M3 Italian (已結業)

到大圍覓食，沿積富街步行，原來意大利餐廳 M3 在大圍開了分店，主打意大利 fusion菜。早前頗喜歡沙田圍店子，食物有質素，感覺到廚師有堅持。M3 大圍店地方寬敞舒服，高級餐廳設計，裝修具有特色，大圍比較少見，提供各款餐酒飲品，下午還有 happy hour 時間。餐廳中午有套餐供應，晚上則讓客人選擇主菜後，可加 $68 升級為套餐，餐湯、甜品或餐飲，可選其中兩項。想了好一陣子才決定主菜，店員介紹店子的西班牙燒豬馳名，落單後烤焗，要等20分鐘，想必美味，馬賽魚海鮮湯包括有各式海鮮如龍脷柳、青口、鑽石蜆、帶子、虎蝦、魷魚等，非常豐富，還有炭燒T骨扒或西冷扒等，不過早利亞就對挪威比目魚有興趣，以鮮牛奶慢煮，感覺特別嫩滑，就這個吧。店子今晚提供兩款餐湯，黑松露野菌忌廉湯及海鮮龍蝦湯，早利亞選擇了龍蝦湯，入口濃稠，蝦味重，略為偏鹹。店員端上主菜，兩件厚身比目魚非常吸引，入口嫩滑，比想象中厚身，更有滿足感。廚師用水瓜柳檸檬牛油汁，微酸襯得魚件清爽，忌廉芝士薯蓉非常幼滑，有機露筍苗用黑椒炒過，帶出香味來。選擇了奧地利蘋果卷作甜品，賣相精緻，蘋果切幼粒，加糖、玉桂及提子乾煮透後，用酥皮卷起入焗爐。

平日黎食，遇上多booking限時交枱叫左2個appetizer1. 勁好食，好creamy，厚肉，正: 白酒忌廉煮美國波士頓活藍青口2. 咸到腎虧....大家都覺得勁勁勁咸: 香辣蒜片啤酒活煮新鮮花甲王就係以下呢個加左$68升級至套餐，有餐湯同甜品上圖同下圖的主菜都不錯甜品選了1. 法式咖啡焦糖燉蛋，始終覺得原味，唔攪咁多花款係最好食2. 朱古力梳乎厘，新鮮出爐，熱辣辣，好食餐廳闊落同乾淨侍應態度都幾好，又會主動斟水

有時呢間大圍店full爆今次在openrice book枱，又有位喎星期日的晚上，意外地唔多人，仲無限時坐得舒服逢星期五、六、日晚巿及公眾假期，主菜加$78可變套餐包餐湯/餐飲+甜品加錢轉左套餐，都抵食個牛又估佢唔到幾好食喎👍🏻見餐牌推介「自家製煙熏三文魚」$198係不錯既，但份量少左d面頭嗰隻係流心蛋，反而幾好食最後㨂左要餐茶同甜品 X2如果鍾意食肉桂的，可試下「奧地利蘋果卷配意大利雪糕」，好食餐茶都係檸水、檸茶，無太大特別

話說同男朋友成日經過M3都想試下，終於擇日不如撞日襯男朋友今日係大圍做野，就捉佢黎試下先~男朋友早收，我地6:30就去到喇~呢個時間未有噤多客人，入到去覺得個環境好好，好舒服好chill~所以男朋友都忍唔住嗌左杯1664黎個happy hour先再嗌野食~好啦，男朋友話飲左陣就話想食野~咁我地就嗌d野食喇~煙肉菠菜忌廉焗蠔個蠔好新鮮，而個汁咸淡適中，味道好好而個蠔亦唔會焗得太乾太老，good呀炭燒美國肉眼扒個肉眼扒一上檯已經忍唔住要幫佢係噤影相喇塊扒燒到個網紋好靚塊扒份量十足，啖啖肉汁另外個黑椒汁仲好野味，好香~西班牙燒乳豬呢餐最令我地回味既非佢莫屬喇~個皮燒到好香脆，而個肉係非常之林，味道岩岩好！配埋個薯容真係一流！

宵夜時段，姐妹們想揾間bar飲杯野，但又想食下野過下口癮，於是揾左呢間位置有點隱蔽嘅店。入到去裏面，裝潢亮麗摩登，很多顧客都飲得興起，高談闊論，好有氣氛。我點了杯紅莓汁，還有一份西班牙黑毛豬胺和朋友share。紅莓汁很快就到，杯很精美，忍唔住要打卡！冰凍嘅口感，微酸嘅美道，好開胃！西班牙黑毛豬胺扒，經店員介紹，我才知道原來可以7成熟進食。這個7成熟非常正，比起平常的豬扒嫩滑，而且肉汁更多，外表粉嫩的色澤更添食慾！今晚嘅宵夜真係好出色。

