M3 Italian (已結業)

一田大特價，去左沙田行街街之餘，又可以食我覺得煮得最好食嘅青口嘅呢間西餐廳，m3，今次已經係第三次光顧，不過感覺亦係咁好！一嚟就送上餐包，可以點醋同欖油，好食好食，之後當然有我最食青口，每次都一定會嗌，因為一食就會愛上，味道都係咁好，汁都係好好飲，我直情係可以當湯咁飲，creamy 得嚟又吾咸，青口煮得好軟身，今次青口較大隻，上次食就較細隻，不過各有各好食。之後就嗌左份西冷，五成熟，岩岩好，好正，好有牛味，其實一個人食真係會勁飽，因為兩人食已經飽左了，好大份，抵食丫！最後因為我好耐冇食心太軟，一早落order都已經落左，雖然勁飽，但都真係好好味，食得晒，熱辣辣，入面好多朱古力流心，吾會太甜，個心太軟皮又岩岩好，軟硬適中，好好味丫，真係大滿足！順帶一提，我嗌左tomato juice，先廿幾蚊，不過幾好味，原油原味，應該一大杯都有好多粒蕃茄，出面好少有得飲，可以試下。因為家住將軍澳，要去到沙田真係好遠下，有機會去一定要再光顧丫，哈哈哈！

今次黎到沙田圍食意大利菜，入到去餐廳感覺幾舒服，咁就開始叫野食啦。首先黎到嘅係beetroot risotto，成個飯都係紅色嘅，一睇就知係好足料。食落嘅時候紅菜頭嘅味道幾濃，味道帶甜味。不過個汁既比例多左少少,如果少D汁既話食落既口感盲會更好喇之後到嘅係shrimps pizza，呢個pizza個底非常脆，係薄底黎既,加上厚厚嘅芝士，而且好足料,好多三文魚呀!!都係唔錯嘅。最後再叫左個souffle，因為我未食過，食落感覺好得意，有小小即溶既感覺,非常軟身,好彈好彈，唔會太甜但又有,有好濃嘅蛋白味。大家黎到沙田圍的話，都可以試下呢間餐廳呀！

今日去人不算多，店內環境唔算大，不過每枱空間位都算好充足，唔會覺得逼，環境好浪漫餐牌食物種類都比我想像中多款式。睇完餐牌，我們叫了西班牙燒乳豬、白酒忌廉藍青口、巴拿馬火腿意大利薄餅、甜品梳乎里。上菜服務員都好有禮貌，第一道菜藍青口配上既白酒忌廉汁好creamy，肉質都好肥美，感覺好新鮮，唔係急凍，食落都冇沙，聞到已經好似好好味，三個人食，份量剛剛好。乳豬烤焗方法幾特別，乳豬皮好香脆，食落仲卜卜脆好大聲，肉質好鬆軟，乳豬底還配有薯蓉，但薯蓉口感有代改善，但有乳豬真係值得一讚，整體都有80分以上好味！感覺好新鮮，係西餐廳食到乳豬巴拿馬火腿意大利薄餅，薄餅好脆好薄身，配上蜜瓜和香濃巴拿馬火腿好香口，有大師級水準。焦糖布丁，雖然冇咩特別，都整得唔錯但是係我的至愛甜點。

最近迷上左做運動, 所以山長水遠去左科學園踩單車, 諗住求其充飢之際無諗過可以係附近搵到一間西餐廳, 一個可以慢慢享受美食既西餐廳餐廳外感覺係好似好高級, 但係一入去感覺幾舒服, 音樂輕鬆, 情侶家庭都唔少, 無乜壓逼感主菜我就揀左焗蕃茄阿拉斯加長腳蟹意大利飯, 一上碟就已經覺得擺設幾別緻意大利飯煮得岩岩好, 唔會話太熟或太硬, 配番茄汁一流雖然我唔太了解點樣判斷新鮮度同質素, 但長腳蟹肉質好嫩滑, 同埋數量都多, 啖啖肉好幸福去西餐廳食野點可以唔叫野飲? 因為想好好享受一餐, 所以叫左杯叫Cosmopolitan既Cocktail嘗試下我比較少飲酒, 所以對酒了解唔多, 不過飲落都幾易落口, 酒精味唔算太濃烈, 不過加埋青檸汁會幫助蓋過少少酒味, 飲落更好飲, 值得一試一個完整既西餐當然需要一個可口既甜品做結尾嫁啦, 所以就揀左佢--青蘋果肉桂慕絲係menu睇到已經好有興趣, 感覺會好清新, 果然符合期望, 肉桂慕絲配上青蘋果脆片, 配埋朱古力醬同jelly粒真心好滿足一句話, 會成為我再次享用既餐廳

