M3 Italian (已結業)

今晚本來老公約了我晚飯，他說這裏有一間不錯的意大利餐廳。當我坐下了不久，他就打電話給我，說要ot不能來。既然已經坐下了，那就來個一個人的晚餐。這間餐廳地方很大，裝修很好。有吧檯及普通枱，普通枱其中一邊是坐梳化的，我坐在梳化的位置，覺得很舒服。看看餐牌，我點了一個pizza，另外加錢配了套餐，套餐是三選二，我選了餐湯及甜品，不要餐飲。餐湯先來，是鮮帶子龍蝦湯，裏面有一點點帶子，入口龍蝦味濃濃，味道鹹鹹的，好飲。Pizza是柏爾馬火腿pizza，裏面有蜜桃及柏爾馬火腿，上面鋪滿火箭菜。 Pizza餅底薄薄，入口香脆。柏爾馬火腿鹹鹹香香，火箭菜是苦的。因為有蜜桃的關係，所以味道是帶點甜亦帶點鹹。 但整體味道非常夾，不錯。甜品是香橙朱古力慕絲，香橙及朱古力的味道同樣濃，慕絲的忌廉打得很細膩，沒有起粒，很滑。這個甜品令我想起童年時代很流行的橙餅朱古力，真的好味。套餐已選了餐湯及甜品，但我還是很想喝餐飲，我另外點了一杯凍檸茶。凍檸茶味道正常，糖水是自己加的，甜度由你選擇。

餐廳環境格調高雅，寬敞坐得舒服，一人前來光顧，叫了一份set lunch（鮮牛扒意粉），套餐包一份羅宋湯或沙律，我點了個湯，味道酸度適中， 據牛骨味帶點微辣，吸引的；再來的主菜，賣相出衆，7成扒煎出來剛剛好，未見滲出血水，能鎖住肉汁，肉質嫩口，滿口油香， 味道遠超一般所謂的高級餐廳； 最後送上一杯即磨咖啡， 簡直令整餐錦上添花，很多同事食過都有同感。埋單價錢$98。

樣樣想試就揀二人套餐，佢嘅選擇一啲都唔hea。湯唔係普通嘅羅宋湯或忌廉湯，係有龍蝦湯。呢個湯比較creamy，有好多粒元貝仔。頭盤都好吸引，揀咗‘西班牙辣肉腸炒花甲蜆’ 及 ‘帕爾馬火腿配哈蜜瓜’。蜆好大隻，冇沙，配埋西班牙腸去炒，更加香。而個火腿加蜜瓜，睇得出廚師好貼心，上碟時已經將火腿卷住蜜瓜，一切就可以同時食到兩樣，唔使自己卷嚟卷去。意粉、粉定薄餅，我哋就揀‘香煎法國鵝肝牛肝菌意大利飯’。個飯唔似其意大利飯咁‘林’，好有咬口㗎，份量都好大，但記得要留肚食主菜呀。到主菜就揀‘炭燒西班牙有骨豬鞍扒配墨西哥汁’，因為係豬，所以要七成熟。火喉啱啱好，咁厚嘅扒，一切就得，唔‘鞋’唔韌。其實就算唔要個汁都已經好味。套餐仲有甜品拼盤，幾好呀有三、四款細細嘅去分享，唔會得一件蛋糕，可以試多幾樣。套餐唔包餐飲，咁我哋就另揀cocktail ， 星期一至四係有 happy hour 優惠。好滿意呢杯’sex on the beach’，酒味同果味都一樣咁濃。餐廳樓底好高，加上特別嘅裝修，好似外國嘅bar and restaurant，一班朋友傾計都啱。

