M3 Italian (已結業)

今晚獨自一人食晚餐，對自己好點就揀左屋企附近一路都想試一試的西餐，位於大圍火車站A出口步行五分鐘左右就到！餐廳的吊燈好歐陸風情，開放式的廚房！首先我叫了個南瓜濃湯，佢比出面的南瓜湯不一樣，飲落去甜甜的，好香滑，好像飲緊糖水甘！最近好喜歡食鵝肝的食物，所以主菜叫了個黑松露野菌意大利飯配法國鵝肝-外形擺設精緻，意大飯一向硬身，加上黑松露醬汁佈滿粒粒飽滿的米粒，另外鵝肝煎到好香，仲有埋其他小配菜，每食一啖都有豐富的口感！最後叫了個甜橙梳乎厘甜品作為今晚完結晚餐，佢製作時間需要二十分鐘左右，所以我一開始就同時點埋甜品，那樣食完主菜送到來時間岩岩好，整個梳乎厘份量也算大份，里面熱呼呼的超軟棉口感，香橙味也挺重的！個人埋單三百港元左右，算合理！

大圍西餐選擇不算多，M3算是比較有格調裝潢門面都ok 的一家，所以住在附近又不想走太遠一般都選擇他。但食物真的來了三次失望了三次。一次比一次差啊。而且好貴！！物不所值啊！！四樣嘢埋單800，每樣都百幾二百但係個quality 完全係幾十蚊貨仔！白酒 Hh 39一杯好抵飲 而且夠凍pamaham 份量太少，蜜瓜同哈密瓜都算夠甜，但份量真係唔夠。味道係ok 嘅，鹹香。辣肉腸炒青口整個調味微辣，不能吃辣的人都接受到～但係唔知點解有辣味都可以食到青口有d 唔新鮮嘅味道。🤧Carbonara！呢個真係最大伏！ 小妹本身唔抗拒蒜頭味，但係呢個充滿濃郁蒜味嘅Carbonara我真係接受唔到！佢一dd carbonara嘅牛油或者cream 或者煙肉味冇一樣有！只有蒜 蒜 蒜味！帶子蝦意粉呢個都係蒜味嘅意粉，同carbonara差唔多味，帶子好林冇鮮甜味，蝦都係好普通嘅蝦肉，意粉點解可以煮到咁軟？湯粉咁嘅質地又軟又濕，食到後期佢開始斷到碎🤧🤧餐廳坐得舒服嘅，環境都唔錯，個live show 嘅女仔唱歌幾好聽，但係選歌真係出大錯！全部都係d 唔啱氣氛嘅廣告歌、電視劇主題曲、鹹魚白菜也好好味嗰d 歌，真係

難得放假，今日同媽媽兩個去大圍行街順便食西餐。喱間餐廳其實之前已經在沙田分店食過一次，大圍喱間應該係分店：）今日因為時間比較早，差不多六點已經到餐廳，所以我們是餐廳內第一桌客人。餐廳內既環境非常舒適，特別係座位既大細，絕對比一般餐廳大好多，沒有擠迫既感覺。媽媽對這一點非常欣賞。今晚因為唔係特別肚餓，和媽媽兩人叫了卡邦尼意粉以及一個西冷排拼大蝦。卡邦尼意粉既份量不是特別多，但係西餐貴精不貴多呢～配料非常足夠，由煙肉、芝士和蛋配合煮成，用的是傳統卡邦尼的做法，入口香而不膩。意粉的硬度稍硬，但剛好合乎媽媽的口味，如果喜歡軟身一點最好在落單時先說明。西冷排和大蝦的賣相都不俗，入口有炭燒的香味，配料也很多樣化。媽媽話牛排如果叫生一點會更加好吃。如果下次再去可以再叫來試試～不過本人比較偏愛意粉和大蝦。西柚汁是媽媽叫的，果汁類相信都是即榨果汁，沒有加入其他糖分。媽媽比較喜歡西柚的酸味，所以評價不錯。各位如果不愛酸味，叫蘋果或橙汁都是不錯的選擇。                          

