M3 Italian (已結業)

7月14日星期日晚，好姊妹食番我們食慰勞婚，因為要就小朋友，所以揀番沙田區的食店！M3本身已食過河畔果間，今次再試埋大圍呢間！大圍呢間地方比較闊落，可以放到bb車，同埋有high chair提供。頭盤叫左一打生蠔，168蚊半打。法國產，新鮮，鮮甜，一d苦味都冇，唔太咸，加檸檬汁就已經足夠。柚子海鮮沙律，90-100蚊，菜同海鮮都好新鮮，味道清爽。墨西哥辣雞翼，雞翼有d似芝麻雞翼，但佢辣辣地，再配埋墨西哥蕃茄醬，好味！龍蝦汁意粉配龍蝦尾，龍蝦汁味燶，意粉偏硬，但份量十足，抵食好味！黑松露意大利飯配香煎鵝肝，味道香濃好味，鵝肝油流落飯中更香！柏馬臣火腿pizza，薄脆好味，火腿配蜜桃，甜甜地又咸咸地，配埋芝士prefect match！呢種pizza，屬於勁薄果種，食完都唔會覺得漏。肉眼扒，5成熟，不過不失，有牛味又唔靭，質素唔錯！今餐多謝姊妹萬歲！價錢合理又唔會太破費，同埋食物環境質素十分高cp！區內高質之選！

.男友一向係牛魔王，無牛不歡，所以今次帶佢去試一間想試好而耐嘅西餐廳！當日去啱無著唱歌手👩‍🎤想聽嘅朋友仔，可以選擇星期三、五同六晚黎！.🥩炭燒美國🇺🇸肉眼扒 $248 (5/5)好耐無食過啲咁juicy嘅牛扒，一啲都唔韌，份量十分大，配上有機露笋苗，炸得香脆嘅幼薯條，黑椒汁！😍🤟好食都震！必食推介！. 🦐黑松露野菌意大利飯配香煎法國鵝肝 $168 (5/5)所有配菜擺得好精緻，鵝肝好肥美，煎得十分香口，齒甲留香，個人認為夾住餅食仲正，無咁膩！💕野菌炒香，溝埋軟硬適中嘅意大利飯同芝士塊，真係飽到上心口！.🐚法國聖馬生蠔 $10隻 (4.5/5)只要消費滿$200，就可以$10隻換生蠔，每位最多可以換12隻。本人對生蠔生咁大感覺，因為好怕海水味，但依個啖啖肉得黎，又唔重海水味，食得出好新鮮，性價比十分高！😍👍🏻.海鮮🦞龍蝦湯 (4/5)🥣黑松露什菌忌廉湯 (5/5)逢星期一至四晚市，只要揀任何主食，就可以用$68換甜品/飲品/湯(三揀二)，我揀左甜品同湯。😍龍蝦湯勁濃，好正！而什菌湯個人覺得比龍蝦🦞湯無咁出色，差左個馬鼻！.🍎奧地利蘋果卷配意大利雪糕 (5/5)🍫朱古力梳乎厘 (4/5)

之前食過沙田個間M3 Italian 覺得好味,今日去大圍就順便試下個間啦.餐廳好有格調,柔和既燈光伴著輕輕既音樂聲,係一個三五知已既聚腳點.卡邦尼意粉配日本溫泉蛋,加$68就可以升級為Full Set Dinner有餐湯和甜品.抵啊! 黑松露野菌忌廉湯--好香濃既黑松露味道.卡邦尼意粉--份量好多,足够二人份量,簡直係開心share. 日本溫泉蛋好香,同卡邦尼汁很夾.值得推介.奧地利蘋果卷和意大利雪糕--單看賣相已經好吸引,香滑既雪糕加上熱熱既蘋果卷.真係好好味.另整頓飯生色不少.

