M3 Italian (已結業)

已經係第二次嚟食啦，呢間平時好多人排架，所以一早打去book位。鵝肝：$128Size較細，感覺唔係太抵食。鵝肝夠juicy, 入口即溶。加埋個醬汁一齊食，酸酸甜甜剛好中和鵝肝的油份。意式辣腸薄餅：$108Pizza係薄批，好好食，芝士味好香，啱晒我呢個芝士控。香草麵包糠烤羊架配普羅旺斯燴菜及長薯仔：$238製作需時30分鐘，叫咗5成熟，肉質好厚身，羊味好香，但口感未係最 soft， 4件兩個人食真係有d飽肚。

係車公廟附近行下順便搵朋友，係open rice 搵到呢間排名幾高既西餐就揀左係到落腳做我地既晚餐 首先黎既係兩個焗熱左既飽，可以點下旁邊既醬汁，千祈唔好直接食千祈唔好直接食千祈唔好直接食(重要的事情說三次)，好似我咁==食完先知有得點汁 哈哈 跟著叫左個M3 Salad 啲沙律好fresh 旁邊仲有超多肉阿醬阿唔會靜係食沙律咁dry佢個煙三文魚同雞肉(?)真係好好食，搞到我忍唔住再食 跟著我叫左個千層面Lasagna，千祈唔好比相呃左，其實個千層面真係好好好好大份，２個人食都覺得多，哈哈，真係性價比十足，仲要超好食，芝士味又勁濃，怎叫人不動容？動肚先岩 呢個係魚黎，魚全部都係魚，House Smoked Saimon ，呢塊魚都好大，上面仲有個流心蛋＜３心心眼，煙勳味都幾夠，而且佢挑晒骨，真係啖啖肉，當牛豬肉食都得，無肉不歡既我又點可以錯過 住係沙田/馬鞍山既朋友，得閒就去試下啦，包你唔失望

今天到訪朋友在沙田的家後，做在附近吃個晚飯。朋友一早訂了這間位於沙田圍的m3餐廳，一起品嚐美食！ 帕爾馬火腿配哈蜜瓜（$88）咸咸香香的，配上清新爽甜的哈蜜瓜。 西班牙辣肉腸炒藍青口（$148）鮮甜多汁的藍青口伴上惹味的辣肉腸是一道不錯的前菜呢！ 鮮魷魚墨汁意大利飯（$138）意大利飯口感煙煙韌韌，鮮味可口，濃郁且味道夠香。 加拿大豬鞍配燒什菜及墨西哥汁（$198） 12安士的豬鞍肉厚肥美，肉質夠鮮，墨西哥汁甜香惹味，帶點辣味。 套餐加$60有湯及甜品 當日是甘筍湯，很creamy的味道！ 巴伐洛娃蛋白餅是店內招牌，口感像吃馬卡龍，配上開胃的熱情果醬汁和cream,開胃又飽肚！    

總覺得食西餐嘅環境容易令人relax...燈光暗暗...傾計mood亦會漸增...第一次到呢間餐廳...可能係星期日吧...full house呀～餐包：一般啦...因為係凍嘅...麵包要有d熱熱暖暖先好食㗎嘛...食餐包鍾意點橄欖油+黑醋多於牛油～今晚無叫set...各自鍾意食乜就點乜...然後互相share...烤蕃茄阿拉斯加長腳蟹意大利飯$108顏色好靚～最上層嘅沙律幾新鮮…只係其中有款菜帶有少少苦味…接受到嘅～意大利飯味道唔錯…蕃茄加埋其他蔬菜做汁...酸酸地好開胃...明白意大利米煮後...飯粒中心仍會有「生米」嘅效果...但整碟飯係偏硬身...而不只係米飯中心...蟹腳ok喎～咬咬肉...肉質幾結實...烤安格斯西冷扒配露筍苗$228原本叫肉眼扒...不過賣完lu...唯有轉西冷扒...塊扒煎得幾靚...做到5成熟…肉質亦夠軟淋又有肉汁...第一次食炸蒜頭...甜甜地...食完都無口臭...好味...露筍好鮮嫩...無渣...薯仔味道帶甜...薯味唔算濃...檸檬凍霜 $48見到檸檬二字就雙眼發光....諗住酸酸地可以解膩...低層中間有流心檸檬...視覺上有驚喜...不過