餐廳樓底好高，裝飾同擺設都好有外國feel，水泥牆，樹枝吊燈.....點左個2️⃣人餐 $598黑松露野菌忌廉湯黑松露味唔算好濃，不過野菌忌廉blend得好砌底，成個湯既texture做得唔錯，咸淡得易西班牙辣肉腸炒花甲蜆炒得好香，讚👍花甲蜆大大隻又鮮味，配埋辣肉腸粒同乾蔥一齊炒，好好味。作為頭盤，份量都算多，每人有4-5隻架😋😋帕爾馬火腿配哈蜜瓜擺盤精緻又細心，預先將火腿同哈蜜瓜卷好，用刀切完就擺落口，確保一咸一甜同時間滲入你嘅味蕾，依個配搭無得輸😊香煎法國鵝肝牛肝菌意大利飯份量非常足，鵝肝，麵包同伴碟都擺得好靚！平時食意大利飯會擔心煮得太淋，依到就唔會喇。鵝肝煎得幾香，不過小妹覺得入面淋第左d，牛肝菌好足料，保證啖啖都食到，而且成個飯夠晒汁炭燒西班牙有骨豬鞍扒配墨西哥汁豬鞍扒7成熟，大大塊又成吋厚，不過一d都唔乾唔韌，配埋酸酸甜甜既墨西哥汁，可以解漏😉 伴菜既薯條係小妹最鍾意既波浪款🍟加左d黑松露，可以配茄汁一齊食，正甜品拼盤窩夫配雪糕🍦(cookies and cream ) + 朱古力慕絲蛋糕 + 焦糖燉蛋Happy Hour，點左杯Nothing 🍸試

今天同朋友去大圍的M3 Italian行入去環境裝修都好有西方特色，鍾意飲酒嘅人，呢度都有幾多選擇，仲有生啤。如果鐘意同廚師傾計，可以選擇坐bar枱。今次点了二人餐，首先選了兩款湯，分别是帶子龍蝦湯，黑松露野菌忌廉湯。龍蝦湯 幾 creamy ，龍蝦味夠濃👍 至於忌廉湯，有黑松露嘅香味，飲落去淡淡野菌味，也不錯。跟住是頭盤，四選二。第一款係西班牙辣肉腸炒花甲蜆，隻隻大粒，以頭盤嚟講，份量都唔少，新鮮，粒粒爽口，簡單清炒，帶少許辣味，配炸香嘅蒜片一齊食，不錯👍。第二款是北海道帶子配凱撒沙律， 帶子大細適中又有鮮甜味， 配上新鮮沙律菜加上清淡嘅沙律汁，幾開胃。主菜是三選一，先揀了炭燒美國肉眼扒，賣相不錯，切落去好腍，廚師煮到我要求嘅7成熟，不論有冇加黑椒汁，都一樣好味。次選了香煎鵝肝牛肝菌意大利飯，鵝肝煎得好香，厚身，雖然不是入口即溶，有少少咬口，但感覺仲好，意大利飯煮得啱啱好，不會太軟，又不會太硬，每口飯連牛肝菌放入口裏，夠野味👍另加埋個甜品拼盤，焦糖燉蛋，每一匙有脆卜卜嘅糖漿，配滑滑嘅燉蛋，不太甜，味道剛好，雪糕配窩夫，窩夫外皮脆，淋朱古力醬，再加雪糕一齊食，味道不錯，最後是朱古力蛋糕

大圍其實都有幾多好食嘅餐廳，今次就揀咗依間試吓，佢都近大圍站所以好方便環境寬敞坐得舒服，如果一大班人gathering呢度都係一個不錯嘅選擇睇相都知有幾好食，宜家打緊食評望住d相都想再encore!最好食真係呢碟青口！佢同平時緊青口係好唔同！好新鮮，粒粒都脹卜卜，再加埋個忌廉汁真係配合得天衣無縫！呢個係3重芝士pizza，一定要趁熱食！d芝士係可以拉絲架！雖然係有三種芝士嘅味道，但一d都唔流。重點係佢係我最愛既薄批！啖啖芝士！正！同朋友2個人分，一人一半，食完都係有胃口繼續食落去最後到依個意大利飯喇，一開始已經俾一大塊鵝肝吸引住，入口即溶，煎得外脆內軟，好有一個油香，好正呀，如果覺得太漏就配埋個意大利飯一齊食，意大利飯都煮到粒粒都沾滿醬汁喎，入邊加埋啲雜菌，推介推介

朋友生日，聽講大圍有間高質西餐廳，所以帶左佢黎呢到慶生。我叫左個虎蝦帶子沙律，蝦同帶子都好鮮甜，加上有d橙、車厘茄同生菜做配料，成個感覺好新鮮。佢就叫左個野菌黑松露義大利飯，成個飯煮得好入味，廚師火候控制得好好，所以d飯唔會話太結或者太稀。我地再叫左個牛排share，叫左三成熟，本身塊牛排好令好有肉味，加上塊牛煎得好令，食落去好淋。埋單發現唔太貴，每人都係150蚊鬆d，現場仲有音樂表演，氣氛好好。