今晚想食好啲，於是乎放工去左大圍揾好嘢食。黎左呢間意大利🇮🇹餐廳M3 Italian, 7:30黎到, 就已經好full, 好彩有book定位。原來星期一至四有promotion, 法國生蠔只需要$10/隻，價錢非常吸引，所以同朋友叫左半打黎食。因為驚食哂， 所以無叫到二人套餐。我地叫左個海鮮意大利飯，同埋Peperoni Pizza，加$68就可以升級做套餐，可以有湯/飲品/甜品（三選二）。湯：有龍蝦湯同埋黑松露雜菌湯揀，我揀左龍蝦湯，好夠味。Peperoni pizza: 熱辣辣，即叫即整，Peperoni 好食，芝士唔會太膩，唔錯。海鮮意大利飯：都幾多海鮮，青口、魷魚、蝦，意大利飯好食。甜品：蘋果卷配雲利嗱雪糕，似Apple Crumble今餐好滿足，下次再黎食！

意大利粉達人一定非我朋友莫屬，他最喜歡食意大利東西，今日帶咗去嚟咗大圍一間隱世嘅意大利餐廳，一入到去已經聽到 好美妙嘅音樂，有樂隊在彈奏，環境清幽 ，我哋急不及待order食物，叫咗一個pizza，一個溫泉蛋卡邦尼亞意粉；pizza非常之濃厚嘅芝士，薄薄的pizza薄脆，加上濃厚的芝士，簡直回味無窮，加上他的辣肉腸，辣辣的 、香香的、濃濃的、脆脆的、 將整個pizza推到至高 ！講到意粉 ，意粉非常之口感，配合它的溫泉蛋的蛋漿 ，加上他的煙肉 ，簡直回味無窮， 食完兩個主菜真的非常有口感， 下次我都會帶朋友嚟再食多一次

大圍都可以食到高質西餐！大圍多數得茶餐廳、中餐、小食店、西餐實在比較少！不過原來都有一間係好好食！地方舒適，有IKEA BB椅～午市套餐性價比高，套餐有湯或沙律、主菜同埋精美甜品一份！我點了烤美國特選穀飼肉眼，原本的黑椒汁我轉了燒肉汁，可以配飯、意粉或者薯蓉，我的是配飯，份量都幾多很豐富！烤肉眼分量很大份，外微脆內軟～有肉汁，牛肉味新鮮！好食！有伴雜菜，好香好甜！最後有甜品，係芝士蛋糕，芝士味香濃好滑，下層係消化餅好香脆！飲埋杯熱柑橘檸檬，潤喉解膩～不錯啊！午餐供應時間12:00-14:30，選擇都幾多㗎！

今日再次黎到大圍，同男朋友拍下拖食下飯。上次係附近食野已經見過呢一間M3餐廳，對佢好有印象，因為佢係小有既大圍高級西餐廳，今日就決定黎呢度試下。今日我地好好彩，遇到有live music呀！我地8點鐘去到，岩岩好就開始左live music既第二個section。唱歌個位哥哥都幾識揀歌，d歌同餐廳既情調好夾。餐廳既樓底好高，所以就算有人係度唱歌，我地有我地傾計都唔會覺得太嘈。呢日餐廳做緊promotion，10蚊一隻生蠔，不過因為我唔食蠔，所以就無試到，但見到在場都有好多人試左，望落賣相都唔錯架。最後我地決定叫兩個maincourse，其中一個轉set。海鮮龍蝦湯呢個係跟餐既海鮮龍蝦湯，我同男朋友share黎飲。飲得出佢個湯真係自己煮既，而唔係出去批發返黎。首先佢口感係比較濃厚既，你亦會係湯入面食到一D blend過既海鮮，所以如果你鐘意海鮮，你就應該真係會好鐘意呢個湯。辣肉腸pizza飲完湯之後，辣肉腸pizza就上場啦。雖然佢個脆薄個種pizza，但你千其唔好覺得會唔夠飽。因為佢每一塊個面都有好大量既mozzarella cheese，建議鐘意食cheese又唔想太漏揀four c

餐廳：M3 Italian (大圍)地址：大圍積富街33號積康樓地下E-G舖這幾天天氣不算太好，不過卻無損我去覓食的心情。今次順勢走到大圍M3 Italian是一間意式餐廳，在大圍和沙田圍均有分店，不論是餐廳定時的Music Night，還是餐廳裏的裝飾擺設，都看得出餐廳的別出心裁，我還選擇坐在High table享受今日同朋友行開大圍見到有一間西餐廳，聽講係好好味，就同朋友去試下。坐低之後再望下店內環境覺得好舒服，整體都好整齊意式辣肉腸薄餅，成份有辣肉腸之餘，仲有菠蘿、橄欖、蘑菇、芝士等等，口感層次豐富。薄餅唔算非常厚身，個人鍾意邊啦，我覺得個薄餅底係幾有咬感。意大利薄餅都係黎到呢間意大利餐廳必食。卡布里海鮮燴飯。配菜仲多過risotto, 有帶子，青口，小蜆，魷魚，蝦。