用雪藏披萨皮做既披萨都咁多人食？其它食物同味道完全唔得！唔知點解咁多好評？披萨有纸，意粉味道唔得,意大利飯唔似意大利飯。真正意大利餐同味道唔系咁！個㕑師要好好再進修一下！但首先整好個pizza 先！唔好再用雪藏披萨皮

從馬鐵沙田圍站往第一城方向走五分鐘後便到達這M3 Italian。就地區而言，這餐廳主要的客戶群必然是附近的街坊。在這星期四的晚上，七時半左右已經要等位了，看來也薄有名氣。不要以為餐廳落在沙田圍的一定是屋村價錢，屋村享受，就這餐牌的價位而言，可見餐廳的定位也偏向市場水平。煙燻北海道帶子伴尼斯沙律: 此沙律包括北海道帶子三隻、溫泉蛋、法邊豆、黑水欖、車厘茄及沙律菜，以黑醋橄欖油調味。帶子鮮香非常厚肉，而且內裡嫩滑。Parma Ham火箭菜Pizza: 此是薄而脆的Pizza，用上大量芝士與薄脆Pizza焗香，份外芝味，使光吃餅也不感單調。Pizza加上松露油，因此帶出陣陣的黑松露香，層次即時豐富了。每塊Parma Ham的底部也放了一片蜜桃肉，鹹香與甜味相輔助，配搭得不錯。自家制煙燻三文魚配水煮蛋、薯蓉、泰國蘆筍: 三文魚的皮面煎得十分香脆，魚肉表面被輕輕煎香，營造外脆內軟的質感。三文魚魚肉鮮香，非常厚肉，吃完也很飽了。雖然吃飽了，但人有兩個胃，一個放食物，另一個放甜品yuk所以我也點了一個Tiramisu，吃得意大利菜怎少得意大利芝士餅呢，蛋糕香滑鬆軟，充分咖啡香，絕對是極品。二人用餐

可以話係人生第一次食意大利菜，天氣逐漸入秋涼，住喺沙田嘅我早幾日走咗入去沙田買，同媽咪入咗嚟間餐廳。餐廳入面嘅裝修相當之有意大利感覺，最特別嘅係佢張枱用紅白格仔襯托，就好似意大利國旗咁又紅又白，好有民族風格！Mango Shrimps Salad $138相當豐富嘅一道沙律，用芒果來配合蝦，同埋沙律，令到整體感覺新鮮而且飽肚，芒果亦都相當之鮮甜，冷盤感覺清新，有創意，係一度好好嘅開胃菜式！Clams with beer $138西餐例牌會食嘅白酒煮蜆，但呢間同平時可食嘅有啲唔同，就係佢嘅忌廉比較重，用啤酒煮，酒味更加濃郁，而且佢蜆肉亦都比較大隻，食完好想再叫多一碟！Formaggio pizza $138食意大利菜又點可以冇意大利Pizza呢，formaggio即起司，cheese芝士咁解。芝士味相當之重，而且係我自愛薄批，博批可以話係最傳統嘅意大利Pizza，口感相當好！最後當然係甜品時間啦Tiramisu $56係意大利最普遍同埋最吸引嘅甜品而呢間嘅甜品做得亦都相當之細緻，冷冰冰感覺又唔會話過甜，有奶酪味道，好似雪糕咁，係我自愛嘅甜品之一！兩個人total食左唔洗500，的確係一間

男朋友屋企進行大裝修，暫時搬左去沙田住，假日到訪男友臨時新居後係沙田覓食，見佢附近有間西餐廳就入去試下！估唔到唔係旺區入面既餐廳都禁多人，20:00到達時係全場爆滿，餐廳牆上掛滿不同的照片，感覺環境懷舊得黎好有情調！先有餐包奉上，餐包外皮脆脆，而且暖暖的，自己可以用橄欖油跟黑醋調味，不錯！點了Ribeye ,5成熟，份量很夠，3大件牛柳配上薯角，燒得好香，但感覺上似7成熟，所以牛柳唔夠嫩腍，但肉汁同肉味夠香濃即燒的焦糖燉蛋，香脆的焦糖糖衣，燒到脆卜卜，配上香甜軟滑既custard 同混合左一粒粒黑色既雲喱拿籽，叫人回味👍🏻

