橄欖油浸過，充滿油香，其他蔬果就好鮮味，好爽脆，夠晒開胃！Crocchetta原來係蘑菇炸丸子，金黃色好香脆，一切開就聞到好香蘑菇味，粒粒蘑菇粒係入面，好濃菇味，黑松露蛋黃醬就令丸子味道更好，味道無咁單一，好正！Spaghetti Bolognese番茄牛肉醬意粉，意粉係自製既，好有咬口，麵質好好，醬汁用新鮮蕃茄整，食到粒粒蕃茄碎，加埋軟腍既牛肉碎，成個醬好稠好濃，每條意粉都有醬汁，仲有面頭既芝士碎，更香更好食，超級出色！Linguine Vongole蜆肉扁意粉，同樣自製既意粉，麵質真係好好，軟硬好適中，啲蜆又大隻，加埋辣椒大蒜番茜，成個意粉好香辣，好惹味，真係好好味！Cannoli奶油煎餅捲，餅皮有啲朱古力味，夠晒脆，我地配海鹽焦糖忌廉，咸咸地又甜甜地，忌廉好滑，成個配搭好好，超正的！Tiramisu呢個勁高質，超好食！作為餅底既手指餅好脆，配埋濃縮咖啡、意式軟芝士同朱古力既餡料，好滑好香，綿密creamy，超出色！