M3 Italian (已結業)

同朋友近近哋大圍附近搵食M3午餐定晚餐都食過好多次環境唔錯之餘，啲嘢食都好好食（如果呢食晚餐有機會會聽到有人駐台唱歌添）餐廳環境好在夠大，唔會坐到好逼手貼手咁，而且餐廳設計睇得出落左唔少心機的講返嘢食，今次同朋友呢食lunch嗌左兩個set，份量好夠一個係安格斯牛肉漢堡啲肉汁鎖晒係塊漢堡度，味道啱啱好唔會太濃，又唔會蓋過牛肉嘅味，中間仲夾左菠蘿，食落冇咁漏薯條仲好好食添而另一個係穀飼肉眼扒配意粉熟得啱啱好，唔會好韌

距離農曆年🧧只剩半個月了，可以想像嚟緊數週，我哋將被中菜包圍🙆🏻‍♀，年糕、蘿蔔糕、芋頭糕等等.....！ 所以趁過年前🗓，食返餐意大利🇮🇹菜chill 下先！ 我常去大圍搵食尋寶，看見M3招牌大大幾招積👨🏻‍🍳， 決定一探究竟！ 呢度係酒吧餐廳🍻,入到去有個巨型吧枱，drinks 🍹選擇勁多 ，而且 M3逢星期三、五、六係 Music night🎷....入嚟聽聽歌，小酌幾杯🥃,都幾有feel!Appetiser ~ 聖馬天尼生蠔🦪，口感甜滑，但比較簿身！🈹Promotion係$10/隻，當然係物超所值啦！主菜係意大利四式薄餅🍕做法傳統正宗…皮底好香粉味，加上香濃🧀芝士，軟、薄、脆同時發生！意式凍肉拼盤🥙，紅紅綠綠擺盤靚靚，用料高質，有Parma ham🥓, 沙樂美腸，煙三文魚🐟配搭消化餅吃， 效果有冲激幾有趣☄！

好耐無食M3 Italian ， 今晚經過見仲有位, 就入去食鍾意食沙律既必點M3 salad 用得餐廳名來命名既M3 salad 🥗, 當然質素有保証，絕對keep 到水準, 三文魚同parma ham 好用心咁捲得好靚放左木盤四角，旁邊既三種醬用唔同色既杯，顏色好繽紛，好sharp, 令人立時非常開胃, 除左煙三文魚同ham , 仲有兩塊薄薄既雞肉,所以呢個沙律二人食其實岩岩好 三隻醬分別係黑醋、蛋黃醬、白葡萄醋 食完個salad 真心滿足，好快就到個三色pizza個pizza皮勁薄, 勁脆, 望落去雖然簡單, 有四大片番茄, 但鍾意食芝士既必定大滿足, 每一口芝士都好正, 應該係水牛芝士, 唔會勁濃味, 又有拉絲 簡單講, 一個字, 正﹗

今次黎到大圍食晚餐，呢間餐廳燈光暗暗地😏，幾有浪漫西餐的感覺，好適合男女朋友或者三五知己相約聚餐，係一個令人放鬆傾計既空間龍蝦湯味道不錯，湯的口感更稀點應該會更加高分生蠔非常鮮甜滿200塊就可以10/一隻的價錢食到，又平又好食，同埋重點係無腥味，如果同多d朋友黎食，叫多幾隻仲抵呀芝麻雞翼好多餐廳都有，但不是間間餐廳都煮得好味，而呢間既雞翼即炸，又脆又香，如果有d醬沾一下，應該會更加出色最後係主菜，香煎鵝肝黑松露意大利飯，鵝肝好味仲要大大舊，配埋飯都真係好正不過食到最後就有少少油膩，但賣相同味道都相當高分，不愧為咁多朋友推薦既餐廳

老闆話請食 lunch，問我有無好介紹，諗爆頭都諗唔到 office 附近有邊間又襯得起老闆嘅闊綽，又好食嘅餐廳。最黎大家都同意坐一個站火車去呢間 M3 Italian。呢度嘅 set lunch 都真係做得唔錯，有七八十蚊嘅平價選擇，亦有百幾蚊較貴價之選（算啦，唔通食左老闆隻車咩）。今日揀左個雞扒意粉，加左個炸 mozzarella cheese 小食只需要加 $18。雞扒炸得好香脆，同時芝士條唔太漏，幾適合大眾嘅口味。多謝老闆！