又係同男朋友周圍搵野食既時間，上網見到有人話呢間M3既意大利野幾好食，今次特登走過黎試下。鋪頭都幾舒服企理，燈光有氣氛，唔會太迫，估唔到平日都算幾多人。食物方面值得一提既就係：M3沙律我幾欣賞佢個黑醋，唔會太酸，聞落已經好香黑醋味。沙律菜既款式算多，而且新鮮，咬落爽口，份量適宜，2個人岩岩好。香煎原條龍利柳呢條魚煎得岩岩好，外皮金黃色，魚肉唔會煎過龍，肉質嫩滑，外加少少香草同檸檬汁，再點少少醬油調味，食落口啖啖肉。整體黎講價錢雖然有d貴，但勝在環境舒服，食物品質好，可以介紹其他朋友過黎一試。

M3 Italian開張了都有一段時間，雖然在附近工作，但都一直未有機會一試。今晚便約了2個好朋友到這裡食晚飯，前一晚仍然能夠電話預約座位。預約時段只有兩個選擇：6:30-8:30pm 或 8:30-10:30pm。我們選擇了第一個時段，6:30-8:30pm。準時到達餐廳，客人尚未算多，只有4-5枱顧客。餐廳裝飾比較像葡式多於意式，枱布選用紅白格仔。座位空間不算狹窄，坐下來用餐都頗為舒服。每枱都有一樽橄欖油和黑醋供沾餐包用。食物選擇多，不只是意大利菜，一般的西餐食物都有，沙律、小食、薄餅、意粉、扒類、甜品都有。但我們都不是太肚餓丟關係，只是簡單丟點了一客薯角和一個薄餅而已。點餐後，會按人頭送上餐包。老實說，這裡的很一般，不夠熱和比較硬，即使是看到有香草在包中，香草味亦不重，不吃也罷。辣味薯角：薯角即炸，熱辣辣的，而且炸得外脆內軟，不過比較乾身，必須沾上茄汁才易一點入口。味道不算太辣，即使是不能食辣丟我仍然可以接受。田園薄餅：餡料有露筍苗、意大利青瓜、白菌、車厘茄、黑水欖和黑松露菌醬。一上枱，便聞到很濃的黑松露味道。薄餅採用薄身脆口的薄片作為餅底，感覺不會太厚太膩；芝士比例頗多，每一口

沙田圍有一間餐廳好多人推介，好唔好味真係試過先知！所以根據推介既地點與朋友約左食飯，估唔到係我心目中咁偏遠嘅地方竟然有咁多人，究竟係咩葫蘆買咩藥呢？我哋最鍾意食牛肉，燒安格斯肉眼扒就最啱我哋，個價錢合理。燒美國安格斯肉眼扒$198估唔到塊肉都好大，至少大個一隻男人手版，切開之後有少少紅色，非常鬆化。而且佢加左一啲香草上去， 仲有一啲燒汁，令到肉更香。另外有一些沙律菜，好新鮮呀原來唔係雪藏嘅菜。中和左牛肉，變得更加健康。青蘋果沙律好清新，我落去爽口又新鮮，味道清甜又帶點酸味。另外還有一些甜的翠翠令清新的感覺變得濃郁。沙律菜配以橄欖油，雖然我唔係非常喜歡食橄欖油但係好健康囉！炸薯角有意思，一望已經覺得好好味， 炸皮又唔厚， 主力食入面嘅薯仔，熱力十足好快係咀既入面溶掉，好香呀！點茄汁食perfect!