試過去過M3既沙角分店食lunch, 一直都係我同老公平靚正之選，知道大圍開左分店後一直都未試，今晚終於有機會去食了！店鋪好濶落，樓底好高！配上優雅既鹿角燈，感覺舒適！有二人既set（$598), 不過我地決定散叫，原因係因為佢有生蠔特價呀！$10一隻真係好吸引，先叫左半打。saint Martin 上枱一試，有D creamy, 鮮甜有點點鐵味，好滿意，所以再叫多左半打！有生蠔唔少得要叫杯白酒，riesling, 唔錯。主菜加錢（$68)跟歺，有湯同甜品跟。湯係龍蝦喝，係香濃既蝦味，非常之好飲，呢個價錢真係超值！沙律，上枱色彩好靚，好適合打咭用呀！所以配料都好新鮮！醬汁都配撘得好好！好好食！白汁藍青口，一流，藍青口新鮮鮮甜，白汁做得好好！小妮子最後係大啖大啖咁飲D汁，量都好多。真係好味到不得了！白汁海鮮意大利飯。味道比前兩個菜淡D，不過都好出色！如果青口D汁可以伴呢個飯就更一流了...可惜已被小妮子KO了..最後食埋跟歺甜品，可以在歺版上任選！選左蘋果酥皮批。畫上完美既句號！埋單七百幾，大圍地區食係有點貴，但味道真係好好，我已經諗緊屋企人生日再嚟幫襯！

今日路經大圍，中午時段，想找一間坐得舒服去午餐，決定到這間M3 餐湯入口香滑，配上雜菜湯料，有口感沙津清新，沙津醬酸酸甜甜好開胃，柑香甜，胃口全開卡邦尼意大利粉配日本溫泉蛋 $72意大利粉煮得剛熟，彈性剛好，有咬口，不糊口，溫泉蛋非常嫩滑，蛋黃沾滿意大利粉增進色香味，煙肉粒香脆，口感提升意式辣肉腸薄餅 $74薄餅是薄批，非常香脆，香濃辣肉腸俾滿滿芝士包圍，拉絲無難度，香濃又滋味，惹味香口甜品白色部分有椰子香味，冰凍香滑像雪糕，口感綿密，配上紫色蛋糕和紫色裝飾，睇得又食得環境闊落，每枱都有足夠空間，坐得舒服，可以輕鬆享受

大圍向來多不同食店，所以偶爾會跟同事想嚐鮮便會去大圍找找有沒有新的店好吃。意外地發現一間裝修很不錯的西餐，整個餐廳環境都挺有情調，雖然是跟同事吃而已哈哈不過坐得好自然吃得會較舒爽。午市套餐以西餐來說不貴，有湯有餐飲，選擇也蠻多。海鮮湯，挺濃郁海鮮味也重。裡頭也有蜆肉之類咬，還不錯。叫了H香煎紅鯛魚配菠蘿莎莎$82，分量很大，因我不是吃很多所以沒配意粉之類但餐廳會提供的。魚扒很大一塊，煎得很香口肉也不會鬆散。魚扒有醃過挺入味。E頂級安格斯牛肉自炭漢堡$86，很大一分，漢堡非常厚身啖啖肉。漢堡也保有肉汁，還另配有酸瓜醬給大家選擇沾不沾很貼心。薯條也不錯。

幫襯過M3唔少次，最初是光顧沙田圍嗰間，覺得佢幾抵及食物質素唔錯。到後來大圍再開分店，越嚟越發覺佢無論食物、服務質素都大不如前。大圍店的職員服務態度更不敢恭維，大多數是面無表情。週末下午茶時段時，點了卡邦尼意粉和黑椒牛肉竹炭漢堡。卡邦尼意粉是正常的，但漢堡嚟到嘅時候就知中伏了，所謂黑椒牛肉原來只是兩小片cold cut牛肉，加芝士和一一些與伴菜一樣的沙律菜。咁樣都稱得上係牛肉漢堡，實在是誤導客人

