影片
更多
2019-07-09
65 瀏覽
今日再次黎到大圍，同男朋友拍下拖食下飯。上次係附近食野已經見過呢一間M3餐廳，對佢好有印象，因為佢係小有既大圍高級西餐廳，今日就決定黎呢度試下。今日我地好好彩，遇到有live music呀！我地8點鐘去到，岩岩好就開始左live music既第二個section。唱歌個位哥哥都幾識揀歌，d歌同餐廳既情調好夾。餐廳既樓底好高，所以就算有人係度唱歌，我地有我地傾計都唔會覺得太嘈。呢日餐廳做緊promotion，10蚊一隻生蠔，不過因為我唔食蠔，所以就無試到，但見到在場都有好多人試左，望落賣相都唔錯架。最後我地決定叫兩個maincourse，其中一個轉set。海鮮龍蝦湯呢個係跟餐既海鮮龍蝦湯，我同男朋友share黎飲。飲得出佢個湯真係自己煮既，而唔係出去批發返黎。首先佢口感係比較濃厚既，你亦會係湯入面食到一D blend過既海鮮，所以如果你鐘意海鮮，你就應該真係會好鐘意呢個湯。辣肉腸pizza飲完湯之後，辣肉腸pizza就上場啦。雖然佢個脆薄個種pizza，但你千其唔好覺得會唔夠飽。因為佢每一塊個面都有好大量既mozzarella cheese，建議鐘意食cheese又唔想太漏揀four c
今日我地好好彩，遇到有live music呀！我地8點鐘去到，岩岩好就開始左live music既第二個section。唱歌個位哥哥都幾識揀歌，d歌同餐廳既情調好夾。餐廳既樓底好高，所以就算有人係度唱歌，我地有我地傾計都唔會覺得太嘈。
呢日餐廳做緊promotion，10蚊一隻生蠔，不過因為我唔食蠔，所以就無試到，但見到在場都有好多人試左，望落賣相都唔錯架。最後我地決定叫兩個maincourse，其中一個轉set。
海鮮龍蝦湯
呢個係跟餐既海鮮龍蝦湯，我同男朋友share黎飲。飲得出佢個湯真係自己煮既，而唔係出去批發返黎。首先佢口感係比較濃厚既，你亦會係湯入面食到一D blend過既海鮮，所以如果你鐘意海鮮，你就應該真係會好鐘意呢個湯。
辣肉腸pizza
飲完湯之後，辣肉腸pizza就上場啦。雖然佢個脆薄個種pizza，但你千其唔好覺得會唔夠飽。因為佢每一塊個面都有好大量既mozzarella cheese，建議鐘意食cheese又唔想太漏揀four cheese既朋友食呢款。上面既pepperoni好夠油香，balance返mozzarella cheese既漏。好正！
四川麻辣鴨肉意粉
男朋友非常鐘意食辣，所以佢一見到menu有呢個就好想試一試。意粉上枱就聞到好香，但陣味係好fusion。食落絕對有驚喜呀！佢個意粉真係可以煮到al dente，個汁亦都好夠濃。麻辣味恰到好處，唔會大到你覺得好似食緊川菜咁，未試過咁新奇既配搭，值得一試！
食完兩個main course，好抵讚既係侍應會主動過黎收碟。仲幫我地換哂甜品既碟。服務完全係高級西餐廳既水平！
蘋果批配雪糕
淨係呢個甜品，都值回票價啦！好建議大家要加set！我地好鐘意食蘋果批加雪糕，成個組合係冰火既配合，令成餐飯好滿足。甜品既擺盤都好靚，岩哂鐘意打卡既朋友。
總括黎講，成餐飯食得好開心，我地一直同駐場歌手大合唱，野食又好味，地方都坐得舒服。佢好似星期三、五同六都會有live music，我覺得拍拖既朋友黎呢度過番晚，幾開心！佢仲有得點歌，氹女仔一流啦餐飯最後食左都唔洗400蚊，性價比好高呀！
張貼
