M3 Italian (已結業)

平日晚上，大圍稍稍遠離火車站出口的街道甚為寧靜。唯獨是這家新開的意式餐廳，外面站著不少等位的人士。餐廳的裝潢走新派西餐廳的風格，帶著點點的工業風。餐牌上羅列着的菜色，價錢都比較親民，食物款式顧名思義是以意式風情作主打。凱撒沙律配煙三文魚沙律以竹製的碟盛著，三塊卷成如玫瑰狀的煙三文魚固然搶眼，但周邊躺著的一片片長條形的芝士更吸睛。咬一口流心蛋，鮮黃的蛋液徐徐流出，慢慢享受著半熟蛋的美味。食材很新鮮，沙律菜爽脆度滿分。意式炸雞翼對一眾優雅的女士來說，如何在吃雞翼的同時不失優雅是個難題。餐廳細心地安排先把雞翼去除一邊的骨，方便進食，各位女士不必再擔心儀態問題。雞翼炸得很香脆，上面的香草帶出了意式風味。黑松露野菌燒帶子意大利粉意粉中加入了蒜蓉，炒得特別香。本身的調味已經很夠香，香得快要把黑松露的味道都蓋過。帶子很鮮味，煎成半熟的帶子特別鮮嫩。對大蜆的印象則一般，沒甚特別。入座前經過甜品櫃，看見賣相精緻的甜品食指大動。食物上桌前，本想吃完主餐後再點甜品。唯吃完主餐已夠飽，最後只好打消吃甜品的念頭，唯有期待下次。

今日收工有朋友邀約食晚飯聚舊，一行四人連同太太到了大圍，原先打算食火鍋，於駕車時沿途看見一間西餐廳便將車泊一邊看過究竟；M3 Italian ~俾我印象似足喺上環沿海旁的西餐廳格局，於是我地決定由原先食火鍋念頭轉為一試食好西(餐). 侍應招呼帶位坐底，環觀場内環境及裝修氣氛，絕不比上環中環嘅西餐廳遜色。打開 menu, 主菜牛扒類別看見" 慢煮T骨美國牛扒" ($438), 足 18 安士，所以order了~,另外點了 Parma Ham火箭菜 pizza ($138) , 炸雜錦三式($108) 及一份招牌M3沙律($148), 飲品方面，我和朋友都喜歡飲紅酒，所以 order了一瓶 Chile嘅紅酒，大約二百蚊左右。 頭盆先上咗 M3 沙律及炸雜錦三式；沙律配搭有煙三文魚，風乾火腿及香草烤雞外，還有極具特色口味的三款沙律醬~! 另外細味一嚐還有羊奶芝士味道的回香~(下次再來必 re-order~❣); 而炸雜錦三式則不過不失~❣(still delicious) ~港人致愛三寶：薯角~炸蝦~烤雞中翼~❣(配沙律醬&茄汁係必然). 食到差唔多嘅時候~pizza嚟啦~! 原來黑松露

今次嗌左一個主食同一個湯:1.忌廉芝士蝦球意大利粉$522.野菌忌廉湯$12意粉份量唔多，午餐黎計，小鳥胃既朋友應該岩岩好，如果好似我個胃咁黑洞就絕對唔夠喇!意粉軟硬度適中，煮得岩岩好，唔會硬到好似未煮熟，但又唔係淋到爛曬，呢個程度帶有啲咬口，讚。另外個名所題到既芝士，亦只係喺面頭灑啲芝士粉，有啲失望。我比夠欣賞個忌廉湯，好濃，好足料既感覺，仲好似有少少黑松露添，飲埋碗湯先比較飽肚。凍飲要額外加$10,其實我覺得偏貴。