M3 Italian (大圍)龍蝦汁闊條麵配北海道帶子 $168*🌕🌕🌕🌘🌑北海道帶子有4顆，表面略煎，外層焦香，沒有熟透，有刺身帶子的風味。闊條麵不會煮至太軟身，吃起來有口感。麵掛上龍蝦汁，醬汁帶有重重我龍蝦蝦膏味。-是日餐湯及甜品 +$68*南瓜忌廉湯🌕🌕🌕🌘🌑忌廉味比南瓜味重，口感濃滑。-法式咖啡焦糖燉蛋 🌕🌕🌕🌗🌑手掌心的大小，最上層的焦糖很脆，沒有燒到有苦澀味。燉蛋很滑，有濃濃的咖啡味，但如果有原味燉蛋更佳。-長島冰茶 $52*🌕🌕🌕🌗🌑醉了-*設加一-📍大圍 積富街33號積康樓地下E-G舖

今日同好友嚟大圍晚飯，餐廳平日都坐滿客人，一坐低見隔離枱上嘅食物好香，賣相好吸引👍🏻即刻揀咗黑松露鵝肝意大利飯,煮得超高質的！M3沙律估唔到可以咁驚喜煙肉焗薯皮配忌廉，完全係難得一見的菜式，出面已經好少搵到，咁有heart 的塊鵝肝煎到外脆，熱辣辣好Juice...真心好食😋沙律有好多料，跟咗三個唔同嘅沙律醬，好味👍🏻好多野都想試，可惜兩個人個肚食唔到咁多野，下次要Encore再試其他款式。餐廳樓底好高無壓迫感，環境好舒適，係飲酒傾計嘅好地方👍🏻

今晚約老公食飯，順路係大圍食完先返屋企。其實大圍好多新食市，行行下見到呢間M3有 happy hour特價，老公即刻話呢間食，因為佢最鍾意飲兩杯。先黎手工啤 Kwak，漏斗形既杯用個木架hold 著，好特別。好香果味，甜甜地好易入口。香辣蒜片啤酒活花甲好香芫茜及啤酒味，花甲好新鮮肥美。炭燒西冷牛扒我要5成熟，帶少許血紅色，好 juicy。新薯焗到好香好好味。龍蝦汁闊條面配北海道帶子闊條面好 al dente ，有四粒大帶子，好鮮味。埋單時，八卦地問經理店名M3 是什麼意思，原來係三個men 開既 😆。吾知經理係咪其中一個男人呢？🤔

家居大圍的朋友約食晚飯，就在積富街那家M3 Italian .意大利餐廳，主打牛扒、海鮮，薄餅，甜品！地方濶落，特高的樓底，座位很舒服，不會覺得嘈吵！三人各自點了西班牙燒乳豬（$238）意大利辣肉腸薄餅（$128）香煎法國鵝肝黑松露野菌意大利飯（$168）另加$68就有一個餐湯或餐茶及甜品！西班牙燒乳豬配以忌廉薯蓉，有機鮮露筍，紅酒汁！這乳豬皮脆肉嫩，肥瘦適中，食味可口，與一般中式酒樓做法不同，鮮嫩的豬肉蘸醬汁一同入口，特別滋味！意大利辣肉腸薄餅有辣肉腸，菠蘿，車厘茄、黑水欖洋蔥絲等等配料，開胃之至！煎鵝肝意大利飯煎香的鵝肝，入口甘香，加上黑松露的香氣，和野菌的獨特口感，直攻味蕾，粗粒的忌廉飯又是令人垂涎不已！所選甜品咖啡焦糖燉蛋及朱古力梳乎里亦是十分可口，特別是梳乎里熱呼呼的上桌，加上朱古力的香味，值得慢慢品嚐！細心欣賞！

今晚難得同老婆出街食晚飯，佢話揾間香港正中心的，以為係油尖旺，點知係大圍！大圍内街冇招牌，所以條街唔係好熱鬧，但一入「M3 Italian」, 好多人食飯wor. 睇來質素有保証！先來個清酒花甲，花甲冇沙，颇大隻，肥美，鮮甜。北海道带子龍蝦汁意粉。意粉口感不金錯，彈牙，又索住D味。美國甲級西冷扒，五成熟，剛剛好鎖住肉汁。有牛味又有咬口！最後才是最精彩的手工啤，有果香，又順喉。酒精度比平時啤酒高，8%. 但太好味，飲左2杯。好精彩的一頓晚餐！

黑松露野菌意大利焗飯配鵝肝龍蝦汁燴意大利闊麵辣肉腸pizza辣肉醬墨西哥雞翼一杯mojito咁多樣食物竟然只有雞翼係好味， 飯係冇味嘅，要自己落鹽， 意粉又難食，pizza😑都已經費事再提，服務又一般，食左咁多次，一次比一次差。 唔明白點解佢仲可以喺大圍生存到 ，大圍有咁多間食肆， 求其一間都比佢好 ， 同家人聚餐都食到咁唔開心 ，總之冇下次 極致失望 極致失望 極致失望 極致失望 極致失望 極致失望 極致失望 極致失望 極致失望 極致失望

