M3 Italian (已結業)

平安夜🎅🏻番半日工 放工好肚餓於是係大圍就搵一間西餐廳去chill chill 每一個餐都可以選擇配西湯或者沙律 今日餐湯係忌廉湯 但好難飲 下次要番沙律以較穩陣頂級安格斯牛肉漢堡 🍔 $88Burger一上枱 賣相好吸引 😍 引唔住要咬一啖burger好juicy 牛肉有好多肉汁 不錯不錯但對個薯條有啲失望 薯條唔熱 有點兒凍 不過都有少少脆口 肉眼扒配黑椒汁意粉🍝98肉眼扒七成熟 幾有肉味 意粉硬度適中 再加上橄欖油 所以意粉唔會黐住一舊舊

臨近聖誕班同事話想一齊慶祝聖誕節有人提議話食西餐好似應節d於是就決定黎大圍呢間義大利餐廳到食lunch餐廳裝修好有格調 環境舒適乾淨我地一行10個人安排左張大長檯比我地lunch set我就叫左雞扒配薯蓉 連埋湯同餐飲黎左個白湯 味道幾好味口感幾滑 但係我唔鍾意湯入面d菜食落去有d生 最後隔渣飲到雞扒薯蓉味道有d似豬扭蛋塊肉一切落去好juicy好好味雞皮同雞肉之間唔係好多黃肥膏所以我食埋皮d herbs配搭得好好 好香薯蓉都好好食 好滑creamy味 應該落左好多牛油配菜既豆都surprisingly 幾好味唔會太乾但又唔會搶左主角既味道最後以咖啡做結尾有埋拉花添加分加分下次會黎試下義大利菜

臨近聖誕, 梗係要食西餐先有氣氛, 間餐廳幾FULL, 好彩朋友一早已經BOOK定見好多WALK IN 既客人都冇位餐廳佈置得好有聖誕氣氛餐牌既選擇都幾多, 仲做緊PROMOTION, 10蚊一隻生蠔, 但朋友唔食生蠔既就冇試, 下次一定要試返龍蝦湯: main course 加$78 就可以有湯, 甜品, 餐飲 3 揀一, 龍蝦湯味道好濃郁海鮮燴飯: D海鮮好足料, 有帶子, 蝦, 青口, 蜆, 魷魚, 燴飯煮得好好, 岩岩熟, 有燴飯嗰隻硬食既口感, 加埋個汁好香肉眼扒: 食西餐一定要叫牛扒, 呢塊肉眼扒都煮得好出色, 牛肉味好重, 岩岩五成熟, 性價比超高雪糕蘋果批: 蘋果批入面好多蘋果粒, 外皮仲要係熱辣辣, 有甜品店水準

今日揾食揾到入大圍！由於想食西餐，見到呢間餐廳有人排隊應該不錯！立即跟隊排試試先☺️果然好旺場，餐廳全場爆滿！等我快快脆脆叫野食，試下係咪真係咁值得先？海鮮燴飯：好足料呢！有蝦、蜆、帶子、青口同魷魚，每粒飯粒都黏滿芝士，鹹度又剛剛好，食完一啲都唔膩，抵讚炭燒美國肉眼扒:攞盤非常漂亮，絕對唔係虛有其表，牛扒煎很非常好，五成熟，切開係粉紅色，而且睇得出塊扒非常新鮮，材料好就算簡單煮都好好味！當然呢塊扒都食得出廚師既功架！另外，配菜有黑松露薯條同蘆筍，兩款都好好味😋我哋升級左做套餐，有個湯同甜品！湯係鮮帶子龍蝦湯，帶子非常多粒，湯底濃郁，絕無偷工減料。甜品就揀咗奧地利蘋果卷加意大利雪糕，呢個激讚！蘋果卷非常香口，外皮鬆化，內裏粒粒蘋果非常足料，配合埋意大利雪糕係雲呢拿味，甜咸度恰到好處，我本身唔係咁鍾意食甜品，但因為呢個甜品，令我對甜品有新的定義。食後感，果然值得排隊黎食！

