Man Mano (已結業)

Panzanella呢個沙律有洋蔥、番茄、青瓜、羅勒、黑胡椒、麵包，麵包好香脆，有用橄欖油浸過，充滿油香，其他蔬果就好鮮味，好爽脆，夠晒開胃！Crocchetta原來係蘑菇炸丸子，金黃色好香脆，一切開就聞到好香蘑菇味，粒粒蘑菇粒係入面，好濃菇味，黑松露蛋黃醬就令丸子味道更好，味道無咁單一，好正！Spaghetti Bolognese番茄牛肉醬意粉，意粉係自製既，好有咬口，麵質好好，醬汁用新鮮蕃茄整，食到粒粒蕃茄碎，加埋軟腍既牛肉碎，成個醬好稠好濃，每條意粉都有醬汁，仲有面頭既芝士碎，更香更好食，超級出色！Linguine Vongole蜆肉扁意粉，同樣自製既意粉，麵質真係好好，軟硬好適中，啲蜆又大隻，加埋辣椒大蒜番茜，成個意粉好香辣，好惹味，真係好好味！Cannoli奶油煎餅捲，餅皮有啲朱古力味，夠晒脆，我地配海鹽焦糖忌廉，咸咸地又甜甜地，忌廉好滑，成個配搭好好，超正的！Tiramisu呢個勁高質，超好食！作為餅底既手指餅好脆，配埋濃縮咖啡、意式軟芝士同朱古力既餡料，好滑好香，綿密creamy，超出色！