Man Mano (已結業)

東涌呢個outlet有呢間Man Mano，係outlet4樓，超級方便，難得過到黎就試下呢度既lunch。Crocchetta🧆呢個係蘑菇炸丸子，炸到金黃香脆，圓形一大粒，一咬索索聲，好香蘑菇味，食到粒粒蘑菇粒，好濃味，再加埋同樣重味既黑松露蛋黃醬，味道更香更鮮，咸香又惹味，超正！Spaghetti Bolognese🍝好簡單一個番茄牛肉醬意粉，自製嘅意粉麵質好好，蕃茄味好香濃，加上好多牛肉喺度，啲牛肉碎肉質好好，好腍，同蕃茄好夾，成個醬味道好好，意粉都好掛汁，啲意粉煙韌韌，超好食。Cannoli🫔呢個算係甜品黎，啡黑色既其實係奶油煎餅捲，餅皮好脆好香，再配埋檸檬意式軟芝士，少少酸又濃芝士味，好綿滑好creamy，口感超掂，好味道！