謝天謝地，本來呢日的午餐約咗朋友嘅，但之後又話來唔到最後終於都來到啦。好多時做嘢好難就到大家時間，但始終可以如願大家一齊聚，非常之感恩。平時去西式餐廳都會叫意大利飯，咁今日來到大圍呢間意大利餐廳更加冇可能唔叫個Risotto，呢個係香草忌廉海鮮意大利飯，一定要吃熟透米飯嘅人就未必會鍾意，但我就係锺意呢種似是疑非的半生熟意大利飯，日頭吃有好處，可以清楚睇到外表看來非常濕潤和光滑的米飯，視覺，味覺同時得到享受。夜晚吃有時燈光昏暗就只有味覺的感受。而另一個香辣蕃茄雞絲意大利粉唔同嘅係平時吃就雞扒多啲而非雞絲，但都ok不過不失。跟餐的咖啡通常期望不大，但今日呢杯都非常好飲，仲有小小拉花效果。

真係好鍾意嚟大圍嘅M3食飯，每一次都好有驚喜！今次，同兩個朋友一齊嚟，朋友都好驚訝話竟然可以$10蚊一隻蠔！佢哋都好質疑會唔會好細隻同唔好味，結果上咗第一round，佢哋都話嘩! 好新鮮，好好味啊！ $10一隻真係抵到爛！最後呢我哋就叫多咗兩round。另外我都有推介佢哋食白汁青口，之前都試過白汁青口， 水準都係保持住咁好！香濃嘅白汁伴鮮甜嘅青口肉，食完記住留返低啲白汁！因為仲可以配返意大利飯，如果M3可以叫白飯就好啦，我覺得啲白汁可以就咁撈白飯食，食幾碗飯都得啊！今次試咗青口外都有食到花甲，花格嘅質素都非常之好，配上九層塔，有少少酒味，清甜嘅湯底就令花甲鮮味更出，本人非常鍾意。另外叫咗芝士pizza，用料非常充足，有唔同嘅芝士，鹹香，奶香，口感，都做得好平均， Pizza嘅批底好趣口。我覺得係香港來講，呢度嘅Pizza算數一數二我食過最鍾意！真係非常之出色，呢個薄脆底真係一試難忘㗎 ！甜品叫咗心太軟，朱古力味都好濃郁配上雲呢拿雪糕，真係絕配呀！呢度食飯，可以叫主食加錢升級做套餐，套餐佢會跟一個餐湯同甜品，我覺得真係十分之抵食，餐湯我叫咗鮮帶子龍蝦湯，呢個龍蝦湯真係不得了！香濃無比！真

大圍積福街小店眾多， 但要同朋友摸酒杯底，去間有體面嘅餐廳， 我會揀m3 Italian。 皆因餐廳以西餐酒吧定位， 無論環境同食物都非常一流。 餐廳樓底高， 第一印像已經讓人覺得好舒服。 再加上 酒吧必備的飛鏢機， 與及 輕快的音樂， 與及不同的酒樽配飾， 已經營造出一個讓人愉快的用餐環境。 再者這餐廳食物選擇多， 湯品、小食、沙律、薄餅到 意大利粉、意大利麵， 飲品以及酒類 都選擇眾多， 無論係乜嘢人入到嚟都總會有適合的食物。 法國聖馬天尼生蠔 最讓人驚喜嘅係餐廳最近做緊promotion，食滿200元就可以以10蚊一隻叫法國聖馬天尼生蠔 ， 我總共叫咗三隻淺嘗淺嚐， 雖然只係賣十蚊但係準備功夫都做到足即叫即開而且又有碎冰墊底 。聖馬天尼生蠔 海水味淡，裙邊爽脆，食落口感幼滑鮮美。 烤墨西哥芝麻雞翼68 一客有四隻雞翼， 雞翼即叫即炸，金黃金香， 皮脆肉juicy，一食就知交足貨。 意大利黑松露野菌雲吞配黑松露野菌汁168 雲吞皮食落點煙韌 ， 內餡以野菌製作 ， 配埋黑松露醬， 野菌嘅氣味非常突出, 散發陣陣幽香,  ，用料一啲都唔手軟，食落口仲有餘韻。