平時經過呢邊，都有留意開呢間餐廳。今晚終於的起心肝試下佢🇮🇹帶子同龍蝦都係我既favourite, 一見到menu有呢個湯，試問我又點會抗拒到呢🤤一上枱已經散發着濃濃嘅龍蝦味！十分推介！呢個意粉保持到一貫嘅水準，將溫泉蛋同意粉攪拌埋一齊，味道嘅層次又再多咗，因為自己怕膩，所以都係同朋友share呢一碟。寫到呢度先醒起，餐廳值得一讚嘅就係佢哋上菜速度係好快，落完order 10分鐘後再上菜啦，我哋今次叫咗係三成熟，肉質呈粉紅色，但係有鎖得着啲血水唔會流出黎，證明廚師功夫不錯！

其實早午晚一直都有去食開，最近發現餐廳夜晚飯市後有做酒吧去一試點知出面太黑睇吾到，一入到去枱枱都煙駁煙骰鐘劈場咁款姐姐仔招呼同你食埋一份調酒味道非常一般，佐酒小食選揀少之有少出黎過陣成身都係煙味，其實如果朝早同小朋友去食早餐一定會聞到；其實去都吾太好，由其是本身餐廳都做午市晚市都算得上係老少咸宜，本來大圍區內黎講佢環境都算係坐得舒服同埋一間都叫主打意大利餐廳搞到咁又點兒那過...最加上近年食物比起當年係河畔既水評差太多班，只好放棄😪

同朋友興祝生日，本來想有個愉快的晚上......誰知，服務態度差，免費加送無限黑口黑面，食到成肚氣，未試過食飯食到甘大壓力，甘焦慮。但想講間野唔平，四人食左好少野，未飽，都$900。（因為成肚氣，同為了聽駐場歌 唱歌，才叫甜品）。間野唔滿座，但不停做趕客行為，有客人疑似頂唔順佢地無禮，即走。簡略講有咩服務差的事蹟：一. 肉眼扒有兩款，一款五百幾一款二百幾，我們想知道五百幾那款大概幾大oz ，禮貌地問侍應，點知他語氣勁串：無寫咪即係標準。再問大小，才知12oz. 其實就是不確認才問。本來想生日食好少少斧頭扒（$900幾）或$500幾肉眼就唔食lu..二. 我們食完第一輪主菜，正要order第二輪，我手持menu 睇緊main course. 但侍應問到無問，即收晒我們的野，我跟他說，我們仲有野食想加，即黑面, 串話：係咪叫甜品。好，算，唔叫主菜，只叫甜品。三. 每次侍應快速地收我們的食物碟，即使裡面仍有牛扒、薯條、甜品。每每直接收拾唔會問你，亦唔講任何野。

今晚同好朋友嚟到大圍附近， 見到M3佢做緊十蚊一隻生蠔之夜， 我同朋友諗都唔諗即刻入咗去。我哋叫咗半打生蠔， 十蚊一隻生蠔係超級市場都買唔到真係十分抵食，生蠔都幾新鮮同埋清甜，真係呢一個生蠔係主角 ，同埋佢真係運費都蝕埋畀你呀。Salami Pizza: 呢個pizza我好鍾意，因為佢夠脆，同埋芝士味濃，同埋salami啲腸佢都放咗好多，同埋最緊要佢冇乜油， 對於唔鍾意食肥膩嘢嘅人呢個pizza真係叫得過。Risortto seafood: 呢一個risotto真係充滿驚喜，佢一嚟就係啲海鮮都算畀足我哋， 有魷魚啦、青口啦、同埋蝦大家可以睇我啲相，佢個risotto真係有誠意， 因為佢落嘅芝士都算足夠，所以令到成個飯都充滿著香濃嘅芝士味有黏黏同幸福嘅感覺呢。Overall雖然我哋唔係叫咗好多嘢，但係佢呢個生蠔真係抵到爛，所以呢大家如果鍾意食海鮮嘅朋友可以試下嚟大圍呢一間M3度試下。