早前，跟一位可愛的女生走到大圍食飯，沿途經過意式餐廳 <M3 Italian>！她告訴我，她跟家姐間中都會走到這裡食 lunch！ 提及到食物水準也不錯！反而，未試過晚餐！既然係咁，一於平日找晚來食晚餐，看看水準如何？這裡樓底好高，店員們亦殷勤有禮！帕爾馬火腿火箭菜薄餅 $138一開 6塊，自家製餅底，一來有誠意，二來口感更好！帕爾馬火腿尚算油潤有光澤，而且不算死鹹！火箭菜帶苦味，兩者配合起來，起了互補不足的作用！  黑松露野菌燒海蝦帶子意大利粉 $168帶子厚身而火候恰到好處，可保持其鮮嫩甜美！燒海蝦都幾爽口彈牙，意粉軟硬適中略帶煙韌，口感討好又入味！甜品綠茶心太軟 $78  入口有濃厚牛油羶味，實在太濃重，令人難以接受及吞下去！把原有的抹茶味也掩蓋了！這是我嚐過綠茶心太軟 最差的一次！

有好一排都冇食意大利餐廳，今日心血來潮決定搵間意大利餐廳食pizza。黎到大圍呢間m3，之前試過沙田嗰一間覺得好食，今次就食呢間。餐廳走高檔路線，環境幾適合食西餐。今次自己一個嚟冇食太多，主要都係一個薄餅再加一個前菜，前菜揀咗薯條，仲要係我最愛嘅黑松露味薯條。餐廳嘅服務ok，原本安排咗一個吧枱坐位，但係我寧願揀坐梳化位比較舒服，侍應都好好配合。食物方面，炸薯條黑松露芝士係令人難以抗拒嘅食物 雖然好邪惡，但係真係太好味。黑松露配芝士永遠都係我嘅首選。薯條厚身，熱辣辣啱啱炸起，味道唔錯。意式辣肉腸薄餅，成份有辣肉腸之餘，仲有菠蘿、橄欖、蘑菇、芝士等等，口感層次豐富。薄餅唔算非常厚身，個人鍾意邊啦，我覺得個薄餅底係幾有咬感。意大利薄餅都係黎到呢間意大利餐廳必食。餐廳畀我嘅感覺係食物嘅款式都算多，基本上意大利餐廳嘅食物類型呢度都有。價錢方面尚算合理。整體嚟講，十分裏面都有八九分。

晚上黎開沙田大圍同朋友聚舊，出嚟搵啲嘢食好多鋪頭都閂咗門。經過見到呢間食意大利嘅餐廳好似幾高檔，而價錢又幾平民，所以決定幫襯下。餐廳嘅環境都幾有格調，有啲浪漫嘅氣氛，適合情人或者朋友三五知己。好彩今日唔算人多，唔使等位。餐廳嘅款式幾多，有沙律、薄餅、粉麵飯同埋特色甜品等等，但係主打海鮮同埋扒類，不過今次就未有食，下次有機會先再食。巴拿馬火腿配埋哈密瓜作為小食係唔錯嘅選擇，蜜瓜冰涼，拌巴拿馬火腿，賣相都幾吸引，輕輕地唔會食完就已經飽曬。幾鍾意個巴拿馬火腿，幾香，咬落有口感。黑松露野菌意大利飯啲飯身黏性嘅程度適中，份量都幾大。一個人食曬都會幾飽。因為呢間係意大利餐廳，所以諗住試個意大利飯。配埋法國鵝肝，真係可以話係意大利法國美食大融合。意粉中我最鍾意都係卡邦尼忌廉意粉們，今次配埋溫泉蛋。可能對有啲人嚟講係有啲肥膩，但係我覺得卡邦尼忌廉再加啲煙肉整成意粉，配搭一流。價錢方面，每個人200蚊，以咁嘅環境格調同埋食意大利餐嚟講，都係幾抵食嘅。

同同事喺大圍附近傾完生意，六點幾呢個時間搭車一定好多人，所以兩個人都係決定喺附近餐廳食啲嘢先~同事揸主意黎咗M3 Italian ~餐廳望落環境非常之高雅，播住經典嘅西洋音樂，裝修優雅高貴，我未食嘢已經對呢度既環境非常之有好感~野食方面交由同事發版，佢叫咗西班牙燒乳豬配薯蓉及酸椰菜，我淨係望到menu張相已經比西班牙燒乳豬深深吸引住!!!因為我唔係好肚餓所以都係叫多個卡邦尼忌廉意粉配溫泉蛋SHARE食就算~同事仲笑說要知道一間餐廳好唔好食就一定要試佢嘅卡邦尼忌廉意粉XDDD個卡邦尼忌廉意粉證明呢間餐廳係非常高質!!一啲都冇令我哋失望!!用料非常之充足，個醬汁濃而不膩，意粉彈牙，而且上面仲有幾條手指般粗的芝士片!!!我就咁食左一條，超香超濃郁啊個芝士片!!!簡直是非常驚喜!意想不到地好食!! 餐碟大但係個份量都好夠~女生一個人都有機會食唔曬添呀XDD而個西班牙燒乳豬更加冇令我哋失望!!簡直係喜出望外!三塊燒乳豬個皮燒得非常之香脆!一咬落去直情聽到脆皮在我口中被咬至碎裂的清脆聲!!沒有誇張XD 油脂分佈好平均!肉質真係非常非常非常之感嫩滑同JUICY!~我之前係西班牙都食唔到咁好食嘅烤乳豬