今日黎左大圍探親戚，等佢收工之前過左黎大圍搵D野食少少野先經過佢地見好西式所以睇下佢地MENU係窗外面睇到入面樓底都好高 入面睇起上黎好寬敞燈飾都好用心點知睇個MENU見到有牛肉實在太吸引。忍唔住叫埋杯紅酒襯下牛發現佢地呢到都幾多唔同既WINE可以揀新世界舊世界都有🍷Cabernet Sauvignon 2018,Chile $58呢款相對黎講比較輕盈,店家都好用心🍇比個肥肥杯，酒比較容易搖紅酒顏色偏深紅色,充滿黑加倫子果香帶有一點士多啤梨🍓🥩🍴烤美國特選穀飼肉眼配黑椒汁$105🥗田園沙律(跟午市套餐)沙律一點也不馬虎 有橙啦 蕃茄 菜🥗仲有好好奇呢樣野！白色細細粒第一次係沙律見到呢個食材食落係喬頭味😳問一問先知原來叫做鬼佬洋蔥(姐係我地叫喬頭)但其實都唔係真係喬頭黎係一層一層洋蔥BB吧但真係好得意😂想像一下喬頭味原來係好MATCH沙律☕️Latte (午市轉飲） +$2️⃣0️⃣不過不失，普通一杯Latte✔️因為諗左飲咩諗左好耐所以決定兩樣都叫曬另外想讚下呢邊員工好nice好好服務呀music主要播POP MUSIC,都幾適合飲野食飯

《鶴立「村」群的意大利餐廳》大圍一向多美食，積富/積存街一帶都有不同餐廳，主要以中式食品為主，而M3 Italian卻以她紅紅綠綠的耀眼招牌引人注意，相信她是大圍中比較少見的意大利餐廳吧。將近6時打算walk in入座，原來她到6時才有晚餐供應，但見我帶着老人前往，時間亦差不多，還是先讓我們入坐，十分貼心。坐下來先觀望一下環境，由於早入座尚未有很多客人，環境整潔企理，為嘈吵街頭當中一個小小的寧靜地方，舒適悠然。下單點了最傳統的卡邦尼及一份黑松露意大利雲吞，其中一份加配了餐湯及飲品，可以選擇黑松露忌廉湯或帶子龍蝦湯，由於已有黑松露主菜，所以選擇了龍蝦湯。本來有掙扎過另外加錢是否值得，不過當我一嚐龍蝦湯就覺得值了，賣相精美不在話下，一入口就感覺到濃郁無比的龍蝦味，味道是實在的，而不是那些調配出來的香精龍蝦味，加入了適量忌廉的關係，湯入口滑而不膩，而且真的有很多小帶子，用料相當大方！主菜方面亦做得不錯，卡邦尼意粉配有温泉蛋，為本來芝士奶味香濃的醬汁增添蛋香，同時，每條面條都沾上蛋汁，口感特別豐腴，頗有正宗卡邦尼的風味，意粉中的煙肉亦為味道增添了層次，化解醬汁的飽滯感；黑松露意大利雲吞在坊間普

今晚去大圍食飯，想搵間坐得ok又好味嘅黃店，最後搵左呢間先叫左個二人餐，再加一個意粉，一個pizzapizza係cheese pizza,幾好味，係薄脆果款pizza黎，一個有6件意粉叫左卡邦尼溫泉蛋意粉我覺得好夠粉，意粉又煮得啱啱好另外個二人餐，包兩個小食，揀左花甲軍沙律花甲我冇食，但其他人話冇乜味，比d火腿絲搶晒d味沙律唔錯，如果真係兩個人食嘅話，呢兩個小食好滿足(不過我地係5人share,每人試少少)main我地揀左意大利飯同埋牛扒牛扒有薯條放底，雖然大件，但比較薄幾好味，薯條都好香好夠薯味佢另外仲有兩款湯，一個係海鮮蝦湯，一個係松露湯，兩款湯我都冇試，但睇落好杰好足料(湯唔記得影相)另外每滿$200可以加$10一隻蠔，本身以為每人一隻，點知可以每人一打，我地咁叫，妹似話可以叫3-4打，不過最後只叫左兩隻，但似乎蠔就只係一般，不過$10隻都唔可以期待太高啦最後嘅甜品拼盤都比想像嘅多，有窩夫+雪糕，細細杯燉蛋，細細件朱古力蛋糕不過甜品等得有d耐

