404
23
18
港鐵沙田圍站 C 出口, 步行約4分鐘; 鄰近沙田圍火車站 繼續閱讀
所有分店 (2)
電話號碼
26993535
開飯介紹
Fusion意大利菜餐廳,有多款牛扒及海鮮菜式供應,食物都是水準之作,值得一試。 繼續閱讀
營業時間
今日營業
12:00 - 15:00
18:00 - 22:30
星期一至六
12:00 - 15:00
18:00 - 22:30
星期日
11:00 - 15:00
18:00 - 22:30
付款方式
Visa Master AE 現金 銀聯 支付寶 AlipayHK
座位數目
70
其他資料
網上訂座
酒精飲品
切餅費
電話訂座
賞訂座積分
外賣服務
加一服務費
當面支付
有關獎賞計劃
食評 (464)
等級1 2019-01-17
48 瀏覽
簿餅足料好重芝士好味,叫左個青口肉大大粒好滑,D汁好正不過冇叫蒜容包可惜,西班牙黑毛豬胺好好味,配個辣辣地既醬汁幾野味又開胃,餐廳裝修唔錯年幾前來過有D唔同左,應該裝修過,但最緊要食物ok下次會再來 繼續閱讀
(以上食評乃用戶個人意見 , 並不代表OpenRice之觀點。)
等級3 2019-01-17
24 瀏覽
記得去年為了慶祝朋友生日而在Open Rice 見過呢間餐廳的評語,多是讚賞,今日約了朋友在沙田區晚飯,特來一試。M3 Italian 在馬鞍山線沙田圍站附近,行5分鐘便到,很方便。店內裝修簡潔,因星期一的關係,只有幾枱客,環境變得清靜,方便傾計。餐牌選擇合理,可先選一主菜,然後加$50便可有「升級超值套餐」,套餐有湯,前菜及甜品。它亦有其他前菜(如黑松露薯條丶紐西蘭托托蜆)供選擇,價錢個個不同。我們叫了一客帕爾瑪火腿蜜桃薄餅($118)及烤西班牙黑毛豬鞍扒伴燒新薯及布冧醬($198),另要了一個「升級超值套餐」。始終2個人,食量又不大,無謂浪費。首先上枱的是餐湯及麵包,是日餐湯是青豆忌廉湯,賣相專業,湯頭香滑,有清香的青豆及雞味,濃稠度適中,好味!👍🏻👍🏻👍🏻 香草麵包外脆內軟,熱辣辣的,送湯一流。最開心的是餐廳提供橄欖油及黑醋,配合意大利餐的格調。之後上枱的是升級套餐內的前菜,蒜蓉牛油焗紐西蘭青口,青口雖然細,但有香濃的蒜蓉及海鮮味,青口底還墊有香滑薯蓉,是一很好的開胃菜。伴碟沙律菜新鮮,抵讚。👍🏻👍🏻👍🏻之後主菜上場,一見已知有水準。這個成吋厚的黑毛豬鞍,伴有鬼佬豆苗、黃瓜丶青瓜及蕃茄,樣子已很吸引。用刀一切開便知是靚扒,肉質十分軟稔,咬落爽滑兼充滿肉汁(juicy),唔點醬都好好味,口腔充滿豬肉香。😋😋😋點汁又是另一口味,布冧醬甜中帶有微酸,中和了肉類的肥膩感。豬胺表皮煎得又香又脆,一件接一件,完全唔停得口。😋😋😋跟著上枱是另一主菜,帕爾瑪火腿蜜桃薄餅,皮薄而脆(不過未必個個客都喜歡),火煺很香。我略嫌蜜桃是罐頭貨兼太大件,影響口感及味道,好似食罐頭生果咁。它可以考慮做番傳統的菠蘿或夏威夷薄餅,可能更討好。甜品同樣出色,樣子已很吸睛。芝士蛋糕面有一層軟滑的cream ,厚度剛好。芝士蛋糕充滿芝士香,又軟又滑,用cream cheese 做,有一種獨特又不過濃的芝士香,食落又唔會滯,很好味!😋😋😋總結而言,這是我極力推薦的餐廳。當晚的侍仔,態度良好,當我問她芝士蛋糕是用什麼芝士做,她入廚房問完很興奮的告知我,並問我是否有硏究。我答我只是覺得好好味,同平時食的唔合,她便開心的說多謝。今時今日,飲食業請人困難,加上之前的經驗,大家開心講幾句,我便會俾 like! 😃😃😃 繼續閱讀