今日約了很久沒見的中學同學吃晚飯，想選擇就近的地方又可以坐久一點的餐廳，因此在大圍選擇了一間西餐廳，於大圍站步行往餐廳，大概需時15分鐘，題外話：近年大圍的確多了很多食肆選擇，但多數店面面積不大，因此填滿肚子後，很快便要埋單走人，因此如想坐久一點，可以選擇此餐廳，環境較為幽靜，有燭光與酒的擺設，感覺放鬆，我們坐下不久，便點了以下菜式：香辣薯角，入口香脆而開胃，帶點香草的味道洋甘菊花茶，用料十足，感覺很清熱下火黑松露火箭菜薄餅，香氣十足，芝士有咬口，配上火箭菜，很新鮮凱撒沙律配烤雞，圖內中心是溫泉蛋，配上秘制醬汁，口感清爽香滑而奶香十足青蘋果汁，略嫌太小杯，以價錢來說，有點貴香辣海鮮蕃茄意粉，由於本人為蛋奶素食者，此菜式僅食碟內的意粉，意粉硬度適度，酸酸辣辣，很新鮮總體來說餐廳格局與氣氛很柔和，令人很放鬆，食物擺放精緻，但飲料略為細杯，是一個聊天飯局的好地方。

嗰日一直喺度諗大圍究竟有乜嘢餐廳係好食同埋適合同朋友傾吓計享受下個環境嘅地方，行吓行吓見到呢間餐廳見個view唔錯就諗住入去試吓，點知水準都幾高。其實我嗰日就係遲去嘅，朋友一早已經叫晒嘢食等我，諗住算拉去到都應該啲野凍哂麻麻地咁。當我一入到去坐低嘅時候，我發現枱面嗰碟肉醬意粉依然冒煙，食落去啲肉醬唔係罐頭果啲唔似平時一般餐廳食到嗰啲蕃茄罐頭加瘦免治肉碎。而肉碎嘅份量都幾多。意粉亦好彈牙，並冇因為煮得太來耐失去質感嘅問題。蕃茄嘅酸度令人開胃，但食落去酸酸甜甜咁。除此之外，朋友仲留咗啲雞翼比我食。就咁睇外表，一開始都幾抗拒，因為覺得個雞皮炸到好似好多油好肥膩咁。但原來都ok，放入口第一下感受到嘅味道反而係一陣淡淡既檸檬香草味，食到既都係水果味，都幾適合減緊肥嘅我食。有好多朋友會擔心，食炸雞翼會淨係食到一陣油味，但尼到整得幾好。仲有一個好靚嘅環境比朋友吹水，聽下音樂咁，幾寫意。

大圍其實都係好多隱世小店，好似星期日好朋友帶我去食的呢一間叫M3 Italian，兩點鐘去食仲有好多位，坐得舒舒服服，裝修都有少少文青Feel，我本身比較少食意大利菜，唔識叫就想叫個All day breakfast，上完菜，睇個樣覺得同英式好似有少少唔同，多左塊烘左的麵包，本身就唔係好鍾意食呢款賣相的麵包，但係食落真係幾好味，不過我覺得之所以好味某程度上係佢個賣相都幾好，加埋氣氛環境，傾下計飲下野又幾正。本身以為份量唔係好夠，但食落又適中，冇想像中咁少，難得少人，下次可以唔洗響馬鞍山迫，搭多幾個站黎呢面食。不過價錢就要$100, 似乎比食開的All day 貴左少少。

今日同朋友一齊食晏，每人叫左一份餐，另外再加一個薄餅，非常飽肚嘅一餐美國肉眼扒配意粉牛扒超大塊，幾乎半肥瘦，食落一啲都唔韌味道唔咸唔淡啱啱好，配意粉好夾，味道好平衡，唔會覺得膩意粉生熟程度都係啱啱好，爽口彈牙薄餅底好薄好脆，真係「入口即碎」架，份量唔會太細，同朋友分黎食岩岩好煙三文魚好大股好香嘅煙燻味。但個人認為味道有少少咸（可能因為我平時食得比較清淡）。整體而言，環境舒服，服務態度都Ok，食物價錢適中

