M3 Italian (已結業)

貓貓又去食西餐啦，獎勵自己，真係幸福喵！今日貓貓心情靚，order西班牙乳豬。見到個乳豬，口水都流埋出黎。個脆皮真係整得好脆口。乳豬肉係軟曬入曬味。原來乳豬係要同紅色既椰菜一齊食，味道特別。豬皮既膠質令到整個口感好豐富，貓貓鍾意食乳豬就係因為個皮夠好味。卡邦尼意粉份量啱啱好。卡邦尼汁整得唔會太濕，係貓貓鍾意既質感，卡邦尼同煙頭既香味真係好幸福。意粉煮得彈牙，加埋卡邦尼汁，食完唔會覺得好漏。簡單既西餐煮得真係有貓貓心。

招牌青口竟然一早就賣晒！牛扒不過不失！但係超薄牛扒，2百幾蚊既價錢，其實唔抵食，我寧願比多幾舊食好d!墨魚汁意大利飯味道ok！啤酒煮蜆份量其少，味道人ok，坦白講，好難煮得唔好食囉！訂左枱，到門口想報到，完全冇職員理會！唯一可讚係pavlova 蛋白餅，幾特別，唔太甜！

好耐無去探個親戚，去開呢頭行行下見到呢度食意式餐廳，一於入去試下。首先叫左杯野飲，係橙汁溝菠蘿汁，兩種汁好夾喎，甜裡帶點酸，係好開胃，餐前飲品作用一流。意式餐廳當然叫Pizza啦。呢度既pizza係幾正宗，薄薄的但咬落有口感，而且係脆脆的，係手食就最能夠食出味道。配料有沙律菜，芝士同埋雜菇，食落好清新，醬料用上黑松露醬，即時增添香味與升格不少。主菜係香草烤羊架，烤法係令脂肪流左出黎，無咁肥之外仲令口感更滑，羊架肉嫩仲夠多汁因為脂肪比例適中呀。香草與黑椒味令羊架食落更香。伴碟既薯菜都係烤過，所以與羊架味道夠夾。食左咁多好野，加埋新年既放肆，有排減🙈

去探朋友，佢就提議我地落樓下附近食，因為佢試過都唔錯。6點半度落到去，好在book左位，如果唔係要排隊。先食杯酥炸蝦先，炸蝦係炸到脆卜卜喎，皮薄而脆，而蝦肉就彈牙，滲埋檸檬汁點埋沙律醬令味道更豐富勒。Pizza 就叫左田園風味，主要由磨菇同菌類而成，加上黑松露醬，味道超夾而且入口好香，加埋田園風味既火箭菜，仲有芝士塊，感覺吃得健康，pizza厚度適中，外皮脆內裡鬆軟。主菜係煎法國鴨腿配香橙沙律，鴨腿外皮炸成薄脆，沾上香橙味與鴨味頗相襯，鴨腿肉嫩而滑，啖啖肉而且脾位係全隻鴨最嫩滑部位，吃完鴨腿仲有沙律，真是兩全其美，而菜類份量與肉類相約，實屬健康均衡選擇。

今晚班大學同學約左係沙田圍開餐，講好左今晚係食西餐既，book好台早少少去到，未齊人都可以入住先。先黎頭盤沙律，鮮橙海鮮沙律，沙律菜配上鮮橙香味，清新之外又夠醒胃，另外海鮮又有鮮蝦又有尤魚，香甜味令鮮味更能帶出。另外仲有酥炸大蝦，大蝦食得出係新鮮炸起，皮薄咬落超脆，肉質夠鬆軟，滴埋檸檬汁令蝦肉味更香，係另一醒胃之選。主菜係香煎原條龍脷魚，成條魚仲大過隻手掌，肉質薄而滑，魚骨只有大骨，所以食落啖啖肉，香煎煮法令魚身呈魚香味，香氣撲鼻，而調味用上香草，除了調味外，香草唔會將魚肉味覆蓋，所以仲食得出龍脷魚肉既魚甜味道。至於伴碟既薯菜都可以食埋，薯仔更沾上魚香味，比炸魚薯條更香更美味。