圖友上次食完M3之後就好想食多次所以今次男友生日就帶佢去食下墨汁意大利飯超級好食個墨汁勁香超惹味飯入而加左粉少少芝麻令到成個飯更香配上八爪魚真係好正前菜 巴拿馬火腿配哈蜜瓜火腿油脂豐富入口甘香好食哈蜜瓜爽甜配埋咸香既火腿食一流蛋白餅依個係一直想再食M3既原因蛋白口感特別 又好食 中間有芒果雪糕加埋水果同百香果醬好正

放工對自己好些，來到沙田圍的M2 Italian。其實在此區，也沒有多少間有質素的西餐。晚餐時間七点後，都七、八成滿呢!生蠔生蠔可以每隻叫!叫了2隻法國 + 1隻美國。法國生蠔比較肉厚 creamy，after taste 好勁。美國生蠔大大隻，又爽口清甜。Bruges Zot 啤酒$48飲埋隻比利時手工啤。有焦糖甘香、甜甜的，又濃麥香，好啱女仔飲呀!大愛之選。墨魚仔墨汁意大利飯$138墨魚仔幼滑、爽口。墨汁意大利飯芝士味好濃。亦加大量蒜粒混進去煮。食埋火箭菜可以減膩!今次食M3，好似比之前食的時候，更好味哩!滿足的一餐。

朋友生日，想食意大利菜，並打算食點質素高環境好的餐廳，上openrice搜尋一番，最後決定選擇好評多的M3，好在無令我們失望同人二人，故點了一個頭盆，兩份主菜，再加一客甜品，及兩杯飲品，總共$6xx, 價錢尚可接受。在頭盆方面，我們點了帶子沙律，帶子是預先煎香的，再加上糖心蛋，整個沙律變得很豐富到主菜方便，首先來的是長腳蟹芝士蕃茄意大利飯，選擇它的原因是有長腳蟹和芝士，好吸引，而食落味道都唔錯，有濃濃的蕃茄味，不過份量就好點少，感覺只有半碗飯的份量（不知道其他意大利食店份量是否差不多呢？！）而全晚最愛的就是烤豬鞍配燒什菜，大鄉里的我真是第一次食豬鞍，原來是很好食的！原本以為豬會很“鞋”（粗糙），但吃落很滑，肉質爽，再配上辣辣的醬汁令整個豬鞍變得很野味，份量亦很多，絕對吃得夠喉，真心推介

對上一次食呢間野已經係上年，琴晚，我又黎啦！好期待m3又會比咩驚喜我。半年冇黎，原來已經轉左餐單。姐係代表又有新野食！叫左個西式乳豬，餐單寫住招牌菜，梗係試啦！餐廳既菜色外觀永遠都唔會令我失望！呢個乳豬真係好靚！咬落去口感真係好有層次感！個豬皮好香脆，肉即質感鬆軟，d汁已經滲入豬肉入邊，招牌菜真係招牌菜！真係好鍾意係呢度用餐！乳豬下面有薯蓉，隔離有酸菜，溝埋一齊食好有自己特色。冇諗過價錢合理但可以食到超高質數既西式乳豬！真係超級幸福！另外仲叫左個餐湯，粟米蓉湯。湯好濃郁，入邊有細細既粟米粒，飲落好有口感。第一次飲呢個湯，味道岩岩好，唔會太鹹同甜，就係鐘意呢種自然既味道，食蔬果應該要有既味道！再叫左個鵝肝，其實未試過蘋果同鵝肝溝埋一齊食，原來個味道竟然係好夾，好似紅酒配牛扒，太正啦！鵝肝煮得岩岩好，仲有好多水分，超級肥美！鵝肝同麵包夾埋蘋果粒一齊食，今晚真係又比間餐廳驚左一喜！麵包可以控制住鵝肝既肥美，蘋果可以提高鵝肝既鮮味，一個字，好正！第二次黎呢度食，每碟送都冇令我失望，有心思既餐廳，我終於知道咩係食完返尋味！