最近想食啲有質素既餐廳又唔想去到市區咁遠，因為自己好懶 😂 所以就周圍塭下附近嘅地區有乜嘢好食，比我塭到呢間意大利餐廳，所以就搵埋朋友一齊去試吓。一入門口就見到有個大大既紅酒櫃，好似去咗啲高級餐廳咁，再望埋裏面啲裝修擺設亦唔錯。餐牌選擇種類都多，而且消費滿 $200 蚊就可以用優惠價 $10 蚊嘆一隻生蠔相當吸引，不過自己唔鐘意食蠔 😂 所以無叫，叫咗卡邦尼意粉配日本溫泉蛋、黑松露野菌意大利飯配香煎法國鵝肝，另加 $68 蚊升級至套餐。鮮帶子龍蝦湯 : 龍蝦湯好夠味，而且一啲都唔結，不過可惜得兩粒勁細既帶子。卡邦尼意粉配日本溫泉蛋 ($118) : 意粉份量比我想像中多，不過卡邦尼醬汁多得濟，搞到成個意粉有啲膩。黑松露野菌意大利飯配香煎法國鵝肝 ($168) : 鵝肝失色咗少少，一嚟賣相唔夠飽滿，二嚟做唔到果種入口即溶既豐腴感覺之剩重食到有啲筋 😢 不過芝士片味道幾濃郁同多士亦好脆口，黑松露野菌汁就正正常常無咩特別。

其實尼間M3平時都經過開但係一路都未食過～今次真係入去坐低 發現裝修真係幾靚同其他嘅大圍小店好唔同 優雅但帶點工業風主要Meau如下👇🏻今次我就叫左2個主菜 其中1個就跟餐當中揀咗湯同嘢飲～呢個龍蝦🦞湯好香好滑 唔會有啲一粒粒咁樣嘢飲絕對有驚喜😆本身想叫凍檸茶 但呢度無 所以就試咗個柑橘檸檬入口好濃郁 又唔會太酸之後主菜就分別叫咗黑松露意大利飯配鵝肝份量好足夠 佢係個意大利飯嗰度加咗少少芝士碎作點綴令到成個飯更加香 入口有多一種口感佢唔會話煮到啲飯太淋 而且啲野菌味都好出另外一個就叫咗卡邦尼意粉 真係唔可以睇佢細細碟 份量真係好多其實一個女仔食都未必食得晒佢煮個意粉都煮得都好不錯 煙韌度適中

同契媽去大圍食意大利菜，到嘅時候見到呢度真係好多人，不過空間夠大所以唔好覺得擠迫。不過發現原來佢星期三同星期五、六晚都有現場音樂，所以覺得我哋星期四嚟食好似揀錯日子。因為我哋唔算太肚餓所以決定叫咗個海鮮沙律同埋肉醬意粉。海鮮沙律嘅Dressing都唔錯不過唔夠多，所以有啲地方嘅沙律會覺得有少少淡而無味。不過我幾鍾意佢裏面加咗西柚落去。同埋裏面啲海鮮雖然多不過味道都有啲淡。非常鍾意佢嘅溫泉蛋肉醬意粉，份量好多好香。好鍾意佢擺咗隻溫泉蛋係中間，所以一嚟到嘅時候要攞囉佢。同埋啲肉都好彈牙香口，個汁都好唔錯。依家所有香港西餐廳都呢個價，+1之後差唔多$300

大圍係兒時經常去嘅地方，大個咗好耐冇去過！今日重遊舊地...街道依然但商舖已人面全非😌行吓行吓差不多21:00，原本想食坤記但收咗舖😟行前幾步見到有間西餐廳...令我諗起以前大圍得一間西餐廳叫「金園」好懷念...四正又大，唔洗等位就入座，樓底好高呀...嘩...成20尺高感覺好闊落好舒服👍🏼裝修亦好特別...都係醫肚緊要😆😆我哋叫咗意大利傳統4式芝士pizza🍕四款芝士🧀勁香芝士份量多所以超濃郁🤤🤤pizza皮薄而脆，唔會有燶味！同埋叫咗傳統西西里島肉醬意大利粉配日本溫泉蛋🍝平時食冇溫泉蛋嘅都係必x客/大x家...原來加左蛋黃mix埋肉醬好夾㗎喎...提升到另一個層次！好正！😋😋