去沙田食飯，很多人會想到新城巿廣場附近的商場內食飯，但其實沙田還有其他地方還有美食。年頭左右在沙田圍馬鐵站附近，開了一間M3 Italian，以意式Fusion菜的餐廳，位置雖然有點偏，但其實從馬鐵站前來又不是很遠。M3 Italian三個老闆合伙而成的，原來是結識多年的釣魚朋友，主廚就是其中一位老闆，擁有十多年烹調西餐經驗。另一老闆愛酒之人，曾在酒店工作的調酒師調製各式雞尾酒，餐廳不設開瓶費，好讓客前來食飯時，能盡情暢飲談歡。M3 Italian散點，能找到開胃菜、餐湯、沙律、主菜、甜品，此外，餐廳還有生蠔選擇。一般飲品、無酒精特飲或有酒類飲品都有提供，價錢合理，環境也舒適，也沒有限時交枱的安排，總比沙田巿中心食飯的地方來得舒服得多。****************************今天有點懶，不想買菜回家煮飯，便帶媽媽外出食飯，在沙田區食飯地方都幾難找位，最近聽朋友說沙田河畔，年頭開了間新餐廳都幾好食，便決定帶媽咪一齊去，坐馬鐵到沙田圍，行去沙角街過條隧道只需5分鐘便到。Italian餐廳，是一間意大利餐，以意式Fusion菜為主。餐廳地方也很舒適，想不到晚上20:00來到都

外出用膳次數比較多, 除了定期到訪某幾家喜歡的食店外, 也貪新鮮, 希望發掘更多有潛力的新餐廳, 給自己多一個選擇。假期逛街, 地點又再次選了沙田區, 不過呢, 沙田的商場雖有眾多食店, 都感覺沒什麼想吃, 突然想起電視介紹的意大利餐廳, 於是又再次跌落陷阱。食店說真的, 地點上有點不太方便, 在沙田圍站下車, 也還得走一條小斜路落行人隧道, 又要上樓梯, 感覺上有點崎嶇。順利到達食店, 門面感覺尚算對辦, 但入座前已有一段小插曲。當服務員問及有否訂座, 本已訂座的我們, 就在想應該很快就能被安排入座, 但他給我的反應是: 遲緩欠機靈。我把基本的訂座姓名跟人數告訴他, 但看見他邊聽邊在猶豫的眼神中又帶點錯愕時, 似乎希望要更多資料, 於是我就乾脆把電話都告知, 可是告知後, 他還是在猶豫, 然後前去詢問另一位服務員, 整個過程花了幾分鐘, 但個人認為這幾分鐘是沒必要的, 這讓人感覺很不良好。不是說每家餐廳都要用紙筆記下客人的資料 (雖然這樣會清楚很多), 但最低限度, 那名服務員在不清楚訂座資料的情況下, 應該儘快找人協助, 而不是反應遲緩地聽完所有資料後, 還要在愕一下才要求支援。最

今晚去左沙田搵個朋友，一齊行街街同食飯，呢間西餐廳又好好食，好開心！先嚟嗌左生蠔食，好耐都冇食過蠔啦，好好味丫，嗌左三隻愛爾蘭同蘇格蘭蠔，全部都勁新鮮，兩隻都好重蠔味，不過本人就喜歡蘇格蘭蠔多d，咸味重d，好好味，新鮮。另外嗌左黑松露帶子意大利粉，一上碟好香，而且驚喜係仲加左好多硯，當然都有吾少帶子，帶子大大粒，又吾會煮得太熟，所以仲好淋，好重帶子味，吾會有雪味，吾錯，意粉軟硬適中，食落都好香黑松露味。最後同朋友一齊飲住杯凍朱古力，傾下計，都幾捨意啊！