剛好下午茶時間，經過M3見餐牌這時段好抵食。試了黑松露休菌芝士薄餅及白汁磨茹海鲜意大利飯，薄餅有驚喜皮好薄好脆，意大利飯味道可以。意大利咖啡好飲，但跟餐太细杯。了這間在沙田區好出名吃西餐，之前試過晚餐好味但無特別驚喜。

細仔出世,還在坐月期間11月全月都幾乎沒有出外食飯。臨近坐月尾聲,老公特意帶我到大圍港鐵站附近的餐廳放肆一下。在大圍A出口往右走,有一條美食街。平時都不會刻意走進,原來隠藏了很多小店。老公事前已選擇了M3 Italian ,想不到如此舊街進入店內又是另一番情調。店內亦有一個長Bar枱,入夜後亦搖身一變成酒吧。座枱之間位居亦非常寬闊,完全沒有壓感。店內所有主食均可+$78 配上是日餐湯+自選甜品選擇了大受好評的鮮帶子龍蝦湯。果然非常出色!!滿滿的龍蝦鮮味中淡淡地品嚐到帶子的鮮甜 推薦!!主菜1-西西里島肉醬意粉廚師豪不吝嗇,用上超大量的西西里島肉醬,保証每一口意粉都能掛上肉汁。肉醬肥瘦適中,意粉幼身爽口配上温泉蛋的蛋黃香~主菜2-炭燒美國肉眼扒攞碟配色上絕對是100分,但味道方面則較為失望肉眼扒取於較邊位置,比較多筋。而沒有筋部的位置則乾身無味。唯一一讚的是兩邊燒得炭香十足,但以扒房來說整體要再作檢討。甜品-奥地利蘋果卷配意大利雪糕熱哄哄的酥皮內滿載粒粒的蘋果肉,加上意大利雪糕一同進食甜甜酸酸晚餐畫上句號。

今日去咗大圍入咗一間有酒飲的西餐廳，環境不錯，樓底很高，有種好chill的感覺。好多客人都會專登入去飲番杯🥂🍻🧡香草焗寶雲酥紐西蘭羊扒 $258大家都知道我很喜歡吃羊扒，今次呢一款羊扒非常特別，外邊有層酥脆的蒜粒。選了五成熟，肉質軟冧，香味濃郁，仲有兩層口感，推介👍🏻👍🏻👍🏻🧡鮮帶子龍蝦湯主餐只需要加$68就可升級做套餐，可以三選二（餐湯、飲品或甜品）見到有龍蝦湯，覺得很特別。一入口就有濃郁的龍蝦味，十分creamy，最驚喜係有約10粒帶子粒，提升口感。🧡奧地利蘋果卷配意大利雪糕外層的酥皮焗得非常香脆，加上糖粉，賣相吸引。一切開，裏面蘋果粒多到湧出黎。入口熱辣辣，味道酸酸甜甜。我建議加上冰凍的雲呢拿雪糕一齊入口，有種冰火的口感。

今晚同男朋友夜晚放工，一路都住大圍，好耐冇去過。本來諗住去隔離街食餃子，但諗住兩個人返工咁辛苦，坐得舒舒服服食餐飯去M3啦。入到去大約九點，我叫咗個海鮮意大利飯，男朋友見到有鵝肝意大利飯於是佢又跟我一齊叫意大利飯。就係咁就出咗事。。。我加咗$78轉套餐，有湯有甜品。湯係黑松露野菌湯，幾好唔錯，但係係呢餐唯一冇出事嘅一道菜。 🤦🏻‍♀️男朋友叫嘅鵝肝意大利飯賣相好麻麻，男朋友本來想影相，拎起手機都放返低。大家試吓就發覺唔對路，好硬好硬。試問自己會煮西餐，亦都出街食過好多次飯，唔係唔知意大利飯熟同生係點。飯就一定係煮得好唔熟，鵝肝就中規中矩，但除咗香之外係冇味的。🤷🏻‍♀️同侍應講，侍應竟然話”我哋嘅意大利飯係硬啲”，咁都得？之後請咗侍應攞返返去再煮一煮。10幾分鐘之後攞返出嚟，好咗一成左右啦，都係無味的，食到牙較軟。我男朋友食個飯，煮第二次出嚟之後都食完咁滯我嗰份都未到。一路問個侍應，個侍應都話整緊。事後買單睇返，頂根本就係落漏單。依家係想兩個人一齊食飯，俾你搞到一人食完，第二個都未有得食，等到我胃痛。我個飯不得了啦。。蝦好似白灼無味，然後有一隻好似蜆嘅嘢，食落係臭臭地。一隻帶子，冇味道質感