同女朋友每月紀念日去食飯 24/9星期五因為落雨關係可以walk in都有位大圍都有好貼地西餐 環境好好，唔係黑曬，但都warm warm地，幾浪漫，果晚仲有個男仔有busking tim,🎤🎼都唱得幾好聽，成件事都幾岩廿中的情侶同family gathering 來我地散叫左兩個食物肉眼扒🐮(medium)😋😋😋😋好嫩，好厚身，好有牛味，好juicy💦佢唔用芥辣，因為本身的汁都好好味，幾推薦。黑松露帶子意粉😋😋😋黑松露🍄味好重，我同女朋友都okay，如果唔鐘意這個果的人可能麻麻地。帶子有d淡，下次可以試茄汁底🍅的意味。服務都幾好加埋有歌聽 作為一個月的紀念日 同呢個埋單300幾蚊兩個人，都係幾好的選擇👍🏼

大圍俾人嘅感覺都係舊區，如果唔係朋友介紹，都唔知呢度有一間西餐廳咁好食，係其他鋪頭入面顯得有啲格格不入，有啲驚喜😂😂餐廳嘅裝修好靚，但又唔會有平時高級餐廳嗰種壓迫感，反而比人好輕鬆既感覺，好適合三至四位朋友去食飯傾計🙈🙈食物價錢雖然算平，但就好多選擇！而且全部都好大份㗎！黑松露野菌意大利飯配鵝肝真係好正！意大利飯眼眼地好有口感，而且仲有好多蘆筍，食落好有層次，野菌同黑松露味都好重！淨係個飯已經好值回票價！法國鵝肝先係重點！超級大舊，而且好juicy!!😍😍😍意大利飯嘅份量好大，淨係兩個女仔食已經差唔多夠飽😂燒春雞都好大份呀，雖然叫春雞但係其實兩個人食已經可以食到好滯😂😂春雞啲肉都算嫩，配埋個汁即刻加分！

.好耐無寫過食評。今次黎到大圍搵食，食既係意大利菜。因為有幾個朋友都推介依間餐廳，所以我去試下。.餐廳都幾寬敞，無訂座既我去到都有位，不過我覺得個服務員既態度有待改善。.叫左依個魷魚墨汁意大利飯，個賣相幾吸引。其實我一直唔知點形容墨汁既味道，個人覺得係食個賣相多過食個味道。魷魚係新鮮既，彈口又唔會韌。意大利飯都煮得適中，夠汁同唔會太硬。..叫左安格斯肉眼扒，9安士既，牛扒唔係厚身，不過好大塊。今次叫左五成熟，可以見到煎既坑紋好靚，煎到岩岩好，牛味係有既，不過塊排既質素就差左啲，咬落比較多根，令到牛扒比較韌。..最後介紹嘅一道菜係佢餐廳推介嘅主菜，叫做黑松露雜菌鮮蝦帶子意粉。.黑松露味係有既不過唔濃，啲帶子係新鮮，蝦咬落彈牙，不過我覺得材料細粒左少少。意粉煮得唔錯，夠汁又唔會煮到好淋。如果以依個價錢黎食，我覺得都算幾好。

今日又同同事去食lunch，揾左間坐得舒適餐廳，最後同事決定左去M3。印象中我每次黎M3，都會叫Burger，今次都唔例外，原因係我覺得佢嘅burger整得唔錯～佢個burger中間有一塊好厚嘅牛肉，上面有一圈菠蘿，再上面有一層溶左嘅芝士，感覺3樣野好夾～加上環境坐得舒適，可以同同事吹下水、傾下計～

