M3 Italian (已結業)

星期日咁好天氣，當然就要出去行下啦！咁行街前當然要去食左野先啦！於是去左朋友屋企附近食，咁行過M3時見佢裝修都唔錯，咁我地就決定左食佢！入到裹面，裝修係偏懷舊GE，都唔錯！咁講番食左咩先，我就叫左個Angus Beef Burger 安格斯牛肉漢堡。其係張相就可以睇得出個份量好多下，除左個漢堡同薯塊角外，仲有沙律同小酸瓜。我覺得如果對於細食GE女仔，完全係可以兩個人食一份GE。而且其實個安格斯牛肉方面，你可以向侍應要求。咁我就要左五成熟，咁相對就多D肉汁。而且如果覺得膩GE時候，食番D小酸瓜就可以立刻減淡油膩感。另外我亦叫左一杯青蘋果汁，酸酸地幾開胃，而且係鮮打，我覺得唔錯，有種清爽的感覺。

今日去咗沙角邨探朋友兼食午餐，唔係經常去沙田，沙角村就更少, 如果唔係探人，連個站名都未聽過。問我食咩? 我鬼知咩… 朋友話佢附近有間西餐廳幾好食，就咁啦…鋪門外貼滿廣告宣傳，介紹不同種類食物，可惜都是晚餐時段供應。星期日或公衆假期由10am – 3pm有專在假日供應的Brunch，要等下次朋友得閒了。午餐時間都有好多人幫襯，而且選擇多，價錢唔太貴。先來熱辣辣的麵，好似話係自家製，有香草味。番茄水牛芝士沙律，用上酸酸甜甜的沙拉黑醋油，我好喜愛。忌廉豆蓉湯，口感好滑，味道微甜好香。香煎豬柳配忌廉菠菜，豬柳煎到半燶金黃，清香的香草味，鬆軟嫩滑，肉質有咬勁，沒有肥膩感，配上燒醬汁，軟軟薯茸，菠菜，唔錯。烤西冷扒配法邊豆，牛扒七成熟，牛扒煎我香口，內有豐富肉，咬口佳，法邊豆味道清甜，賣相好，作西餐配菜最適合。餐飲: 熱咖啡，雖然不是機製即磨款, 但都算味道香濃，無苦澀。 朋友的凍咖啡走甜，聽講話，走甜沒有走埋味，咖啡味足。

今早去沙田圍探朋友, 友人住愉城苑, 位於沙角村的旁邊, 愉城苑是最早期的居屋, 與現在的居屋不同之處, 就是不需要補地價便可以在市場自由賣買. 朋友是最早期抽籤買入, 實用面積大約五百呎, 當時售價20萬左右, 依家放緊盤, 賣500萬.... 佢話: 成交後, 請我去 Four Seasons 食飯..... 我尚未開口 講句"多謝"之時, 他繼續補多一句: 我唔會待薄你既...你最鐘意廟街果間 Four Seasons Pot Rice (四季煲仔飯)吖麻 .......上主人家屋企吹完水, 落樓下睇吓地產公司, 便到附近西餐廳食午餐, 友人話, 如果中餐飯堂是是沙角村大排檔, 那麼, 西餐飯堂必選這間.... 我心諗: 飯堂...? 你兩公婆又係"無飯夫妻"...?!門口放了寫著當日的午餐精選, 打量一下, 寫手應該無把木板放平來寫, 因為通常打棟寫, 才會一路寫 一路向右斜..... 哈哈..., A至I 共9項. 價格由四十幾至七十幾不等. 我們中午十二時來到, 餐廳仍未算十分繁忙, 只坐了半滿, 看見隔離檯的兩父子(估咋, 唔肯定架...)的pizza 好正, 底餅薄,

去開附近做嘢, 順手食埋個EARLY LUNCH先返公司.  聽朋友講呢間唔錯, 特別走去試試.  去到時剛剛12:30, 即時有位, 但一到左12:45, 已經有人在等位了.叫左一個SET LUNCH, 西冷扒配法邊豆, 另加$6要埋餐湯.  先嚟餐湯及包.  餐湯係番茄蟹肉湯, 味道唔錯!  但包就有點失望了, 一片冷了, 無味的法包, 感覺, 不大認真吧.... 咬了一口, 放棄了..... 主菜西冷扒上場, 2大塊牛扒, 份量很足夠, 加上薯蓉, 女仕們兩人分一份都夠食吧.... 味道不過不失吧, 第一件生了點, 一切就見血水, 反而第二件又熟過頭了, 有點燶.... 食到一半, 人越嚟越多, 加上樓低比較矮, 開始越嚟越嘈, 有點頭痛了 ... 加埋杯凍檸茶, 很充足的一個午餐整體嚟講, 一份牛扒午餐, 100蚊有找, 價錢不貴, 如果質量控制好一點就好了.