從來都冇食過意大利菜嘅我，經朋友介紹後黎左食呢間餐廳！我地到嘅時候，好好彩又唔使等位。食物終於黎啦，第一味係餐湯，一食就好食得出係粟米蓉，感覺到係真材實料，唯一美中不足嘅係味道唔夠濃。第二味就係Fried platter，係炸蝦，薯角同炸雞翼。炸蝦絕對唔係粉厚肉少，值得食。而薯角就平平無奇，不過，炸雞翼有種好特別嘅香草味，味道幾特別，都唔錯。而第三味嘅係Ribeye，我就order左7成熟。一黎見到塊扒咁大已經覺得非常吸引！一切開見到果然係7成熟，切同食嘅時候亦都唔韌，好好味。配碟嘅薯菜亦都唔會太失色，有返咁上去水準。食完呢餐後，都幾滿足，夠飽夠飽！

Happy Friday 緊係要食好d! 呢間意大利野開左一段日子一路都想試， 行過竟然唔使等位就入左去坐底就送上餐包， 我真係好中意食面包點olive oil and vinegar! 個包暖暖地好好食. 我order 左杯蘋果汁都好快到。 鮮揸關係過左一陣就變黑了小食拼盆有炸魚柳，雞翼 同 薯角。 魚柳同薯角新鮮炸既非常香脆可口！反而雞翼凍左， 味道亦普通。4重芝士pizza本身對blue cheese 麻麻，但呢個pizza 焗完出黎又ok, 個咸味令到pizza 都唔使加其他調味！而且個pizza邊真係烤到好脆！一d 都唔漏 因為我同朋友都唔食牛， staff 就介紹呢個 Carbonara比我地。 呢個意粉我覺得好有水準，我最怕pasta 汁又水又稀！ 但呢間煮得夠乾身，個sauce係非常creamy!好有誠意！超開心，捧住個肚走，仲去附近散下步先返屋企tim!

大家去沙田, 多數在市中心食飯和行街, 原來在屋苑中也有一些食店可以試下, 上星期便去了在馬鐵沙田圍站出, 再步行大約5分鐘便到的M3Italian食飯.先點了芝士煙肉焗半殼青口,這是一個小食.一份有五隻, 份量尚算可以.青口面放滿了半溶芝士和煙肉碎, 非常吸引.青口都幾大隻, 夠厚身和飽滿. 入口幾彈牙, 口感不俗. 而且當中混入了芝士和煙肉碎, 多重口感.我自己好鍾意食意大利飯, 見到餐牌有, 所以主菜點了焗蕃茄阿拉斯加長腳蟹意大利飯.長腳蟹幾鮮味, 在長腳蟹面還放了一塊芝士, 蟹腳混入半溶芝士, 兩者幾夾.而意大利飯軟硬適中, 入口時帶少許黏黏感覺.想口感更豐富, 可以混入芝士和蟹腳一齊食.長腳蟹蟹肉夠鮮甜, 一碟有三條.甜品點了朱古力心太軟配雪糕.上枱時賣相幾精緻, 而雪糕指定是雲呢拿味.對於我來講朱古力心太軟最重要就是夠流心, 這個好考師傅控制時間夠唔夠準確, 時間耐咗, 就唔流心.我用刀切開, 朱古力已經一湧而出, 這就是我想要的效果.朱古力夠香濃幼滑, 外層有輕微帶脆, 再點上流出來的朱古力漿, 口中滿滿都是朱古力. 想中和一下, 可以食一點雪糕.難得在屋苑內也有一間不錯