唔敢話冇 但一隻手都數得曬！本身都好熟悉大圍所以知道食嚟食去都係嗰幾間咁岩今次行過就諗住下有冇新發現點知真係搵到！入到去環境都幾有feel雖然唔大但係又有酒櫃又有吧檯十分有睇頭我哋一嚟就嗌咗兩杯試一試首先嗌咗個小食拼盤108就有三樣小食(炸蝦,雞翼,薯角)超級抵食😘😘呢個係帕爾瑪火腿火箭菜薄餅我見到佢哋做推介所以就叫咗個黎試下而我本身又鍾意食薄薄餅食落去覺得三樣嘢都好夾而且啱啱整好不但皮少少軟仲有少少脆添口感做得非常好我同友人一齊叫咗呢個share食法國油封鴨腿配茴香鮮橙沙律鴨腿表面煎到少少脆但係啲肉都好嫩完全唔覺老但係個重點係個沙律真係整得好好食好畀心機因為個汁令到啲沙律菜都好好食😆😆最後仲嗌咗個士多啤梨撻食雖然同平時食嗰啲冇咩分別但係水準都高食都過👍

嗰日同朋友聚會，見到呢間餐廳環境唔錯，就入咗去坐。一入門口嗰度有好大個酒櫃，好有feel。可能因為嗰時下午茶時間就完所以個場冇乜人，坐得好舒服！仲有播我最鍾意既Aga!!!情調100分！老實講，以呢間餐廳食物嘅質素，下午茶真係相當抵食，推介！！！首先係個Carbonara，意粉煮得剛剛好，係我最鍾意嘅質感，唔會過分軟身，係有咬口嗰隻。嗰汁都煮得好濃，如果鍾意食Carbonara嘅朋友，一定要試下！另一款主菜煙三文魚窩夫都幾特別。窩夫本身就係甜甜地架啦，但加埋煙三文魚偏鹹嘅味道，居然出奇地夾！仲有個蛋沙律唔係好似平時嗰啲淨係撈沙律汁，有啲好特別嘅味道我估係撈左少少Wasabi，加埋個Benedict egg真係好好食，係清新之選！叫咗兩個主菜見佢哋都咁出色，就同朋友決定叫埋甜品^^朋友叫咗心太軟伴雪糕，佢話冷熱交融好正。我就唔鍾意食咁甜所以就叫左檸檬撻，酸得黎唔會太酸，味道岩岩好！總括而言，呢間餐廳既下午茶性價比真係十分高！推薦大家去！^^

朋友住大圍，話開咗間新嘅食意大利菜，環境幾好想試吓，就一於試吓啦。我哋叫咗一個小食、兩個主菜同埋一個甜品。呢個炸雜錦三式，有炸薯角、吉列蝦，同雞翼。熱辣辣，好脆口，配埋個醬好惹味好食😋😋😋呢個Parma ham pizza 好欣賞佢好薄好脆底，滿滿嘅芝士，蜜桃嘅甜中和左Parma ham 嘅鹹，正個油封鴨髀外脆內嫩，啖啖肉，配埋個沙律份量好足好Fresh，而且好欣賞佢哋個沙律唔係只係得菜😂😂😂有好多唔同嘅配料，食落口感豐富，一啲都唔dry☺️☺️☺️我哋另外加左＄60，有一個餐湯連甜品，甜品我哋揀咗士多啤梨撻，都唔錯啖啖士多啤梨🍓🍓餐廳環境都幾好，特別係佢樓底高，北歐嘅裝修風格，幾有格調嘅餐廳。

今日同三個朋友一齊去咗呢間意大利餐廳食嘢，望落去好似好貴咁，但其實佢哋下午茶其實都係平民價，每個餐都係大概$50至＄60左右，可能我哋係下晝四點鐘先到，所以嗰陣時都比較少人，但係個氣氛就好好坐，係窗邊仲有啲自然光射入嚟，成個感覺都好舒服。雖然話就話係下午茶，但係啲份量都好足，我叫左個炸魚薯角，薯角嘅份量都有一籃，有茄汁同埋沙律醬，重點係個魚柳勁厚身，食兩舊其實都飽！另外仲嗌咗個甜品，蘋果金寶雪糕，一邊有啲粒粒脆脆地嘅嘢 食落去好有口感，蘋果金寶就啱啱出爐，仲出緊個煙，金寶熱辣辣咁食，配埋個凍冰冰嘅雪糕，又熱又凍，成個甜品都好有層次。

