M3 Italian (已結業)

今晚班大學同學約左係沙田圍開餐，講好左今晚係食西餐既，book好台早少少去到，未齊人都可以入住先。先黎頭盤沙律，鮮橙海鮮沙律，沙律菜配上鮮橙香味，清新之外又夠醒胃，另外海鮮又有鮮蝦又有尤魚，香甜味令鮮味更能帶出。另外仲有酥炸大蝦，大蝦食得出係新鮮炸起，皮薄咬落超脆，肉質夠鬆軟，滴埋檸檬汁令蝦肉味更香，係另一醒胃之選。主菜係香煎原條龍脷魚，成條魚仲大過隻手掌，肉質薄而滑，魚骨只有大骨，所以食落啖啖肉，香煎煮法令魚身呈魚香味，香氣撲鼻，而調味用上香草，除了調味外，香草唔會將魚肉味覆蓋，所以仲食得出龍脷魚肉既魚甜味道。至於伴碟既薯菜都可以食埋，薯仔更沾上魚香味，比炸魚薯條更香更美味。