食過幾次大圍M3的午餐，也試過它的下午茶，感覺不錯，為了貪方便及近，就訂這間慶祝父親節，叫了一份Martin Oyster(6隻$168)，清理得唔係咁好，有殼碎伴食🤦‍♀️。墨西哥雞翼($68唔夠辣，但香脆好食的)。西冷牛($258，叫五成，但Over cook，有點韌，伴碟的焗蒜，也未焗出香味，較生。/焗淋了軟了的蒜頭，才會更香)。比目魚($198，唔夠滑，有點腥)。寶雲酥羊架($258，一樣控制唔到熟度，一樣Over cook及好韌)。三個主食都另加$78轉做餐，可在湯、飲品、甜品中，三選二。我們叫了一個龍蝦湯(很濃，好好味)，兩個叫甜品，分別是梳乎厘(很香，好味)，蘋果肉桂卷配意大利雪糕(蘋果酸甜適中，有點像平時在甜品店吃的蘋果金寶的餡，肉桂味也很香)。餐飲分別是兩杯凍檸茶(正常)，一杯凍咖啡(咖啡也很香)。三個人埋單連加一 $1302，平均每位$434，多謝亞女。😂《總括:這兒午餐的牛，抵食及好食過晚市的，這頓晚市最精彩的只是雞翼及甜品，也許是我不好彩吧！如果問我晚上會否再來?我會說:試過便好了!寶雲酥羊架及伴碟的焗蒜頭，還是葵芳"X臺"做得較精彩。》

大圍不是經常去，但卻是我與太太拍拖時留下過足跡的地方，今日有時間又來到懷緬嚇當時拍拖行過的地方。見到這間西餐廳充滿了歐陸風情的裝飾，於是決定今晚食西餐。餐廳裝修風滿了歐陸風格裝修，尤其喜愛那有充滿特色的歐陸燈飾。意大利辣肉腸薄餅$138意大利辣肉腸薄餅，薄餅有洋蔥、車厘茄、辣肉腸、菠蘿、燈籠椒及黑水欖，薄餅做得非常薄，尤其是邊皮焗得很薄脆，剛融化的芝士還帶著拉絲效果，整個薄餅看落顏色鮮豔，肉腸帶少少微辣，與芝士及薄餅很相配。卡布裡島海鮮燴飯$158卡布裡島海鮮燴飯，有帶子、青口、小蜆、魷魚、鮮蝦及巴馬臣芝士及有少少青豆。燴飯用了珍珠米做的飯，大大粒，內裏帶少少生的感覺，食落有口感，這是意大利飯的特點。海鮮灼到剛剛好熟，而各款海鮮都比較新鮮。尤其喜愛的是帶子煙韌帶鮮甜。餐廳正播放著輕音樂，嘆著美食，欣賞著美麗的環境，感覺非常陶醉，真正的享受也。

大圍出名美食天堂，今次大圍友帶我去M3食。入面環境非常舒服，樓底很高，空間感很大，很適合和朋友談天說地。!我們看看餐牌，最後點了2個main 。意大利傳統四式芝士薄餅一上碟時見到芝士還在溶化中，感覺真係好治癒。薄餅餅底很薄很脆，一咬即能把餅撕開，而芝士還有很長的拉絲呢。而餡料的4款芝士融在一起的感覺實在太神奇，不太鹹也不太濃烈，沒有一種芝士會搶去其他芝士的風頭，簡簡單單的做法反而更好味呢！炭燒西班牙黑毛有骨豬鞍雖然我們要了全熟，但豬的肉質仍然很嫩，完全沒有粗糙感，而且肉汁還保存得很好。而豬鞍上的墨西哥醬汁酸酸微辣的，令人吃時十分開胃，而豬肉的味道也更惹味。伴碟的露筍和薯仔也讓油膩的感覺減少。另外，我們吃到中途突然有live band看，而主音唱的英文歌也很有味道，可說是是日晚餐中的一大驚喜呢！