今日同朋友行開大圍見到有一間西餐廳，聽講係好好味，就同朋友去試下。坐低之後再望下店內環境覺得好舒服，整體都好整齊乾淨甘筍蔬菜忌廉湯今日餐湯係蔬菜湯，未飲已經聞到好香甘筍味，飲落覺得好滑，好好飲脆炸一口芝士朋友話想食芝士，所以叫左呢道菜，大大粒芝士，一咬落去好飽滿熱辣辣既芝士即刻爆出嚟，你地記得吹下先食啊，我地叫左5粒芝士，如果人多可以叫10粒，值得一試卡邦尼意粉配日式溫泉蛋一撈個意粉，陣香味飄左出嚟，意粉同個醬好夾，加埋啲煙肉一齊食，食到唔停口啊👍🏻炭燒美國肉眼扒見到係推薦必食，點會唔叫嚟食啊，我地叫左五成熟，塊扒大大塊，兩個人食岩岩好，而且肉質鮮嫩多汁，再加埋佢配既醬真係絕對好食，無呃大家👍🏻奧地利蘋果卷配意大利雪糕我同朋友食完就覺得唔算好味，雖然佢個皮係好食而且好脆，但可惜蘋果味有點兒酸，喜歡酸既應該會鐘意食~

難得放工可以同朋友仔出黎食飯經過見到呢間意大利餐廳好似幾高級，而且價錢都不算貴，就入左去試下餐廳裝修環境好有格調還播住經典的西洋音樂，好有情調好適合情侶同三五知己來用餐餐廳既款式種類都幾多，有沙律，薄餅，粉麵飯，小食同甜品等，但餐廳既主打係海鮮同扒類，見到都好吸引呀今次揀咗一個意粉一個小食同牛扒，意粉同牛扒可以加$68轉套餐套餐包湯或者飲品同甜品，甜品可以自選喲，而今次我哋就加咗$68轉套餐試下🍵 蔬菜忌廉湯 🍴味道不錯👍🏻口感順滑質感唔會太稠又唔會太稀，不妨可以試試 而且仲加咗好多蔬菜🥬感覺上10分健康🧀 一口炸芝士 🍴一咬落去啲芝士爆出嚟個感覺好正而且好重芝士味啊！！連表皮都係外脆內軟，值得一試🍝 卡邦尼忌廉意粉配溫泉蛋 🍴一上菜就已經聞到陣陣香味食落口就更加唔使講係超濃味再配埋溫泉蛋🥚🥚口感簡直一流好幸福呀🍝🍝🥩 烤美國安格斯肉眼扒 🍴今次叫五分熟🥩🥩肉質鮮嫩好juicy，而且好重牛味再配埋佢嗰汁一齊 wow 食到好滿足🍫 朱古力疏乎厘 🍴脹卜卜軟綿綿幾得意咁!入口即溶，但可惜朱古力味不夠重如果朱古力味重d會更好唷整體來講~每道菜式都不錯，味道超乎我想像以平民的價錢就可以食

之前跟友人在平日的晚上在此品嚐晚餐，食物和服務嘅態度都幾好。於是推薦家人在此和亞女慶祝生日。本來開開心心嘅，當點菜嘅時候，比佢哋嘅服務態度搞到唔高興雖然是星期日，但都唔係爆滿，點解佢哋可以咁樣對待客人問多兩句，有嫌棄你非常之煩！4種芝士pizza 真心好食！但甜品就過甜！D生蠔唔夠肥美囉！

M3 以前食過一次晚餐，係大圍黎講環境唔錯，食物質素都高，見到佢有lunch set好似幾抵食都唔錯，所以今日嚟試吓先。呢度嘅lunch set大部份都係$70-$80左右，餐牌嘅食物睇落都幾吸引，仲有餐湯或沙律同埋甜品👍🏻👍🏻高性價比！晚餐就貴少少但係好處就係有live Band！夜晚黎chill下都唔錯架！餐湯：南瓜湯唔錯喎！佢唔係嗰啲用粉沖嗰啲，好香滑同埋有少少濃度嘅，而且南瓜味都好重！唔會係好似加咗好多水嗰種！卡邦尼意大利粉配溫泉蛋我揀咗呢個！要煮好食嘅卡邦尼都唔係容易，呢個唔會好乾身又唔會好膩，啱啱好！好香滑嘅忌廉，再撈埋隻蛋，好夾。而且佢隻溫泉蛋真係一吉穿就流晒出嚟其他材料例如啲煙肉碎同埋火腿份量都充足，正！香煎美國雞扒配紅酒燒汁朋友就揀咗呢款。有兩塊雞扒之餘，仲配左啲薯蓉，所以都會飽肚。雞扒煎得唔錯，皮煎得好香脆，但肉質仲係保持好嫩身。配埋紅酒燒汁都好夾。薯蓉好香忌廉味，所以好smooth好滑！甜品：香芋糯米糍🤣午餐時間都幾多人㗎，環境都非常之好坐。大圍西餐嘅選擇唔多，想食西餐嘅話呢間都算係數一數二，午餐性價比都好高，有餐湯又有甜品，所以一定會再嚟食！