平時好少黎呢區,今日咁岩黎呢度探病就順便黎呢度食下好野~兩個人叫左四樣野,非常非常之夠份量~!西班牙燒乳豬配煙肉椰菜及青蔥薯蓉 - 真係無語倫比,個皮脆到呢,好似薯片咁,D豬肉仲係好滑好滑,一舊可以滿足到唔同口感~凱撒沙律配煙三文魚 - 本人好鍾意食煙三文魚,呢個沙律o既煙三文魚份量真係超多~加埋d生菜,好快就ko左個沙律><香辣蒜片啤酒煮蜆 - 未食過用啤酒煮o既野食,今次係第一次,但原來又幾得意,d蜆煮完之後比冇用啤酒更加甜,冇砂o既蜆食得更加暢快~薯仔麵糰配辣肉腸及巴馬臣芝士 - 超好食!之前食過o既薯仔麵糰都飽到飛起,呢個由於佢用左d甜甜地o既sauce炒,好開胃之餘粒薯仔麵糰仲脆脆地,d辣肉腸都好好味,成碟野份量岩岩好~

舖位前身是Pizza Hut, 港式意食都要敗走讓位, 然而M3 Italian做到現在仍然保持market, 不管牌子名聲的響亮, 顧客的腳步才是肯定。麵包是每天自家製, 鬆軟!青蘋果焦糖合桃沙律  $128剩讀菜名字已感覺新鮮, 青蘋果VS焦糖合桃, 配搭凸出。白酒忌廉汁藍青口  $138上檯時的藍青口仍然熱烘烘, 肉質爽甜更加需要白酒忌廉汁調味, 適可而止的掛在藍青口上。西班牙燒乳豬  $188皮脆肉嫩的像相, 只要輕輕一撕便可享受到, 脂脂薄入口恍如即溶, 肉質較為清新。

平時好少黎沙田圍,但今日接人放工,又放得早,就黎呢間西餐試一試~入到黎環境非常之唔錯,坐得好舒服,一D都唔迫,又比較靜,好岩食飯傾計~兩個人叫左三個starters, 第一樣叫三式普切塔,個名唔係好知點解,但其實係多士上面加上各種o既配料,包括蕃茄莎莎,煙三文魚他他同羊奶芝士,本人超鍾意食羊奶芝士,呢度o既羊奶芝士"羊"味十足,仲有少少溶,加埋個包超好食~凱撒沙律配煙三文魚 - 煙三文魚份量絕對唔少! 羅馬生菜都好新鮮~再加上個sauce,成碟沙律好新鮮,煙三文魚好原好好食~香辣蒜片啤酒煮蜆 - 一上菜o既時候已經聞到好香o既啤酒味~蜆肉都非常新鮮,加上辣辣地,會愈食愈想食~用啤酒煮呢個方法真係好特別!薯仔麵糰配辣肉腸加巴馬臣芝士 - 平時好少食薯仔麵糰,因為唔係度度都會整,呢度用左辣肉腸去煮佢,甜甜地,好好o趙,令本來冇咩味道o既薯仔麵糰成為左一碟美食西班牙燒乳豬 - 呢個係全晚最好食o既一道菜,皮燒得非常之脆,好似食薯片咁!但裡面o既肉仍然好軟滑,亦好夠味道,份量非常之多,值得再試~!

今日去開沙田圍嗰邊，呢度附近好似冇咩好食咁，行行下見到間好似比例似樣嘅餐廳，剛好又十二點鐘剛剛開門！我見午餐嘅選擇都唔錯，所以就入咗去試吓！入到去地方都幾大，我入去時因為剛剛開門，所以未有客人，但好快就有幾枱客人入嚟喇！Set Lunch可以叫餐湯或沙律，我要咗蕃茄水牛芝士沙律。沙律有蕃茄、黃椒、洋蔥、橄欖，最重要係有水牛芝士，再加上黑醋，而且蔬菜又新鮮，所以好鮮甜！Main Course我叫咗香煎豬柳配薯菜，豬柳用咗大量百里香同黑椒，所以食到好重嘅香草味。豬扒雖然唔係好厚，所以就更加入味！忌廉波菜做得幾好，個忌廉汁好香嘅奶油味道再配波菜本身嘅甜味，味道剛剛好！薯蓉都好香奶油味而且好幼滑！最後叫咗杯熱檸水做總結！等野食時掀吓個Menu呢度都幾多選擇，而且我見入嚟食lunch嘅客人(似係住係附近嘅常客)都有散叫menu上嘅食物。