突然想試其他國家嘅菜色，意大利菜算係一個好選擇，所以搵左M3 Italian 沙田。去到門口睇下個menu，見到價錢同款色都好吸引，算係一啲中價又好正中嘅西餐廳。加上menu都有好多傳統嘅意大利菜，例如意大利飯, pizza, 同意大利雲呑等等。但平時少食意大利菜，所以想食啲好特别嘅野食，所以揀左以下幾款。首先頭盤係香煎鵝肝伴酒蘋果，個人只係食過鵝肝一兩次，但已經好有深刻嘅印象，而哩個鵝肝同我食過嘅好唔同，M3嘅鵝肝感覺好香口，但又好清淡，全因蘋果同酒香配合，帶出去種清香，加上蘋果同多士令鵝肝食落更有口感唔只係入口即溶嘅感覺，而且價錢適中，所以覺得相當價。之後點左兩個主菜，一個係長腳蟹意大利飯，意大利飯好有水準，食過幾次意大利飯，一係就太多汁，一係就唔熟唔夠軟，哩一個就啱啱好，加上蕃茄醬，帶出少少甜，不過個人認為可以咸少少，重點係個長腳蟹腳夠大，正。第二係一個好特别嘅菜色，西班牙燒乳豬，個樣就好普通，感覺一般，但食落去係有驚喜，皮脆肉嫩，加上薯蓉有别一個口感，但份量有啲少，好快就食完同唔夠飽，但味道值得一讚。個人對酒有一定啲注意，m3有好多不同嘅酒提供，個人選擇左支手工啤酒試下，口味揀

去左沙田行街街睇燈飾，晚飯時分去左遠少少嘅呢間m3，聽同事話好好食，今日去試下！餐廳環境都好舒服，光線較暗都幾relax，試左嘅鮮橙海鮮沙律同西班牙乳豬最難忘！先講個沙律，其實好少海鮮加橙嘅沙律，聽個名都覺得好清新，沙律有吾同新鮮嘅菜，有火箭菜，西生菜等，加上橙皮絲，增加清新感，另外仲有好多大大粒嘅蝦，好彈牙，整體配合埋醋同橄欖油等，味道岩岩好。另外西班牙乳豬都好吸引，一上碟就好香，而且熱辣辣，見到乳豬份量都好多，外表脆皮薄薄一層好香脆，而乳豬肉質嫩滑，仲保留肉汁，已經去左大部分骨，可以話係啖啖肉，非常美味！！好滿足阿呢一餐！

難得黎到沙田，特登搵左間好似好吸引嘅餐廳。六點幾去到，已經有好多人排隊等開晚市，好彩我地都入到去。雖然有一啲套餐，但好似分開叫吸引啲，所以都決定分開叫。叫左野食之後，會上左餐包先，仲係暖暖地，都幾軟，包嘅外皮微脆，仲有少少香草味，配上黑醋都係一個唔錯嘅開始我地叫左一個鵝肝，首先個擺盤十分唔錯，賣相精緻，望落已經好吸引。鵝肝外皮煎到微焦，所以有脆脆地嘅口感。而入裡十分嫩，油脂十分香口。而上面係紅酒蘋果，紅酒蘋果嘅紅酒味唔太算，甜甜地帶微酸，有開胃嘅感覺。配埋鵝肝一齊食，令呢道前菜減少油膩感，更加開胃。第二道係長腳蟹意大利飯。上面有啲沙律，而下面係意大利飯。中間仲有一塊輕輕烤過嘅芝士。賣相又係好吸引，味道都唔錯。意大利飯飯質可以食到明顯嘅飯粒，係我中意嘅style 。而香草味都幾突出，比一般嘅意大利飯香。但長腳蟹部份就有啲普通。蟹味唔算好鮮甜，但份量都幾大條，可以食到啖啖肉。重頭戲就叫左個豬手。賣相都係唔錯，外皮勁酥脆，食落去仲會有脆卜卜嘅聲。而裡面嘅豬手肉反而好嫩，叉落去都有啲散散地。而豬手下面有薯蓉，薯蓉吸收晒豬手嘅味道，食落去有幾濃嘅豬手味。而且份量都好大，有兩個人份量。不過味道偏鹹

聖誕節當然要吃餐好！餐廳掛滿聖誕裝飾，一家大小都來吃飯，很溫馨。前菜選了白酒忌廉汁藍青口，的藍青口大大隻，有十多隻，忌廉汁配上切粒洋蔥，很入味。廚師用心把汁的味道調好，忌廉味濃，既creamy又juicy，吃完青口都把汁全喝，很滋味！黑松露帶子意大利粉，意粉麵條幼細，黑松露很香，整體不錯。主打的帶子新鮮，但有點放涼了的感覺，不夠熱呢。廚師應該刻意先把帶子煎香，然後再煮意大利粉，再把帶子放上，若果時間控制得緊湊一點，帶子更值得加分！阿拉斯加長腳蟹意大利飯$168，價錢很化算，阿拉斯加長腳蟹有兩條，長長的放在飯的兩旁。蕃茄很入味，稀杰程度剛剛好，芝士跟蕃茄兩者很夾。飯軟中帶硬，突顯意大利飯應有的口感。然後吃了安格斯肉眼扒，4至5成熟，半生半熟的狀況，令肉眼口感提升。大大塊肉眼切下去毫不費力。配菜有蘆筍苗，新鮮的幼苗沒有渣，焗蒜頭味道也香。餐廳嚴選食材，毫不馬虎，環境舒適，服務友善，深深愛上這裡了。