難得去大圍踩完單車。燒左好多脂肪係要食下啲美食慰勞自己。欣女入到去覺得好舒服。主要係呢度俾人感覺空間夠大夠grand。踩完單車好累但一入黎好似去左另一個地方，同大圍完全唔同，我今日去左義大利。不嬲迷上黑松露，所以黑松露野菌意粉已成為首選。有個甘係意粉上邊，好得意。見到大大粒既帶子同海蝦就好開心，因為好耐無食海鮮。帶子新鮮，啱啱好熟，所以特別多水份。海蝦又整得夠爽口，大粒又甜。食埋個意粉，黑松露味真係好香，意粉彈牙又唔會好乾，煮得好香。欣女無揀錯黑松露意粉，乾身得黎醬料又夠，有海鮮，口感絕對豐富。食個甜品蘋果樹。好靚呀整得。糖霜整既M3，呢個設計好靚，所以我早已攞黎呃like！酥皮餅底焗完特別香脆，加左雪糕係上邊都仲有少少熱，口感好。雪糕下邊有蘋果。淡淡的蘋果味令到我好似食緊個雪糕蘋果批。呢個蘋果樹味道真係好，又靚。雪糕滑，第一次食蘋果樹，原來m3甜品都整到咁出色。

大圍給我的印象就係乳鴿，原來西餐可以咁好味。吸引之處：1. 餐廳係一個歐式高樓底既風格。入到黎都好舒服。四方大檯同長又大既皮梳化，感覺好似歐洲既餐廳。2. 份量多既西班牙辣腸煮青口。辣腸既味道好入味。汁有濃濃既西班牙辣腸味。配酒食一定好味。青口係新鮮青口再自己煮熟。所以質感唔係平時食開既凍青口咁硬。個青口軟，有彈性，有啲似生蠔既感覺。食落口，汁會爆出黎。味道好新鮮。辣腸味又唔會濃到搶走青口既鮮味。最重要係青口夠新鮮，先整得咁好味。3. 夏威夷煙三文魚薄餅係用脆皮既披薩皮。薄皮再加上好多料既披薩。披薩料好足夠。芝士，三文魚全部都係大份。cover曬整個pizza。食一啖，口感已經好豐富。整體黎講係大圍quality好既餐廳，值得食。

今晚同好姊妹去大圍食好西終於可以試到M3意大利餐廳一入去已經被餐廳環境吸引樓底超高環境感覺好舒服好適合同朋友聚會一坐底見到隔壁檯點了廚師推介托托蜆好似好好食我們決定點一個來試試一上檯已聞到好香蒜味香蒜配上白酒煮味道超香超入味再加上大大粒托托蜆蜆肉超爽好好食值得一試我們還點了黑松露薯條薯條炸得剛剛好不燶而且夠脆口再配合黑松露醬好食🤗另外，因為星期一至四白酒半價我們決定叫兩杯house wine 邊嘆美食邊談心主菜我們點選了Parma ham 火箭菜pizza一個pizza 開6件每件都有一大塊Parma ham Parma ham下面有一塊蜜桃再配上火箭菜感覺不漏Pizza 批底夠薄夠脆口仲要有足夠份量芝士食落啖啖芝士脆批，不錯整體上我超鍾意呢間餐廳食物味道質素不錯仲要環境真係好舒適會再來食

帕爾馬火腿配哈蜜瓜 $118首先啲蜜瓜同埋哈密瓜全舊都好甜大關食哈密瓜都知道貼近皮嘅兩寸肉係會比較淡但佢比既完完全全係哈密瓜入邊最甜嘅中心部分 陪巴拿馬火腿真係一流總共有四舊長型嘅巴拿馬火腿 以玫瑰花嘅造型擺放 我覺得份量都合理 所以再去食都會encore😂美國有骨豬扒配黑松露忌廉汁 $248首先有七成同埋全熟簡 雖然豬好少會唔揀全熟 但既然佢有得俾我哋選擇得七成就要試吓啦我諗佢嘅做法應該係用慢煮 睇落去一啲都唔薄 有返咁上下厚度嘅豬扒 肉質超淋身彈牙 入面有少少嘅嫩紅色 唔會有怕生嘅問題至於個醬汁就偏淡 如果濃同多返小小嘅可能會更好食綠茶心太軟 $78佢哋嘅綠茶🍵心太軟好似一直係甜品中嘅王牌 綠茶味夠濃郁當然唔係難事難就難在點樣可以焗得軟熟又成到型首先佢接落去流心已經好正 即係timing get得啱啱好軟熟 所以整體來講真係唔錯但係分量就係一人一個 如果想share來食嘅話就一定唔夠喉(BTW 加＄70就已經可以有個湯而且係甜品list入邊任揀一個 建議大家到達）