好開心在上星期日相約好姊妹去沙田圍既M3 Italian Seafood & Steak 食一個Sarurday Brunch~見到地方環境唔錯, 附近有巴士總站同火車站, 交通方便!星期日餐廳幾多一家大細來食午餐, 環境唔太嘈。今次我同好姊妹想食Brunch, 這裡選擇有很多, 有 All Day Breaskfast, Burger 等等。我同姊妹都好頭痛, 應該選擇那個好,到最後我們每人選擇 :-1) All Day Breakfast 全日早餐 (Max Grill)2) Angus Beef Burger 安格斯牛肉漢堡兩款Brunch 既飲品是凍檸茶。All Day Breakfast 全日早餐 (Max Grill) HK$98有雞胸肉, 肉腸, 火腿, 雞蛋, 多士, 焗豆, 烤蕃茄整體味道好, 唔太油膩, 份量夠大份,雞胸肉及醃火腿肉質很滑, 食上去感覺不太油膩,肉腸味道剛好，不太鹹,雞蛋我選擇了太陽蛋,(溫馨提示: 店員告訴我是可以選擇炒蛋, 太陽蛋同烚蛋)太陽蛋的蛋汁很豐富, 配合多士一起食, yummy~沙律菜好新鮮, 個sauce 酸酸地夠醒胃,煙肉有一點硬,

上個星期日又同好姊妹出發去周圍搵好野食喇﹗今次我地中午一點鐘去到位於沙田圍嘅【M3 ITALIAN SEAFOOD & STEAK】 度食佢地新推出嘅ALL DAY BREAKFAST 。去到門口已經見到大大塊嘅餐牌放左係門口，內容全部係介紹ALL DAY BREAKFAST嘅套餐。我本來以為得一兩款選擇，點知有成過20款嘅選擇，實在太令人興奮啦﹗餐廳環境寬敞，佈置方面屬於西式餐廳的裝潢。而且燈光柔和，倍感浪漫，可惜不是跟愛人來吃。哈哈﹗下一次要有我心愛的他來吃才行。我們兩人各點了一個不同的ALL THE BREAKFAST 套餐來一起吃。一個是安格斯牛肉漢堡餐，另一個是英式什扒餐，而飲品方面都是凍檸茶。食物評價：*****(五星是最高) 安格斯牛肉漢堡餐 HK$128 ****牛肉漢堡的肉質鮮嫩，而且十分鬆軟，味道方便較淡，如加入茄汁和黃芥末的味道會更佳。炸薯肉很脆又夠熱，好味。酸瓜的味道洽到好處，好開胃。英式什扒餐 HK$98 ****十分喜歡他們的肉腸，跟平日吃的肉腸不一樣，因為味道剛剛好，不會太鹹。另外，太陽蛋煎的技巧十分好，很完美。沙律菜新鮮，味道鮮甜。略厭煙肉太老，有點硬。

M3 Italian位於沙田沙角邨，坦白說，是我第一次踏足此地，若非朋友介紹我也不知道這兒也有美食。餐廳燈光比較昏暗，裝修比較簡單。先來自家製的麵包，麵包外層鬆脆而內層鬆軟，簡單點上橄欖油和黑醋已經很美味。Virgin Colada由菠蘿汁和椰奶打成的，口感比較creamy。M3沙律用店名來做菜色的名字應該是信心保證。這個沙律材料豐富，有煙三文魚，帕爾馬火腿，燒雞等，煙三文魚，燒雞相對較平凡，沙律菜中再配上羊奶芝士、蕃茄乾和麵包粒，材料新鮮，口感豐富，簡單配以意大利醋已經非常醒胃美味。西班牙燒乳豬根據店主所講這道乳豬早上先用香料醃製，之後風乾再烤焗，所以乳豬的外皮燒得香脆，而內層的肉質嫩滑又充滿咸香味，不用再點醬汁已經非常入味。再配以酸菜去減去油膩感，吃畢也不會覺得滯。巴伐洛娃蛋白餅賣相精緻的蛋白餅來到就令我影過不停。雪白的蛋白餅上鋪滿了色彩繽紛的鮮果，鬆脆的蛋白餅外層被香軟的蛋白霜包圍著，中間更有一層芒果雪糕，墊底的熱情果汁溝橙汁更令人感到份外清新，整個甜品吃下去時驚喜連連，而且層次豐富，賣相精緻又花功夫，可見廚房的用心，非常推介。整晚的菜色都見到餐廳非常堅持自家製作，即使是工序繁複