18.9.2019今日係大圍見完客就約埋老婆收工一齊食飯，係附近兜左幾個圈，又唔係太餓，諗左陣都唔知食咩好，太多選擇有選擇困難症，見到間幾靚既似酒吧既西餐廳，就決定試下。餐廳入面環境幾靚好有氣氛，咁岩今日有駐場busker唱歌👍🏻👍🏻👍🏻可以邊食邊聽仲可以邊唱tim餐牌其實都有好多選擇，咁岩做緊既promotion 係$10/1隻生蠔，見到個個都食好似好吸引咁，不過咁岩我地都唔食蠔既😂因為唔算好餓所以叫左兩個主食就算，下次再去可以飲下酒試下小食，咁今日就食個黑松露什菌pizza同一客carbonara, pizza好跪好多芝士，邪惡得黎好好食，意粉超多同夠濃味好香，配隻溫泉蛋好match!

9/9晚，一行四人去大圍M3食晚餐，我們叫了一份二人餐，有兩個小食，龍蝦湯(好好飲)，主菜選了牛(好多筋，食一半，掉一半)，鵝肝意大利飯(唔錯，鵝肝外脆內軟，意大利飯生熟及味道適中)。除二人餐外，另叫了羊架(味道還好)，海鮮意大利飯(味道一樣ok的)，一杯生啤，一杯Ice Americano,另叫了兩轉一打既特價生蠔(每隻十元)，埋單$972元，當時影低咗張收據，沒細心看單，只看了數字便比錢，但也感到咁抵食既?唔通有折??出面市道真係差成咁?? 翌日同家人在電話講起，家人問二人餐幾錢?我話當時"立"了一眼，好像五百幾六百蚊。即時叮醒了自己，係噃，二人餐都六百蚊，那四個人又怎可能唔駛一千便落到樓呢？即刻細心睇番手機張單，原來收少咗個二人餐既錢。心諗....落單的職員大鑊了，會唔會搞到該職員要賠錢比公司呢？因工作關係，相隔幾日，14/9中午才有空再出大圍市中心，即刻去M3主動要求比番個二人餐既錢$598另加一($658)該公司，帶眼鏡的男職員問，幾時嚟食的，我話9/9，補番差價後，職員寫番張手寫9/9 $1628既收據給我。也許會有人覺得我很笨，但做人最緊要心安理得嘛！😊總結: 今轉嚟食

住大圍的老友大力推薦，樍富街M3 ltalian , 算近大圍站，餐廳樓底高面積頗大，裝修有英倫風格很美觀，座位寬闊，令人感到舒服和諧氣氛。點左德國焗鹹豬手套餐$108，配黑椒汁及芥末醬，我選配意粉，豬手焗得很香脆啖啖肉，超正，豬手的皮更好好味又脆脆脆，簡直無得輸，要鄭重推介。田園沙律🥗，蔬菜很新鮮又清甜，很不錯👍 水果茶有西瓜、菠蘿、西柚、橙、青擰滿杯，有很香鮮果味不太甜，真超值抵食$20。跟餐重有甜品。這餐我很滿意，下次會再回頭試其他食品。

星期六，同女兒瞓到安樂醒，為了逃避又食樓下一千零一間既茶記，還是拖女出大圍市中心搵食好了，亞女想去M3,我都鐘意呢度杯咖啡，就去呢間吧！我們去到已是下午茶時間，打開Menu,之前下午茶餐果個安格斯漢堡包已冇咗了，改為雞腿漢堡包，都好喇。我同女叫一樣的，所以照片不重覆了，漢堡包依舊是竹炭包，雞腿炸得外脆內嫩，仲有沙律菜伴碟，唔好睇少個包，都幾巨型的，食完呢個餐都幾飽。至於我一心來飲既咖啡，依然咁香，咁好飲!/兩人埋單$120幾，坐得舒服，有服務，食物、杯啡又唔錯，抵食!!