去到大圍，在積康街蹓躂，睇吓有乜嘢選擇， 便見到M3。以前食過沙田圍的M3，好味道兼價錢不貴，便直入試試。這間店明顯地裝修更靚和有格調，入口長長的酒櫃，似是fine dining 的地方。餐牌選擇算多，一系列的午餐，主菜有意粉丶飯丶扒或漢堡包，套餐包餐湯或沙律及一杯飲品。今日餐湯是南瓜湯，賣相不算吸引。它用金屬碗裝，加上南瓜湯顏色較沉，故望落去較悶。幸而味道ok，有香濃的南瓜味，質感略嫌稀了少少，可接受。👍🏻沙律菜雖然用同一碗裝，因有不同顏色的蔬菜，望落去靚很多。沙律菜很新鮮，汁仍調得酸酸甜甜，啱啱好，加埋一片橙，成個沙律菜很鮮味，兼健康開胃。😋😋😋其中一個主菜我們選了卡邦尼意大利粉配日本溫泉疍。這個意粉在沙田圍食過，很好味，特別想試試同比較一下。結果兩間都做得出色！Carbonara 醬汁很香，稠度剛好，意粉亦彈牙。它除咗溫泉蛋外，本身混有很多肉碎丶洋蔥粒及煙肉碎，香滑可口。👍🏻👍🏻👍🏻另一個主菜竹炭漢堡包配薯條，一上枱已立即打咭，賣相靚。先試薯條，新鮮炸起，外脆內軟，好味。跟著到主菜，竹炭包質感比較特別，咬落較脆和散，沒有一般包的軟熟。到食到中間漢堡牛肉，意外地發現這個牛肉很靱，亦

平日午餐，都係為求快趣就手。今日約左個客去大圍點知比人放左飛機。人生路不熟，亂咁行比我見到有間餐廳裝修唔錯，見佢set lunch又唔係好貴，就行入去試下。叫左個雞扒意粉，加多兩隻墨西哥雞翼。個意粉有炒過都應該係基本野黎架喇，佢就好在唔太油膩。至於雞扒都算係大份咁樣。墨西哥雞翼，真係整得幾好食，不過辣左少少，有少辣叫就好喇⋯⋯唔知仲有無機會lunch黎大圍呢，有嘅都可以encore下，午餐黎計算係幾好⋯⋯

今日又來大圍搵嘢吃，上網見到有唔少好評，辛苦工作了一日，決定對自己好d，吃餐意大利🇮🇹菜!6點幾已經坐1/3的客人，環境唔錯，樓底好高，唔似九龍或港島區的西餐廳咁壓迫，坐得好舒服，有部分客人都特登來飲酒。超抵吃法國生蠔($10一隻)，只要滿$200就可以最多叫12隻，唔吃點對得住自己呀！😍😍而且品質唔錯，好新鮮，淡淡海水味，like!👍👍黑鬆露野菌意大利飯配香煎法國鵝肝($168)上檯已經聞到濃濃的黑鬆露味，飯夠濕潤，飯粒有咬口，味道好正中，好少吃到咁大件厚切鵝肝，吃完一啖成個口腔都充滿油香，超滿足。😋😋😋加$68可以升級套餐，可以配湯或飲品及甜品。黑鬆露蘑菇湯味道非常濃郁，甜品都好出色。👍又可以多一個聚腳點，果然係唔錯嘅地方，食物質素高，坐得舒服，正！