去沙田圍踩完單車,就黎左哩到食飯。坐低點完餐,店完就送左熱熱地嘅餐包比我地食,佢本身就有味,就算唔落調味都OK。r之後頭盤食左哩到出名嘅白酒忌廉汁藍青口,本身好中意食海鮮嘅人一定好岩胃口!佢嘅青口完全冇沙,而且鮮甜味仲 係入面,就係好好味。個忌廉汁又唔會好稠同漏,所以加埋啲汁一齊食都一樣咁好味。之後主菜食蕃茄海鮮意大利飯,都係海鮮,哩個就多好多唔同款嘅海鮮。有蝦,帶子,蜆,青口,墨魚仔等。蕃茄意大利飯都唔會話好酸,好值得試。食完未算話好飽,就叫左個甜品巴伐洛娃蛋白餅黎食。本身蛋白餅係好甜嘅,但上面有好多水果,同埋熱情果嘅汁,加 埋就中和左,所以味道都唔錯而且幾有特色。

早前從同事口中得知沙田圍附近開了間新意大利餐廳，於是這晚下班後乘馬鐵到沙田圍站，大約行5分鐘左右便到，由於已經7時許，但已經滿座，所以需要等15分鐘左右才可入座。- 啤梨藍芝士焦糖合桃沙律這款沙律結集了不同的口感味道，有清甜的啤梨、香濃軟滑的藍芝士、焦脆的合桃粒及新鮮蔬菜，特別的配搭，帶出清新開胃的感覺。- 香煎法國油封鴨腿配茴香沙律店員建議先把鴨腿切碎再和沙律攪勻，並兩者一同吃。鴨腿的油香跟清爽的蔬菜，感覺十分清新香甜。- 巴伐洛娃蛋白餅 首先上層鋪滿不同的水果配上脆口香甜的蛋白餅，加上酸酸地的熱情果汁，但又不會太甜，味道非常配合。正!!這晚是清新健康的晚餐。

上星期，從同事口中得知公司附近，有間餐廳唔錯! 他們好幾個人吃過, 都說味道很不錯。喜歡美食的我，當然也不甘後人，前晚8時走到餐廳門外，一心想試試晚餐，怎料全場座無虛席，唯有拿了名片，待第2天再來。從威院步行到餐廳，還不到10分鐘，附近設有馬鐵站，都算方便。今天總算完成手頭上的工作，已經相約好幾位同事一同去食晚飯，由於預先訂位關係，所以不用等候，餐廳內部裝飾雖然不太華麗，但環境氣氛尚可，整體服務滿意。侍應生向我們推介了她們的招牌菜 ”西班牙燒乳豬” ,味道與我們中國人飲宴時食的乳豬，確實大有不同，值得一試! 我們四個人點了好幾個菜，不過最令我們驚喜的是她們手作的甜品，味道賣相，都非常出色，真的令我們樂而忘返，吃過甜品後，疲倦的身軀也瞬間恢復動力來!

星期日當然要睡晚一點然後吃個bunch才是生活態度吧！所以就跑到沙田圍附近m3，聽說這裡的晚餐很不錯，就試試這裡的bunch吧！當天很熱很熱，但一坐下侍應生便把水遞上，喝完了也馬上加水，這點相當貼心！說到bunch 當然要吃個All Day Breakfast 吧 份量很大，賣相也不錯，符合相機食先的我呀～炒蛋不會過熟，還是半熟的很不錯，沒帶蛋腥味，是滑溜的蛋香。然後特別一提的是沙律是用上黑醋汁，最喜歡黑醋啦我！因為沙律醬很多時都是致肥的凶手啊！沙律菜也很新鮮爽脆，微微烤過的蕃茄正好中和一下香腸的罪惡感，還有一片像午餐肉的火腿，是別家沒有的呀。但如果茄汁豆可以再暖烘烘一點就更好了，茄汁味也可以更濃。這家我黑醋汁味道剛剛好，不會太酸。配上清爽的lime soda，相當消暑～不過整顆青檸到最後有點太酸了。然後，附上同行友人的漢堡，賣相也相當吸引，味道很不俗！這漢堡點的時候不要點太熟，5分就剛剛好了，不然太乾會失色不少。只是這漢堡吃完了大家有點太飽滯，吃點醃青瓜就完美了，醃青瓜很不錯，很爽脆。吃上美好的bunch，迎接美好的sunday