2019年1月6日 星期一今晚係大圍book左一間餐廳，打算同女朋友，仲有佢既屋企人一齊食飯。之前曾經同女朋友食過呢間餐廳，感覺唔錯，而且氣氛好好，所以今次再黎食，叫多啲唔同既菜式。落左單等左無幾耐就有野食送到，先黎既係傳統西西里島肉醬意大利粉配溫泉蛋，醬汁酸酸甜甜幾開胃，而溫泉蛋撈埋意粉一齊食又幾配合之後有卡布里島海鮮燴飯，有各款唔同種類既海鮮，仲有一塊食得既脆餅添。海鮮煮得岩岩好，唔會太硬，而其中最出色既係帶子，大粒得黎食落去又唔會太靭跟住有帕爾馬火腿薄餅，薄餅焗得好脆口，以為配帕爾馬火腿會覺得好鹹，點知原來火腿下面有塊芒果，所以整體上中和返，而芝士又唔會太濃味最後有炭燒美國肉眼扒，肉眼扒大約三成熟，不過切落去唔會有血水，食落去好重牛肉味，愈咬愈濃烈添食完感覺真係好滿足，環境食物都唔錯

大圍西餐廳唔算多，之前食過一次，今日難得屋企人想食下西餐，於是就諗起呢間餐廳。餐廳都坐得舒服，咁岩仲安排到窗邊位置我地四個人，食量唔算大，叫左一個pizza, 一個飯，一個意粉，一個扒，覺得岩岩好。帕爾馬火腿薄餅襯托parma ham嘅唔係哈密瓜或者密瓜，今次呢個pizza係用蜜桃嚟襯托parma ham，成個感覺好fresh,好清甜，pizza仲帶有少少黑松露嘅味道，加上芝士唔會太漏，薄底pizza亦唔會濟。傳統西西里島肉醬意粉配溫泉蛋意粉感覺唔太多，但食落又ok,個人鍾意將蛋掍勻意粉一齊食，蛋汁掛係意粉上令意粉更creamy，而且唔會得肉醬咁單調。炭燒美國肉眼扒，五成熟切開肉眼，顏色非常粉嫩！好靚，有少少肉汁流岀，食落好有肉味，而且好腍好juicy，好食！卡布里海鮮燴飯賣相相當吸引，海鮮都多，意大利飯唔會太硬，整體都幾好食整體都唔錯，家人最推薦係肉眼扒同pizza！

呢間M3真係令人好驚喜！一坐低，見到佢有做法國聖馬天尼生蠔特價， $168有六隻，已經覺得好抵，點知發現星期一至四晚市嚟食，啲款蠔只係需要$10蚊一隻，嘩！真係必叫啦！店員話基本上食主菜食滿$200就可以叫六隻，我哋一台三個大人，先叫咗六隻，最後追加多兩round!因為生蠔真係十分新鮮！肉質鮮甜！爽口又有點Creamy ！質素非常高! 煮食方面，叫咗薯皮，叫歺，跟龍蝦湯，再叫咗青口，蜆，三重芝士薄餅同埋西班牙海鮮飯，跟餐叫咗一個心太軟。首先講一講龍蝦湯， 十分鮮甜，濃郁嘅龍蝦味，肯定用粒十足，真係非常回味，飲完個龍蝦湯，已經覺得10分滿足了。再上藍青口，味道都係10分好！香濃嘅白汁絆住鮮甜嘅青口肉。真係10分美味，啲白汁好味到可以送幾碗飯啊！另外講一講三重芝士薄餅，同樣用料十足！啲芝士有三款唔同嘅味道，香濃滑口，鹹香奶味都有，而且十分有口感，配上薄薄非常脆口嘅批底，呢個Pizza真係10分出色！飯同埋蜆都係中常之作，最後心太軟偏向甜但係都好好味。真係估唔到大圍M3食物水準可以一直保持咁高咁好味呀！

今晚好好彩，有朋友請食飯， 佢邀請我去大圍呢一間M3，其實呢間m3我之前都試過某啲菜色，我覺得唔錯所以叫佢請我去呢一間m3度再試下。 田園沙律： 佢呢一個田園沙律我覺得都唔錯因為啲蔬菜普遍都幾新鮮 作為餐前消息我覺得唔錯。鮮帶子龍蝦湯： 呢個鮮龍蝦湯我覺得好有龍蝦味，同埋飲落就知佢嘅湯唔係用罐頭湯，應該真係自己整嘅，同埋都用料都ok，起碼都食到有帶子所以呢個湯我覺得一定要試。意大利辣肉腸薄餅 裏面有洋蔥、車厘茄、辣肉腸、菠蘿、燈籠椒同橄欖。同埋佢個薄餅都算OK，芝士嘅密度都幾濃沃。 最重要就係佢個pizza個底部唔係太肥唔係太oily 。 所以自己覺得呢一個pizza quite helathy。最後都係嗰句，行過嘅朋友可以一試。