聖誕快到了，吃好一點是常識吧！沙田圍的M3離港鐵站不遠，步行數分鐘就到。8時來到，座位8、9成滿，幸好還有位置。先來了香草餐包，桌上有橄欖油可加入吃。雖然沒有點湯，侍應都把餐包送上，真好。餐包可留待青口到後，跟忌廉汁一起吃最合適。白酒忌廉汁煮藍青口$148，藍青口配上忌廉汁，很香滑，味道出色。汁的味道濃郁，一口藍青口，一口忌廉汁，是一種享受。吃得出藍青口是外國食材，每隻青口都大大粒肉，加上粒粒洋蔥，帶點爽滑的口感。阿拉斯加長腳蟹伴意大利飯$168，阿拉斯加長腳蟹很新鮮，爽口，蟹肉帶有鮮甜的味道。蕃茄芝士味香濃。鮮茄的味道配搭芝士的咸香一流！意大利飯沒有硬硬的感覺，適合港人口味。黑松露帶子意大利粉$138，黑松露份量多，份量足夠2至3人吃。帶子有3大粒，粒粒新鮮。蜆肉洗得乾淨，客人自然放心。意粉只是略咸了一點，整體也不錯呢！安格斯肉眼扒$248，點了5成熟，只有少量血水，生熟度控制得不錯。半生熟的肉眼最能吃得出肉的鮮味。肉眼厚身，牛味重。伴菜的蘆筍苗長長的很嫩滑。這裡食物質素高，而且環境不錯，座位舒適，一定會再來！

記憶中，M3就是一家出色的意式餐廳，已經不是第一次來了。這裡環境舒適，食物質素高，材料全從外國空運到餐廳，服務不錯。假日總要好好對自己，專程駕車來到沙田圍，為的就是吃一頓豐富的晚餐。聖誕將至，餐廳都掛滿聖誕吊飾⛄🎄，充滿節日氣氛🎅。先來個白酒忌廉汁藍青口，$148的價錢吃了$300的味道！從未吃過如此令人回味的藍青口😋！絲毫沒有誇張，這個藍青口浸滿白酒忌廉汁，白酒味雖然不重，但忌廉味香濃，口感相當滑🍶。藍青口絕對是上等材料，每隻青口都肥美多汁，而且份量不少，足夠3人吃。一口氣連汁也吃清光😅！前菜吃完，點了黑松露野菌燒帶子意大利粉，$138的意粉好好吃👅，黑松露味香，帶子新鮮，廚師把帶子煎至金黃，口感剛好，味道上略嫌咸了一點，但整體也很不錯。既然食物好吃，當然不要停下來😁。吃了安格斯肉眼扒🍴，高質素的肉眼扒不能太熟，否則便浪費了一塊可貴的牛扒👀。選擇medium rare，保住軟腍的口感，鎖住牛的肉汁，配上蘆筍苗、焗蒜頭、長薯仔，整份牛只需$248，跟一般西餐廳的牛價錢相若，但味道就截然不同👍。這裡樣樣好吃，最後點多個焗阿拉斯加長腳蟹意大利飯，試試廚師功架💪。$168就吃到阿拉斯加長腳蟹

再次黎到M3, d食物水準都keep得好好。而且開左分店添左邊蘇格蘭蠔比愛爾蘭蠔大，肉質比較林d，海水味唔太重。較creamy愛爾蘭蠔就海水味好重，咸左d肉眼扒5成熟配薯菜。肉眼充滿牛味同肉汁豐富每咬一啖都除左啖啖肉仲好juicy但唯一爭d係爭小小脂肪，全舊都係肉要咬好耐先吞到雖然係咁，我對M3都十分滿意。會再來食架