(以上食評乃用戶個人意見 , 並不代表OpenRice之觀點。)
等級4 2019-01-13
182 瀏覽
3-1-2019 (Thur)晏晝,同上司KK食farewell兼生日飯,揀o左我o係17年o黎過o既呢間(o個個食評: https://www.openrice.com/zh/hongkong/review/%E5%94%94%E9%8C%AF-e2781104),睇完menu,我揀o左$128.00o既黑松露海鮮意大利飯,揀飲湯. 其餘7位,有5位要$92.00o既烤美國西冷扒伴秋葵車厘茄及紅酒燒汁,2位要$88.00o既烤紐西蘭羊西冷伴秋葵車厘茄及乾蔥黑醋汁.落單時,要西冷扒o既同事叫埋食幾多成熟,侍應竟然答冇得揀,全部清一色7成熟.是日餐湯係羅宋湯,酸味比較微弱,雜菜切成約1立方厘米,全部都夠腍.我o既黑松露海鮮意大利飯最快到o黎,海鮮有青口,蝦,帶子同魷魚圈,黑松露味道唔太濃,o岩初試黑松露o既朋友;帶子太熟,熟到肉質o鞋o左;其他海鮮都冇乜問題,只係淡o左啲;意大利飯腍,唔係中間仍有啲硬o個種;汁就o岩o岩好掛到上啲飯到,唔多唔少.食烤美國西冷扒伴秋葵車厘茄及紅酒燒汁o既同事唔食秋葵車厘茄同車厘茄,俾晒我食, 秋葵共有3條.最後加$2.00要熱檸水,呢個正常冇問題.環境:原本都闊落,但某啲位凳與凳之間o既距離唔夠,侍應行出行入都會踢到我張凳,呢點佢o地要留意吓.其他:除o左上面講過西冷扒只可以7成熟外,原來午市唔會供應小食,所以同事們想另叫薯條食都冇.只係一年幾,呢o度多o左咁多食評,似乎….抵食係2.5分 繼續閱讀
(以上食評乃用戶個人意見 , 並不代表OpenRice之觀點。)
等級1 2019-01-11
154 瀏覽
20190111晚同朋友一齊晚餐。用open rice 網上訂位,七點到已經可入座,一家三口連一個朋友,叫左一個pizza + 一個意粉。餐前先享用麵包🥯+餐湯。麵包好軟熟,如果熱少少更好。海鮮pizza 同意粉都保持水準,加$50蚊有餐湯同青口+甜品。青口雖然得三件,但味道不錯,下面配薯仔,配合得幾好。甜點叫左木槺蛋糕,細細件三個人分剛剛好,M3既甜品永遠係錦上添花,口感好軟熟,甜道適中下次多人先叫下扒食。 繼續閱讀
(以上食評乃用戶個人意見 , 並不代表OpenRice之觀點。)
等級1 2019-01-06
324 瀏覽
過年後第二日先有時間約埋三五好友聚會,一月二日來訪M3意大利餐廳,裝修過後好舒適,枱大張左,無已前咁逼逼夾夾,環境唔錯,轉左新餐牌,有驚喜喎,而家平易近人左,加$50已經有齊頭盤餐湯甜品,絶對抵讚,味道如一,本人認為超值得很!意粉係我喜歡的軟硬度,pizza係非常之簿味道好濃郁,意大利飯係正中軟硬度,在沙田區真係唔錯真係忍唔住出個食評,有讚亦都有彈,服務員質素有待改善,有陣時要客人話比服務員聽要加水和換碟,希望改善一下吧,但是總括來講係開心嘅! 繼續閱讀
(以上食評乃用戶個人意見 , 並不代表OpenRice之觀點。)