前排去完上海番到黎，雖然係果邊食左好多野，但同樣好懷念西式餐廳既日子～番到黎冇幾耐，就約左朋友黎食M3～對上次食M3我諗都成年前，當時仲係大埔果邊，地方仲要行幾耐，而前排佢地係大圍開左分店，仰近地鐵站好多TIM，感覺方便左。餐廳位置幾有空間感，扒房既格局，同大埔果間有好大對比，不過我比較中意呢個環境。餐牌選擇多多，由前菜到甜品都有幾款揀，而且有圖有真相，實物同張相都唔會差好遠。炸雜錦三式包括有單骨雞翼、酥炸大蝦同薯角，同FD都好中意食炸野所以唔嗌唔得，單骨雞翼外層炸得有啲硬，口感偏乾身。酥炸大蝦，配埋他他醬一齊食，外層脆口內裡彈牙，味道感覺都唔錯。薯角，其實可以話見到薯角我就會癲，所以唔洗講我都會話好好食XD 份量都做得岩岩好。黑松露野菌燒帶子意大利粉，配汁唔算太多既意大利粉，因為有帶子同蜆，所以乾身少少先唔會蓋過左佢地陣味。意粉口感偏硬身，松露同野菌配搭得唔錯，野菌份量多之餘令黑松露更加入味，而煎香過既帶子啖啖鮮嫩，香口非常。因為食得太多煎炸野，所以飲番啲茶中和下，味道有中上表現，雖然價錢偏貴但有機會都會再黎。

地方小而餐枱多，氣氛像茶餐廳，侍應接連犯錯，工作人員不注意衞生，叫了一個價格160元的蟹肉飯，份量小得如嬰兒食品，找了半天都不見蟹肉，埋單時問究竟有冇，侍應話放在芝士下面有小塊，但真的看不到，雪藏蟹肉有幾貴？賣這個價錢的餐竟然小到找不到，這飯的food cost可能不到十塊錢，毛利十多倍，這些中國人煮的假西餐真的吃不過。

朋友話食過沙田嗰間M3幾好食，知道大圍都有一間，於是就同朋友去食我地分別食左兩個餐，兩個都好好味份量好夠，抵食!忌廉芝士蝦球意大利粉忌廉同芝士味好濃，醬汁充足，食落去好creamy，香味出晒黎意粉亦煮得熟度適當，麵條好有彈性口感蝦仔爽口好味，令成個餐生色不少蘆筍細細條，爽口解膩，如果再多少少就更好喇烤紐西蘭羊扒配飯個餐配淡黑椒燒汁好夠味，同羊扒好搭，完全食唔到羊酥味容易切開，肉質幼嫩，肉汁同黑椒汁滲透到一齊，更加滋味!飯同羊扒份量都好充足，非常飽足

今日同爸爸細妹，喺M3食左好多，非常滿足飽足!南瓜餐湯南瓜湯比較清淡，但飲多兩啖又習慣到，覺得味道岩岩好唔會太漿糊唔會太稀，作為餐湯都唔錯，可以墊一墊肚煙三文魚薄餅餅底非常脆，輕輕一咬已經碎開，薄薄嘅餅底無厚重麵粉味材料有三文魚、蕃茄、青椒紅椒、洋蔥等等，加埋醬料味道豐富，成個餅好清新健康總共都有6塊，主食唔夠飽肚嘅話作為小食都唔錯自家製安格斯牛肉漢堡呢個餐最抵食，漢堡好大好厚，材料種類多而豐厚，仲有薯角配埋漢堡入面塊牛非常厚，咬落去唔會痴牙，仲有肉汁存留係牛肉入面不過個漢堡厚到好難切好難咬，除此之外都好正，牛肉同蔬菜夾住，味道有層次感薯角分量好多，同沙律醬配搭，鹹鹹酸酸交替令人食完再食沙律醬有粒粒，增加左口感，同腌黃瓜解到膩整體黎講，環境座位都好舒適，上菜速度非常高，係一間唔錯嘅餐廳