要食好嘢唔一定要去到商業區或者旺角銅鑼灣呢啲地方之前俾我發現左呢間M3係正沙田圍嘅屋村商場簡直可以用高手在民間來形容呢間意大利餐廳因為晚晚餐廳外面都係人山人海所以佢哋餐廳門口有一條長長的椅子正正係比排隊入餐廳食好嘢嘅客人坐今晚我book咗位不過依然都係要係餐廳門口等一等先至可以入座因為實在太多客人等位了今晚我叫左一個主餐再upgrade做套餐因為貪佢又有main dish 又有soup 又有dessert見到M3有供應這個西班牙烤乳豬所以乜都唔使諗梗係叫呢個乳豬啦因為西班牙乳豬正正可以考驗一間餐廳嘅食物水平今晚嘅餐湯係洋蔥湯洋蔥湯裏面的湯了十分豐富飲啖啖湯都可以食到洋蔥的甜附上係一個迷你的香蔥包雖然香蔥包外表平平無奇但食落口不但外脆內軟而且裏面充滿咗濃濃的香蔥味跟住就已經上重頭戲了淨係睇過擺盤外型已經贏晒嘅西班牙乳豬所以冇令我失望，乳豬的外皮已經成為了芝麻皮芝麻皮正正係反映咗這個乳豬皮十分香脆而且焗的時間掌握得啱啱好而下邊有一層已經覺得溶化了的脂肪再來便是已經鬆化無比的豬肉每一啖也食到香脆的乳豬 濃濃的豬油香及入口即溶的肉層每食一啖也比多三種唔同的層次三種唔同的感受呢種感覺平時都只係可

估唔到屋村入面都有高級西餐,如果唔係朋友帶我黎我都唔知有間咁既西餐今日陪同學去左馬安山行街,行完之後佢話想食西餐,就帶左我黎依度啦夜晚黎到排左一陣隊,之後先入得去首先每人食左2隻生蠔,南菲生蠔估唔到都幾好味,好新鮮,同埋好大隻,唔落檸檬都好好食夜晚時段特價8折一隻,幾抵食之後我地食左個salami pizza,pizza底好脆,幾好咬口salami好夠咪,個pizza都好勁芝士味之後仲食左個rissoto,不過就無乜咁特別啦整體黎講唔錯,下次可以再試

屋邨都有正餐廳! 難得入黎沙田圍我地一班姊妹就係想食呢間M3! 未知好唔好食嫁, 但好似幾平咁喎! 火車站行左好耐好行到呢度! 估唔到都幾遠嫁喎呢個前菜麵包, 雖然唔算特別好食, 但熱辣辣鬆泡泡, 好正正唷超大份既沙律, 除左煙三文魚之外, 仲有PARMA HAM同厚燒雞, 全部都好大舊, 另外仲有焗麵包粒, 食一份真係非常飽, 而且佢地既醋係偏甜, 所以好易入口但都好易飽~白汁藍青口煮到好稔, 個白汁有少少牛油, 唔會太結, 係食極唔停囉~佢地煮鴨胸好特別, 個味道唔係好似平日食既鴨胸, 反而似燒鵝, 皮脆肉嫰而且味濃, 份量仲好大, 仲有一份細沙律(其實都好多)係度, 可以消滯, 超級飽!

朋友話想食一間正宗的意大利菜我一諗就諗起M3 Italian不過好彩當日時間尚早我立即打電話去book位但估唔到booking已經去到八點半了之前所有時段已經爆滿不過有得食就唔理佢幾多點啦果然八點幾去到門口已經大排長龍等左一輪 終於可以順利入到去食好嘢了我叫左安格斯肉眼扒配蘆筍苖$248本來想額外叫甜品原來發現左加＄60已經可以變套餐有餐湯及甜品餐湯是洋蔥湯湯裏的洋蔥完全爆滿再配合美味的麵包不消十分鐘已經比我食晒而肉眼扒我order咗medium rare通常去到其他餐廳雖然我order medium rare餐廳的手勢不好的話牛扒上到台已經是medium well或well done但係估唔到M3竟然可以掌握到爐火純青完完全全煎至medium rare內裹保持marble red 切開依然肉汁豐富而且不會狂流血水而且牛扒肉質嫩滑沒有根而且肉味超級濃郁另外配再試這個焗蒜頭蒜頭覺得完全淋晒將蒜頭差係肉眼扒上面濃濃的蒜頭香更加可以提升肉眼扒的香味最後甜品我叫左藍莓奶凍奶凍十分香滑而且藍莓醬十分甜配合這個奶凍十分好食