同老公慶祝結婚周年,選了一處座得舒服又寧靜的地方。叫左個木魚花鮮蝦薄餠,饀料有菠蘿,木魚花,青椒,鮮蝦。薄餅是薄脆低的,咬落口似食餅乾,而且芝士及木魚味很濃,蝦亦很新鮮,外脆內軟,很好味。香辣大蝦意粉,加了蕃茄,露筍,大蝦。大蝦很多,望落起碼有7,8隻,而且仲很鮮甜,意粉香蒜味很濃,有小小辣,很野味,不用再加(辣椒仔)。藍莓奶凍,奶凍奶味重而且很幼滑,亦吾會太甜,加了粒粒略酸的藍莓在頂層,令口感的層次增加。芝士餅,望落去像是藝術品,吃上口芝士味濃,亦很重檸檬味,很軟滑,整體不會太甜,剛好

最近朋友話想嚟M3 Italian試下，於是今日放工就同咗佢嚟。返咗成日工大家都肚餓了，睇過Menu後決定order M3 Salad， 自家煙燻三文魚，辣肉腸炒青口以及檸檬凍霜。首先出場嘅係M3 Salad, 份量比想像中多，除咗沙律菜外，仲有燒雞，煙三文魚，Parma ham，同埋脆口嘅面包粒，配搭上黑醋食起上嚟特別開胃。煙三文魚同Parma ham都幾多，味道相當唔錯😄之後係辣肉腸炒青口，青口都幾多同幾大隻，配埋辣肉腸好香好惹味。三文魚扒好大件，肉質都幾嫩滑，好好食。但好食嘅唔止係件三文魚扒，仲有底下看似平凡嘅薯蓉，連平時對薯蓉麻麻嘅朋友都話好味！三文魚扒上面仲有粒好流心嘅水煮蛋😋所以整體好豐富，質素亦好高👍雖然已經飽飽地，但又點可以少咗甜品呢😜檸檬凍霜嘅賣相好精緻，外層白雪雪滑溜嘅慕絲包住酸mei mei嘅檸檬流心，味道好夾好正呀！！食埋甜品滿足哂😋

今日同朋友行開沙田，發現到呢一間意大利菜，就即管入去試下。我就叫左個蕃茄長腳蟹意大利飯同一個薯條。呢一個意大利飯非常足料，長腳蟹肉嘅數量十分多，而且每舊蟹肉都好大舊。蕃茄配埋蟹肉帶出左蟹肉嘅鮮味。個意大利飯煮得洽到好處，就好似係意大利食到嘅一樣。另外個個薯條亦都好惹味，又香又脆，同平時出面食嘅薯條唔一樣。下次會再到朋友黎食。

大鄉里既我少有搵食搵到黎沙田圍呀!!因聽說呢度有間隱世意大利餐廳, 價錢又相當大眾化, 是, 最重要係價錢大眾化, 即約埋亞妹黎開餐~~呢度沒有奢華既裝修, 沒有用上名貴既餐具, 但全埸約五六十個位置卻坐爆, 可想言之, 呢度既食物應該係有返一定既水準先有甘多人黎捧場, 我想我選擇對了...我還很喜歡餐廳播放既英文歌, 完全陶醉於美食同情歌中M3 Salad    HK$148先黎一個餐廳主打招牌菜, M3 沙律, 材料包括煙三文魚, 巴拿馬火腿, 烤雞肉, 凱撒沙律, 碎芝士, 炸麵包粒等, 沙律可以伴雲尼拿沙律醬同提子醋同食!!呢個沙律堅大堆頭同足料, 非常滿足, 食完已經飽左一半!! 整個沙律好用料都好fresh, 啱晒講求健康既一族~~啤酒煮蜆    HK$138很喜歡呢道菜, 蜆肉肥美又鮮甜, 食落辣辣地又有蒜香, 仲帶小小啤酒味而且不苦, 味道特別, 絕對令人想追食下去...鮮魷墨魚汁意大利飯     HK$138魷魚非常鮮嫩又唔靭, 而且仲整得幾香口, 墨汁飯軟硬適中,食落煙煙靭靭, 墨汁味又夠出又夠香濃, 非常惹味, 加埋最頂既火箭菜同食, 感覺好fresh呀~~不過食